Af lýræðisskelfi og góðakalli!

Frá sunnudegi og fram á kvöld í gær, hélt ég í alvörunni að það yrðu eftirmál af ógjörningi Vilhjálms góðakalli og Binga lýðræðisskelfi.  Sjálfstæðismenn kepptust um að lýsa vanþóknun sinni á vinnubrögðum Villa og sumir Framsóknarmenn áttu ekki nægilega sterk orð yfir hegðun síns fulltrúa í meirihlutastarfinu.

En ó hvað ég er barnaleg.  Auðvitað var réttlætingunum tjaslað saman í reyklausu bakherbergjunum og svo komu þeir báðir í Kastljós og töluðu eins og þeir hefðu verið að gera okkur almúganum, stórkostlega greiða, með gjörningnum.

Svo munu einhverjir nóboddís verða látnir fjúka og allt heldur áfram að vera við það sama.

Þegar ég sé Björn Inga Hrafnsson, þá myndbirtist hinn mjög svo vafasami stjórnmálamaður fyrir augum mínum.  Hvaða lýðræði er það að hafa mann sem er með nokkur hundruð Reykvíkinga á bak við sig en er með helmings vægi u.þ.b. í borgarmálunum?

Bingi og Bill eru áfram í sleik.

Innilegum sleik.

Og við sitjum eftir með sárt ennið.

Ójá.

VG á Akranesi sendir frá sér yfirlýsingu vegna OR

Ofbeldi á konum í bókum og textum I

Ég elska Bítlana.  Ég er ein af þeim sem varð fyrir hamskiptum, í bítlaæðinu og hef aldrei orðið söm.  Ég veit bara, að án Bítla og Stones væri heimurinn enn fullur af mislitlum og misungum kjéddlingum og köllum.  Þannig var það áður en Bítlaæðið rann á vestræna unglinga, þá var enginn unglingakúltúr til, það voru til lítil börn og stærri börn sem síðan stökkbreyttust í ráðsettar konur og karla.

Bítlarnir verða ekki sakaðir um innihaldsríka texta, fyrstu árin eftir að þeir hófu að spila saman.  Enda skipti það ekki nokkru máli, það var rytminn, villingahátturinn og yfirlýsingin sem fólst í músíkinni og enginn ætlaðist til að geta lesið einhverja speki úr textunum.  Eitt af mínum uppáhaldslögum var lagið "Run for your live".  Það var ekki fyrr en löngu seinna, að ég fór að vinna með þolendum heimilisofbeldis, að ég áttaði mig á innihaldi textans.  Og til að gera langa sögu stutta, þá fór um mig hrollur.

Hvað finnst ykkur?

"Well I'd rather see you dead, little girl
than to be with another man
You better keep your head, little girl
or I won't know where I am

You better run for your life if you can, little girl
Hide your head in the sand little girl
Catch you with another man
That's the end'a little girl

Well I know that I'm a wicked guy
And I was born with a jealous mind
And I can't spend my whole life
trying just to make you toe the line

You better run for your life if you can, little girl
Hide your head in the sand little girl
Catch you with another man
That's the end'a little girl

Let this be a sermon
I mean everything I've said
Baby, I'm determined
And I'd rather see you dead

You better run for your life if you can, little girl
Hide your head in the sand little girl
Catch you with another man
That's the end'a little girl"

I'd rather see you dead, little girl
than to be with another man
You better keep your head, little girl
of I won't know where I am

You better run for your life if you can, little girl
Hide your head in the sand little girl
Catch you with another man
That's the end'a little girl".

Þessi fallegi óður er í boði hússins.  Hlustið hérna

Bítlarnir eru engir sérstakir sökudólgar í ofbeldistextagerð.  Kvenfyrirlitning veður uppi í bókmenntum, í auglýsingum og textum, út um allar koppagrundir.  Málið er að við tökum sjaldnast eftir því.

Þess vegna ætla ég að birta, ykkur til fróðleiks, svona sjokkara, af og til.

Újeje!

Þar fór það fjandans til..

..að ég geti boðið sjálfri mér, og mínum heittelskuðu, upp á kjúlla frá KFC eða hammara frá Tomma, aftur.  Þar erekki allt eins og á að vera skilst mér á þessari frétt.

 Þeir sem þekkja mig, vita að ég er ekki lítið klígjugjörn.

Ég hugsa oft:

Hafa þeir þvegið á sér hendurnar?

Fer starfsfólkið á KLÓSETT í vinnunni (já ég veit, ég er biluð)?

Eru þeir kvefaðir við pottana og pönnurnar og fá kannski hnerrukast á matinn minn?

Er einhver illa pirraður út í geðvonda kúnna og hreinlega HRÆKIR í matinn.

Og svo framvegis.

Eftir að ég varð edrú, get ég talið skiptin á fingrum annarar handar, sem við höfum keypt inn sjoppufæði á þessu kærleiksheimili.  Ég er með sykursýki og verð að gæta vel að því, hvað ofan í mig fer.  Svo er ekki eins og ég hafi mikið annað og betra að gera, nú þegar ég vegna veikinda, er heima alla daga. 

Og ég elda og elda. Með tandurhreinar hendur, munnskýlu og höfuðklút og í mínu eldhúsi er bannað að anda á meðan matreiðsla fer fram.  Okokok, muna að draga frá í eðlilegum hlutföllum.

En hér með kveð ég skyndibitakeðjur og aðrar sjoppur, enda ekki við hæfi að halda því áfram, þegar svona er komið fyrir eldhúsum þessa heims.

Dem, eins og mér finnst gott að fá mér kjúkling og franskar, þá sjaldan ég lyfti mér upp.

Túddelí - Túddelú!

Úje

 

Stórar skyndibitakeðjur í hópi slóða

Mitt hjartans mál.

 

Þetta er svo mögnuð frétt hjá Mogganum, að það er ekki hægt að tengja við hana en hér er hún. 

Erfiðleikar í hjónabandi og öðrum persónulegum samskiptum kunna að auka hættuna á hjartasjúkdómum, að því er vísindamenn greindu frá í dag. 

Nú, nú, þá er ég í vondum málum.

Segi svona!

Er í hjónabandi númer þrjú og síðast þegar ég gáði, sló hjarta mitt hratt og skammarlega vel. 

Ég á nottla í erfiðum samskiptum hér á blogginu við allskonar minnimenn og í því felst auðvitað ákveðin hætta, eins og rannsóknin hefur greinilega leitt í ljós.  Ég mun því henda vandræðagemlingunum  út af bloggvinalistanum.  Núna, fyrir svefn.  Ekki eftir neinu að bíða.  Ég hef pottþétta afsökun.  Ég neyðist til þess af heilsufarsástæðum.

Fyrir þá sem lesa fréttina, þá vil ég benda ykkur á eitt.  Það verður nefnilega hvorki komið né farið.

Slæmt fyrir hjarta að vera í vondu sambandi.

Jafn slæmt fyrir hjarta að vera aleinn og ógiftur.

Þorrí gæs.

St. Pepper´s lonley heart´s club band!

Úje

DV-rætinn og bitur snepill!

Hvaða annarlegu hvatir eru að baki "fréttaflutningi" á DV?  Það er einhver ristjórnarleg biturð í gangi, svo ég tali ekki um smásálarlega rætni, sem birtis t.d. í þessari frásögn um að forsetafrúin okkar hafi borgað verðlaun sem Louise T. Blouin stofnunin veitti forsetanum, fyrir framlag hans til umhverfismála.

Hvernig dettur þeim þetta í hug?  Hafa þeir kvittun undir höndum þar sem stendur að Dorrit hafi borgað eitt stykki verðlaun fyrir eiginmanninn?

Halló!  Er ekki líklegast að forsetinn hafi einfaldlega unnið til verðlaunanna, það vita vel flestir og viðurkenna, að Ólafur hefur lagt heilmikið af mörkum til þeirra mála.

Dorrit hefur heldur ekki látið sitt eftir liggja í að kynna Ísland.

Ég er amk. viss um að sú ákvörðun mín að líta þennan snepill ekki augum, hefur verið aldeilis hárrétt og ég hvet aðra til þess að gefa honum frí á meðan hann veltir sér í drullupollum.

Er ekki heimurinn nógu ljótur þó það þurfi ekki að vera að búa til og ætla fólki allskonar ljótar hvatir?

Arg og pirr.

Dorrit segir frétt DV móðgandi og særandi

Fréttatilkynning frá Svandísi Svavarsdóttur!

Fréttatilkynning frá Svandísi Svavarsdóttur, borgarfulltrúa og fulltrúa VG í stjórn Orkuveitunnar:

Sátt um hvað?

Ljóst er að sáttaniðurstaða Sjáfstæðismanna er sátt um áframhaldandi völd í Ráðhúsinu í Reykjavík. Hún er ekki sátt um vinnubrögð, ekki sátt um heiðarleika, ekki sátt um skilning á lýðræði og ekki sátt um samráð. Hún er sátt um að selja fyrirtækið hið fyrsta án þess að lykilspurningum hafi verið svarað. Jafnframt er hún sátt um að viðhalda völdum Framsóknarflokksins í borginni.

Hvað er Reykjavik Energy Invest? Hvað á þetta fyrirtæki? Enn hefur ekki verið lagður fram listi yfir eignir þess. Á að einkavæða hlut fyrirtækisins í Hitaveitu Suðurnesja? Á að einkavæða sérþekkingu Orkuveitu Reykjavíkur? Á að einkavæða fyrirtækið á grundvelli verðmats Hannesar og Bjarna? Hverjir munu kaupa aðrir en þeir sem þegar hafa eignast umtalsverðan hlut í fyrirtækinu? Var samruni fyrirtækjanna löglegur yfir höfuð? Þessum spurningum hefur ekki verið svarað.

Ljóst er að borgarstjóri hefur telft mjög alvarlega af sér í þessu máli. Hann hefur farið á bak við borgarbúa, samflokksmenn sína innan og utan borgarstjórnar sem og aðra kjörna fulltrúa í borgarstjórn. Hann hefur farið á svig við lög og tekið þátt í ósiðlegu atferli sem ofbýður fólki um allt land. Fólk vill ekki slíka stjórnendur. Borgarbúar treysta ekki slíkum borgarstjóra þótt borgarfulltrúar Sjálfstæðisflokksins virðist greinilega ekki gera sömu kröfur.

Ofeldisdómur V - Skilorðsbundinn

Áfram höldum við á dómaravaktinni.  Frá því ég byrjaði að fylgjast með skilorðsbundnum dómum er komið að hneykslisdómi númer fimm.  Að þessu sinni er skandallinn í boði Héraðsdóms Vestjarða og kunnum við honum litlar sem engar þakkir fyrir.

19 ára karlmaður var dæmdur í tveggja mánaða skilorðsbundið fangelsi fyir tvær líkamsárásir, á saman manninn með mánaðar millibili.  Árásarmaðurinn var einnig dæmdur til að greiða þolanda sínum heilar 365 þúsund krónur, í bætur.

Enn eitt klapp á kollinn og skilaboðin eru skýr: Það má lemja mann og annan án þess að það komi til með að fokka eitthvað upp lífi þínu, eða kenna þér að ofbeldi hefur afleiðingar, elsku karlinn minn.

Fjandinn sjálfur myndi ég segja ef ég væri ekki of vel upp alin til þess að blóta á almannafæri.

Iss!

Skilorðsbundið fangelsi fyrir líkamsárásir

"Hennar" hátign Bjarni Ármannsson var í drottningarviðtali..

..hjá Evu Maríu í gær, þar sem hún hjalaði og hló við þessu megakrútti peningaelítunnar.  Ef ég vissi ekki betur, þá hefði ég keypt þann boðskap, sem þættinum var greinilega ætlað að koma á framfæri, að Bjarni Ármannsson, væri nokkurs konar Kofi Annan á vegum REI en ekki að vernda eigin hagsmuni, eigandi hundruðir milljóna í fyrirtækinu.

Bjarna hefur verið skellt inn í þáttinn með litlum fyrirvara.  Rúmlega helmingur þáttarins fór í bombuna miklu sem skekur íslenskt þjóðfélag og ekki er séð fyrir endan á.

Það er fjári gott að fá heilt drottningarviðtal á besta tíma í ríkissjónvarpinu og fá gagnrýnislaust að ryðja úr sér réttlætingu á fyrirkomulaginu sem enginn virðist styðja í þjóðfélaginu, nema Bingi og Bill.

Bjarni Ármannsson er alltaf eins og fermingardrengur í framkomu.  Hann hefur ljúfa framgöngu, er sakleysislegur og mjúkur, hefur sýnt sig jafnréttissina, og það er á hann hlustað.

En hann er peningamaður fyrst og fremst og hann hefur sett helling af eigin fjármunum í REI og þess vegna er hann ekki hlutlaus aðili, eins og ætla mætti þegar maður hlustaði á hann tala við Evu Maríu, sem virtist alveg hafa gleymt þeirri staðreynd, að hún telst stjórnandi þáttarins.

Fruss! 

Kæri Vilhjálmur

Myndirðu vilja vera svo vænn að fara að láta sjá þig.  Það eru allir að bíða eftir því að þú mætir og segir eitthvað.

Þinn eigin borgarstjórnarflokkur er að fríka út og sjálf er ég og mín fjölskylda orðin þreytt á að hanga í óvissu með hvað þú ætlar að gera í REI og GGE.

Svo hár er blóðþrýstingurinn í þínum eigin flokki, að einhver lét sér detta í hug að slíta samstarfinu við Binga (Framsóknarflokkinn reyndar, en er það ekki bara Bingi og svo bróðir hans í nefndarstörfum?) og fara í samstarf með VG.  Þú sérð að málin eru komin á hættulegt stig.

Plís láttu sjá þig áður en allt verður vitlaust.

Komasho.

Átti að vaða yfir okkur

Missir starfsleyfis er lágmarkskrafa..

..alls sómakærs fólks á Íslandi.  GT verktakar/Nordic Construction virðast haga sér eins og ótýndir glæpamenn, sem hagnast á starfsmönnum sínum, misnota aðstöðumuninn og hafa í hótunum og ástunda skjalafals og mannréttindabrot.

Þeir hafa ekkert að gera með mannaforráð og eiga ekki að fá að halda úti starfsmönnum, með þeim vinnubrögðum sem þeir ástunda.

En þeir eru ekki einir í þessum óþverrahætti.  Nú er að leita uppi þessi fyrirtæki, sem misnota aðstöðu sína gegn erlendu vinnuafli og brjóta íslenska vinnulöggjöf, nánast uppi í andlitinu á yfirvöldum.

Sviptum þá starfsleyfi, þessa menn sem sýna svo einbeittan brotavilja.

Það verður þá kannski til þess að aðrir hika við að feta í fótspor þeirra.

Stundum skammast ég mín niður í tær að vera Íslendingur.

Fussogsvei!

Fleiri starfsmenn GT verktaka leita eftir aðstoð hjá AFLi