BLOGGKIRKJA?? GMG

Nú koma kristnu bloggararnir saman og finna upp taktík til að grilla okkur trúleysingjana.  Þ.e. okkur sem eru öðruvísi trúuð en á bókstafinn.  Iss það er eins gott að blanda sér ekki í þá umræðu á blogginu, hér eftir.  Samtakamátturinn er öflugur.

Ég veit að þeir eru á móti hjónaböndum samkynhneigðra.

Á móti fóstureyðingum.

Á móti Palestínumönnum.

Á móti Múslimum.

Allt er synd á þeim bænum.  Er í lagi að dansa baka og föndra?

Vá frjálslyndið ríður ekki við einteyming.

Ég ætla ekki að mæta en sendi þeim baráttukveðjur.

What if god was one of us?

og hér er myndbandið með þessu frábæra lagi.

http://www.youtube.com/watch?v=Epow4VXhnW0

Úje og Amen

Bloggkirkjan bakar

BUBBI DAGSINS

Ég verð að játa að var orðin áhyggjufull í gærkvöldi.  Það var ekki ein einasta "frétt" með Bubba í Mogganum í gær.  Ekki stafur.  Ég sá reyndar í Fréttablaðinu að Bubbi byggir, við eitthvað vatn, einhversstaðar og þar fékk ég líka að vita að það er komið þak á bílskúrinn hjá honum. 

Þetta var sem sagt orðið áhyggjuefni hjá mér í gær, það heyrðist ekki múkk frá manninum, ekkert um veiðar einu sinni.  Svo vaknaði ég og þar var komin þessi líka fréttin.  Það er væntanleg plata frá Bubba, sennilega fyrir jól.  Bubbi hyggst sem sagt, gera plötu.

Ég þekki reyndar þó nokkuð af tónlistarmönnum sem allir hafa hljómplötu í hyggju, sko áður en yfir líkur, en þeir eru svo lélegir PR-menn að ég hugsa að það komist ekki í fjölmiðla fyrr en þeir eru komnir í hljóðver eða eitthvað.  Fruuuuss.

En nú get ég glöð fengið mér morgunmat og kaffi.  Allt er eins og það á að vera.  Bubbi rúlar.  Hann er í fréttunum.

Það er B.O.B.A. - BOMBA

Æmsóexsætid!

Úje

Ný plata væntanleg frá Bubba Morthens

GOTT FYRIR SVEFNINN OG ENN BETRA AÐ VAKNA VIÐ

Ég var að hlusta og horfa á Van Morrison, þann mikla snilling á RÚV í kvöld.  Lét mig hafa það að horfa á fullt af annari músik, sem hugnaðist mér alls ekki öll, til að missa ekki af mínum manni.  Það var þess virði.

Kæri bloggvinir og aðrir gestir.  Skelli hér inn einu ljúfu með Morrison.

Njótið vel.

Góða nótt

Úje

http://www.youtube.com/watch?v=Rg_MW1pR86k

 

DAUÐI OG DUSILMENNI

ARG, ég hendi mér í vegg, loft, gólf og brýt niður brýr.  Ætlaði að setjast niður með mínum verri helmingi og horfa á bíómynd og hvað...............

BORMAÐURINN FÓR Á KREIK, einn ganginn enn.  Nú leikur allt á reiðiskjálfi.  Viljið þið bloggvinir mínar koma hérna upp í Sóandsógötu númer sóandsó?  Þið getið hjálpað mér að flytja manninn á brott, með borinn, í annað bæjarfélag, fyrir norðan eða vestan.  Ha?

Æmgonnasúðefokker!

Úje

P.s. Þessi mynd var tekin af mér í gærkvöldi, reyndar, þegar ég var að lesa einn trúarbloggarann, ég greip til vopna, ég get svarið það.

FIMMTÍU MILLUR..

..fyrir að hætta við rekstur.  Vááá!

Ég læt mér nægja 100 þús. krónur fyrir að halda aftur af mér, við að fara út í framleiðslu á Mikadói. 

Súmíplís.

Úje

Háspenna hagnast á lóðasölu við Starhaga

DAGURINN Í DAG..

..fram að þessu hefur liðið undir merkjum leti og aðgerðarleysis.   Það hlýtur að vera lægð yfir landinu, ég sem er alltaf svo "gerin". Fellur aldrei verk úr hendi. Jeræt.  Sumir dagar eru uppáþrengjandi, þær mæta fyrir allar aldir (merkilegt) hlussa sér á herðarnar á manni og eru komnir til að hanga, vera, og láta mann finna fyrir sér.

Annars er ég að fara að elda kjúkling. Með hrísgrjónum og grænmeti.  Ég toppa stöðugt, spennuþrungið líf mitt.  Hvar endar þetta?  Ég finn samt ekki svuntuna mína og kappann.  Elda aldrei án þessara fylgihluta, algjört prinsipp.  Fólk sveltur frekar.

Jenny Una Eriksdóttir var hér í gær og af vörum hennar hraut eftirfarandi:

"Ekki trubbla mér, amma, ég greiða mér fínt." Barn með spegil, meiköppkitt og fleira tilheyrandi undirritaðri, alveg dead á því að gera sig "georgeus".

"Ertu að fara í búðina Einarrrr, é koma með é á péninga, marga".  Jenny stingur á sig hverri krónu sem hún finnur liggjandi á lausu.  Hva!  Barnið er af sænskum ættum í aðra.

"Emma öfugsnúna er vond,  amma er vond, mamma mín góð og Jenny er góð".  Barn farið að gera sér mannamun.  Getur verið að hún hafi það frá ömmunni? Nebb.  Ekki séns.

"Farru mamma, í skóna og bless, ég sofa mínu rúmi, ömmumín og Einarrr".  Hún togar í móður sína og dregur að útidyrum.  Barn veit af ís inni í frysti sem líklega verður hennar ef móðirin er ekki á svæðinu.

Þetta blogg er bannað foreldrum viðkomandi barns.

Úje

ÞVAGLEGGSSINNAR

 

..flott orð hjá Mogganum.  Hér eftir munu þeir sem réttlæta ofbeldi og telja það aðferð til að ná fram "réttlæti" í einhverri mynd, verða kallaðir þvagleggssinnar.  Bæði á þessari bloggsíðu og annars staðar þar sem umræður um slíkar manneskjur fara fram.

Mogginn góður í nýyrðasmíðinni stundum.

Og formaður þvagleggssinna er auðvitað,  Ólafur Helgi Kjartansson.

Þessu vildi ég koma á framfæri.

Ójá

Miklar umræður um þvagleggsmálið á bloggvef mbl.is

NEOPHOBIA - JABB- ÞEKKI HANA

Matvendni er arfgeng.  Það stendur í Mogganum.  Nú er ég farin að kveikja á einu og öðru hjá mínu fólki.

Annars er ég ekki matvönd.  Alls ekki.  Ég er bara smekkmanneskja á mat.  Það er allt annað mál.

Ég borða bara flott stöff.

Ekki innmat.  Ekkert úldið.  Ekkert sem skríður, Ekkert ófrítt.  Ekkert sem brosir til mín af disknum og biður mig um að ættleiða sig með augunum.

Ég er sem sagt "civiliseruð" í matarinntökum.

Dætur mínar líka.

Ítmíæmklín.

Úje

Matvendni er arfgeng

OG ENN ÞRÁAST SELFOSSLÖGGAN VIÐ

 Það er alltaf að verða æ ljósara, hversu alvarleg og jafnframt óþörf framganga  löggunnar á Selfossi var í  "þvagleggsmálinu", alræmda. 

Sveinn Andri Sveinsson, hæstaréttarlögmaður, telur að nóg hefði verið fyrir lögregluna á Selfossi að ákæra konu þar í stað þess að þvinga þvaglegg upp í blöðru hennar, án samþykkis.  Sveinn Andri segir að valdbeitingin hafi verið fullkomlega óþörf en í 102. grein umferðarlaga stendur, að neiti einstaklingar að veita sýni leiði það til ökuleyfissviptingar.

Þetta mál sækir stöðugt á huga minn.  Mér finnst svo erfitt að trúa því að svona eigi sér stað, hér á litla Íslandi, þar sem ég hef alltaf haldið að mannréttindi væru í heiðri höfð af yfirvöldum. 

En Selfosslögreglan þráast við.

Ólafur Helgi Kjartansson, lögreglustjóri á Selfossi, segir :„Það er alvarlegt mál að aka fullur og ber lögreglu að rannsaka málið með tilliti til þess að leiða í ljós hvað átti sér stað. Það hefur margoft gerst hjá okkur að settur hafi verið upp þvagleggur hjá karlmönnum. Ég minnist þess hins vegar ekki að áður hafi þurft að setja upp þvaglegg hjá kvenmanni. Ég kannast ekki við það að nokkur karlmannanna hafi talið að um kynferðislega áreitni hafi verið að ræða."

Ef þetta er satt og rétt hjá Ólafi Helga, að margoft hafi karlmenn verið teknir með valdi og settur í þá þvagleggur, þá er kominn tími á að kíkja aðeins nánar á vinnubrögð þessa lögregluumdæmis.  Hversu oft er þessi lögregla að taka fólk með valdi og gera á þeim þetta inngrip? Ég vil fá svör og svo er ábyggilega um fleiri. Þessir karlar þarna á Selfossi virðast skv. þessu vera ríki í ríkinu með allt önnur vinnubrögð en viðhöfð eru í öðrum lögregluumdæmum.

Hreiðar Eiríksson, fyrrverandi rannsóknarlögreglumaður á Akureyri, segir að á sínum tuttugu ára starfsferli hafi hann aldrei áður heyrt af því að þvagleggur hafi verið settur upp með valdi.

„Ég get staðfest að það var óvanalega langt gengið og tíðkast ekki í öðrum lögregluumdæmum. Í þeim tilvikum sem ég veit af þá er talað um fyrir fólki og síðan er náttúrlega beðið eftir því að viðkomandi þurfi að losa þvag. Ég hef aldrei heyrt um að nokkrum manni hafi dottið í hug að framkvæma svona."

Mér finnst eftir því sem málið hefur orðið ljósara og nú þegar sú vitneskja liggur fyrir, að það er ekki óalgengt að settur sé upp þvagleggur, með valdi, í fórnarlömb löggunnar á Selfossi, að málið verði skoðað ofan í kjölinn.

Ekki seinna en á mánudaginn.

 

 

 

Valdbeitingin var fullkomlega óþörf

NÚ ERU STUÐMENN...

..orðnir framhaldsaga í Mogganum, eins og Bubbi og Villi Vill.  Ég hef alltaf haft gaman að Stuðmönnum, einkum og sér í lagi þó, fyrstu árin.  Mikið rosalega voru þeir skemmtilegir og svo eru þetta allt fantagóðir tónlistarmenn.

Ef það telst frétt að Stuðmenn spili hefðbundna stuðmannamúsík, þá heiti ég Sautjándajúnía.

En hver er búningahönnuður hjá bandinu?

Kommon hann hlýtur að vera smali í báðar.

Sportsokkar og vaðmál.

I´m crying my eyes out over you!

Úje

20 ára afmæli Mosfellsbæjar fagnað á tónleikum