Í JÚLÍMÁNUÐI VERÐUR ALLT VITLAUST

...á fjölmiðlinum mínum.  Þrátt fyrir að vera í nánu samstarfi við Moggann sem er lýðræðiselskandi fjölmiðll (og ég er það auðvitað líka) ætla ég að "forbjóða" nokkra frasa í kommentakerfinu mínu.  Æi ég umorða þetta, ég ætla að vinsamlegast að fara fram á við ykkur að eftir 15. júlí þá notist þið ekki við eftirfarandi frasa:

1. No komment(því það er þá alveg eins hægt að segja ég er ósammála eða mér er skítsama um þessa færslu þína kjéddling eða því sleppa alveg að kvitta). www.jonaa.blog.is er með undanþágu þegar við ræðum afrek Samfylkingar í ríkisstjórn, þar sem hún kaus ekki rétt og skammast sín ennþá smá fyrir að hafa ekki farið að leiðbeiningum mínum ().   Þorrí Jóna mín.

2. Tík nema þegar talað er um hunda- og hundarækt sem er mjög algengt hérna bloggsíðunni enda ég löngu farin í hundana.  Þetta gildir ekki um www.asthildurcesil.blog.isþví hún verður stundum smá pirr út í asnalegar kjéddlur.

4. Orðalagið "talað undir rós" og þetta er án undantekninga, nema þegar fólk setur hattinn sem er frammi í forstofu á hausinn á sér áður en það kommenterar.  Þessi hérna sko:

Þessi tilmæli bið ég ykkur kurteisilega að virða kæru vinir.  Ég er, eins og áður hefur komið fram mjög lýðræðiselskandi manneskja, þannig að ég hringi ekki á lögguna eða eitthvað, þótt einhver missi sig stundum.  Fram að 15. júlí er hinsvegar leyfilegt að kommentera, nókommentera, og tala um tíkur til hægri og vinstri svo framarlega sem það er gert undir rós.

Urrrrr

Þetta flokkast klárlega undir mannrækt.  Eruði ekki sammála því??

KONUR ERU KONUM...........

...góðar OG HANANÚ.  Þessi fullyrðing er amk. sannari en hin sem oftast heyrist.  Frá og með deginum í dag er bannað með lögum þessa fjölmiðils að nota "konum eru konum verstar" í kommentakerfinu hér  og hananú.  Ég nenni ekki að taka saman þau skipti sem þessi leiði frasi hefur verið notaður í mínu kommentakerfi og reyndar út um allt blogg. Ótrúlega lífseig þessi firra. Stundum reyndar notað án hugsunar enda frasinn orðinn eins og stórisannleikur í daglegu tali fólks.

Þessi fullyrðing er ekki byggð á nokkrum raunveruleika.  Það er ekkert sem segir að konum séu konur verstar.  Það eru hins vegar ansi margar konur sem geta vitnað um það gagnstæða. 

Niðurstaða:  Konum eru konum oftar en ekki góðar (ég minni á systra- og vinkonunet heimsins).  Þær eru stundum andstyggilegar hvor við aðra,  alveg eins og gengur og gerist í lífinu.  Mín reynsla er sú að oftar hef ég notið stuðnings og vináttu kvenna en hins.

Svo standið ykkur nú krakkar mínir.  Út með meiðandi frasa um konur (og karla líka já,já, já).

P.s. Mér kæmi ekki á óvart þótt einverjir nördar af hm.. sumu kyni sæju sig knúna til að setja einmitt téðan frasa í kommentakerfið.  Hm

HEFÐI MÁTT GERAST ÖLLU FYRR..

 

..en hvað um það.  ISG, utanríkisráðherra hefur ákveðið að lendingar ákveðinna flugvéla á Keflavíkurflugvelli og/eða Reykjavíkurflugvelli verði teknar til nánari skoðunar.  Þessi ákvörðun er tekin í kjölfar umfjöllunar þings Evrópuráðsins í dag um skýrslu sem varðar leynifangelsi og ólöglegt fangaflug CIA í gegnum lofthelgi Evrópuráðsríkja.

Mikið skelfing er þetta tímabært.  Hvað ætli sagan eigi eftir að segja okkur um lögleysisgjörninga og mannréttindabrot Bandaríkjamanna,  sem þeir hafa hingað til afsakað með því að segjast vera í "Stríði gegn Hryðjuverkum"?

Úff.

Lendingar ákveðinna flugvéla hér á landi teknar til nánari skoðunar

FRAMHALD FRÁ FRUMBURÐI

 

Barst eftirfarandi skeyti frá frumburði, rétt áðan og það hélt skemmtilegar fréttir frá Róm.  Niðurlag ímeilsins var eftirfarandi:

"Ekki gleyma ad taeknivaeddi frumburdurinn les tolvupost I friinu og skodar
blogg.
Helga Björk Laxdal hdl."

Af hverju ætli stelpunni finnist nauðsynlegt að segja mér það?

Bítsmí eða ætti ég að segja Súmí?

Muhahahahahaha

KIMMI KARLINN..

.. með tónleika hér í nóvember.  Ég þangað.  Það er allveg geggjaður stemmari í mér fyrir Kimmaranum.  Við eigum það líka sameiginlegt að hafa búið á Sofiegården í Köben.  Hann meðan þar var hálfgert hreysi fyrir útigangsfólk, ég eftir að byggðar voru þar flottar íbúðir.  Ég er alltaf einu skrefi á undan..

Merki við á almanakinu, alveg á hreinu.

Nananabúbú!

Kim Larsen með tónleika á Íslandi

EKKI MARGMÁL HÚN ELSTA DÓTTIR MÍN..

 

.. en hnitmiðuð og skýr og ekki er hún húmorslaus stelpan.  Var að fá eftirfarandi ímeil frá henni þessari elsku..

" Komin til Romar. Knus fra frumburdi med Blackberry og fjaerbudarmanni.
Helga Björk Laxdal hdl."

Mér létti nokkuð enda með þungar áhyggur af Blackberry

Síjú

P.s. Mynd af frumburði með Maysunni og Jöklanum.

ÁTTA ÁRA EIN Í SUNDI, 12 ÁRA AÐ HEIMAN?

Kva.. stundum á ég ekki orð, það er þó sjaldan.  Átta ára gömul geta börn sem farið ein í sund.  Er í lagi með okkur?  Sendir einhver börn á þessum aldri börn án fylgdar fullorðinna á sundstaðina?? Það hlýtur að vera eitthvað að mér.  Ég er bara gapandi..

Súmí!

Börn undir 8 ára verða að vera í fylgd með ábyrgðarmanni í sundi

JÓHANNA ÞÓ!!

 

Eins og ég dáist að þér og virði þá ferðu með mig niður fyrir frostmark núna.  Ætlarðu að segja mér að engin jafnhæf kona sé til innan Samfylkingar til að verða aðstoðarmaður þinn?  Nú detta mér allar...

Þá er búið að dusta rykið af Hrannari..

Segi ekki meir

Hrannar Björn aðstoðarmaður Jóhönnu

ENN EINN PLEBBAFRASI...

 

..fyrir ykkur innipúkana á meðan við Jenny höldum á vit ævintýranna í sandkassanum.

Hvað finnst ykkur um "Tilgangurinn helgar meðalið"?  Ég man ekki eftir að þessi sé nokkurn tímann notaður nema til að réttlæta asnalegar og vondar gjörðir.  Einhver?

Rosalega er mikið af hallærislegum frösum í gangi! OMG

NÆTURSAMTAL

Í nótt kl. 04,00 átti sér stað eftirfarandi samtal milli ömmunnar og Jenny:

Amma, nóttin búin, Jenny farrrra frrrram.

Amman: Nei Jenny mín, nóttin er ennþá út ástin mín, við skulum lúlla meira.

Jenny: Nei amma, nóttin allleg búin, sólin er úti, Jenny leika aðeins, pínu-pínu lítið.

(Jenny bætir smá í taktiíkina, það er mikið í húfi)  Jenny á J, Einarrrr á ERRRR, amma á A, mamma á M og pabbi á P.  Pabbi lant burrrt að spila trrrommuna.

Amma: Jenny mín nú skulum við sofa þangað til nóttin er farin

Jenny: Nóttin farin heim til mömmusín og pabbasín, Jenny svöng (þetta síðasta sagt með áhersluþunga)

Amma: Nú fær Jenny að drekka og svo lúllum við meira (aðframkomin úr syfju, sko amman)

Jenny: Nóttin farin heim til mömmusín og pabbasín.  Líka skýin og djúsin og náttfötin.  Allir farra, sólin komin út að leika.

Hm.. við héldum áfram að debattera um nótt og dag og hverjum hefði verið vísað heim í foreldrahús og hverjir væru komnir út að leika.  Þessu hélt fram þar til lítil stúlka datt út af og svaf værrrrum svefni þar til kl. 07,00 í morgun. 

Góðan daginn elskurnar, er þetta ekki dásamlegur dagur?? Það þykir mér.

Get ekki still mig um að skella hér inn mynd af litlu tónlistarkonunni frá í vetur.  Þessi heitir einfaldlega "stairway to heaven" Úje nema hvað.