Brjóstastækkunin fyrirhugaða, hér með, tekin af dagskrá!

Rækallinn sjálfur.  Mogginn mun hafa ýmislegt á samviskunni þegar upp er staðið.  Nú mun heimurinn verða fyrir miklum vonbrigðum.  Ég er hætt við að fara í brjóstastækkun.  Nú mun ég garga af skelfingu ef lýtalæknir svo mikið sem gjóar augunum að mér, í Hagkaupum, hvað þá ef einn slíkur tæki upp á að bjóða mér góðan daginn.

Ég þori ekki fyrir mitt litla líf að láta eiga við brjóstin á mér, vegna viðtengdrar fréttar.  En kona sem stungin var af býflugu í brjóstið, horfði á það verða vindlaust á innan við tveimur sólarhringum.  Reyndar var hún á ferð þegar flugan stakk en saltvatnsfyllingin í brjóstunum á að þola allt að 200 kg. þrýsting.

Þar sem ég á það til að vera flækjufótur og lenda í allskonar uppákomum, ætla ég ekki að vera með uppblásin brjóst sem springa, næst þegar það dettur á mig gámur, ég hjóla á vegg eða ef býfluga stingur mig þegar ég er að renna mér á sleða().

Fyrirgefið gott fólk, það mun áfram vera mögulegt að nota barminn á mér sem straubretti - um alla framtíð.

Ég heldi það nú.

 

Býfluga gerði gat á fyllingu í brjósti

Athugasemdir

[krossgata, 13.9.2007 kl. 00:20]

Hvenær ætli það verði farið að nota til brjóstastækkana "brjóstagjafir" t.d. þeirra sem fara í brjóstaminnkun?  Það verður þá líklega rokna bissness í brjóstagjafabönkum. 

[Laufey Ólafsdóttir, 13.9.2007 kl. 00:29]

Haha Krossgata! "Breast donation"

Það er nú eitthvað gruggugt við þessa frétt. Kannski einhver fiskisaga

[Guðrún B. (IP-tala skráð) 13.9.2007 kl. 00:33]

Ég þyrfti nú að minnka við mig, kanski ætti maður að fara að kíkja á býflugur.. ætli það virki líka á ekta

[Ísdrottningin, 13.9.2007 kl. 00:58]

Krossgata, seg mér hvar get ég lagt inn?   Ég get alveg séð af eins og kílói af hvoru ef einhver vill.

[Bergþóra Jónsdóttir, 13.9.2007 kl. 07:35]

ef lífrænt ræktað á einhvers staðar vel við, þá er það auðvitað hér...

[Jóna Á. Gísladóttir, 13.9.2007 kl. 09:41]

Muuuhaaaaa

[Ásthildur Cesil Þórðardóttir, 13.9.2007 kl. 10:18]

Þetta hefur ekki verið nein venjuleg bífluga, svei mér þá. Að stinga í gegnum húðina og það sem fyrir innan er. 

[Hildigunnur Rúnarsdóttir, 13.9.2007 kl. 11:27]

mu, það er búið að henda mínum afgöngum :(