ÁGÆTIS BYRJUN!

Mér fannst það fín byrjun hjá ISG, utanríkisráðherra, að segja okkur að hún væri ekki hlynnt hvalveiðum.  Hún sagði jafnframt að það væri ekki hægt að fórna minni hagsmunum fyrir meiri.  Ég er svo algjörlega sammála Sollu.  Þessar hvalveiðar eru fráránlegar.  Við höfum dagað uppi eins og náttröll, veiðandi hvali sem enginn hefur áhuga á að kaupa.  Mikið skelfing finnst mér það hallærislegt að við skulum vera að ögra alþjóðasamfélaginu með þessum hætti.  Við erum í sandkassaleik.  Ég reikna með að utanríkisráðherra geri eitthvað í málunum.  Reyndar trúi ég því og treysti.

BS, viðskiptaráðherra var líka með góðar fréttir í fréttatímanum í kvöld.  Hann getur hugsað sér lög um kynjakvóta í stjórnum fyrirtækja, t.d.  Til að gera róttækar breytingar þarf að grípa til róttækra aðgerða sagði maðurinn.  Mikið skelfing var fréttatíminn ánægjulegur í kvöld.

Muhahahahaha..

Athugasemdir

[Anna Ólafsdóttir Björnsson, 29.5.2007 kl. 20:17]

Vill svo til að ég er sammála báðum og gleðst því. En í leiðinni skal ég viðurkenna að mér þætti gaman að skoða grímurinar tvær sem kunna að vera runnar á Geir. Það verður fjör framundan.

[Ásdís Sigurðardóttir, 29.5.2007 kl. 20:25]

Já, þetta verður engin ördeyða, enda gaman að hafa stuð, menn eiga eftir að takast á og vonandi geta þeir það án þess að fara í fýlu og rjúka heim.

[Ásthildur Cesil Þórðardóttir, 29.5.2007 kl. 20:46]

Hvalveiðar eða bann við þeim er tilfinninga tengt, en ekki vísindalega skoðað.  Því miður þá falla þessar þjóðir í þá gryfju að detta ofan í svoleiðir tilfinningavæl, í stað þess að skoða málin.  Því sumir hvalir eru bara alls ekki í útrýmingarhættu, og stofnarnir vel veiðanlegir.  Þeir ættu einfaldlega frekar að einbeita sér að því að stýra veiðunum heldur en að vera með svona tilfinningarugl.  Hún mætti hafa meiri áhyggjur af sjávarútvegsstefnu ríkisstjórnarinnar og brottkastið og sóunina sem því fylgir, og hræðilegar afleiðingar hennar á sjávarbyggðirnar.  Það stæði henni nær. 

[Anna Ólafsdóttir Björnsson, 29.5.2007 kl. 21:07]

Það eru hagsmunir ferðaþjónustunnar og samleið sem við eigum með náttúruverndarsinnum út um allan heim sem valda því að ég er orðin sannfærð um að hvalveiðar þjóna ekki hagsmunum okkar og að ég er til í að eiga samleið með fólki sem ég er ekki fullkomlega sammála, því þótt öfgar finnist í náttúruvernd eins og öðru, þá gerir það ekki alla náttúruvernd ómerka, síður en svo. Er meðal þeirra sem er ekki hrædd um ofveiði hér við land, en reyndar eru þeir til meðal okkar vísindamanna sem eru ósammála hinum flestum sem telja þær í góðu lagi.

[Laufey Ólafsdóttir, 30.5.2007 kl. 08:28]

Ég missti af þessu en er líka glöð

[Ester Júlía, 30.5.2007 kl. 08:49]

Ég er líka sammála þér og Sollu