BLOGGVINAHEIMSÓKNIR (NB EKKI HREINSANIR)

Muhahahahaha

Er búin að fara einn bloggvinahring eða tvo og allsstaðar ýtt á "óviðeigandi tenging við frétt" þar sem boðið er upp á þann möguleika.  Um að gera að nota fídusana.  Segi svona.  Dásamlegt að geta hlekkjað sig við tölvukvikindið þegar kona nennir ekki að gera skyldu sína á heimilinu.  Ég er með matarboð fyrir familíuna mína í kvöld (matarboð er asnalegt orð í þessu tilfelli bara sam-snæðingur væri nærri lagi) og hef alveg nóg að gera.

Ég elska ástríðukokka.  Ég get ekki logið því upp á sjálfa mig að ég sé mikill átsríðukokkur en ég er nokkuð góð samt.  Meðfæddur hæfileiki sem ég hef ekki lagt neina sérlega rækt við frekar en marga af öllum mínum dásamlegu hæfileikum.  Ég hef ekki tíma í þá alla.    Hvað um það, aftur að kokkunum og núna þeim á blogginu.  Ég veit ekkert skemmtilegra en að lesa blogg ástríðukokkanna.  Það er svo mikil innlifun í matargerðinni hjá þeim en þeir eru alls ekki nógu margir.  Ég get ekki sagt að ég hendist beint í eldhúsið og eldi samstundis allt sem þeir eru að gefa okkur uppskriftir að, en ég tileinka mér margt og ég spinn líka út frá hugmyndunum þeirra.

Matglaði læknirinn (www.ragnarfreyr.blog.is) er sá duglesti í matarblogginu.  Ég hef notað margar uppskriftir frá honum fyrir nú utan nautnina sem ég fæ af því að lesa bloggið hans.  Maðurinn er ástríðukokkur par exilance. 

Bloggvinkona mín hún Stína í Kananda (www.stinajohanns.blog.is)  er rosalega skemmtilegur matarbloggari.  Ég hef tekið eitt og annað til handargangs frá henni (kjúklingasalat og sænskt kartöflusalat toppar flest).  Hún bloggar líka um allskonar annað og er bara skemmtileg.

Edda Agnars, æskuvinkona mín bloggvinkona (www.eddaagn.blog.is)  er geggjaður kræsingabloggari.  Hún er með ótrúlega einfaldar uppskriftir af mat og bakstri sem klikkar aldrei.  Algjör barnaleikur enda konan hússtjórnarkennari.

Þetta er byrjunin góðir gestir.  Bon apitít og enga öfund.  Við getum ekki öll verið meistarar allsstaðar.

Nananabúbú.

 

Athugasemdir

[Ragnheiður , 19.7.2007 kl. 16:53]

  

[Kristín Katla Árnadóttir, 19.7.2007 kl. 17:27]

Ekki varstu að heimsækja mig  í blogghringnum.

[Jenný Anna Baldursdóttir, 19.7.2007 kl. 17:28]

Kristín Katla róaðu þig. Líttu á bloggvinalistann.  Ég fer hann amk. þrisvar á dag af skiljanlegum ástæðum. ARG

[Kristín Katla Árnadóttir, 19.7.2007 kl. 17:33]

hehehe

[Jóna Á. Gísladóttir, 19.7.2007 kl. 19:04]

Ég veit ég verð efst á lista þegar kemur að fólki því sem ástríða felst í að éta það sem aðrir kokka. Og bera þess merki.

[Kristín M. Jóhannsdóttir, 19.7.2007 kl. 19:58]

Takk fyrir hólið elsku Jenný. Gott að þú hefur notið matarins. Bráðum ætla ég að setja inn uppskrift af Picadillo sem er kúbanskur réttur og einn af mínum uppáhalds. Og ég kem alltaf í heimsókn til þín á hverjum degi.

[Jenný Anna Baldursdóttir, 19.7.2007 kl. 23:53]

Ég bíð spennt Stína mín og þegar við Jóna förum til Kanada (nánar tiltekið í heimsókn til þín híhí) þá býður þú okkur í mat.  Kjéddlan talar reyndar alltaf um sig eins og hún sé feit en ég hef nýlega séð mynd af vinkonunni og hún er eins og banani í laginu, sko óþroskaður.  Muhahahahahahha

Jóna mín þú ferð efst á listan fyrir svo margt.  Bíddu bara

[Hrönn Sigurðardóttir, 19.7.2007 kl. 23:56]

Ég heimsæki Kristínu reglulega og hef gaman af!

[Steinunn Ólína Þorsteinsdóttir, 20.7.2007 kl. 07:18]

takk fyrir að benda á þessa frábæru kokka........enn er ég lítil að læra!