SYNDANDI BENEDIKTAR ÞESSA HEIMS..

 

..er það eitthvað í nafninu sem kemur mönnum til að reyna að synda yfir Ermasundið?  Ég bara næ ekki þessari víkingaáráttu sem felst í að klífa tindi og synda á milli landa. 

Hvað er að lestum, flugvélum og öðrum farartækjum?

Nei ég er ekki svo vitlaus að halda að þetta sé spurning um smekk á ferðamáta en hví að leggja sig í hættu við svona barnaskap?

Greta systir mín er hins vegar amma  fallegasta Benedikts í heimi.  En það er önnur og skemmtilegri saga sem bíður þar til ég er búin að heimsækja hann og sjá hann læf.

Jabbogjei

Ég átti smá erfitt með að finna flokk fyrir þessa færslu.  Sjá flokkun, bara svo allt sé á hreinu.

Bakslag á Ermarsundi

FÓTBOLTI OG HEITAR TILFINNINGAR

Ég veit minna en ekki neitt um fótbolta og hef raunar engan áhuga á að kynna mér hann heldur.  Ég veit hins vegar að hann kallar á heitar tilfinningar í umræðunni, eins og t.d.  núna, þar sem fram fer blótsyrða- og ærumeiðingarmót inni á bloggi greifans (held ég að hann kalli sig) þar sem karlmenn aðallega spúa galli í kommentakerfinu eftir vægast sagt ómerkilega færslu hjá bloggaranum sjálfum um Bjarna Guðjónsson (sem ég veit ekkert um), að hann sé jafn ömurlegur og pabbi hans (sem ég veit ekkert um heldur).

Hvernig getur boltaíþrótt orðið að eldheitum trúarbrögðum?  Hvernig getur íþrótt kallað fram alls konar neikvæða hegðun hjá fólki (lesist karlmönnum) og í verstu tilfellunum orsakað óreiðir og vitfirringu sem allir þekkja afleiðingar að.

Ég á ekki orð.  Maðurinn þurfti lögreglufylgd heim. 

Gróöppgæs!

Bjarni þurfti lögreglufylgd

AUMINGJA TAKERU GREYIÐ

Takeru "flóðbylgja" tapaði í pylsukeppninni fyrir Joey Chestnut í pylsuátskeppninni í New York í gær.  Ég er dálítið leið vegna Takeru.  Hann er búinn að vera lengi í æfingabúðum, var vel trimmaður, sterkur og bardagaglaður þegar hann mætti til leiks að þessu sinni, tilbúin í enn einn sigurinn í þessari erfiðu íþrótt, þar sem snerpa, greind og hungur í bikarinn skiptir öllu máli.  Sálfræðilegt ástand Takeru var hins vegar ekki alveg nógu gott og hann missti einbeitinguna á fyrstu mínútunum.

Arg, hann vinnur næst, það er ég viss um. 

Minn maður flóðbylgjan.

Nýr pylsuátsmeistari krýndur

BRAGI SIGRAÐI Á FISKMARKAÐSMÓTINU

Í dag sigraði Bragi á Fiskmarkaðsmótinu en þar er keppt í langstökki á milli þorsk- og ýsukara.  Bragi var skreflengstur allra og vann hann með miklum yfirburðum.

 Við tökum þennan aftur.  Þetta var taflmót og Bragi sigraði en mótið var haldið í Fiskmarkaðnum innan um þorsk- og ýsukörin.

Lokatilraun. Bragi Þorfinnsson sigraði Ingvar Þór Jóhannesson í lokaumferð Fiskmarkaðsmótsins í kvöld.  Þetta er hárrétt eftir haft og það þýðir ekki að kæra mig fyrir óviðeigandi tengingu við frétt góðir hálsar.

En er ekki skemmtileg tilhugsun að það hefði getað verið keppt í teygjustökki, eða langstökki á milli kara?  Mér hefði fundist það rosalega krúttlegt.  Sko krúttlegt að lesa um en ekki að lykta af.

Takk fyrir mig og ég lofa því Mogginn minn að fíflast ekki svona gróflega aftur.

OK?

Bragi sigraði á Fiskmarkaðsmótinu

MÉR LÉTTIR STÓRLEGA..

...yfir að Henry skuli vera frískur.  Úff, helgin var hálf ónýt fyrir mér vegna óvissunnar.  Ég sat með Baldursbrár úti í haga og sleit af eina og eina.. frískur - ekki frískur -frískur-ekki frískur.  Þetta klikkaði alltaf hjá mér því ég ruglaðist í hvert skipti.  Fleirihundruð Baldursbrár fóru í vaskinn.  Nú get ég farið að njóta sumarsins.

Læfisbjútífúll!

Henry stóðst læknisskoðun hjá Barcelona

FYRIRSAGNAFRASI DAGSINS ER..

..STELPURNAR OKKAR!  Dálítið einhæft finnst mér en ágætis tilbreyting frá hinum frasanum: STRÁKUNUM OKKAR.  Áfram kvennaíþróttir!

ÞAÐ ER GREINILEGA GOÐSÖGN..

..að allir bifhjólamenn séu ábyrgir í umferðinni.  Svei mér þá ég var farin að trúa því þar sem talsmenn t.d. Sniglana hafa alltaf verið svo ábyrgir í tali.  Nú var fyrrverandi stjórnarmaður í Sniglunum einn af þeim sem lentu í slysinu alvarlega í vikunni, þar sem hraðinn var ótrúlega mikill.  Ekki virðist það slys ætla að verða sumum bifhjólamönnum víti til varnaðar.  Í gærkvöld var hópur bifhjólamanna staðinn að ofsaakstri á Þingvallavegi en þeir óku á 174 km. hraða.

Helmingur þeirra virtu að vettugi stöðvunarmerki lögreglu og héldu áfram sinni dauðakeyrslu.  Látum vera ef fólk vill endilega leika sér með líf sitt, það er ekkert við því að gera. En vinsamlegast gerið það ekki á kostnað saklausra borgara sem á vegi ykkar verða, ökufantarnir ykkar.

Hópur bifhjólamanna mældur á 174 km hraða

SÝNUM VANDLÆTINGU Á BORÐI...

..en ekki bara í orði að þessu sinni.  Kínversk börn eru látin vinna við að framleiða söluvarning fyrir Ólympíuleikana sem haldnir verða í Kína á næsta ári.  Þetta kemur fram í rannsókn á aðstæðum verkafólks í fjórum kínverskum verksmiðum sem framleiða löglega minjagripi tengda leikunum.  Börn og unglingar vinna allt að 15 tíma á dag við afar lélegar aðstæður.

"Þessar staðreyndir koma fram í skýrslu sem lögð var fyrir meðlimi Alþjóða Ólympíunefndarinnar þegar þeir komu saman í London í dag. Í skýrslunni kemur fram að eftirlitsmenn hafi fundið um 20 börn allt niður í 12 ára gömul í verksmiðjunni Le Kit Stationery, í Guangdong. Þau unnu sömu vinnu og fullorðið fólk á lúsarlaunum. Einnig hafi um 3.000 verkamenn hjá verksmiðju í Shenzen fengið um 45% af lágmarkslaunum."

Væri ekki lagi að "dissa" Ólímpíuleikana?  Íþróttir og markmið þeirra eru algjörlega á skjön við þennan nöturlega raunveruleika.  Mér finnst að þjóðum með sómatilfinningu hljóti að finnast þetta ósamræmanlegt hinum sanna íþróttaanda,  og barnaþrælkun er eitthvað sem enginn getur sætt sig við.  Ég bíð spennt eftir viðbrögðum Íslenskra íþróttafrömuða.  Eitthvað hljóta þeir a.m.k. að taka til bragðs.

Börn í þrældómi búa til vörur fyrir Ólympíuleikana

GRÍMULAUS KVENFYRIRLITNING

Það er algjörlega óþarft að leita út fyrir landsteinana eftir kvenfyrirlitlegum hugsanahætti, nóg er af honum hér heima sem annars staðar.  Stundum birtist hún manni þó án grímu, án orðskrúðs og henni er ekki pakkað í gjafapakkningar. 

Þær konur sem hyggjast starfa við að afhenda verðlaunapeninga á Ólympíuleikunum í Peking á næsta ári verða að lúta ákveðnum reglum, og þar á meðal er það sett sem skilyrði, fyrir utan að vera ekki með húðflúr og áberandi eyrnalokka, er stór afturefndi á bannlista.  Stór afturendi hm? Á að mæla hæð og lengd og fá út "bodymass index"?  Eða verður gamla málbandinu skellt á þær í atvinnuviðtalinu.  Nebb ég held að það verði fengnir einhver tugur manna til að glápa á þennan eðla líkamshluta og dæma um hvort þeim hugnist hann eða ekki.   Í fréttinni stendur einnig eftirfarandi:

"Við viljum ekki konur sem líta óíþróttamannslega út því það hefur neikvæð áhrif á íþróttafólkið,“ sagði Li Ning sem hefur yfirumsjón með vali á konunum. „Beinabygging og hæð kvennanna þarf að vera svipuð og við viljum ekki sjá neina breiða rassa,“ bætti hún við. "

Er ekki eðlilegt að valið sé frískt og hresst fólk til þessara starfa?  Það hefði ég haldið.  Þarf að taka sérstaklega fram hvaða líkamspartar á konum  hafi neikvæð áhrif á íþróttafólkið (vá ekki smá öflugar konunar í Kína).  Hvaða líkamspartar eru undir mælikerinu þegar karlmennirnir eru annarsvegar?  Ætli þeir fái að hafa eignast börn?  Eins og við vitum að þá rýra barneignir mjög gildi fegurðar.

Meiri ekkisens ruglið alltaf.

Engin húðflúr eða stóra rassa

PRÓTÓTÝPA PLEBBISMANS...

..er íslensk glíma.  Ég er ekki mjög þjóðernislega sinnuð kona og finnst svona tímaskekkjuíþrótt eins og þessi "hliðarsamanhliðar"dans fyrir karlmenn í sokkabuxum með höldum, með því plebbalegra sem ég sé.  Ég gæti ekki orðið ástfangin af manni sem stundaði glímu, né heldur manni sem væri að læra gömludansana eða þá cha-cha-cha dæmið allt saman.  Þessar fótamenntir eru svo mikið törnoff að viðkomandi maður gæti eins snýtt sér í hárið á mér. 

Það eru fimmtudagskvöldgöngur þjóðgarðsins á Þingvöllum sem hófust fyrr í kvöld en þessar kvöldgöngur hafa notið mikilla vinsælda undanfarin ár.  Í dag var Konungskoman 1907 og konungsglíman sem háð var í tilefni af heimsókninni á Þingvöllum rifjuð upp.

Sumt af því gamla finnst mér að meinalausu geta fallið í gleymskunnar dá.  Þar á meðal er glíma, spýtubakkar, ónýtur matur og gömlu dansarnir.  Ég ætla svo sem ekki að stofna neinn þrýstihóp til höfuðs glímunni en mikið rosalega er hallærislegt að horfa á menn í BLÁUM og RAUÐUM sokkabuxum með tilbenhör,  sveiflandi hvor öðrum í allar áttir.  Það er klof-bragð að því svei mér þá.

Hm.. ég held ég segieggimeira en fari að sofa í hausinn á mér.

Konungsglíman rifjuð upp á Þingvöllum