Pjúra ósannindi!

Stundum á ég það til að láta ótrúlegustu hluti pirra mig, eða fá mig til að eyða hellings tíma í að hugsa um þá og velta fyrir mér, á alla enda og kanta.  Þá er ég að tala um "trivial" hluti, sem skipta engu máli.

Verst haldin verð ég þegar ég les svona standard yfirheyrslur á misfrægu fólki í blöðunum (oft um helgar)

T.d.

Uppáhaldmatur, uppáhaldsmánuður, besti skemmtistaðurinn og hvaða bók myndirðu taka með þér á eyðieyju.  Ég veit þetta eru hundleiðinleg innslög í blöðum en alltaf skal ég lesa þetta og láta það ergja mig í það óendanlega.  Minnir mig á þegar ég varð að taka hvert einasta fíflapróf í tímaritum, eins og hvernig karakter ég væri, hvaða litur, kaffi, vín, ilmur og allt þetta dæmi, ég væri.  Þoldi þau ekki en tók þau samt.

Nú aftur að þessum glötuðu innslögum.  Alltaf, og já, ég held því blákalt fram, alltaf, þegar fólk er spurt að því hvar besti skemmtistaðurinn sé, eða hvað sé ljúfast í lífinu og hvar uppáhaldsstaður viðkomandi sé, þá svarar hver kjaftur því sama, með mismunandi áherslum.

Mér finnst best og skemmtilegast og ákjósanlegast og, og, og

að vera heima með fjölskyldunni minni.

Ég veit að þetta er lygi í stórum hluta tilvika.

Hvernig veit ég það?

Júbb, þessum spurningum rignir stöðugt yfir mann í nánast hvaða blaði sem maður les.

Ef allt þetta lið væri að segja satt þá væru skemmtistaðirnir tómir.

Og þið sem eruð alltaf tuðandi í athugasemdakerfinu mínu, sleppið því að þessu sinni.

Ég er skæðu skapi akkúrat þessa stundina.

Það er boxið sem minn heittelskaði er að horfa á núna.

Gerir mig svo PÍRÍPÚl

Úje

Orðaflipp í boði Jennýjar Önnu

Já, ég er almennileg og góð kona, enda komin á þann aldur þar sem manni ber að vera til friðs.  Sumir eru lengur að ná því en aðrir og ég hef alltaf verið sein til þroska.

Nú býð ég öllum flippurunum sem eiga leið hér um, að fá kast í boði hússins.

Haldið ykkur fast, hér kemur góssið!

Kirkja, prestur, hommi, múslimi, moska, nigger, feminismi (femýnyzmi), kvennabarátta, Bingi, REI, Ísland í dag (djók), bókabrenna, bannað, súlustaðir, vændi og FRELSI!

Ég geri mér grein fyrir eldfimi orða og það getur verið beinlínis hættulegt að lesa þau öll í einu, en þar sem ég gleymdi að setja viðvörun og þið því búin að lesa allan pakkann, þá vona ég að þið séuð enn heil heilsu, ef ekki þá þorrí

Þetta orðasaltat er í boði hússins.

Óska ykkur dægilegs nóvembermánaðar.

Æmsóexætid!

Úje

Allah úthýst í Reykjavík

 

Ég er svo hrifin af listum.

Hér er einn til glöggvunar fyrir mig.

Töluverður hluti fólks sér ekkert athugavert við endurútgáfuna á "Ten Little Niggers".

Yfirgnæfandi meirihluti þáttakenda í skoðanakönnun á útvarpi Sögu vill ekki leyfa byggingu mosku í Reykjavík. (Krakkar það er trúfrelsi í landinu.  Hvernig getur einhver verið á móti byggingu á mosku?)

Aragrúi fólks telur að orðið kynvillingur eigi að standa áfram í Biblíunni.

Og dass af fólki vill ekki að samkynhneigðir hafi sömu réttindi til hjónabands innan íslensku þjóðkirkjunnar.

Hmm.

Einu sinni las ég í nýaldarbók að Íslendingar væru þroskaðar og gamlar sálir.  Það þýddi þá að við værum umburðarlynd og víðsýn.

Bölvaðekkisens nýaldarkjaftæði.

Ójá.

Áfengi er EKKI komið í matvöruverslanir

Það er ennþá ólöglegt að selja áfengi í matvöruverslunum.  Ef það er rétt að á Hellu t.d. gangi maður fram hjá mjólk og kókosbollum (hvaða óhollusta er þetta í mjólkurdeildinni) áður en maður kemur að vínbúðinni, þá eru þeir á Hellu einfaldlega að brjóta lögin. 

Þess vegna er þessi frétt um staðsetningu vínbúða úti á landi, engin röksemd fyrir þessu baráttumáli Sigurðar Kára og heilbrigðisráðherra.

Ég kemst ekki yfir það að heilbrigðisráðherra skuli vera stuðningsmaður þessa frumvarps, þar sem sjúkdómar af völdum fíkna kosta samfélagið allt, stórar fjárhæðir, fyrir utan alla mannlegu harmana.

Segi samt enn og aftur, að ég tapa ekki svefni yfir því hvar áfengi er selt, þar sem ég kaupi það hvort sem er ekki.  Þannig að ég frábið mér athugasemda um að ég alkinn vilji banna öllum að drekka.  En mér stendur ógn af fíknisjúkdómum, af skiljanlegum ástæðum og ég held að það sé ekki til að bæta ástandið, að troða þessu í matvörubúðirnar. 

En ég vildi bara benda á lögbrjótana úti á landi og minna á að enn er sala á áfengi bönnuð í matvöruverslunum.

Erekkiannarsalltígóðubara, allir edrú og sonna?

Úje.

Áfengið er komið í matvöruverslanir

Á fylleríi í Hagkaupum

Ég var að velta fyrir mér (ó)möguleikunum í sambandi við baráttumálið hans Sigurðs Kára og Co í þinginu, að fá búsið í búðirnar.  Í Kastljósi tók Sigurður Kári fram að það væri auðvitað ekki verið að breyta þessu fyrir þá sem "gerðust sekir" um ofneyslu áfengis, heldur hina sem gæta hófs.  Þetta fannst mér soldið merkilegur punktur hjá þingmanninum, því ég hef alltaf haldið að ríkið væri bara fyrir alkóhólista. Döh!

Nú, þetta skiptir ekki máli fyrir mig, svona prívat og pers. hvar áfengi er selt, þar sem ég er búin með minn kvóta fyrir löngu og ef Guð lofar, mun ég storma fram hjá áfengishillum lífsins, einn dag í einu, til eilífðarnóns, en ég var að velta fyrir mér hvernig þetta fyrirkomulag gæti orðið í framkvæmd fyrir þá sem kaupa þessa vöru.

Þegar ég fer í Hagkaup, næ ég mér yfirleitt í eitthvað að drekka, með smá sykri í og hef það með mér á meðan ég rúlla mér í gegnum búðina, vegna sykursýkinnar sem ég er með og af fenginni reynslu veit ég að ég er ekki glæsileg, hálf hangandi ofan í innkaupavagninn, slefandi og ranghvolfandi í mér augunum, í bullandi sykurfalli.

Nú, ef kona úr Gjörningahverfinu vill tjilla í gegnum Hagkaup, þegar hún kaupir inn fyrir helgina, þá nær hún sér í eina rauðvín (getur ekkert verið athugavert við það, það er svo EÐLILEGT að vín fáist í matvörubúðum) og sýpur á og hrindir vöruflokkum í hrönnum ofan í vagninn sinn (ok, ég skil, Jóhannes í Bónus veit að þetta er verslunarörvandi vara.  Á Jóhannes Sigurð Kára?).  Þegar hún er komin í hreinlætisvörudeildina er hún farin að syngja "Áfram veginn" og hún hefur gerst ruddaleg mjög og árásargjörn, enda komin vel ofan í flösku númer tvö og ekkertbúinaðborðasíðanímorgun.  Hún rífur stólpakjaft í biðröðinni en NB það er kominn sérstakur kassi fyrir fólk undir áhrifum.  Þar móðgar hún mann og annan sér til skemmtunar á meðan hún bíður eftir afgreiðslu.  Vörunni er skellt í poka og konunni síðan hent út með pokum og alles, beint út á bílastæði.

Þessi kona, úr Gjörningahverfinu, hefur e.t.v. átt við áfengisvandamál að stríða, en það hefur ekki reynt á það fyrr en nú, en eftir að "búsinn í búðina frumvarpið" var afgreitt frá Alþingi,  gargar próblemið, á hana, upp í opið fésið á henni, í hvert skipti sem hún verslar inn til heimilisins.

Þökk sé helvítis frumvarpinu hans Sigurðar Kára.

Og nú er ég komin með alvarlegar áhyggjur af þessari þykjustukonu sem ég bjó til.

Ætli hún endi ekki bara á Vogi?

Ég vona það.

Og mikið vona ég að búsið í búðirnar nái ekki fram að ganga.

Það er svo mikil tímaskekkja.

Gleðilegur bömmer

Mér finnst alltaf svo sorglegt þegar serímóníurnar eftir kosningar eiga sér stað.  Þessar með lyklaafhendingu sko.  Mér finnst þetta líka dapurlegt, þó mér hugnist þeir sem taka við.  Það er einhver blámi yfir þessari athöfn.  Svona hjónaskilnaðarbömmer, hér erum við, allt er búið og ég held á brott fílingur.

Er ekki hægt að sleppa þessum leiðindum?  Vilhjálmur hefði bara getað beðið ritarann sinn að skutla lyklunum til Dags og hann hefði svo kvittað fyrir móttöku lyklanna.

Þið sjáið myndina sem fylgir fréttinni.  Dagur bísperrtur eins og Armanífyrirsæta (stendur í vísi sko) og Vilhjálmur í víðtækum harmi.  Æi ég vorkenni Villa. 

Ég er stórbiluð ég veit það og hef sætt mig við það. 

En í alvöru, af hverju þarf að gera hlutina erfiðari en þeir þurfa að vera?

Muna það næst börnin góð í pólitíkinni.

Hætta svona serimóníum.

Búið bless, fúnkar best.

Ójá.

Dagur tekur við lyklavöldum af Vilhjálmi

Hvur sagði hvað við hvern, hvenær???

Er Bjarni að segja satt um fundinn heima hjá Villa Vill, þar sem fleiri klukkutímar fóru í að kynna  samning REI og OR til 20 ára?  Er Villi að segja satt um að muna ekki rass né rófu, og að ekkert hafi verið kynnt fyrir honum.?  Voru þeir að spila Trivial heima hjá honum strákarnir?  Er Haukur Leós, að kóa með Bjarna eða er hann að segja satt, svo hjálpi honum Guð almáttugur?

Ég hef oft lesið bækur, með brilljant fléttum, en enginn höfundur kemst með tærnar, þar sem ævintýri og örlög Vilhjálms, Binga, Bjarna og Hauks, hafa hælana.

Þessi spenna er ekki góð fyrir alka eins og mig.  Annaðhvort slekk ég á öllu upplýsingastreymi til mín, og það er mér ekki ljúft eða ég krefst þess einfaldlega að þetta lið segi sannleikann, í eitt skipti fyrir öll.

Ekki er allt þetta fólk að ljúga, ég trúi því ekki.

Villi, halló!

Súmíbítmíbætmí.

Vilhjálmur Þ: „Nei, 20 ára ákvæðið var ekki kynnt fyrir mér "

Af lýræðisskelfi og góðakalli!

Frá sunnudegi og fram á kvöld í gær, hélt ég í alvörunni að það yrðu eftirmál af ógjörningi Vilhjálms góðakalli og Binga lýðræðisskelfi.  Sjálfstæðismenn kepptust um að lýsa vanþóknun sinni á vinnubrögðum Villa og sumir Framsóknarmenn áttu ekki nægilega sterk orð yfir hegðun síns fulltrúa í meirihlutastarfinu.

En ó hvað ég er barnaleg.  Auðvitað var réttlætingunum tjaslað saman í reyklausu bakherbergjunum og svo komu þeir báðir í Kastljós og töluðu eins og þeir hefðu verið að gera okkur almúganum, stórkostlega greiða, með gjörningnum.

Svo munu einhverjir nóboddís verða látnir fjúka og allt heldur áfram að vera við það sama.

Þegar ég sé Björn Inga Hrafnsson, þá myndbirtist hinn mjög svo vafasami stjórnmálamaður fyrir augum mínum.  Hvaða lýðræði er það að hafa mann sem er með nokkur hundruð Reykvíkinga á bak við sig en er með helmings vægi u.þ.b. í borgarmálunum?

Bingi og Bill eru áfram í sleik.

Innilegum sleik.

Og við sitjum eftir með sárt ennið.

Ójá.

VG á Akranesi sendir frá sér yfirlýsingu vegna OR

Íslenskir rasistar

Rasistar snúa við í mér maganum.  Hvar sem ég rekst á þá.  Ég er hrædd við manneskjur sem hafa andúð á fólki á þeim hæpnu forsendum, að það komi langt að, úr öðruvísi menningu, sé með annan litarhátt osfrv.

Við hvað er þetta fólk hrætt?

Ég tala varla orðið við manneskju nú orðið sem ekki kvartar undan útlendingum í búðinni, á elliheimilinu hjá mömmu og á leikskólanum.

Er einhver annar sem bíður hangandi á húninum eftir að fá að annast þessi störf?

Nær væri að hækka launin hjá þessum stéttum, og gera íslenskukennsluna meira aðgengilega.

Ég er svo þreytt á þessu nöldri.

Hvernig væri að læra að meta fjölbreytnina sem fylgir fjölmenningarsamfélagi og nýta hana til góðra hluta?

Arg og þvarg.

Ójá

 

Næturraunir

 

Ekki var ég fyrr búin að lýsa því yfir á blogginu, að hér í mínu hverfi, byggju engir Erlar, allt væri hljótt og aldrei partý eða aðrar hávaðaróstur á nóttunni, en fjandinn varð laus.  Ég gat ekki lókaliserað hamaganginn í nótt, hann var nálægt, en samt utan seilingar.  Glös voru brotin, tjaldsöngvar sungnir (María, María var tekið aftur og aftur), fólk dunkaði í gólf eða veggi, fór út að reykja og talaði hátt og þannig hélt það áfram fram á morgun.  En ég lifði það af.

Ég sofnaði á milli þátta og mig dreymdi drauma. Það hefur komið fram áður á þessu bloggi að ég legg ekki á fólk að hlusta eða lesa um draumfarir mínar, enda það leiðinlegasta í heimi að heyra að einhverjum hafi dreymt að hann væri í Færeyjum, en samt voru það ekki Færeyjar heldur Borgarnes og svo hafi viðkomandi hitt Kennedy sem var samt ekki hann heldur Davíð Oddsson og svo áfram og áfram.  Draumar eru tilfinningar sem mér finnst ekki hægt að koma til skila.  Enda algjörlega út í hött að vera tíunda þá við annað fólk.

Minn draumur innihélt eftirfarandi:

Flugvél, suðræn lönd, hús Héraðsdóms, spikfeita rottu með leðurhatt, tölvu, fimmþúsundkrónuseðla í miklu magni, lögguna og dýrar fasteignir.  Ég vaknaði í rusli og fári.

Var ég búin að segja að þetta hafi verið martröð?

Mikið djö.. sem ég er pirruð yfir þessu.

Drímon!

Úje