Jenný á laugardegi.

Hún Jenný Una Eriksdóttir er á leiðinni til okkar, í þessum skrifuðu orðum.  Amman er komin með alvarlega krúttfráhvörf, en það er nokkrir dagar síðan prinsessan hefur sést og það er erfitt viðureignar fyrir viðkomandi fjölskyldu.  Nú ætlar hún að vera alveg til morguns, líta til með sínum "eigins" Bördí og vera skemmtileg eins og henni einni er lagið.

Ég talaði við hana í síma í gær.

Jenný: Amma ertu pírípú?

Amman: Ha????

Jenný: É ekki pírú (smá fótaskortur), ég fara sundið mín með pabbamín. Góða nótt. (WHAT?)

Jenný er hamingjusamlega ómeðvituð um að Sundhöll Reykjavíkur var ekki byggð fyrir hana eina, en hún stendur í þeirri bjargföstu trú að aðrir sundlaugargestir séu þar í hennar boði.  Hún er grand á því stelpan og vill alveg leyfa öðrum að njóta með sér fasteignarinnar við Barónsstíg.

En eins og hún segir; Jenný alltaf góð, alltaf glöð og alltaf að skiptast á.

Barnið er verðandi VG ég get svo svarið það.

Njótið dagsins og ekki vera pírípú, það eru bara 95 dagar til jóla.

Úje

Athugasemdir

[Ingi Geir Hreinsson, 22.9.2007 kl. 11:08]

Ég er í návígi núna við lítinn frænda og á mjög erfitt með að bráðna ekki eins og sssssmjééééér.

Kaldhæðna óyndið þarf samt að standa fyrir sínu.

[Kristín Katla Árnadóttir, 22.9.2007 kl. 11:12]

Hún er elskulegt barn og svo falleg og skemmtileg.

[Laufey Ólafsdóttir, 22.9.2007 kl. 11:25]

Heimurinn snýst sko í kringum mann á þessum aldri! Er samt fegin að eignarnám Sundhallarinnar var framið af svona miklum sósíalista
Verður þá frítt í sund framvegis?

[Edda Agnarsdóttir, 22.9.2007 kl. 11:35]

Það er alveg fyrirtak ef barnið verður Vinstri Grænt - en það er nú alls ekki víst að flokkurinn sem slíkur verði til þegar krúttabarnið Jenný Una kemur til vits og ára!

Svo er nú annað mál með þankaganginn um að eiga Sundhöllina, ef að lítið fólk fær að halda áfram með svona hugsun og markmiðsetningar, þá er aldrei að vita nema hún verði forrík á okkar mælikvarða og geti hjálpað öðrum! 

[Guðríður Haraldsdóttir, 22.9.2007 kl. 11:43]

Dásemdarbarn, mikið verður helgin skemmtileg hjá ykkur.

[Birna Dis Vilbertsdóttir (IP-tala skráð) 22.9.2007 kl. 11:58]

Ég sem hélt líka að sundhöllin væri mín einkalaug þegar ég var ungi. Yndislegt barn hún Jenný Una

[Bjarndís Helena Mitchell, 22.9.2007 kl. 12:24]

Krúttkast!!! Þvílík rúsína! En hvað er "pírípú"??

[Sóley (IP-tala skráð) 22.9.2007 kl. 12:37]

Dúlla.... sú er farin að tala mikið! Bið að heilsa Londres gengin. Knús S. 

[Jenný Anna Baldursdóttir, 22.9.2007 kl. 13:51]

Takk öll.

Bjarndís: Pírúpú er að vera priraður.

Sóley: Flottar myndirnar af ykkur Mays í London.  Skila kveðju.

[Anna Ólafsdóttir (anno) (IP-tala skráð) 22.9.2007 kl. 15:52]

Hef ég sagt það áður? Þetta barn er himneskt