Takið Fríkirkjuveginn takk!

 

Lögreglan gengur erinda peningamannanna í þessu tilfelli.

Réttinn til að eiga, láta drabbast niður, verða að slysagildru, hann verður absólútt að virða. Óeirðalöggan réðst grá fyrir járnum inn í húsið á Vatnsstíg þar sem hústökufólkið var fyrir.

Það var allur pakkinn af hernaðarlegum útbúnaði, enda stór-hættulegt fólk þarna á ferð.

Eruð þið ekki að fokking kidda mig?

Svo var gas-gas-gasið notað í tilefni verkefnisins, auðvitað, hvert tækifæri notað til að kitla gasfingurinn og nota birgðir fyrir síðasta neysludag.

Lögreglan sagði fyrir ekki svo löngu síðan að gasið væri notað í neyð.

Hústökufólk sem kastar lauslegum hlutum, er innikróað og kemst hvergi er nátturlega að búa til neyðarástand sem stefnir mannslífum í voða. 

Við náum þessu alveg lögreglustjóri.

Löggan er ekki afturenda að ganga erinda peningaaflana í þessu þjóðfélagi. Nei, nei.

Löggan er að vernda borgarana fyrir stórhættulegu fólki sem situr og prjónar á Vatnsstíg 4.

Hvað er að þessum fíflalega yfirmanni við Hverfisgötuna?

Þarf hann ekki að hitta einhvern út af þessu og tala úr sér agressjónirnar?

Svei mér þá.

Og hér er ég að átta mig á einu, bara þar sem ég sit og lem lyklaborðið.

Fyrst að það er hægt að senda lögguna í svona sendiferðir til að verja EIGNIR manna þá er best að við gott fólk, pöntum hana í dag eða á morgun, til að ná hinum ýmsu eignum okkar skattgreiðenda af þeim sem hafa stefnt okkur í skuldir.

Ég sting upp á að löggan fari og nái Fríkirkjuvegi 11 aftur í eigu fólksins í Reykjavík.

Þó það sé auðvitað ekki nema dropi í hafið út af Icesave málinu.

Lögga: Fylla á gasbrúsa og brýna kylfur takk.

Þið eruð svo agalega til þjónustu reiðubúnir.

Lögregla rýmir Vatnsstíg 4

Í boði Súkkulaðiguðsins

 

Ég sagði mig úr kirkjunni fyrir tveimur árum.

Ástæðan var einföld.  Ég hef ekkert þar að gera.

Hvatinn var samt afstaða kirkjunnar til samkynhneigðra sem er álíka úldin og gömul borðtuska sem gerjast hefur í sólskini.

Ég vill aðskilnað ríkis og kirkju.

Íslenska þjóðkirkjan er svona andlegur gagnagrunnur.

Sko, gagnagrunnur Íslenskrar Erfðagreiningar var með þeim hætti að þú þurftir að hafa frumkvæði að því að segja þig úr honum, hvað ég reyndar gerði.

Auðvitað á þetta að vera omvent.  Ef þú vilt í kirkjulegan eða erfðafræðilegan gagnagrunn þá átt þú að hafa fyrir því að ganga í viðkomandi.

Þessi úrsögn mín var hárrétt, ég fæ það stöðugt staðfest.

Gunnar Björnsson var sýknaður í Hæstarétti. 

Ég veit hvað ég myndi gera ætti ég barn í kirkjustarfi á Selfossi.

Það færi einfaldlega ekki fet, málið er einfalt.

Það væri bless, bless, Selfosskirkja og prestur þar innifalinn.

Börn eru of dýrmæt til þess að láta þau ekki njóta vafans.

Þeir sem vinna með börnum eiga að vera hafnir yfir allan vafa.  Þar er einfaldlega of mikið í húfi.

Svo getið þið ésúsað ykkur í bak og fyrir þið sem haldið að guð sé í kirkjum.

Halló, ef svo væri með þetta attitjúd sem kirkjur heimsins hafa gagnvart fólki og líferni, þá væri guð ekki til að flagga með.  Guð múslíma og katólikka er þó sýnu verstir, sbr. kvenfyrirlitningu þeirra fyrrnefndur og nýjasta stöntið með smokkafordæminguna í Afríku hjá þeim síðarnefndu.

Hann væri samansúrraður afturhaldsseggur, stokkfullur af kvenfyrirlitningu, fullur heiftar og hefndargleði, refsiglaður með afbrigðum og alveg ferlega kinkí í hugsun neð vægast sagt vafasamar hugmyndir um sanngirni og réttlæti.

Í þjóðkirkjunni fer bibbufrasinn; "leyfið börnunum að koma til mín", að orka heldur betur tvímælis svo ekki sé nú meira sagt.

Minn guð er hins vegar góður.

Þetta var mánudagshugvekja í boði Súkkulaðiguðsins.

Sr. Gunnar tekur við störfum

Að lesa fólk

Takk Sjálfstæðismenn fyrir að stunda eigin sjálfseyðingu frá ræðustól Alþingis þar sem allir geta fylgst með.

Ég er reyndar komin með upp í háls, þannig að ég tek hljóðið af sjónvarpinu og horfi bara á þau í mynd.  Taugakerfi mitt getur ekki tekið við meiru.

Ég skil málþóf, það er nauðsynlegt að grípa til þess og hefur löngum verið gert þannig að Sjálfstæðismenn eru ekki höfundar að því og þeim er sannarlega leyfilegt að nýta sér þessa aðferð eins og minnihlutar gera gjarnan.

En núna erum við ekki að upplifa neina venjulega tíma og "venjuleg" hegðun og fíflagangur á Alþingi er eins og blaut tuska í andlit okkar sem sitjum heima og erum óttaslegin vegna framtíðarinnar.

Af hverju er Sjálfstæðisflokkurinn svona hræddur við fólkið í landinu?

Ég tel mig vita af hverju og ég tel mig líka vita að Sjálfstæðiflokkurinn þekkir ekki almenning, getur ekki lesið hann og er ekki búinn að átta sig á að gamla kjaftæðið og yfirborðsmennskan fyrir kosningar blekkir ekki nokkurn mann.

Þegar fólk hefur setið of lengi við kjötkatlana hættir það að geta lesið venjulegt fólk.

Við viljum fá stjórnlagaþing, krafa fólksins er skýr.

Samt eyða Sjálfstæðismenn dýrmætum tímanum þar sem hver dagur getur skipt sköpum um örlög fólks, í að fara með gamanmál, söngva og þvælu úr ræðustólnum á Alþingi.

Þeir eru ekki enn búnir að ná því, þrátt fyrir allt sem yfir hefur dunið að það er ekkert andskotans samasemmerki milli Sjálfstæðisflokks og almennings.

Í hvernig málum er flokkur sem skynjar ekkert nema eigin vilja?

Er ekki kominn tími á að hann dragi sig í hlé og skerpi hjá sér forgangsröðunina.

Ég hefði haldið það.

En auðvitað eru allir dauðfegnir að Sjálfstæðismenn skuli sjá um að reyta af sér fylgið algjörlega hjálparlaust.  Mér persónulega finnst það í sjálfu sér ekki leiðinlegt.

Reyndar er hér mætur Sjálfstæðismaður sem bloggar um málþófið og hann er ekki mjög uppveðraður.  Hér.

Þingfundur til hálf þrjú

Sjálf stjórnarskrá íslenska lýðveldisins - dæs

Ég er hérna krakkar mínir.

Ykkar maður á málþófsvaktinni.  Jájá, bregst ekki frekar en fyrri daginn.

Eftirfarandi er í gangi á hinu háa og mjög svo virðulega Alþingi:

"Það er vanvirðing við þjóðina, að þessi, hinn og þessi séu ekki viðstaddir umræður okkar Sjálfstæðismanna um stjórnarskrána".

"Það er vanvirðing við Sjálfstæðismenn að þessi, hinn og þessi séu ekki viðstaddir umræður okkar Sjálfstæðismanna um .stjórnarskrána".

"Það er vanvirðing við Alþingi, hið háa Alþingi að þessi, hinn og þessi séu ekki viðstaddir umræður okkar Sjálfstæðismanna um stjórnarskrána".

"Það er vanvirðing við FRAMSÓKNARFLOKKINN að þessi, hinn og þessi séu ekki viðstaddir umræður okkar Sjálfstæðismanna um stjórnarskrána".

"Það er vanvirðing við STJÓRNARSKRÁNA að þessi, hinn og þessi séu ekki viðstaddir umræður okkar Sjálfstæðismanna um stjórnarskrána".

"Það er verið að ræða stjórnarskrána".

"Það er verið að ræða sjálfa stjórnarskrána".

"Það er verið að ræða sjálfa stjórnarskrá íslenska lýðveldisins".

Hvern þessara frasa má nota allt upp í þetta þrjátíu sinnum og það er í hnotskurn það sem Sjálfstæðisflokkurinn er að gera á Alþingi í kvöld.

En núna talar flokkaferðamaðurinn Jón Magnússon, og eftir eru 25 á mælendaskrá.

Ekki misskilja mig stjórnarskráin er merkilegt plagg.

En fólkið er merkilegra.

Ég vil að plaggið sé til fyrir fólkið.

Ekki fólkið fyirir plaggið.

Yfir og út frá Alþingi Íslendingar þar sem fjörið er.

26 sjálfstæðismenn á mælendaskrá

Búsáhaldabyltingunni er ekki lokið!

Ég sat og horfði á málfundaræfingar Sjálfstæðismanna þangað til að þeir gáfust upp um hálf þrjú leytið í nótt.

Þeir þæfðu og þæfðu, og það var grátlega sorglegt að fylgjast með þeim þæfa því sem þeir voru allir sammála.

Meira að segja Árni Johnsen var skáldlegur í þæfingunni.

Það er hægt að grípa til málþófs og hefur oft verið gert.  En fyrr má nú aldeilis fyrr vera.

Allt undir merkjum lýðræðislegrar umræðu.

Ég veit núna um hvern einasta íslenskan kvikmyndaleikstjóra, hverja kvikmyndanefnu sem gerð hefur verið á Íslandi frá upphafi vega og alls kyns fyrirkomulag í kringum kvikmyndagerð.

Arnbjörg Sveinsdóttir, þingflokksformaður Sjálfstæðisflokksins fer fram eins og hryðjuverkamaður í þinglegum skilningi.

Svo gekk vitleysan og málþófið fram af henni sjálfri og hún hló eins og fífl í pontu.

Gaman, gaman hjá henni og félögum en við sem heima sitjum, stór hluti okkar Íslendinga erum ekki að grínast þegar við segjumst vilja sjá breytingar, og okkur finnst þetta ekkert fyndið.

Tilgangurinn með málþófinu er að koma í veg fyrir að haldið verði hér stjórnlagaþing og að gerðar verði breytingar á stjórnaskránni.  Sjálfstæðismenn mega ekki til þess hugsa að fulltrúar almennings hafi um málið að segja.

Stjórnarskrármálið og stjórnlagaþingið í beinu framhaldi er ekki umsemjanlegt að mínu áliti og almenningur vill að það nái fram að ganga. 

En gefist hinir flokkarnir upp, sem er ekki ólíklegt miðað við að íhaldið tekur hvert málið á fætur öðru í gíslingu, þá lofa ég, að ég og margir fleiri erum með búsáhöldin ný fægð og brýnd og alveg til í að mæta og láta í okkur heyra.

Mér var sagt af manni sem vel þekkir til hjá íhaldinu að þeir kunni ekki að vera í minnihluta, það gerist eitthvað.

Þetta eitthvað mátti sjá í sjónvarpinu í nótt.

Það var fróðlegt og eftirminnilegt.

Horfum og fylgjumst með.

Búsáhaldabyltingunni er ekki lokið - það ríkir einungis vopnahlé.

Bara svo það sé á hreinu gott fólk.

Vilja vísa stjórnarskrármáli frá

Góðir í greininni

Sjálfstæðisflokkurinn ætlar með öllum ráðum að koma í veg fyrir að stjórnarskrárfrumvarpið nái fram að ganga.

Valgerður Sverrisdóttir sagði áðan í þinginu að þeir hefðu hótað málþófi. 

Bara svona grímulaust beint yfir borðið skilst mér, ha?

Það er náttúrulega ólíðandi að virkja lýðræðið finnst þeim vænti ég.

Ég persónulega ætla að fylgjast vel með í 2. umræðu þegar þeir byrja að þæfa.

Það sem ég hef séð af málþófi sjálfstæðismanna eftir að þeir fóru í skammarkrókinn og settust í stjórnarandstöðu hafa þeir staðið sig svo vel að VG sem hafa áður sýnt góða takta í greininni eru eins og kettlingar við hliðina á vaskri sveit valhallarfélagsins.

Ég held að sá hluti almennings sem hlustar, er áttaður og veit núorðið að guð er ekki sjálfstæðismaður, komi til með að kunna þeim litlar þakkir fyrir að reyna að koma í veg fyrir breytingar á stjórnarskránni.

Breytingar sem eru svo löngu tímabærar.

Ajöss.

Stjórnarskrárfrumvarp úr nefnd

Rasískt og fasískt

 

Fyrst langar mig að hnykkja á þeirri skoðun minni að við eigum frábæran dómsmálaráðherra.

Hún var snögg að afturkalla brottrekstur nokkurra hælisleitenda sem átti að senda til Grikklands.

Sameinuðu þjóðirnar hafa hvatt lönd til að senda ekki hælisleitendur þangað að svo komnu máli vegna slæmra aðstæðna.

Hafi hún þakkir fyrir.

Ég er algjörlega sammála fólkinu sem hitti Rögnu í gær fyrir framan húsið hennar, og í morgun á fundi.

"Á fundinum afhenti hópurinn ráðherra áskorun þar sem m.a. segir að Útlendingastofnun hafi starfað á rasískum og fasískum grunni að undanförnu. Þá segir að þar sem ekki virðist lengur jafn fjarstæðukennt og áður að Íslendingar geti þurft á hjálp umheimsins að halda, ættu Íslendingar nú að skilja betur en nokkru sinni þörfina fyrir samhjálp."

Ég held að okkur væri nær að koma almennilega fram við fólk sem hingað leitar og þá meina ég ekki að við eigum að bjóða öllum dvalarleyfi sem hingað koma heldur eigum við að hafa mannúð að leiðarljósi og leyfa fólki að lifa með reisn á meðan það bíður.  Allt annað er óásættanlegt.

Ég vil að ömurlegum dvalarstað hælisleitenda að Fitjum í Njarðvík verði lokað.

Þetta er ekki fólki bjóðandi.

Svo mætti stytta afgreiðslutíma mála ef kostur er.

Eins og þessum málum er fyrirkomið nú er það okkur til skammar.

Húrra Ragna.

Segja Útlendingastofnun starfa á rasískum grunni

Áskorun til allra flokka

Takk Ragna fyrir að fresta brottvísun fimm hælisleitenda sem átti að reka úr landi í morgun.

Ástæða frestunarinnar er sú að í ráðuneytinu er nú þegar til meðferðar kæra vegna ákvörðunar um brottvísun til Grikklands.

En þetta heitir að sleppa fyrir horn í bili.  Engan veginn nóg að gert.

Það er fólk ekki fénaður sem hírist á Suðurnesjum í þessu ömurlega húsnæði og það sem meira er, það virðist öllum gleymt.

Mér finnst við ömurlegir Íslendingar að koma svona fram við meðmanneskjur okkar.

Þetta er undarleg stefna og fjandsamleg gagnvart fólki (flestu í neyð) að hola því niður á einn stað, þar sem það er í raun einangrað frá samfélaginu og bíður örlaga sinna við ömurlegar aðstæður.

Ég fer fram á það sem kjósandi í þessu landi að allir flokkar sendi fulltrúa sína á staðinn og sjái og finni á eigin skinni hvernig búið er að hælisleitendum á Íslandi.

Svo vil ég fá skýr skilaboð um hvernig flokkarnir vilja haga þessum málum komist þeir til valda.

Ég dauðskammast mín fyrir að eiga þátt í þessum kaldranalegu móttökum fólks sem hingað leitar.

Getum við ekki gert biðina þolanlegri og styttri?

Það hlýtur að vera.

Og haska sér svo suður með sjó.

Brottvísun hælisleitenda frestað

Varphæna kveður

Talandi um óþarfa nefndir á mánudagsmorgni þegar kona er með flensu og beinverki sem hljóta að stafa frá sendingu úr neðra.

Ég hef aldrei skilið þessa mannanafnanefnd.

Reyndar hefur hún tilgang blessuð, ákvarðanir hennar eru skemmtiefni í hvert skipti sem þær koma í fjölmiðla.

Það virðist í alvöru vera þannig að ákvarðanir nefndarinnar séu byggðar á geðþótta.

Hvað er að Skallagrími?

Eða Kveldúlfi?

Það þarf varla nefnd til að úrskurða að nöfn eins og Satan, Lofthæna, Sautjándajúnía og Almannagjáa gangi ekki upp er það?

Það er bara almenn skynsemi sem ég reikna með að prestar (flestir) hafi til að bera og þeir starfsmenn sem koma nöfnum formlega á börn.

Góð vinkona mín ætlaði að skíra dóttur sína Hrafnhettu fyrir tæpum átján árum síðan.

Fallegt nafn fannst mér, en nefndin fékk raðtaugaáfall.

Nei, nei, nei, veinaði hún og barnið fékk annað og þolanlegra nafn að mati nefndarinnar.

Annars er ég mjög þakklát fyrir að hafa ekki verið skírð Kapítóla, Ölvína eða Yndisfríð.

Ekkert persónulegt en þessi nöf koma út á mér gæsahúð.

Ég var heppin, um miðja síðustu öld þegar ég drattaðist í heiminn hétu flest allir sömu nöfnum.

Sigríður, Guðrún, Margrét, Sigrún, Halldóra, Jóna, Sigurður, Guðmundur, Magnús og svo framvegis.

Ekkert að þessum nöfnum en það voru svo margir af hverri tegund.

Foreldrar mínir voru rebellar í nafnagiftum á börnin sín, þó þau misstu sig í nokkrum sinnum í standardana.

Miðað við sjö dætur og einn strák tókst þeim vel upp.

Jenný Anna, Greta, Ingibjörg Jóna, Guðlaug Björk, Ingunn, Hilma Ösp, Steinunn og Guðmundur.

Ég heppin þarna.

Gerðist varla að ég hitti nöfnur mínar.

En hvað um það, ég get ekki verið að velta þessu fyrir mér á mánudagsmorgni.

Leggið þennan nefndarfjanda niður og treystið fólki fyrir því að velja nöfn á börnin sín.

Kveðja,

Varphæna kveður og óskar lesendum þessa fámiðils skemmtilegs mánudags. 

Mannanafnanefnd klofnaði

Það má vona

Skrímslið Fritzl mun eyða ævinni á stofnun fyrir geðsjúka einstaklinga.

Eins lengi og honum endist aldur til.

Ég hins vegar, vonast til að hann drepist fljótlega.

Fritzl sakfelldur