Stormur!

Í tilefni hans hef ég bundið niður grillið á svölunum.

Farið með plasthúsgögnin af sömu svölum niður í kjallara.

Lokað nánast öllum gluggum.

Kveikt á kertum (ekki út af mögulegu rafmagnsleysi, ónei) til að hafa það huggó.

Kaupa upp matarlagerinn í Kringlunni (er að deyja úr neyslusýki).

Endurnýja sjúkrakassa heimilisins.

Og nú bíð ég spennt.

Hvað gerist?

Ha.. var einhver að segja að ég væri drami?

Ég hélt ekki.

Stormviðvörun á sunnanverðu landinu í dag

Athugasemdir

[Sunna Dóra Möller, 22.9.2007 kl. 17:38]

Elska storm.....þegar ég er inni og hann úti.....

[Heimir Lárusson Fjeldsted, 22.9.2007 kl. 17:59]

Stormurinn elskar skipulagðar konur!

[Þröstur Unnar, 22.9.2007 kl. 18:03]

Það má ekki anda af vestri þá er allt vitlaust, plasthúsgögn færast úr stað, hárgreiðslan ruglast, sandkorn villist í auga, flóinn gárast, og ég veit ekki hvað.

Æsiveðurfréttamennska........

[Ásthildur Cesil Þórðardóttir, 22.9.2007 kl. 18:16]

Vonandi verður þessi stormur bara í vatnsglasi.  Þess vegna held ég að ég fái mér bara rauðvínsglas.  Ég er annars boðin í mat í kvöld.  Vona að ég fái babúsas, elska þann rétt. 

[Jhonny La. (IP-tala skráð) 22.9.2007 kl. 18:54]

Sæl bekkjarsystir. Á meðan þú gengur frá garðhúsgögnunum undirbý ég veiðiferð í gæs í lárétt skítaveður í morgunsárið. Jú það veiðist best þegar þær hamra gegn veðrinu í lágflugi.

[Hrönn Sigurðardóttir, 22.9.2007 kl. 19:48]

Hér hreyfir varla vind. Það er alltaf verið að lofa manni einhverju! En ég er samt búin að kveikja á kertum.

Nennti hins vegar ekki í Kringluna. Ég kem bara til þín ef ég verð svöng.

[Ásdís Sigurðardóttir, 22.9.2007 kl. 20:48]

STORMUR ?? hér er logn. Ég hélt að þú værir svona veðurstelpa, elskaðir rok, rigningu og ófærð helst snjókomu líka og skafla upp á 3 metra, þá er sko gaman.

[Kristín Katla Árnadóttir, 22.9.2007 kl. 21:04]

Já leiðinda veður um að gera að taka inn húsgögnin.......... Nei Jenný mín þú ert ekki drama.

[Jens Guð, 22.9.2007 kl. 21:30]

  Það getur verið ástæða til að negla fyrir glugga.  Ef ekkert timbur er fyrir hendi - og búðir lokaðar -  þá er gott ráð að líma límband innan á rúðurnar horn í horn þannig að það myndi stórt X.  Það styrkir rúðurnar í að standast gjóluna. 

[Björg K. Sigurðardóttir, 22.9.2007 kl. 21:35]

Stormur hvað???

hjá mér er alltaf logn - fer bara mishratt yfir

[Guðríður Haraldsdóttir, 22.9.2007 kl. 21:39]

Hér bærist varla hár á höfði ... hef reyndar ekki prófað að fara út á svalir. Tek undir með Þresti, æsiveðurfréttamennska í öllu sínu veldi.

[Halldór Sigurðsson, 22.9.2007 kl. 21:48]

Og ekki gleyma rafhlöðum í vasaljósið ( ekki út af rafmagnsleysi )

[Huld S. Ringsted, 22.9.2007 kl. 22:09]

Það er svo notalegt að liggja undir teppi, með fullt af kertum í kringum sig og hlusta á rokið úti...........................

[krossgata, 22.9.2007 kl. 22:16]

Það er ekkert að gerast í þessum stormmálum.    Bara hið ágætasta veður.  Mér sem finnst svo gaman að dútla við sunnudagskrossgátuna með vindinn emjandi á glugganum.

[Þröstur Unnar, 22.9.2007 kl. 22:20]

En Huld, kertin taka svo mikið súrefni að maður lendir í andnauð eftir smá stund, svo er ekki hægt að opna glugga því þá slokknar á þeim ef það er almennilegt rok.

[Huld S. Ringsted, 22.9.2007 kl. 22:44]

Anda bara hægara Þröstur minn þá reddast þetta með súrefnisþurrðina Og hver í an........ opnar glugga í hífandi roki?

[Þröstur Unnar, 22.9.2007 kl. 22:54]

Heldurru að hún fari ekki að koma með aðra færslu, þessi veðurfærsla er að verða soldið útþynnt, ekkert veður. Ekki er hún ennþá að skottatst með litlu krússluna sína?

[Jenný Anna Baldursdóttir, 22.9.2007 kl. 22:59]

Þið eruð dásamleg.  Hey, Jenny Una sofnaði 20,30 en ég fór að horfa á sænska bíómynd með frábærum leikkonum.  Það er varla að það bærist hár á höfði.  Veðurstofan hefur svikið mig.  ARG.

[Huld S. Ringsted, 22.9.2007 kl. 23:00]

Ekkert að marka þessa veðurfræðinga.