BRILLJANT HUGMYNDIR SEM TÝNAST..

..áður en þær komast á blað skella sér stundum í frjálsu falli ofan í hausinn á mér þegar minnst varir, og ég lamast af aðdáun.  Aðdáun á mínum eðalheila og smá vegna þess að ég veit að ég hef rekið mig í einhverjar "hugsanir" þarna fyrir ofan mig, sem hafa sloppið frá eigendum sínum og eru þar á sveimi. 

Nú ég fékk eina svona geníal hugmynd áðan.  Ég var að dóla í bloggheimum, lesa sauðsvartan almúgann (ég er að sjálfsögðu að grínast, myndi aldrei hugsa svona ljótt. Jeræt), þegar ég fékk þessa hugmynd.  Nú get ég ekki afritað mínar hugmyndir til geymslu þar til ég næ að koma þeim á blað, í fast form svo að segja en þar sem ég hef ofurtrú á minni mínu til langs og skamms þá hélt ég yfirreiðinni áfram eins og ekkert hefði í skorist.

Ég er búin að gleyma hugmyndinni og blogga því um hugmynd sem fór út í alheiminn og einhver manneskja verður slegin í höfuðið með henni í Kína, Timbúktú eða á Grænhöfðaeyjum, mjög bráðlega.  Ég held að hugmyndin gæti hafa verið annaðhvort eftirtalinna atriða:

1. Að kaupa skóverslun.  Það yrði ódýrara til lengdar, í stað öflugra skókaupa hjá vandalausum. Það myndi vera s.k. sjálfsþurftarbúskapur.

2. Að byrja með sjónvarpsþátt sem ráðgefandi aðili. Hjónabandsvandræði, skilnaðir, lóðahreinsun, sláturgerð (æl) tarotspár, notkunarleiðbeiningar með hallamælum, kartöflurækt, bílaviðgerðir og þetta er bara lítið brot af hæfileikum mínum sem ég myndi deila með þjóðinni. 

Ef einhver ykkar fær flotta hugmynd í kvöld, þá er hún mín og skilið henni samstundis.  Éáana.

Jeræt og úje

Athugasemdir

[Maja Solla (IP-tala skráð) 19.7.2007 kl. 00:40]

Martha Stewart Íslands? Ekki frá því.

[Anna Einarsdóttir, 19.7.2007 kl. 00:43]

Flott færsla

Mátt nota hugmynd sem lætur þig frussa.

Góða helgi !

[Brynja Hjaltadóttir, 19.7.2007 kl. 00:45]

Ég fékk þá hugmynd að fara á bryggjudaga á Drangsnes um helgina. Þú mátt eiga hana. Það spáir rigningu

[Svava frá Strandbergi , 19.7.2007 kl. 00:46]

Mig vantar einmitt hallamæli því ég er að fara að setja upp hillur í þvottahúsinu svo þú verður að fara að byrja á þessum sjónvarpsþætti sem slær auðvitað í gegn.

[Jenný Anna Baldursdóttir, 19.7.2007 kl. 00:52]

Stelpur mínar ég tek þetta með vinstri.  Brynja mín er byrjuð að pakka og á leiðinni.  Guðný:  Þú verður að bíða með hilluuppsetninguna þar til ég get startað tv-sjóinu.

Kveðjur,

Marta Stewart

[Laufey Ólafsdóttir, 19.7.2007 kl. 02:01]

Ég mæli með að gera fyrst númer 2, verða rík og gera númer 1. Ég skal bæði horfa á þig og kaupa af þér skó. Ekki spurning. Mínar hugmyndir koma og fara alveg inn og út. Er oft búin að framkvæma þær og fá leið á þeim líka í huganum. Allt á örfáum sekúntum. Svo fæðast nýjar.

[Jón Steinar Ragnarsson, 19.7.2007 kl. 02:26]

Mérdatt í hugað...Var að hugsa um....Ein frábærhugmynd sem  ég var að...Nú veitég hvað ég...

Heyrðu ég vara þig við.  Það er hugmyndafok á leiðinni í áttina til þín! Það sér ekki út úr augum hérna.  Lokaðu gluggum og troddu með þeim,  annars fyllist allt af þessari óværu!

[Jenný Anna Baldursdóttir, 19.7.2007 kl. 02:28]

Híhí þið eruð æði.

[Hrönn Sigurðardóttir, 19.7.2007 kl. 08:16]

Ég fékk þá hugmynd að synda í sjónum við Eyrarbakka..........

Hún er örugglega komin frá þér

[Jenný Anna Baldursdóttir, 19.7.2007 kl. 11:31]

Ég hélt Hrönnsla mín að þú værir í stríði við sjóinn.

[Hrönn Sigurðardóttir, 19.7.2007 kl. 13:06]

Ég er hafmeyja! Pabbi minn er konungur í undirdjúpunum og sendir reglulega seli upp á yfirborðið að njósna um mig þegar ég er í fjöruferðum......