GEITUNGASLAGURINN MIKLI

Þessi kolbrjálaði geitungur kom inn um eldhúsgluggann í morgunn.  Hann var viðskotaillur og tók ekki áskorun um að flytja sjálfan sig út fyrir.

Viðbrögð: Mikill eltingarleikur og slagsmál brutust út. Húsband og geitungur tókust á upp á líf og dauða.  Viðureign tók kortér.

Niðurstaða: 3 glös brotin, húsband marið á kinn, hurð að eldhúsi löskuð.

Einn geitungur látinn.

Ójá

Athugasemdir

[Þóra Sigurðardóttir, 26.8.2007 kl. 12:57]

Þarna hefði ég viljað vera fluga (fiski)á vegg

[Sunna Dóra Möller, 26.8.2007 kl. 13:16]

Ég brjálast úr hræðslu þegar geitungur kemur inn til mín! Ég bara þoli ekki þessar flugur og allt sem heitir virðing fyrir lífinu hverfur eins og dögg fyrir sólu og upphefst einmitt svona slagur upp á líf og dauða. Þegar flugugreyið er svo látið þá finn ég alltaf fyrir létti og kemst aftur til sjálfrar mín! Þetta er alveg agalegt....en satt !

[Gísli Hjálmar , 26.8.2007 kl. 13:26]

Hvernig er það? Eru þessir ands.... innflytjendur að festa rætur hér á landi þrátt fyrir mjög erfið lífsskilyrði fyrir þá? Eru semsagt Geitungarnir komnir til að vera? Er virkilega ekkert sem við getum gert til að sporna við þessari óheillaþróun?

[Anna Ólafsdóttir (anno) (IP-tala skráð) 26.8.2007 kl. 13:30]

Ég er tryllingslega hrædd við geitunga. Þegar svoleiðis kvikindi kemst inn í íbúðina verða ég gunga  en húsbandið hetja

[Þuríður Björg Þorgrímsdóttir, 26.8.2007 kl. 13:58]

Ég mæli með eitrinu Vapona. Það fæst í Byko og Fjarðarkaupum og ábyggilega víðar. Maður spreyjar á geitung í 2-3 sekúndur og það tekur hann svona 3 sekúndur að drepast eftir það . Bani hvað...?!

[Bryndís R (IP-tala skráð) 26.8.2007 kl. 14:00]

Þú átt þó mann sem að tekur á þessum fjanda. Ég þarf að sjá um þetta alveg þar sem að maðurinn er gunga þegar kemur að röndóttum flugum

[Ásthildur Cesil Þórðardóttir, 26.8.2007 kl. 14:16]

Þið eruð nú meiri flónin, minnir mig á fíl og mús hehehe..... það eina sem hægt er að gera í stöðunni er að sætta sig við að þessi dýr eru komin til að vera, og hætta hræðslunni.  Takast á við óttan við þessi dýr, þakkiði bara fyrir að hér eru ekki sporðdrekar og slöngur, það er ef til vill ekki langt í að hingað berist snákar frá hinum norðurlöndunum, ef áfram heldur sem horfir.  Og ef til vill maurar og kakkalakkar.  Ég fann einn maur í mínum garðskála í sumar, þeir eru ef til vill fleiri. 

Þið getið látið eyða búum ef þið verðið vör vil slíkt, en að öðru leyti ef þið viljið ekki dýrin í garðinn, þá er bara að vera með enginn blóm eða plastblóm, og heldur ekkert timbur, því sumir geitungar nota timbur og pappír í húsasmíðina.  En best er bara að láta sem ekkert sé, vera við öllu búinn samt ef maður  er með ofnæmi, sennilega ættu allir að láta athuga hvort þeir hafa bráðaofnæmi fyrir bit.  Fyrir venjulega manneskju er þetta nauðaómerkilegt að fá bit. Og muna að drekka ALDREI bjór beint af dollunni úti þar sem geitungar eru.  Þeir elska bjór og það er snarhættulegt að gleypa þá svona beint úr dollu. 

[Edda Agnarsdóttir, 26.8.2007 kl. 15:16]

Það er rétt að bjórinn er erfiðastur. Fór á Loisiana safnið í sumar og fékk mér bjórglas utandyra og endaði þannig að ég varð að standa upp til að koma skepnunni burt frá mér.

[Guðrún Emilía Guðnadóttir, 26.8.2007 kl. 15:24]

Ætlaði ég eimmitt að ráðleggja eitrið Vapona eins og Þuríður.
Ég er búin að búa á Húsavík í á þriðja ár það var fyrst í sumar að ég varð vör við þessi kvikindi. bróðir minn og fjölskylda voru hjá okkur,
veðrið var æði og allt vitlaust á pallinum í geitungum,
snillingurinn hann bróðir minn sagði,
það er bú hérna undir þær fara alltaf niður um sömu rifu.
Það var farið og keypt Vapona og viti menn það tókst að drepa þessi kvikindi niður alla vega undir pallinum mínum.
Sprautaði ég einnig í gluggafalsana og hef haldið því við ,
hef varla séð flugu innandyra síðan.
þú skallt bara prufa Jenný mín.

[Jenný Anna Baldursdóttir, 26.8.2007 kl. 15:53]

Við stofnum þrýstihóp.  Þetta eru hinir einu óvelkomnu innflytjendur að mínu mati.  Fyrir utan Mafínu nottla, sko.

Ásthildur getur leitt hópinn og kennt okkur að díla við dýrin á meðan.

[Guðríður Haraldsdóttir, 26.8.2007 kl. 18:36]

Skyldi volgur bjór eða hótun um þvaglegg eitthvað bíta á þessi kvikindi?

[Jóna Á. Gísladóttir, 26.8.2007 kl. 19:05]

þessi á myndinni er að flytja inn á einhvern. Með ferðatöskuna, kaskeitið og vindilinn á hreinu