ER AÐ BLOGGA FRÁ VETTVANGI..

 

..þar sem hlutirnir gerast eða fyrir utan verslunina Nexus á Hverfisgötu og er þar nr. 4 í röðinni og ætla að bíða þar til kl. 23.01 annað kvöld og þá ætla ég að kaupa upplagið af Harry Potter, taka með mér heim, selja á svörtu á uppsprengdu verði.

Segi svona, en mikill rosalegur hamagangur er þetta út af bókinni. 

Flott markaðssetning er greinilega að skila sér.

Bítsmí

Sofið fyrir utan Nexus í nótt

EKKERT KYNLÍF EN BEINT Á TOPPINN

Noh það munar ekki um það.  Ellý verður að fara að vara sig.  Einhversstaðar í heiminum, nánar tiltekið í Kína bloggar kínverska leikkonan og leikstjórinn Xu Jinglei og er heimsins mest lesni bloggari.  Það hefur vakið sérstaka athygli að konunni hefur tekist að fanga athygli lesenda án þess að hún bloggi um kynlíf eða slúður.

Ellý nú verður þú að fara að söðla um.  Það eru nokkur sæti enn á toppinn.  Drífa sig.  Hvernig væri að blogga um venjulegt fólk?  Að tala, borða, vinna, sofa og lifa.

Súmí.

Vinsælust án kynlífs og kjaftasagna

ÞEIR SKELLIHLÆGJA FÉLAGARNIR..

..og ríkissjóður borgar brúsann.  Kva!  Það er líka alveg rosalegur áhugi á því hjá batteríinu öllu saman að slá á klámvæðinguna. 

Hvað er lokað rými, hvað er opið rými?  Þetta er alveg svakalega flókið. 

Og þeir hlægja og hlægja karlarnir enda full ástæða til.  Þeir eru í góðum málum.

Það þýðir ekki að segja "súðefokkers" að þessu sinni, það hefur nefnilega engan tilgang.

Fokk.

Eigandi Goldfinger og dansari á staðnum sýknuð

BLOGGVINAHEIMSÓKNIR (NB EKKI HREINSANIR)

Muhahahahaha

Er búin að fara einn bloggvinahring eða tvo og allsstaðar ýtt á "óviðeigandi tenging við frétt" þar sem boðið er upp á þann möguleika.  Um að gera að nota fídusana.  Segi svona.  Dásamlegt að geta hlekkjað sig við tölvukvikindið þegar kona nennir ekki að gera skyldu sína á heimilinu.  Ég er með matarboð fyrir familíuna mína í kvöld (matarboð er asnalegt orð í þessu tilfelli bara sam-snæðingur væri nærri lagi) og hef alveg nóg að gera.

Ég elska ástríðukokka.  Ég get ekki logið því upp á sjálfa mig að ég sé mikill átsríðukokkur en ég er nokkuð góð samt.  Meðfæddur hæfileiki sem ég hef ekki lagt neina sérlega rækt við frekar en marga af öllum mínum dásamlegu hæfileikum.  Ég hef ekki tíma í þá alla.    Hvað um það, aftur að kokkunum og núna þeim á blogginu.  Ég veit ekkert skemmtilegra en að lesa blogg ástríðukokkanna.  Það er svo mikil innlifun í matargerðinni hjá þeim en þeir eru alls ekki nógu margir.  Ég get ekki sagt að ég hendist beint í eldhúsið og eldi samstundis allt sem þeir eru að gefa okkur uppskriftir að, en ég tileinka mér margt og ég spinn líka út frá hugmyndunum þeirra.

Matglaði læknirinn (www.ragnarfreyr.blog.is) er sá duglesti í matarblogginu.  Ég hef notað margar uppskriftir frá honum fyrir nú utan nautnina sem ég fæ af því að lesa bloggið hans.  Maðurinn er ástríðukokkur par exilance. 

Bloggvinkona mín hún Stína í Kananda (www.stinajohanns.blog.is)  er rosalega skemmtilegur matarbloggari.  Ég hef tekið eitt og annað til handargangs frá henni (kjúklingasalat og sænskt kartöflusalat toppar flest).  Hún bloggar líka um allskonar annað og er bara skemmtileg.

Edda Agnars, æskuvinkona mín bloggvinkona (www.eddaagn.blog.is)  er geggjaður kræsingabloggari.  Hún er með ótrúlega einfaldar uppskriftir af mat og bakstri sem klikkar aldrei.  Algjör barnaleikur enda konan hússtjórnarkennari.

Þetta er byrjunin góðir gestir.  Bon apitít og enga öfund.  Við getum ekki öll verið meistarar allsstaðar.

Nananabúbú.

 

ÆTLI ÞEIR SOFI RÓTT..

..þessir böðlar sem taka fólk af lífi, miskunnarlaust í Flórída?  Sjö mánaða fríi frá dauðarefsingum er lokið en á meðan hafa engir fangar verið teknir af lífi í kjölfar þess að það mistókst að myrða einn með banvænni sprautu.  Það þurfti að sprauta hann aftur og dauðastríðið var 34 mínútur.  Þetta eru ekki manneskjur sem þetta gera og sjá ekkert athugavert við það einu sinni að taka fólk af lífi í nafni laganna.  Rétt eins og það sé minna ódæði að drepa með ríkið á bak við sig heldur en á eigin vegum.

Hvað með læknana sem taka þátt í aftökunum?  Gengur þetta ekki þvert á læknaeiðinn? ARG

Í raun ætti engin þjóð með sjálfsvirðingu að halda sambandi við lönd eða fylki sem enn eru í barbaríinu.

súðemoðerfokkers!

Aftökustoppi lokið í Flórída

ÞETTA HEF ÉG ALLTAF ÓTTAST...

..að verða gömul, veik og upp á aðra komin.  Ég er kannski ekki hrædd um að vera smyglað með gosflöskunum í endurvinnsluna af afkomendum mínum en skelfingu lostin yfir því að enda mögulega sem hornkerling heima hjá þeim, þeim og öðrum til ama og leiðinda og mér til andlegrar hrörnunar og niðurlægingar.

Svo er hinn möguleikinn.  Að enda á barnaheimili fyrir fullorðna þar sem ég á að föndra, dansa gömlu dansana, borða pylsu í beinni (af því það er svo krúttlegt að horfa á gamlar manneskjur borða pylsur),  láta fólk garga þegar það talar við mig (vegna heyrnarleysis sem endilega ekki er til staðar) og fleira í svona uppbyggjandi dúr.

Þjóðfélagið kemur fram við eldri borgara eins og hálfvita oft á tíðum.  Eins og maður verði átómatískt að hálfvita eftir vissan aldur.  Flestir vita þó að gamalt fólk er oft  með betri og gefandi nærveru en þeir sem yngri eru.  Þetta get ég vottað, enda alin upp af eldra fólki.

Ég held að ég biðji almættið sérstaklega um það í kvöld að kippa mér til sín áður en ég verð að fórnarlambi aðstæðna sem eldri borgara bíða ef heilsunni sleppir.

Súmí.

Ömmu hent á haugana

ENDILEGA EKKI SETJA INN ATHUGASEMDIR..

..við færsluna um hana Bríeti.  Það er ekki athugasemdavert að ein af okkar fremstu kvenréttindakonum á síðustu öld, (sem var sögulegt tímabil í kvennabaráttuinni, aðallega vegna stórra sigra en líka ósigra auðvitað) eigi að fá um sig minnisvarða. Það er auðvitað á hverjum degi sem kvenna er minnst fyrir störf sín vegna framlags í mannréttindamálum (eða öðrum málum yfirleitt).  Styttur og minnisvarðar borgarinnar eru,  eins og allir vita,  í jöfnu hlutfalli á milli kynja.

Ég er persónulega hissa að hennar skuli þó verða minnast á UNDAN öllum jakkafötunum sem ENN eru á lífi, eins og Davíð Oddsyni, forsetanum og fleiri guttum.

Mér finnst það merkilegt fagnaðarefni. 

Arg

TÍMABÆR MINNISVARÐI

Nú er verið að undirbúa uppsetningu á minnisvarða um Bríeti Bjarnhéðinsdóttur, eina af flottustu kvenréttindakonum okkar, á horni Amtmannsstígs og Ingólfsstrætis.  Mér finnst þetta ansi tímabært því hefði Bríet verið karl væri hún löngu komin í styttulíki og stæði ábúðarfull í einhverjum garði í Reykjavík.

Úje

Minnisvarði um Bríeti mun rísa í miðborginni

HVAÐA PERRI FANN UPP ÞENNAN?

Sumir frasar,  málshættir eða kannski orðtök eru beinlínis ógeðsleg.  Þessi sem hér er nefndur er alltaf að verða á vegi mínum nú orðið og virðist vera í tísku, svei mér þá.  Á tímabíli gargaði frasinn á mig af bakhlið mjólkurfernunnar við morgunverðarborðið.

Hvað um það.  Sá sem bjó til  þennan frasa hefur bakað sér óvild mína sem nær út yfir gröf og dauða.  Ég þekki engan rassalyktarunnanda en kannski gengur fólk um og fitjar upp á nefið þegar endalykt og annar viðbjóður á í hlut, bara til að sýnast normal.  Kannski liggur þetta sama fólk út um allt inni á baðherbergjum landsins og lyktar í ljúfri sælu.

Nei nú æli ég....

Hér kemur viðkomandi hroðbjóður:

Sæt er lykt úr sjálfs rassi.

Ég legg til að þessi verði afmáður úr íslensku máli.

BRILLJANT HUGMYNDIR SEM TÝNAST..

..áður en þær komast á blað skella sér stundum í frjálsu falli ofan í hausinn á mér þegar minnst varir, og ég lamast af aðdáun.  Aðdáun á mínum eðalheila og smá vegna þess að ég veit að ég hef rekið mig í einhverjar "hugsanir" þarna fyrir ofan mig, sem hafa sloppið frá eigendum sínum og eru þar á sveimi. 

Nú ég fékk eina svona geníal hugmynd áðan.  Ég var að dóla í bloggheimum, lesa sauðsvartan almúgann (ég er að sjálfsögðu að grínast, myndi aldrei hugsa svona ljótt. Jeræt), þegar ég fékk þessa hugmynd.  Nú get ég ekki afritað mínar hugmyndir til geymslu þar til ég næ að koma þeim á blað, í fast form svo að segja en þar sem ég hef ofurtrú á minni mínu til langs og skamms þá hélt ég yfirreiðinni áfram eins og ekkert hefði í skorist.

Ég er búin að gleyma hugmyndinni og blogga því um hugmynd sem fór út í alheiminn og einhver manneskja verður slegin í höfuðið með henni í Kína, Timbúktú eða á Grænhöfðaeyjum, mjög bráðlega.  Ég held að hugmyndin gæti hafa verið annaðhvort eftirtalinna atriða:

1. Að kaupa skóverslun.  Það yrði ódýrara til lengdar, í stað öflugra skókaupa hjá vandalausum. Það myndi vera s.k. sjálfsþurftarbúskapur.

2. Að byrja með sjónvarpsþátt sem ráðgefandi aðili. Hjónabandsvandræði, skilnaðir, lóðahreinsun, sláturgerð (æl) tarotspár, notkunarleiðbeiningar með hallamælum, kartöflurækt, bílaviðgerðir og þetta er bara lítið brot af hæfileikum mínum sem ég myndi deila með þjóðinni. 

Ef einhver ykkar fær flotta hugmynd í kvöld, þá er hún mín og skilið henni samstundis.  Éáana.

Jeræt og úje