ÉG MYNDI ENDA Í FANGELSI EF...

..hægt væri að kæra mig fyrir hin ýmsu matreiðslumistök í gegnum tíðina.  Ef stelpan á McDonalds fær ár fyrir að selja brimsaltan hamborgara, jah þá stæði ég frammi fyrir lööööngum dómi.  Ég hef saltað, piprað, sykrað, dropað, mjólkað og rjómað of mikið.  Ég hef ofsoðið, vansoðið, ofbleytt, vanbleytt, harðsteikt og linsteikt og ég veit ekki hvað og hvað í gegnum þjálfunartíma minn í eldhúsi lífsins.

Ég þakka þér góði Guð að ég skuli ekki hafa eldað ofan í geðvondan löggumann (Í Selfossumdæmi, einkum og sér í lagi). 

Því þá væri ég í vondum málum.

En núna er ég fullkominn kokkur því æfingin skapar meistarann.

Jamie, snæddu hjarta!

Úje

Í fangelsi fyrir of saltan hamborgara

Athugasemdir

[Jóna Á. Gísladóttir, 10.9.2007 kl. 23:16]

hahaha snilldarfærsla. Ég er hrædd um að ég fengi lífstíðardóm án möguleika á náðum. er bara heppin að dauðarefsingar eru ekki við lýði hér. Djöfulsins vitleysa er þetta annars. haha

[Rannveig Lena Gísladóttir, 10.9.2007 kl. 23:18]

Jebb,ætli ég fengi ekki langan dóm líka.  Er nefnilega bara hreint ekki góður kokkur og er td nýbúin að læra að gera ætar fiskibollur... konan komin á þrítugsaldurinn...

En þetta er gott dæmi um það hvað ameríkanar eru klikk

[Marta B Helgadóttir, 10.9.2007 kl. 23:24]

Snilldarfærsla Jenný

[Brynjar Jóhannsson, 11.9.2007 kl. 00:09]

BRANDARÍKIN piff piff og aftur piff..

[Sædís Ósk Harðardóttir, 11.9.2007 kl. 00:09]

heheh góð. Ég fengi lífstíðar fangelsi líklegast, líka fyrir að gleyma mat í ísskápnum og alltí einu er hann útrunninn... skil ekki alveg oft hvað tíminn líður hratt á síðasta söludegi

[Jens Guð, 11.9.2007 kl. 00:27]

  Það er skrítið með þessar löggur í USA.  Þær lifa á kleinuhringjum og hamborgurum.  Og það McDonalds hamborgurum af öllum hamborgurum.  Lögregluembættin þarna vestan hafs eru með samninga við bakarí sem selja kleinuhringi og McDonalds.  Löggurnar fá að borða á þessum stöðum á reikning lögregluumdæmanna.

  Í fljótu bragði mætti ætla að lögreglumenn ættu að búa að betra fæði en kleinuhringjum og McDonalds hamborgurum. 

[Sunna Dóra Möller, 11.9.2007 kl. 09:08]

Frábær færsla alveg....ji...ef að telja ætti allt til refsingar sem að ég hef klúðrað í eldhúsinu þá væri sérsveitin ekki í miðbænum um helgar að aðstoða þar, heldur væri stöðugt umsátur um mína íbúð !