MINN MAÐUR HM VS. ÞJÓÐKIRKJAN

 

Flott mál að Hjörtur Magni teljist ekki hafa brotið siðareglur presta með ummælum sínum í sjónvarpsþættinum Kompási og víðar.

"Prestarnir sem kærðu töldu m.a. að Hjörtur Magni hefði brotið siðareglur, sem varða skyldur við starfssystkin og vandvirkni í störfum. Meðal þess, sem prestarnir vísuðu til í kæru sinni, voru ummæli Hjartar Magna í Kompási, en þar sagði hann, að hver sú trúarstofnun, sem teldi sig hafa höndlað sannleikann yrði um leið stórhættuleg ef ekki bara djöfulleg. Ennfremur sagði hann að ef trúarstofnunin breyttist ekki, heldur færi að láta fólk dýrka sig í stað Guðs, þá væri hún jafnframt að brjóta fyrsta boðorðið sem segir: þú skalt ekki aðra Guði hafa".

Ég sem sagði mig úr þjóðkirkjunni eftir að Prestastefna neitaði að taka samkynhneigða meðlimi sína góða og gilda til giftinga eins og annað fólk, gleðst yfir því að þessi tímaskekkja sem þjóðkirkjan er, skuli ekki geta sent fólk í skammarkrókinn sem leyfir sér að gagnrýna hana.

Ég er annars ekki kirkjumanneskja og mín trú er meira fyrir víðáttur en kumbalda og ég stend föst á því að það sé ekki til ein leið, einn sannleikur og einn vegur, þrátt fyrir að sumir telji sig með pappíra frá almættinu upp á staðlaða aðferðarfræði  um ferðina að hliðum himnaríkis. Ég held að Guð sé ekki að fíla skort á umburðarlyndi margra þjóðkirkjunnar þjóna.

sveiattann.

Hjörtur Magni telst ekki hafa brotið siðareglur

ÉG HEF GERT SAMNING...

..við hana Jenny Unu Errriksdóttur og við urðum sammála um að senda "Emma meiðir sig" í tímabundna útlegð, þar sem amman var að flippa á viðkomandi bók, og í staðinn sammæltumst við um að taka "Emma eignast litlabróður" inn í staðinn þar sem það er aktuellt málefni í fjölskyldunni og við munum halda henni á leslistanum amk fram á haust.

Þetta bað hún Jenny mig að segja ykkur gott fólk áður en hún fór að sofa.

Lofjúgæs!

HALLÓ!

 

.. er ekki í lagi heima hjá þessum náunga?  Með 11 ára dreng undir stýri og forráðamaður (foreldri væntanlega) viðkomandi.  Sumir ættu ekki bara að missa bílprófið.  Þarf annars nokkuð forræðispróf á börn?  Neh.. svo létt verk og löðurmannlegt.

ARG

11 ára drengur undir stýri

MESTA RÖKLEYSA "EVER"

 

..er frasinn: "Það er undantekningin sem sannar regluna".  Hafið þið pælt í þessum?  Rosalegur stórisannleikur eitthvað.  Hvernig getur frávik sannað reglu svona almennt og yfirleitt?  Djísús.

ÉG ER EKKI FRÁ ÞVÍ...

...að þessi herferð komi til með að gera sig.  Ég hef alltaf haft þá kenningu að karlar sem þurfa að keyra eins og asnar, stofna lífi og "limum" sjálfra sín og annara í hættu, séu haldnir einverjum peniskomplexum.  Það mun svo koma í ljós hvort það er rétt hjá mér.

Flott framtak.

Forvarnarauglýsing fyrir neðan belti

ÞESSI KEMUR ÚT Á MÉR TÁRUNUM

 

Svona fólk á aðdáun mína alla.  Þessi maður  eflir trú mína á mannkyninu um þó nokkra þyngdarflokka.  Við mættum taka svona verklag til fyrirmyndar.

Deginum er reddað.

Lét öll laun sín renna til góðgerðarmála

NOKKRAR EÐAL TIL VIÐBÓTAR

Ég held áfram að kynna mínar krúttdósir, þ.e. mínar eðlu bloggvinkonur.  Ég er með rosalegan hóp af þessum elskum og tek þær eftir minni, nema eina sem lætur ekki setja sig hjá og bregst illa við að fá ekki að vera með ().  Bloggvinkonulistinn verður birtur reglulega og fljótlega mun ég tæta þær í mig, af mikilli grimmd enda segja karlar að konur séu konum verstar og fyrst þeir segja það þá hlýtur það að vera satt. Voru það ekki karlmenn sem sögðu að jörðin væri flöt, röndótt, köflótt, hnöttótt og bröndótt?  Ég hélt það.

www.eddaagn.blog.is Eddu þekki ég síðan í denn,denn, þ.e. á gelgjunni og nú höfum við endurnýjað kynnin hér.  Edda er salt jarðar, hún er svo heiðarleg konan og hreinskilin að það er ekki mögulegt að bendla hana við reykfyllt bakherbergi.  Edda bloggar um allt og er bæði fræðandi og skemmtileg.

www.heidathord.blog.is  Heiðan er gömul vinkona frumburðarins.  Hún dvaldi hjá okkur sumarlangt í Svíþjóð fyrir margt löngu.  Ég er reglulega að eignast aftur það sem ég taldi glatað.  Heiðan er heiftargóður penni, meinfyndin og oftast á eigin kostnað.  Heiða bloggar oft neðanmittis og gerir það skemmtilega, mun skemmtilegar en sumir.  Ég er farin að stunda talningar á kyn-orðunum hjá Heiðu, eins og Sóley telur hausana hjá Agli.  Einhver verður að vera í bókhaldinu.

www.hronnsig.blog.is utanbæjarkonan fræga sem er í sambandi við Hús-lækni, skrifar eins og engill og gerir hversdagslífið að heilu ævintýri.  Sé gluggað í skoðanakönnun á síðunni hennar má sjá að konan veit allt um svona stóra krana, eða eru það flutningabílar eða valtarar?  Æi tjékkið á því sjálf.

www.steinunnolina.blog.iser fulltrúi minna kvenna í LA.  Hún eldar mat með því að kveikja í honum, slengja í veggi og allskonar.  Hún bloggar dásamleg ljóð og ég er ekki frá því að hún sé nautnaseggur þessi kona.  Hún er ein af þeim nýjustu í bloggvinkonuhópnum og ég er með hana í gjörgæslu.  Konar er meinfyndin.  Ætti að vera leikkona, svei mér þá. (Hm)

Æi læt þetta duga í bili, þarf að henda í kökudruslu (skelfingarkarl), taka til á lóðinni, tína ber, banka teppi, hrista af mér slenið, leggja mig, blogga og blogga meira. 

Lofjúgæs og munið, gestir og gangandi, að einu sinni enn geri ég ykkur "bigtime" greiða með því að vísa á mína flottu vini á blogginu.

Hætt að taka við blómum en ávaxtakörfunar skiljið þið eftir við útganginn.

 

MINNIR Á GAMLA TÍMA..

..en árið 1974 þegar ég bjó í Köben og vann á Amager en var enn búsett í austurhluta borgarinnar, var heillangt strætóverkfall og ég lét mig hafa það að ganga alla leið í vinnuna á meðan.  Rosalega hef ég verið létt og fim á fæti.  Seinna fluttist ég í þetta hornhús (miðhæðin) úti á Crhistianshavn, steinsnar frá djobbinu en það er önnur saga og verður sögð seinna.

Það lá nærri að ég fengið nostalgíukast með öflugum fráhvarfseinkennum þegar ég fann þessa mynd af gamla húsinu mínu á netinu.  "Those were the days" svo ekki sé nú meira sagt góðir hálsar.

Sendi öllum fótgangandi Kaupmannahafnarbúum baráttukveðjur í tilefni dagsins.

Síjúinalittulvæl!

 

Strætisvagnaverkfall í Kaupmannahöfn

NÚNA ER ÉG HISSA..

...jafnvel hneyksluð ef satt reynist.  Mikið rosalega finnst mér það út úr karakter við Björk, eins og ég upplifi hana, ef hún er farin að blanda sér í Britneyarsirkusinn.  Ekki að mér sé ekki sama, konur styðja konur.. en ég er vægast sagt gapandi hlessa.

Haft er eftir Björk af slúðurblaðinu enska Daily Star: "„Ég gat komist í burtu, en hún á ekki undankomu auðið,” sagði Björk við Daily Star. „Henni er velkomið að búa á heimili mínu á Íslandi,” mun Björk hafa sagt.

Jahá!

Björk býður Britney til Íslands

070707

Giftingavertíðin mun ná sögulegu hámarki 7. júlí nk. en allt er brjálað að gera í bransanum fyrir bragðið.  Páll Óskar og Monika eru svo upptekin þennan dag að Fréttablaðinu finnst þau "fáránlega" vinsæl.   Hvað ætli sé sungið í brúðkaupunum í ár? Ég fór fyrir mörgum árum í brúðkaup í Keflavík þar sem söngvari nokkur söng "You never walk alone" á íslensku og ég er ekki enn búin að jafna mig. Væmnistuðullinn er svo svakalega lágur hjá mér.

Svo getur maður rétt ímyndað sér fjörið hjá blómabúðunum, brúðkjólaleigunum, og öllum hinum búðunum sem stuðla að hinni ævilöngu hamingju brúðhjónanna og það allt upp á amerísku.  Ég hef ekkert á móti brúðkaupum, finnst þessi hefðbundnu amerísku dálítið plebbaleg reyndar og ég kurlast í tætlur þegar ég sé hárborða á drossíum.  Það er eitthvað svo.. hugmyndasnautt.  En látum það nú vera.  

Ég las um daginn að helmingur hjónabanda endaði með skilnaði.  Rosalega varð ég sjokkeruð.  Öll þessi aðkeypta hamingja sem merkt er í almanakið a.m.k. ári fyrir viðburð og svo fer allt í vaskinn.  Nú er ég alvön því að gifta mig, hef gert það reglulega í gegnum lífið og oftar en ekki endað í skilnaðarfötunni, þurft að klifra upp úr henni og fara að leita að nýju fórnarlambi.  En það má segja mér til hróss að ég hef ekki lagt í mikinn kostnað við þessar athafnir.  Ég er voða fegin því.  En hvernig ætli standi á þessu?  Ég meina öllum þessum skilnuðum?  Svar einhver.

Þetta er um margt merkileg dagsetning.  Sniðug til að fæða börn á.  Smart kennitala og svo veit ég um einn götunnar mann sem ég átti spjall við í fyrra og hann tjáði mér að hann ætlaði ekki að hætta vinfengi við Bakkus fyrr en að ofannefndur dagur rynni upp.  070707 væri þrefaldur heilagleiki samkvæmt hans talnaspeki.  Garanterað að edrúmennskan myndi komin til að vera.  Hann ætlaði því að leggja á sig drykkju fram að þessum degi.  Ég vinka vini mínum héðan og ég vona í leiðinni að hjónabönd þessa dags verði eldheit og farsæl til eilífðarnóns og í þeim ríki heilög hamingjan.