ÉG FÉKK NÁNAST HJARTAÁFALL...

..þegar ég bar augum þessa frétt.  Sjúkkitt.  Þarna er verið að fjalla um vísindarannsókn sem bendir til þess að algengt sykursýkislyf, sem selt er undir nöfnunum Avandia og Avandamet, auki hættu á hjartasjúkdómum.  Lyfin eru notuð við sykursýki typu 2 og það var þar sem mér létti í minni sjúklegu eigingirni.  Ég er nefnilega með týpu I sem er insúlínháð og þar sem ég drakk á mig sjúkdóminn með því að eyðileggja brisið þá duga þessi lyf ekki á mig, þar sem ónýtt bris framleiðir ekkert insúlín.  En án gamans það er náttúrulega há-alvarlegt mál ef lyfin eru að auka líkur á hjartasjúkdómum.  Lyfið kom á markað fyrir átta árum og er notað til að halda blóðsykri í skefjum.  Það væri forvitnilegt að vita hvort þetta lyf er mikið notað hér.  Einhver???

Vísbendingar um að algengt sykursýkislyf auki hættu á hjartasjúkdómum

Athugasemdir

[Ásthildur Cesil Þórðardóttir, 22.5.2007 kl. 16:45]

Það var sagt í útvarpsféttum að lyfið væri notað her en í litlum mæli.

[Jenný Anna Baldursdóttir, 22.5.2007 kl. 17:30]

Það eru alltaf að koma svona bakreikningar reglulega þegar lífsnauðsynleg lyf eiga í hlut.

[Jenný Anna Baldursdóttir, 22.5.2007 kl. 19:34]

Takk Baldur!

[Jóna Á. Gísladóttir, 22.5.2007 kl. 20:53]

Jenný ég hélt að áunnin sykursýki væri alltaf týpa 2. Svona lærir maður eitthvað nýtt alla daga.

[Jenný Anna Baldursdóttir, 22.5.2007 kl. 21:03]

Í flestum tilfellum er það þannig.  Ég er svo HEPPIN að hafa fengið typu 1 "late onset"