JAZZ, JÓMFRÚ OG FLEIRA

Ég og húsbóndinn drifum okkur á Jómfrúna í dag til að hlusta á pabba hennar Jenny, hann Erik Quick og hljómsveitina hans.  Það var yndislegt að sitja úti í sólinni, sem sýndi sig reglulega, drekka kaffi og hlusta á góða tónlist.  Foreldrarnir frá Svíþjóð voru með en voru að sálast úr kulda.  Eins gott að Jómfrúin býður upp á teppi til að vefja um sig.  Engin afneitun á íslenskri sumarveðráttu á Jómfrúnni, ó nei.  Jenny Una Errriksdóttir svaf allan tímann, ömmunni til hryggðar.  Edda Agnarsdóttir, vinkona mín frá gelgjunni og núverandi bloggvinkona var á staðnum og það var EKKI leiðinlegt að hitta þessa elsku.

Guð hvað það er erfitt að skrifa í skýrslustíl.  Síðan ég kom heim er ég búin að grilla, fá skádótturina í mat og til gistingar, Jenny er búin að koma ásamt mömmu í heimsókn og nú sit ég hér búin á því af því ég er svo mikil lufsa.

Þetta verður mín eina færsla í upptalningarformi, því lofa ég.

Hvar á að flokka þessa færslu?  Undir "skýrslur og aðrar heimildir", nebb sá flokkur ekki til.  Ok ég set þetta undir "vatnaballett" og "brauð og kökur".

Síjúdarlings!

Athugasemdir

[Edda Agnarsdóttir, 16.6.2007 kl. 20:44]

Komin heim- takk fyrir síðast - skrifin þín eru  dagbókarform og heimildir. Það var gaman að sjá Jennslubarnið þótt hún væri hálf undir húfunni sofandi í kerrunni. Rosalega var gaman að hitta þig, fyrst sá ég þig koma labbandi og með manni og ég þekkti ykkur ekki - svo þegar maðurinn ætlaði að bjóða þér sæti stutt frá mér, þá bentir þú eitthvað annað um leið og þú snérir þér hálvvegis við og  ég hrópa í huganum ÞETTA ER JENNÝ og strax á eftir segi ég í hálfum hljóðum við manninn minn þarna er Jenný bloggvinkona - hann skildi náttúrlega ekki rass í bala!

Æi það er svo gaman að lifa!

Tónleikarnir voru æðislegir og sérstaklega meðan sólin skín.

[Jenný Anna Baldursdóttir, 16.6.2007 kl. 20:48]

Já hreinn unaður að sitja úti í sumrinu og hlusta.  Æðislegt að hitta þig Edda mín og nú gerum við alvöru úr alvöru hittingi, ég, þú og Inga.  Svo þurfum við nottla að drífa okkur á við Himnaríkishúsfreyjunnar í Skrúðgarðinn

[Guðríður Haraldsdóttir, 17.6.2007 kl. 01:11]

Jessssss, jesssssssssss!