Doremí

 

Miðað við að þetta er fjórði dagur í algjöru raddleysi þá er ég nokkuð góð bara.

Fyrir utan þessa ógeðslegu flensu sem rænir mann raddböndunum þá er ég nokkurn veginn í heilu lagi.

En það er töluverð æfing í æðruleysi að geta ekki talað.

Bara hvíslað því allra nauðsynlegasta.

Allir og þá meina ég allir sem heyra í mér (lesist heyra EKKI í mér) eru með aulahúmor.

Þeir byrja undantekningarlaust að óska húsbandi til hamingju með þögnina.

Spyrja hvort hann hafi ekki tekið sér helgarfrí til að njóta þagnarinnar á heimilinu.

Ég gæti lamið þetta fólk en þar sem ég er ekki ofbeldiskona þá óska ég þess heitt að það detti á hausinn af eigin hvötum, meiði sig nokkuð illa og missi síðan röddina að eilífu.

Ókei, smá ýkjur en bara smá, vona að það detti og meiði sig illa en missi röddina aðeins í nokkur ár eða svo.

Húsband, hins vegar, sagðist vera farinn að sakna tjáningar minnar í morgun.

Það væri eitthvað svo einmannalegt og hálf sjúklegt að hafa mig nálægt sér steinþegjandi dögum saman.

Ég hugsaði: "Mátulegt á þig".  Það þarf að sýna fólki hvað það á, til að það fari að skilja verðmætið sem hefur borist upp í lúkurnar á því og því hættir til að fara með eins og steiktan fisk eða soðnar kartöflur.

En..

Ég ætla rétt að vona að ég fari að fá röddina.

Mikið skelfing er röddin mikilvæg hverri manneskju - að minnsta kosti mér.

Ég hef eitthvað svo margt að segja.

Miðað við að ég hef skoðanir á öllu og get ekki tjáð þær í tali milli manna, jafnast þessi örlög á við útlegð úr samfélagi fólksins sem ég elska að tala við.

Og það, börnin góð, á þessi kona hér svo sannarlega ekki skilið.

Do-re-mí-fa-so-la-fokkingdo.

 

Flott framtak

Væri ég ung manneskja í dag þá er allt eins líklegt að ég hefði farið með í hústökuna á Vatnsstígnum.

Ekki af því að ég beri ekki virðingu fyrir eignarréttinum heldur vegna þess að virðing mín fyrir fólki, mannlífi og menningu er meiri og djúpstæðari.

Það eru hreysi út um alla miðborgina.

Hreysi sem eigendurnir hafa látið drabbast niður í þeirri von að borgin keypti af þeim lóðirnar á svipuðum prís og Laugavegshúsin. 

Ég ætla rétt að vona að sú klikkaða gjörð verði ekki endurtekin.

Nú ætla ég að vona að fólki sé það ekki á móti skapi að hús sem enginn hirðir um séu tekin og þeim gefið hlutverk.

Ef það fer fyrir brjóstið á einhverjum þá má hinn sami alveg skoða málið upp á nýtt.

Reyndar þurfum við öll að skoða allt upp á nýtt.

Hvaða andskotans fyrirkomulag er það að láta hús drabbast niður í miðborginni?

Þetta eru slysagildrur, eldsmatur, paradís fyrir rottur og villiketti.

Halló, hví ekki að gefa þessum húsum nýtt líf?

Ekki taka eigendurnir ábyrgð svo mikið er víst.

Til hamingju hústökufólk.

Nú er einu ógeðishúsinu færra í borginni.

Hústökufólk á Vatnsstíg

Ég er fífl

 

Gott á Darling.  Úje og snæddu innmat með darlínskum kveðjum frá íslenskri þjóð.

Rosalega er eitthvað háhallærislegt við að heita Darling og vilja láta taka sig alvarlega.

Ég myndi getað lifað með Smith, Jones, Montgomery eða Rafferty, en Darling við skulum ekki ræða það.

Eins vonlaust að láta taka sig alvarlega með svona nafn eins og að ætlast til að fólk hlýði á mann af áhuga þegar maður er með stóra sultuklessu á nefinu.

Þú getur reynt að vera ábúðarfullur, ábyrgur og jafnvel alvitur, en klessan gerir það að engu.

Þú ert einfaldlega fífl sem mætir og talar við fólk með jarðaberjasultuna hennar ömmu á nebbanum.

Fólk hættir að hlusta eða fær raðköst af hlátri.

Niðurstaða: Líttu í spegil bjáni áður en þú ferð út úr húsi.

Reyndar kippa Bretar sér ekki upp við svona nöfn og ekki Kanar heldur.

Amy Winehouse sem er núna stödd í Karabíska, hagar lífi sínu þannig að nafn hennar gefur henni á kjaftinn í hvert skipti sem hún opnar munninn.  Kommon er alltaf undir áhrifum og heitir brugghús. 

Amy Winehouse don´t come near me woman, you smell like a Winehouse.

Meira ruglið í mér.  Hef ekkert betra að gera.

Segi svona.....

En..

Ég byrjaði daginn svo dásamlega.  Gleymdi að loka sturtuhenginu almennilega og stóð við langt fram eftir morgni við að ausa upp af baðherbergisgólfinu.

Rétt nafn á mér væri Jenný Anna Absent Minded.

Flott!

Ég veit ekki með ykkur, en ég persónulega er rakinn hálfviti.

Skýrslan þungur dómur yfir Darling

Íslendingurinn Seth í góðum málum

Er það ekki 2007 að vera að kafna úr ást á eigin nafla og þá er ég að tala um þjóðernisnaflan?

Ég held það sko.

Erum við ekki hætt að halda að við séum betri, frábærari, klárari og krúttlegri en aðrar þjóðir?

Það er ekki par fallegt að troða þjóðerni upp á fólk, einkum og sér í lagi íslensku þjóðerni á þessum síðustu og verstu.

Það er ábyggilega nokkuð stór frétt þegar McCartney, Ringo, Donovan, Eddie Vedder og Sheril Crow koma fram á einu og sama brettinu.

Algjört dúndurlið í tónlist sem kemur saman á tónleikum í Radio City Music Hall í N.Y. til styrktar velgjörðarsjóði leikstjórans David Lynch.

Í fréttinni stendur svo orðrétt og framkallar aulahroll upp á mikið á Richter hjá moi:

"Síðast en ekki síst verður þarna á meðal íslenski söngvarinn Seth Randolph Sharp sem er mörgum að góðu kunnur af sönghæfileikum sínum en hann tók m.a. þátt í Söngvakeppni Sjónvarpsins í fyrra auk þess að hafa leikið og sungið í ófáum Broadway-sýningunum."

Seth vinurinn er auðvitað ekki íslendingur en hefur búið hér um einhvern tíma.

Seth krúttið er í bakraddakór á tónleikunum.

Þú þarna blaðamaður; fáðu ekki hjartaáfall af æsingi.

Annars kætti þetta mig ótrúlega.

Ég vona að þessi blaðamaður sem skrifar fréttina sé að fíflast í okkur lesendum Moggans.

Þetta getur ekki verið í alvöru, ha?  Segið mér að við séum ekki svona miklir ógeðisplebbar, ha?

Fyrirsögnin er auðvitað drepfyndin.

Seth á sviði með McCartney og Ringo.

En halló, ég hélt að við værum orðin svo ógeðslega auðmjúk og raunsæ eftir hrunið.

Af hverju má fólk ekki millilenda á Íslandi t.d. án þess að vera kallaðir Íslandsvinir?

Hvað neimdroppingárátta er þetta eiginlega?

En Seth, þú ert svo mikið krútt, gaman að hafa þig, ekki láta nýja þjóðernið glepja þér sýn, ekki springa úr monti og hortugheitum.

Segi svona.

Grátið mér heilu helvítis stórfljótunum.

Seth Sharp á sviði með McCartney og Ringo

Eins öruggt og amenið í kirkjunni

Mér finnst Bjarni Harðarson flottur kall.

Hann er líka einn af örfáum sem hafa tekið ábyrgð á gjörðum sínum í pólitík og sagt af sér.

Hvað um það.

Það er eftirsjá að Bjarna Harðar.  Þekki ekki til hinna í L-listanum.

Vonandi skellir hann sér með VG bara, nú eða Samfó.

En...

Haldið þið ekki að það komi maður í manns stað?

Látið mig vita það, þráfaldlega gift konan.

Já ég er að klæmast enda við hæfi, Súlugeiri er farinn í framboð með Ástþóri!

Vó, nú mega allir flokkar fara að skjálfa á beinunum.

Fyrir utan súlubúskapinn sem hann hlýtur að berjast fyrir af öllu afli, því það eru mannréttindi að fá að kaupa sig inn á konur og slefa yfir þeim, þá ætlar hann að berjast fyrir því að tónlistarhúsið verði gert að skemmtistað með spilavítum og svoleiðis.

Gott að einhver hugar að svona málum.

Tónlistarhús er auðvitað glatað.  Listin sökkar nú nema ákveðin tegund "danslistar".

Reyndar eru skilin milli súludanslistar og klassísk balletts nánast engin, að minnsta kosti örfín.

Í klassískum er súlan lárétt í hinum lóðrétt.  Hva!

Nú koma hinir flokkarnir til með að tapa hryllilega yfir til Ástþórs og Geira.

Það er eins örugg og amen í kirkjunni.

Átstór heldur örugglega áfram að draga til sín fleiri mektarmenn.

FRAMBJÓÐANDINN

Hættir við þingframboð

Það var kátt...

Þar sem ég sat og reytti hár mitt yfir málfundaæfingum þingmanna Sjálfstæðisflokks í gærkvöldi og nótt, var ég að hugsa um að það þyrfti dauðan mann til að þola fíflaganginn í þeim og að missa ekki eitthvað miður fallegt út úr sér.

Dauðir menn tala ekki og þeir finna heldur ekki til í eyrunum svo vitað sé.

Svo eftir að Árni söng,  Arnbjörg hló að eigin hnyttni og krúttlegheitum (jeræt) kom Katrín í ræðustól, og sagði það sem ég hefði viljað segja.

"Hættið svo þessu helvítis væli".

Ég var reyndar búin að segja þessa setningu stundarhátt hér í stofunni heima og fleira miður fallegt og ég fann til mikillar samkenndar með Katrínu.

Það voru sem betur fer engin vitni að einræðum mínum við þingmenn Sjálfstæðisflokksins.  Eins gott.

Katrín baðst síðan afsökunar á orðbragðinu en sjálfstæðismenn fóru nánast á límingunum vegna orðavals þingmannsins.

"But no worry".

Það er búið að ræsa út búsáhaldabyltinguna.

Allir sem vettlingi geta valdið rjúka nú niður á Austurvöll.

Sjálfstæðiflokkurinn fær ekki leyfi frá þjóðinni til að koma í veg fyrir breytingarnar á stjórnarskránni.

Og svo mega þeir væla hver um annan þveran þegar þeim verður það ljóst.

Þeir geta grátið fljóti, en ég vil að þeir geri það heima hjá sér.

„Hættið þessu helvítis væli"

Hús moskunnar

 

Nú er tími til að tala nú eða blogga um betri hliðar tilverunnar.

Eins og bækur.

Bækurnar sem eru mín kreppulyf (ásamt öllu fókinu og börnunum sem tengjast mér á hina ýmsu vegu).

Ég er ofsalega heilluð af bókum þar sem umfjöllunarefnið er framandi lönd.

Undanfarin ár hefur komið dálítið út af bókum sem fjalla um lífið í arabaheiminum.

Ég er algjörlega á kafi í hverri einustu sem á fjörur mínar rekur.

Ég var að klára að lesa nýja kilju sem heitir "Hús moskunnar" eftir Kaled Abdolah.´

Sagan gerist í Íran eftir aldalanga stöðnun.  Undir kyrrlátu yfirborðinu, á bak við blæjurnar og innan moskunnar, leynast draumar og vonir, ástríður og ólgandi tilfinningar.

Bókin fjallar um það ástand sem skapast þegar heittrúarbylgjan skellur á landinu.

Fólkið í húsi moskunnar bregst við á mismunandi vegu.

Mér finnst svo heillandi að lesa um venjulegt fólk í öðrum löndum.  Löndum sem eru svo ólík því sem ég á að venjast.

Samt erum við öll svo svipuð þegar leiktjöldin eru rifin í burtu.

Við erum bara manneskjur að reyna að gera okkar besta í þeim aðstæðum sem skapast.

Mér finnst svo nauðsynlegt á þessum tímum fordóma, haturs, trúarbragðastríða og ótta, að við reynum að skilja það sem er okkur framandi.  Þekkingarskortur er undirrót ótta og haturs.

Þessi bók hjálpaði mér til þess.

Svo er hún listilega vel skrifuð.

Ég mæli með þessari frá fyrstu til síðustu blaðsíðu.

Stærsti gallinn á þessari bók er einfaldlega sá að hún tekur enda.  Því er nú miður.  Mig dauðlangaði til að halda áfram að fylgjast með örlögum fólksins í húsi moskunnar.

Það held ég nú.

Röppum, blúsum og bræðum

Hér er veikburða tilraun til aprílgabbs í Bretlandi.

Að Kerry Katona muni syngja fyrir landsleikinn í kvöld og muni breyta íslenska þjóðsöngnum.

Betur ef satt væri.

Ég get endalaust pirrað mig yfir þjóðsöngnum sem enginn getur sungið nema lærðir söngvarar og kórar.

Annars finnst mér að þjóðsöngvar eigi að vera skemmtilegir. 

Það á að skipta þeim út á fjögurra ára fresti.

Þeir eiga að endurspegla þá músík sem er í gangi hverju sinni.

Spaugstofan hefur sungið þjóðsönginn skemmtilega.

Ég hef reynt að rappa hann.

(Dóttir mín lærði nánast öll ljóð Steins Steinarrs með því að rappa þau, kjörið til lærdóms, rappið Íslandsöguna mín vegna.  Ekki að ég sé hrifin af rappi).

Ég er trylltur blúsaðdáandi svo maður tali ekki um rokk.

Komasho, hífopp.

Kannski er ég svona andþjóðleg en ég fæ alltaf óttatilfinningu þegar þjóðernisklámið verður of mikið.

Nema kannski í silfurhamaganginum eftir Ólympíuleikana síðast liðið sumar.

En hvað um það..

Skiptum út söngnum, fáum eitthvað hressandi danslag í staðinn.

Það geta þá allir dansað sér til skemmtunar í staðinn fyrir að standa og drjúpa höfði vælandi og eða hátíðlegir í andliti eins og uppskafningar.

Og hvaða tilfinningakúgun var í gangi þegar manni var bannað að slökkva á Guðsvors?

Hér í denn varð maður að stökkva til og slökkva á sjónvarpinu á sunnudagskvöldum áður en hann byrjaði nú eða bíða ella eftir að honum lyki.

Halló?

Katona breytir íslenska þjóðsöngnum!

Selebbablogg

 

Þær eru orðnar þunnar í roðinu selebb (selbita) fréttirnar í blöðunum.

Ég veit ekki hvað fræga fólkið er að gera í kreppunni.

Mér finnst þó líklegt að það sé að kaupa sér skó nú eða ættleiða börn.

Madonna er að ná sér í eitt í viðbót í fátæka landinu Malaví.

Kjútíkjút og svona en ég er á því að þetta sé tískufyrirbæri hjá frægu stelpunum.

Einu sinni voru það pelsar, bílar og hundar og fimmtán hús í ýmsum löndum.

Nú eru það börn. 

Nýjustu fylgihlutirnir, hva, allt hægt ef þú átt deneros í buddu.

En þessi 19 ára Hayden Panettiere ætlar að eignast fjögur börn.

Aumingja stúlkan, ætli hún geri sér grein fyrir að tilvitnanirnar í hana eru komnar til að vera?

Koma til með að elta hana uppi þegar það sem hún á eftir ólifað?

Eins og það sem hún segir um smekk sinn á mönnum, sem er eitthvað á þá leið að hún sé ekki hrifin af jafnöldrum sínum?

Halló, jafnaldrar þessarar stúlku eru að missa mjólkurtennurnar og vart komnir með spangir get ég sagt ykkur.

Ég þakka mínum sæla fyrir að ekki kjaftur á jörð með aðgang að blaði eða fjölmiðli, hafði áhuga á mér 19 ára gamalli.

Steypan sem valt út úr mér á þeim tíma var þannig að ég hefði ekki kært mig um að láta minna mig á hana í dag.  Bara alls ekki.

En þetta er annað selbitabloggið mitt á árinu.

Ef þessu fer fram sem horfir þá verð ég nýr Perez Hilton, ég sverða og legg ekki meira á ykkur.

Annars var hann að fara á límingunum yfir klæðaburði Bjarkar í New York um helgina.

Mér finnst hún frumleg hún Björk en Perez sér ekki til sólar yfir klæðunum hennar.

Úff, búin á því.

Það er svo erfitt að selbitablogga.

 

Vill fjögur börn

Áskorun til allra flokka

Takk Ragna fyrir að fresta brottvísun fimm hælisleitenda sem átti að reka úr landi í morgun.

Ástæða frestunarinnar er sú að í ráðuneytinu er nú þegar til meðferðar kæra vegna ákvörðunar um brottvísun til Grikklands.

En þetta heitir að sleppa fyrir horn í bili.  Engan veginn nóg að gert.

Það er fólk ekki fénaður sem hírist á Suðurnesjum í þessu ömurlega húsnæði og það sem meira er, það virðist öllum gleymt.

Mér finnst við ömurlegir Íslendingar að koma svona fram við meðmanneskjur okkar.

Þetta er undarleg stefna og fjandsamleg gagnvart fólki (flestu í neyð) að hola því niður á einn stað, þar sem það er í raun einangrað frá samfélaginu og bíður örlaga sinna við ömurlegar aðstæður.

Ég fer fram á það sem kjósandi í þessu landi að allir flokkar sendi fulltrúa sína á staðinn og sjái og finni á eigin skinni hvernig búið er að hælisleitendum á Íslandi.

Svo vil ég fá skýr skilaboð um hvernig flokkarnir vilja haga þessum málum komist þeir til valda.

Ég dauðskammast mín fyrir að eiga þátt í þessum kaldranalegu móttökum fólks sem hingað leitar.

Getum við ekki gert biðina þolanlegri og styttri?

Það hlýtur að vera.

Og haska sér svo suður með sjó.

Brottvísun hælisleitenda frestað