ÆTLI ÞEIR SOFI RÓTT..

..þessir böðlar sem taka fólk af lífi, miskunnarlaust í Flórída?  Sjö mánaða fríi frá dauðarefsingum er lokið en á meðan hafa engir fangar verið teknir af lífi í kjölfar þess að það mistókst að myrða einn með banvænni sprautu.  Það þurfti að sprauta hann aftur og dauðastríðið var 34 mínútur.  Þetta eru ekki manneskjur sem þetta gera og sjá ekkert athugavert við það einu sinni að taka fólk af lífi í nafni laganna.  Rétt eins og það sé minna ódæði að drepa með ríkið á bak við sig heldur en á eigin vegum.

Hvað með læknana sem taka þátt í aftökunum?  Gengur þetta ekki þvert á læknaeiðinn? ARG

Í raun ætti engin þjóð með sjálfsvirðingu að halda sambandi við lönd eða fylki sem enn eru í barbaríinu.

súðemoðerfokkers!

Aftökustoppi lokið í Flórída

Athugasemdir

[Björg F (IP-tala skráð) 19.7.2007 kl. 14:36]

Já það er viðbjóður að þetta skuli viðgangast í svona þróuðu landi eins og Bandaríkjunum. Viðbjóður dregur til sín meiri viðbjóð.. Slæmt Karma fyrir eina þjóð.. Vonandi að þetta verði lagt af sem fyrst.. Það er bara slæmt hvað þeir fá lítinn þrýsting frá öðrum löndum.. Pólitíkin er svo tvöföld í roðinu. Dæmisagan um Jón og Séra Jón er langlíf..

[S. Lúther Gestsson, 19.7.2007 kl. 14:52]

Marg oft hefur verið lagt til að dauðarefsngum verði aflétt í Bandaríkjunum enn því miður hefur það aldrei náð fram að ganga. Auðvitað verða alltaf slys og marg oft hefur það komið fram að aftöka hefur misheppnast. Enn einhvern vegin er manni alveg sama hvað maðurinn hafi gert af sér til að fá dauðadóm það á enginn skilið að upplifa dauðastund sína svona.

Einmitt þetta á að verða til þess að dauðarefsingum verði hætt.

Lúther

[Jenný Anna Baldursdóttir, 19.7.2007 kl. 15:00]

Rétt hjá ykkur báðum.  Í huga mér kemur spurningin upp um hvort ríki sem svona fer með þegna sína og trúir á afbökunina á "auga fyrir auga, tönn fyrir tönn (sem ég held að sé nú bara dæmi um karmalögmálið ekkert annað) sé svo þróað þegar allt kemur til alls.

[Ragnhildur Sverrisdóttir, 19.7.2007 kl. 15:14]

Ég velti því einmitt fyrir mér hvernig þetta samrýmist eiði lækna. Ég var einu sinni viðstödd aftöku í Kaliforníu og þá kom skýrt fram að nafn þessara læknar, eða böðla, eru aldrei gefin upp. Svo varla eru þeir stoltir af djobbinu...

Bandaríkin eru eina vestræna ríkið sem enn stundar þennan fjára. Og trúir því, þrátt fyrir yfirfull fangelsi, að þetta hafi einhvern fælingarmátt.

Á síðustu árum, eftir að DNA greining fór að ryðja sér til rúms, hefur margoft tekist að sýna fram á að saklausir menn sitji á dauðadeildum bandarískra fangelsa. Og samt halda þeir þessu til streitu! Ömurlegur blettur á bandarísku samfélagi. 

[Huld S. Ringsted, 19.7.2007 kl. 15:24]

alveg merkilegt að dauðarefsing skuli ennþávera við líði í vestrænu landi árið 2007, hélt að mannskepnan væri orðin siðmenntaðri en það

[Ragnheiður , 19.7.2007 kl. 15:47]

þetta er gríðarlega viðbjóðsleg refsiaðferð. Ég minni á blogg mitt um málið nýlega þar sem klárlega saklaus kona var tekin af lífi...frestirnir runnu út áður en löffinn hennar gat sannfært yfirvöld um að skoða málið betur. Oft eru þessum glæponum skipaðir lögmenn frá hinu opinbera...lögmenn sem virðast hreint ekki nenna að vinna vinnuna sína. Mál þessarar konu var þannig, ekki kölluð til vitni og löffinn bara sat í salnum og beið þess að komast heim í steikina hjá konunni sinni.

Ég er nú ekki grátgjörn og bara heilmikill harðjaxl en ég táraðist þegar konan var tekin af lífi. Það kom sem innslag síðast í þáttinn....dauðarefsing á ekki að þekkjast.

[Ester Sveinbjarnardóttir, 19.7.2007 kl. 16:26]

Sammála þessu, við eigum ekki að drepa fólk.

[Jenný Anna Baldursdóttir, 19.7.2007 kl. 23:57]

Ragnhildur ertu ekki að grínast með mig?  Viðstödd aftöku? OMG bloggaðu um það kona. 

[Ragnhildur Sverrisdóttir, 20.7.2007 kl. 09:36]

Jamm, stundum skrítið djobb, blaðamannsdjobbið. Skrifaði heila grein í Mogga um þetta einu sinni, en get sosum alveg rifjað eitthvað af þessu upp. Spurning hvort það sé við hæfi á svona fallegum sumardögum.