Eins öruggt og amenið í kirkjunni

Mér finnst Bjarni Harðarson flottur kall.

Hann er líka einn af örfáum sem hafa tekið ábyrgð á gjörðum sínum í pólitík og sagt af sér.

Hvað um það.

Það er eftirsjá að Bjarna Harðar.  Þekki ekki til hinna í L-listanum.

Vonandi skellir hann sér með VG bara, nú eða Samfó.

En...

Haldið þið ekki að það komi maður í manns stað?

Látið mig vita það, þráfaldlega gift konan.

Já ég er að klæmast enda við hæfi, Súlugeiri er farinn í framboð með Ástþóri!

Vó, nú mega allir flokkar fara að skjálfa á beinunum.

Fyrir utan súlubúskapinn sem hann hlýtur að berjast fyrir af öllu afli, því það eru mannréttindi að fá að kaupa sig inn á konur og slefa yfir þeim, þá ætlar hann að berjast fyrir því að tónlistarhúsið verði gert að skemmtistað með spilavítum og svoleiðis.

Gott að einhver hugar að svona málum.

Tónlistarhús er auðvitað glatað.  Listin sökkar nú nema ákveðin tegund "danslistar".

Reyndar eru skilin milli súludanslistar og klassísk balletts nánast engin, að minnsta kosti örfín.

Í klassískum er súlan lárétt í hinum lóðrétt.  Hva!

Nú koma hinir flokkarnir til með að tapa hryllilega yfir til Ástþórs og Geira.

Það er eins örugg og amen í kirkjunni.

Átstór heldur örugglega áfram að draga til sín fleiri mektarmenn.

FRAMBJÓÐANDINN

Hættir við þingframboð

Athugasemdir

[halkatla, 3.4.2009 kl. 20:33]

Ég er rosalega svekkt! Fjórir menn sem eru kunnugir mér (góður vinur, vinur, kunningi og presturinn sem fermdi mig) voru mjög framarlega í þessari fylkingu og ég veit að þeir voru þar af blússandi hugsjón og hefðu gert góða hluti. Þessvegna studdi ég framboð þessa flokks af 1/3% hjartans :( VG á sko hin 2/3% :)

Bjarni verður bara að fara í forsetaframboð...

[Sigrún Aðalsteinsdóttir, 3.4.2009 kl. 21:06]

Bjarni í forsetaframboð?

Er ekki komið nóg af þeirri vitleysu.  Við eigum að leggja niður forsetaembættið, sem hefur ekki verið neitt annað en rándýrt puntverkefni frá upphafi.  Og ef út í það er farið:  við eigum líka að loka flest öllum sendiráðum okkar erlendis.

Það ætti að spara þjóðinni allnokkurn pening.

[Ingibjörg Hinriksdóttir, 3.4.2009 kl. 21:33]

Það er fínt ef Geiri fer í framboð með Ástþóri, þá fækkar atkvæðum sjallanna í Suðvestur um a.m.k. 2, því Geiri hlýtur að kjósa sjálfan sig og besti vinur hans, bæjarstjórinn, hlýtur að styðja við bakið á Súlukónginum.

[Guðmundur Ásgeirsson, 3.4.2009 kl. 23:52]

Ætli Geiri vilji láta breyta Tónlistarhúsinu í súlustað? Þær eru þar a.m.k. nokkrar, járnbentar og stæðilegar! ;)

Lengi lifi X-L ! (Þó ég þurfi að teikna það á kjörseðilinn, þá geri ég það bara og set L þá fyrir ofan hina listabókstafina. ;)

- Einn af áðurnefndum vinum hennar Önnu Karenar

[halkatla, 5.4.2009 kl. 15:27]

ég var nú reyndar að spauga um forsetaframboðið en það breytir því ekki að Bjarni yrði flottur forseti! :)