DAGURINN Í DAG..

..fram að þessu hefur liðið undir merkjum leti og aðgerðarleysis.   Það hlýtur að vera lægð yfir landinu, ég sem er alltaf svo "gerin". Fellur aldrei verk úr hendi. Jeræt.  Sumir dagar eru uppáþrengjandi, þær mæta fyrir allar aldir (merkilegt) hlussa sér á herðarnar á manni og eru komnir til að hanga, vera, og láta mann finna fyrir sér.

Annars er ég að fara að elda kjúkling. Með hrísgrjónum og grænmeti.  Ég toppa stöðugt, spennuþrungið líf mitt.  Hvar endar þetta?  Ég finn samt ekki svuntuna mína og kappann.  Elda aldrei án þessara fylgihluta, algjört prinsipp.  Fólk sveltur frekar.

Jenny Una Eriksdóttir var hér í gær og af vörum hennar hraut eftirfarandi:

"Ekki trubbla mér, amma, ég greiða mér fínt." Barn með spegil, meiköppkitt og fleira tilheyrandi undirritaðri, alveg dead á því að gera sig "georgeus".

"Ertu að fara í búðina Einarrrr, é koma með é á péninga, marga".  Jenny stingur á sig hverri krónu sem hún finnur liggjandi á lausu.  Hva!  Barnið er af sænskum ættum í aðra.

"Emma öfugsnúna er vond,  amma er vond, mamma mín góð og Jenny er góð".  Barn farið að gera sér mannamun.  Getur verið að hún hafi það frá ömmunni? Nebb.  Ekki séns.

"Farru mamma, í skóna og bless, ég sofa mínu rúmi, ömmumín og Einarrr".  Hún togar í móður sína og dregur að útidyrum.  Barn veit af ís inni í frysti sem líklega verður hennar ef móðirin er ekki á svæðinu.

Þetta blogg er bannað foreldrum viðkomandi barns.

Úje

Athugasemdir

[Jóna Á. Gísladóttir, 24.8.2007 kl. 16:59]

hahahahahaha. Hefur þetta alls ekki frá ömmunni. Nema kannski Brynju-ömmunni

ég get skilið að spennuþrungið líf þitt sé að verða too much... slepptu hrísgrjónunum.

[Edda Agnarsdóttir, 24.8.2007 kl. 17:10]

Já hún er klók hún Jennsla litla, alveg eins og amman var í den, lætur engan plata sig, notar bara diplóma!  Já tek undir með Jónu slepptu hrísgrjónunum, mar verður svo bólgin af þeim, þú vaknar með múnfeis í fyrramálið.

[Jenný Anna Baldursdóttir, 24.8.2007 kl. 17:29]

Hvað ertu að blanda Brynju-ömmunni í þetta.  Hún á bara Oliver með mér.  Muhahaha.

Ég verð aldrei bólgin, er alltaf bjútífúl.

[Bjarndís Helena Mitchell, 24.8.2007 kl. 17:49]

LOL, krútt þessi Jenný, algjör ömmudraumur!

[Katrín Snæhólm Baldursdóttir, 24.8.2007 kl. 17:50]

Hin bólgnu og fallegu.....Jenn´ý það er deffenetlí lægð yfir heimahangandi konum í dag. Ég hafði svo lítið að gera að ég fór út í garð og tók myndir af...Guð ég get ekki sagt það hérna. Fólk héldi að ég væri orðin vitlaus. Mun setja þessar myndir á bloggið í kvöld þegar karlkynið er komið heim og græjar smá fyrir mig. Jenný Una er yndisleg..geturðu ekki tekið upp hjalið hennar við ömmusín og sett það í græjurnar svo við getum hlustað beint????

[Ásdís Sigurðardóttir, 24.8.2007 kl. 17:58]

Ég var nú svo losta á tölvunni að ég dreif mig út að labba, hafði bara gott af því, keypti kerti í Blómaval og eina peru í Húsasmiðjunni, bara alveg að ofgera mér í dugnaði

[Kristín Katla Árnadóttir, 24.8.2007 kl. 18:00]

Hehe sko þá stuttu bara ákveðin.

[mongoqueen, 24.8.2007 kl. 18:09]

Þessi veiki herjaði líka á mig í gær....en læknaðist af henni í dag þegar ég mætti í vinnuna eftir gott sumarfrí

Alls ekki sleppa hrísgrjónunum....kjúlli er ómissandi án hrísgrjóna

[Kristín M. Jóhannsdóttir, 24.8.2007 kl. 18:49]

Helv. lægðir. Alltaf pirrandi.

[Sunna Dóra Möller, 24.8.2007 kl. 19:01]

Mikið vildi ég að ég hefði frekar borðað kjúkling og hrísgrjón.....var að borða pasta með rjómasósu og mér er flökurt af þessum rjóma en ég bara varð að borða hann vegna þess að ég verð svo bjútifúl af honum !

[Guðríður Haraldsdóttir, 24.8.2007 kl. 20:19]

Aha, nú skil ég af hverju ég var svona rosalega þreytt í gær, auðvitað lægð! Þessi litla nafna er meira krúttið. Segi eins og amman, maður fær krúttkast við að lesa þetta.

[Jóna Á. Gísladóttir, 24.8.2007 kl. 22:50]

ég var nú bara að meina að þú ættir að sleppa hrísgrjónunum til að reyna að minnka spennuna í lífi þínu. Thats all

[Jenný Anna Baldursdóttir, 24.8.2007 kl. 23:27]

Ég veit það kona, en ég fjarlægði kjúllann út úr myndinni til að reyna að minnka sviptingarnar og spennuna.  Vonandi gerir það gæfumuninn.  Muhaha