WHAT COMES AROUND - GOES AROUND

Þegar húsbandið var mun yngri en hann er nú og gekk í gegnum "dívutímabilið", eins og það heitir á þessu heimili, var hann gjörsamlega óþolandi í vissum ham.  Hann var með hirð manna á eftir sér, móðgaði fólk hægri-vinstri og lét almennt ófriðlega.  Ég kynntist honum á þessum árum og þrátt fyrir að vera yfir mig  ástfangin að pilti, nennti ég honum ekki lengi (né hann mér) og það liðu 20 ár þar til við sameinuðumst á ný.  Merkilegt hvernig attitjúd getur verið tímabundið, enda húsbandið með ljúfari mönnum og ekkert meira um það að segja.  Stundum talar hann um að það muni bíða heil móttökunefnd eftir sér við hið Gullna hlið og að sú muni ekki taka sér fagnandi heldur VARNA sér inngöngu í sjálft himnaríki.

Því segir hann stundum þessi elska; what comes around - goes around.

Myndin er að sjálfsögðu tekin á "dívunni"

Athugasemdir

[Svava frá Strandbergi , 17.6.2007 kl. 15:25]

Þetta er myndarpiltur.

[Jóna Á. Gísladóttir, 17.6.2007 kl. 16:41]

Mig vantar að vita nafnið á pilti. Á ég að vita það?

[Ásthildur Cesil Þórðardóttir, 17.6.2007 kl. 16:56]

Þú verður bara að gera eins og Konan hans Jóns míns.  setja sálina í poka og kasta honum inn fyrir

[Birna Dis Vilbertsdóttir (IP-tala skráð) 17.6.2007 kl. 17:42]

Já þú kemur honum inn í himnaríkið í skjóðu

[Jenný Anna Baldursdóttir, 17.6.2007 kl. 17:44]

Elskurnar mínar, drengurinn er orðinn háheilagur og fer sjálfsagt á 1. farrými í gegnum hliðið.

Jóna mín:  Hann heitir Einar Vilberg og er tónlistarmaður en ég veit ekki hvort þú ert nógu "gömul" til að muna hann.  Annars er lag með honum (gamalt að vísu í spilaranum mínum).