Ofeldisdómur V - Skilorðsbundinn

Áfram höldum við á dómaravaktinni.  Frá því ég byrjaði að fylgjast með skilorðsbundnum dómum er komið að hneykslisdómi númer fimm.  Að þessu sinni er skandallinn í boði Héraðsdóms Vestjarða og kunnum við honum litlar sem engar þakkir fyrir.

19 ára karlmaður var dæmdur í tveggja mánaða skilorðsbundið fangelsi fyir tvær líkamsárásir, á saman manninn með mánaðar millibili.  Árásarmaðurinn var einnig dæmdur til að greiða þolanda sínum heilar 365 þúsund krónur, í bætur.

Enn eitt klapp á kollinn og skilaboðin eru skýr: Það má lemja mann og annan án þess að það komi til með að fokka eitthvað upp lífi þínu, eða kenna þér að ofbeldi hefur afleiðingar, elsku karlinn minn.

Fjandinn sjálfur myndi ég segja ef ég væri ekki of vel upp alin til þess að blóta á almannafæri.

Iss!

Skilorðsbundið fangelsi fyrir líkamsárásir

Athugasemdir

[Birna Dis Vilbertsdóttir (IP-tala skráð) 8.10.2007 kl. 16:39]

 hvurslags skilaboð er verið að senda út?  Og það af DÓMURUM ÞESSA LANDS

[Fríða Eyland, 8.10.2007 kl. 16:51]

Það vantar meðferðarúræði fyrir ofbeldismenn, það er deginum ljósara.

[Anna Einarsdóttir, 8.10.2007 kl. 16:56]

Ég myndi líka segja helvítis... ef það væri ekki ljótt að blóta.

[Árni Gunnarsson, 8.10.2007 kl. 17:02]

Fer ekki að verða ástæða til að hugsa fyrir einhverskonar úrræðum fyrir handhafa dómsvaldsins?

Skyldu sömu dómsreglur gilda um að berja dómara ítrekað í frítíma hans eins og að berja mig?

Mín tortryggna sál hefur miklar efasemdir.

[Jenný Anna Baldursdóttir, 8.10.2007 kl. 17:04]

Árni: Góður!

Anna:  Við erum svo helvíti vel upp aldar að fjandinn fjarri mér að við myndum blóta á meðal fjandans almennings

Fríða: Eitthvað verður að koma til, skilaboðin eru ekki nógu skýr til ofbeldismanna.

Birna Dís: Sammála.

[Kristín Katla Árnadóttir, 8.10.2007 kl. 18:01]

Ég er alveg sammála þér Jenný mín

[Sunna Dóra Möller, 8.10.2007 kl. 18:05]

Ég er ánægð með dómaravaktina þína Jenný. Það á að tala um þetta og vekja athygli á þessu. Nú í gær var maður að deyja vegna líkamsárásar, ef að skilaboðin eru þessi ... það er alltílæ að meiða annað fólk og við munum ekki dæma þig mikið....bara lítið... þá munum við sjá fleiri svona líkamsárásir sem enda á þennan skelfilega veg. Það er alveg ljóst að illa mun fara, eins og þessu tilviki. Þetta er skömm og ekkert annað!

[Þröstur Unnar, 8.10.2007 kl. 18:16]

Já Árni, sömu reglur gilda fyrir þig og dómarann, þ.e.a.s ef þú ert opinber starfsmaður.

Góð á vaktinni Jenný.

[Ásthildur Cesil Þórðardóttir, 8.10.2007 kl. 18:47]

Sonur minn var sleginn niður fyrir nokkru síðan, algjörlega tilhæfulaus árás.  Hann var frá vinnu í viku vegna meiðsla sinna.  Hann hefur nú kært árásina, ég ætla að fylgjast með þvi hvaða dóm árásarmaðurinn fær.  En það er meira, yfirmaður hans, segir honum að fyrirtækið borgi honum ekki þann tíma, sem hann var frá vinnu, það sé á hans eigin kostnað.  Þegar sonur minn hafði kannað málið og verið sagt af verkalýðsfélaginu að fyrirtækinu bæri skilyrðislaust að greiða þessa daga, en þeir eiga svo endurkröfurétt á tryggingar hlýtur að vera, þá sagði þessi yfirmaður; ég verð þá bara að borga þér úr eigin vasa.  Hvurslags svar er þetta eiginlega.  Er það ekki bara til að koma inn samviskubiti hjá launamanninum.   Ég bara skil ekki svona.