BRJÁLAÐ VÖRUMERKI OMG

Ég hef engan áhuga á bílum.  Hef aldrei haft og mun aldrei hafa.  Bílar eru fyrir mér kassi á fjórum hjólum sem maður kveikir á og keyrir.  Þ.e. sem aðrir kveikja á og keyra..... mig.  Ég er ein af þeim sem alltaf segi VÁÁÁ þegar bíll fer í gang.  Mér finnst það stórkostlegt kraftaverk að það skuli með lykli vera hægt að kveikja á apparatinu.  Auðvitað er þetta blöðruheila-afstaða til þarfasta þjónsins en ég er svona að reyna að undirstrika vanþekkingu mína á bílum með því að játa allt.  Beinlínis allt.

Ég hef stundum hugsað um það hvað ég myndi gera ef ég yrði vitni að óhappi í umferðinni eða ráni þar sem ræningjarnir hverfa á braut í bíl.  Ég væri í vondum málum, löggan líka en afbrotamennirnir væru í góðum gír og með heppnina með sér.  Ég þekki Wolksvagenbjöllur, Merzedes Benz og Rolls Royce.  Svo þekki ég strætó og gömlu Citroen bílana sem eru ekki til lengur.  Þar með er það upp talið og þó líf mitt lægi við gæti ég ekki nefnt aðra bíla.

En hvað um það.  Þessi fyrirsögn, "Ferrari brjálast" varð mér tilefni til þessarar hugleiðingar.  Hvernig getur vörumerki brjálast?  Eða er greifi Ferrari enn á lífi, sum sé persónan Ferrari.  Ég veit það ekki en mikið rosalega eru þeir orðnir líbó á Mogganum.

Er einhver arfaruglaður kommúnisti af gamla Þjóðviljanum búin að fá vinnu þarna?

Demdifænó - demdifæker!

Ferrari brjálast yfir að McLaren skyldi sleppt við refsingu

HÉRAÐSDÓMSTÓLLINN "HRAÐAR HENDUR"

´

Ég trúðii vart mínum eigin augum, þegar ég sá að búið var að dæma í Hnífsdalsmálinu sem átti sér stað þann 8. júní s.l.  Ég ætla að vona að verið sé að gefa tóninn þarna með breytt vinnubrögð dómstóla í landinu.  Það væri ekki verra þegar nauðgunar- og önnur ofbeldismál er annars vegar.

Nú vitum við að það er fangelsi upp á fjögur og hálft að gera tilraun til að drepa eigkonu með skotvopni.

Svo er að lesa viðtengda frétt og verða öllu nær.

Svo mörg voru þau orð.

Dæmdur í 4,5 árs fangelsi fyrir tilraun til manndráps

SKIPTIR ÞAÐ MÁLI..

..hvort Jim Morrison óverdósaði í baðinu eða á næturklúbbi?  Nei, ég held ekki.  Það er alveg jafn sorglegt þegar ungt fólk deyr, hvernig svo sem dauðann ber að höndum.  Það er einfaldlega gömul og ný saga.

Ég elska Doors og þar fyrstan í flokki Morrison.

Sama gildir um Janis Joplin, og..

Jimi Hendrix,  og..

Brian Jones, og..

fleiri sem ég ætla ekki að telja upp því þá fer ég á víðáttubömmer.  Þetta fólk dó í blóma lífsins út af ofnotkun á dópi og brennivíni.

Svo fjandi sorglegt.

Dem

 

Lést Morrison í næturklúbbi eða í baðkarinu?

BANNAÐ - BANNAÐ - BANNAÐ

Nú er bannað að reykja í öllum kvikmyndum sem Disney fyrirtækið framleiðir.  Ég minnist þess nú ekki sérstaklega að í myndum félagsins hafi reykjandi fólk vaðið mikið uppi.  En hvað með það, um að gera að láta allt sem tilheyrir raunveruleikanum bara hverfa.

Nú má ekki reykja (handritahöfundar heimsins - út með retturnar)

Næst verður bannað að drekka áfengi

Svo verða allir að vera í kjörþyngd í bíómyndum

Síðan verður bannað að geraða í bíómyndum, kyssast og sollis

Ekki væri verra ef ruslfæði hyrfi af matarborðum söguhetjanna

Svo endar þetta með steingeldum engladansi.

Ég hlakka alveg svakalega til.

Jeræt

Engar reykingar í kvikmyndum Disney

AF VINDI, TRJÁM OG PÍNKULITLUM ÍSUM

Hún Jenny Una Erriksdóttirrr kom í heimsókn í gær.  Ég stóð með hana í fanginu við eldhúsgluggann og við vorum að horfa á fallega tréð fyrir utan.  Í þessu tré á vindurinn heima, allavega heldur Jenny Una því fram. Á undanförnum mánuðum höfum við mikið spekúlerað í hegðun vindsins og trésins.  Þetta fór okkur nöfnunum á milli.

Jenny: Amma, vindurinn er að leika sér í trénu og hann er ekki reiður.

Amma: Já það er rétt elskan, hann ruggar trénu bara pínulítið.

Jenny: Vindurinn má ekki vera reiður við tréð og vera með læti, þá brotnar það og það kemur blóð.

Amma: Vindurinn er alveg rólegur núna og tréð meiðir sig ekki neitt.

Jenny: Ef tréð meiðir sig og það kemur blóð þá á amma að gefa plástur, stóóórrran plástur, alleins og Jenny (hún rekur fram pínulítinn putta með kisuplástri). Vindurinn er samt alleg góður, hann bara hlaupa heim til mömmusín stundum.

Amman: (orðin andaktug í framan vegna hins heimspekilega þenkjandi tveggja ára barns), já Jenny mín það verður að hjálpa trénu ef það meiðir sig.

Jenny: (amman sér  barn næstum því glotta út í annað) ef það kemur blóð þá á tréð að fá ís.  Jenny með plástur má Jenny fá "pínulítinn" ís? (barn veit að það eru ekki til pínulitlir ísar og ekki heldur risastórir) Geððuða  amma mín?

Amman: Hm... og gefst alla leiðina upp.

SKULDADAGAR

Það verður forvitnilegt að fylgjast með því, hvað kemur út úr meiðyrðamáli, piltsins sem fyrir ofsóknunum á netinu, vegna brottlaups Lúkasar frá Akureyri.  Um er að ræða 70 netverja sem voru með aðdróttanir um að strákurinn hefði tekið hundinn af lífi, særðu æru hans og hótuðu honum.

Ég skil vel að Helgi Rafn leiti réttar síns í málinu.  Spurningin er hver niðurstaðan verður.  Þá á eftir að koma í ljós hvort fólk geti farið fram með þessum hætti á netinu án þess að hægt sé að kalla það til ábyrgðar.

 

Hyggst fara alla leið með Lúkasarmál

ELDFIMT - NÁLGIST AF VARÚÐ!

Sum orð og hugtök eru eldfim. Sérstaklega hér á blogginu.  Þau heitustu, sem setja eld í kommentakerfi bloggheima þar sem margir henda úr hlandkoppnum sínum yfir höfunda, verða hvað verst ef minnst er á:

1. Feminisma.  Ekkert kveikir í fólki eins og umræður um  kvennapólitík.  Ef bloggarar eru málsvarar feminisma þá er fjandinn laus. "Jafnréttissinnarnir" verða hreint ótrúlega margir og þeir eru allir með það á hreinu að feministar hreinlega SKEMMI framfarir í jafnréttismálum.  Dásamlegt hreint.

2. Klám (angi af sama meiði).  Ef skrifað er á móti klámi þá koma skilgreiningar- og "frelsis"-postularnir á vettvang, vígamóðir og tjá sig um klám.  Þ.e. um þá gífurlegu frelsisskerðingu sem það hefur í för með sér að lyfta litla fingri til að stemma stigu við klámi.

Þetta var ég nú að hugsa um áður en ég leggst á koddann og lúlla í hausinn á mér.

Síjúgæs.

SKERÍ - SKERÍ

Það eru litlir menn, grænir á lit samt kínverskir, í sænskum þjóðbúningum út um allt í kringum mig.  Þeir fylgja mér hvert fótspor, halda að ég sjái þá ekki og þeir njósna stöðugt um mig.  Þeir taka upp símtölin mín, eru með kamerur hér í öllum hornum og það eru míkrafónar í gólfinu.  Þeir ætla að ná mér og færa mig til dómara.  Ég veit ekki alveg fyrir hvað en ég er viss um að ég verð dæmd fyrir landráð eða eitthvað.  Þeir eru inni í tölvunni, þeir fokka upp blogginu mínu og þeir setja inn athugasemdir í mínu nafni.  Ég er algjörlega ófær um að stoppa þessa menn.

Þegar ég sef þá hvísla þeir að mér allskonar ófögnuði til að gera mig hrædda þannig að ég hlýði þeim á endanum.

Þeir eru farnir að skrifa stjörnuspá Steingeitarinnar á Mogganum til að ná enn betur til mín.

Í dag segja þeir (uss ekki tala hátt, microphones you know):

"Steingeit: Þeir munu reyna að segja þér að þú hafir bara eitt tækifæri, en þau eru endalaus. Reyndu þitt besta, og lærðu af því fyrir næsta skipti."

Ég er svvvvvooooooooo hrædd.

Emægonnadæ?

AUGNHÁRASVINDL

Auglýsingin um maskarann frá L´Oreal, þar sem Penélope Cruz auglýsir maskarann sem lengir augnhárin til stjarnanna er sögð vera villandi, þar sem Cruz skartar gerviaugnhárum.

Hehe, Ég var löngu búin að sjá það.  Mér fannst það ekki tiltökumál þar sem allur snyrtivörubransinn er feik frá upphafi til enda og gerður út á hégómagirnd okkar kvenna, og við borgum og borgum.  Þess vegna brosti ég með sjálfri mér þegar Cruz dinglaði  fölsku bráhárunum.

Ég er sjálf með augnahár upp í heila og það þýðir ekki að plata atvinnumann í greinni.

Súmí.

Gerviaugnhár Penélope Cruz óviðundandi

..OG ALLIR HATA FEMINISTA

 

Stöð 2 er að toppa sig þessa dagana.  Fyrr má nú vera gúrkan.  Þeir sem horfðu áðan,  hafa væntalega séð "fréttina", þ.e. viðtalið við Íslensk-Kanadiska klámmanninn sem lét hvað hæst þegar klámráðstefnan var blásin af á dögunum.  Einhvern veginn sló sá maður mig ekki sem mjög áreiðanlegur heimildarmaður, en Stöð 2 étur vitleysuna hráa upp úr honum í símaviðtali. Hann og nokkri aðrir ferðuðust hingað hvort sem var, af því þeir voru búnir að kaupa miðann til Íslands og fá fríð í vinnunni.

Enhvernveginn svona hljómað frásögn Hr. Hjörleifssonar (held ég muni nafnið rétt):

Allir þekktu okkur af nöfnunum þegar við vorum að skemmta okkur í bænum.  Við rákumst ÓVART inn í lokað partý hjá feministum og þær voru mjög ókurteisar, yfirheyrðu okkur og voru ekki mjög aðlaðandi. ALLIR sem við töluðum við á djamminu sögðust hata feminista. Borgarstjórinn er örugglega geðveikur að koma með yfirlýsingu eins og þessa, þegar hann lýsti andstöðu sinn við klámráðstefnuna, nema að hann hafi eitthvað vont á samviskunni!

Svo heilsteiptur karakter eitthvað.

Stöð 2 - getalæf!