Aumingja Óli og við öll

Maður á ekki að fíflast með tilfinningar annarra.

En mikið rosalegur bömmer er það fyrir forsetann að sjá eggið sem hann gaf Hilly á Ebay.

Kommon, er nokkuð glataðra en að sjá gjöfina sína á uppboði, sko gjöf sem maður gaf friggings forsetafrú Bandaríkjanna!

Þetta er ekki svona smámál eins og þegar frænkurnar gáfu manni forljóta úlpu eða buxur í jólagjöf í denn.  Föt sem maður hefði ekki farið í þó kalsár væru komin á lappirnar á manni og fingur að losna af í kuldanum.

Þá læddist maður og skipti gjöf í skjóli nætur og var síðan í erfiðleikum allt árið þangað til brast á með næstu jólagjöf og frænkurnar þráspurðu hvers vegna ógeðisflíkurnar héngu ekki á þolandanum.

Þetta með eggið er biggdíl.  Sko kemst í heimsfréttirnar.  Aumingja Óli.

Annars verð ég að játa að mér finnst þetta egg ekki fallegt (fyrirgefðu listamaður), soldið eins og því hafi verið klesst saman í bríari á fylleríi bara.

Aumingja Óli.

En Hillary má skammast sín smá að láta gjafir frá þjóðhöfðingjum renna inn á uppboðsvefi þar sem heimurinn verslar.

Mátulegt á hana að hún varð ekki forseti, skömmin á henni.

Aumingja Óli og við öll.

En svona í framhjáhlaupi, hvað er allra, allra ljótasta gjöf sem þið hafið fengið?

Ég fékk plastskraut í hárið í fermingjagjöf.  Einhverjum var verulega illa við mig í fjölskyldunni.

Þvílíkur andskotans viðbjóður.

Gjöf forseta til Hillary Clinton á Ebay

Það má steðja með í bankann

Ég á það til að dreifa tillögum að góðu lífi og líðan í kringum mig eins og karamellum.

Það er af því ég er svo góð - jabb.

Svo hefur það gengið svona og svona hjá sjálfri mér að fara eftir eigin ráðleggingum en hvað með það, ég reyni.

Eitt hef ég staðið við (kannski af því að það er reyndar bara ljúft og skemmtilegt) og það er að gera heiðarlega tilraun til að lesa mig í gegnum kreppuna.

Það gengur ágætlega, takk fyrir að spyrja.

Stundum er tímasetning hlutanna algjört skot í mark.

Bókin hennar Erlu Bolladóttur kemur út á hárréttum tíma, núna þegar traust til yfirvalda er í sögulegu lágmarki. 

Það er skelfilegt að lesa söguna hennar Erlu.  Að heyra um þessa ungu stúlku, ekki á svo góðum stað með sjálfa sig, dragast inn í stærsta sakamál síðustu aldar. 

Geirfinns- og Guðmundarmálin eru klúður frá upphafi til enda.

Nokkur ungmenni eru tekin og þeim haldið í einangrun mánuðum saman þangað til játning er fengin.

Hvað Erlu varðar er hún nýorðin móðir og tekin frá barni sínu og látin í einangrun í Síðumúlafangelsinu.  Mér virðist fyrir það eitt að hafa verið í slæmum félagsskap.  Það er dælt í hana róandi töflum og innan veggja fangelsisins játar hún á endanum hvað sem er til að sleppa.

Skortur á getu rannsóknaraðila til að vinna vinnuna sína er auðvitað hneyksli.

Stór hópur saklauss fólks er dreginn miskunarlaust inn í málið, lokað inni og farið með það eins og ég tel að gert hafi verið í Kommarússlandi.

Ég held að þessi bók ætti að vera skyldulesning.  Ég stóð mig að því að lesa bókina eins og spennusögu, en því miður þá fjallar hún um líf lifandi manneskju.

Ætli þessi spilling í íslensku kerfi hafi alltaf verið til staðar?

En bókin er líka jákvæð.  Erla hefur tekist á við líf sitt og unnið bug á þeim erfiðleikum sem hún hefur staðið frammi fyrir.  Það er nefnilega alltaf von.

Svo er það Einar Kárason, einn af okkar allrabestu skáldum.

Ofsi er stórkostleg bók.  Hvað get ég sagt?  Maðurinn er snillingur - villingur á fjaðurpennann.

Bókin er nokkurs konar framhald Óvinafagnaðar.

Ég er þess ekki umkomin að lýsa þessari sögulegu skáldsögu svo gagn geri en hún fjallar um aðdragandann að einu mesta níðingsverki Íslandssögunnar, Flugumýrarbardaga.

Ég ætla að halda áfram að blogga um bækurnar sem ég er að lesa, hef lesið og mun lesa, alveg eins og enginn sé morgundagurinn.

Það börnin góð, getið þið steðjað með í bankann.

Nördinn.

Svo óendanlega lágkúrulegt..

Það er svo óendalega lágkúrulegt fyrir utan hversu mannfjandsamlegt það er að láta sér detta í hug að fara að taka "fæðisgjald" af inniliggjandi sjúklingum.

Hér hafa ákveðnir menn komið þjóðinni í ótrúlegar skuldir upp á hundruðir milljarða og kutinn fer á loft þar sem síst skyldi. 

Það eru auðvitað Sjálfstæðismenn með heilbrigðisráðherrann í fararbroddi sem sjá þetta sem möguleika í stöðunni.   Taka gjald af veiku fólki sem liggur veikt inni á spítala.

Vá þvílík redding.  Svo stórmannlegt eitthvað. 

Ég er ekki hissa, Sjálfstæðisflokkurinn hefur verið að færa heilbrigðiskerfið að hinu bandaríska.  Borga eða deyja ella.

En halló - það mun vera jafnaðarmannaflokkur í ríkisstjórninni.

Ætlar hann að hleypa fæðisgjaldinu á?

Ætlar hann að gefa frjálshyggjuliðinu grænt ljós á það fólk sem liggur inni á sjúkrahúsum?

Ef af verður held ég að sá jafnaðarmannaflokkur verði að skýra sig upp á nýtt.

Ekki að Samfylkingin sé ekki komin æði langt frá hugsjóninni með samstarfinu við íhaldið.

Þeir hafa að minnsta kosti sett niður sína síðustu kartöflu í mínum garði.

Ég legg samt traust mitt á Jóhönnu.

Þetta má ekki gerast og skal ekki gerast.

Almenningur - söfnum okkur saman. Gerum eitthvað róttækt.

Mikið djöfull er þetta siðspillt og ógeðslegt samfélag sem verið er að sníða okkur á hverjum degi.

Upptaka fæðisgjalda hugsanleg

Óðinn og Þór klikkuðu báðir

Ég vaknaði áðan, nuddaði stírur úr augum og sendi stífa beiðni til Óðins og Þórs.

Óðinn og til vara Þór, ekki láta mig ramba á ógeðisfréttir af spilltum embættis- eða stjórnmálamönnum á þessum mánudegi þegar átta dagar eru til jóla.

En auðvitað eru þessir guðir jafn miklir ónytjungar og kollegar þeirra.

Ég er ekki tilbúin að blogga um fæðisgjaldið á spítölunum alveg strax.  Hef ekki áhuga á að deyja úr hjartaáfalli fyrir hádegi og ekki búin að greiða mér.

En á dv.is gengur að lesa um Sigurjón Árnason fyrrverandi bankastjóra og núverandi frílanser í bankamennsku sem segist vera að koma sér fyrir með ráðgjafafyrirtæki í húsnæði Landsbankans (sem við eigum krakkar þið munið).  Hann er ekkert að vinna hjá bankanum, heldur fyrir sjálfan sig (fyrirgefðu en varstu ekki alltaf að því?) en vonast auðvitað eftir að fá verkefni þar eins og annars staðar.

Við erum ekki hálfvitar kæri fyrrverandi bankastjóri með skít og skömm.

Bílinn þinn hefur staðið þarna frá því eftir fall.

Þið sem eigið að hugsa um hag þjóðarinnar sem hefur verið rænd milljörðum á milljörðum ofan og ætlið að bregðast við því með því að leggja fæðisgjald á inniliggjandi sjúklinga, skammist þið ykkar, setjið nálgunarbann  á fyrrverandi gróðærisbankastjóra og látið þá ekki koma nálægt bönkunum.

Það er krafa sem við ætlumst til að verði fylgt eftir.

Þvílík djöfuls spilling.

Sigurjón hér.

Og ekkert andskotans falalalalalala núna.

P.s. Fréttin er gömul og mun ekki hafa verið birt vegna þrýstings málsmetandi manna.  Hvað um það enn stendur bíll Sigurjóns við Landsbankans þanning að krafan stendur.  Út með Sigurjón.

Út með allan pakkann af spillingarliðinu.

Sjúskuð sætasta stelpan á ballinu

 

Reiði getur gert mann óbilgjarnan, óréttlátan og það getur verið erfitt að sjá hlutina í skýru ljósi.

Það gæti átt við mig, amk. stundum en ekki núna, best að taka það sérstaklega fram.

Sko, þegar ég heyri um mögulegar útskiptingar í ríkisstjórn þá finnst mér það yfirklór.

Þetta er svona eins og þegar flottasta stelpan á ballinu vaknar út í bæ eftir partí og klastrar yfir augnmálninguna áður en hún fer aftur á djammið.

Niðurstaða: Sæta stelpan er sjúskuð og útlifuð til augnanna og það fær ekkert dulið.

Það er talað um að Þórunni umhverfisráðherra verði skipt út og þá mögulega af því að hún leyfði sér að segja hug sinn um nýjar kosningar.

Halló - Þórunn Sveinbjarnardóttir hefur akkúrat ekkert með bankahrunið að gera.  Hún hefur engu klúðrað eftir fallið og ég held að hún ásamt Jóhönnu Sigurðardóttur sé ein af þeim ráðherrum sem snúa EKKI við í manni maganum þessa dagana.

Á ekki að skipta út bílstjórunum á ráðherrabílunum bara og láta sem það séu öflugar breytingar á ríkisstjórn?

Svo er það íhaldið.

Sama klastrið þar, þó auðvitað sé það fagnaðarefni ef við fáum á sjá á bak Áddna og BB.

Málið er að aðalleikendur bankahrunsins í hugum fólks eru útrásarvíkingar, bankastjórar ríkisbankanna, Davíð Oddsson, nördinn í Fjármálaeftirlitinu, ISG og GHH ásamt auðvitað ráðherra bankamála og fjármála sem samkvæmt þessum orðrómi eru á leiðinni út.

Ég held að almenningur verði ekki ánægður fyrr en hann fær að exa á kjörseðilinn og þá væntanlega við nýtt fólk með nýjar og ferskar hugmyndir um alvöru lýðræði.

Segið svo af ykkur krakkar, þekkið ykkar vitjunartímia.  Er ekki orðið nokkuð ljóst að þið eruð öll rúin trausti?

Gef oss friggings jólagjöf.

Þórunn minn afturendi.  Þessi úrvalskona.  Djísús. (Fyrirgefðu Þráinn).

Falalalalala

 

Uppstokkun fyrir áramót

Spörk í allar áttir

"Menn eru metnir eftir því hvernig þeir bregðast við óheppni, ekki eftir því hvernig menn sóa heppni," segir  AA Gill í langri grein sem breska blaðið Sunday Times birtir í dag um ástandið á Íslandi.

Þessi grein er frábær og nokkuð góð smurning á annars sært þjóðarstolt.

"Brown sparkaði í Íslendinga" segir hann einnig og þar er ég hundrað prósent sammála.

En spörk frá vandalausum getur maður þolað.  Þau eru eins og hvert annað hundsbit.  Maður rís á lappir og sækir sér plástur og bíður eftir að grói um heilt. 

Þau eru hins vegar verri spörkin frá þeim sem standa manni nær, nú eða bara helvíti nálægt, eru t.d. samlandar manns.

Það er erfiðara að sætta sig við þær árásir og það er erfiðara að jafna sig á eftir.

Á hverjum sunnudegi undanfarnar vikur kemur fólk í Silfur Egils og segir manni hluti sem eru afskaplega afhjúpandi fyrir það kerfi sem við búum við þar sem klíku- og vinatengsl virðast ná út fyrir gröf og dauða.

Svo var Lúðvík Bergvins á Víkingsbátnum.  Nafnið hans Lúðvíks poppar upp í sífellu þessa dagana.  "What is?" spyr ég eins og skáldið forðum.

Ég varð bálreið og snortin til skiptis á meðan ég horfði á þáttinn.

Ég var auðvitað snortin yfir þessu góða og klára fólki sem (fyrirgefðu DV - kverúlöntum) sem kemur og leggur vitneskju sína á borðið.

Reið yfir því að spillingunni í stjórnsýslunni, já allsstaðar virðast engin takmörk sett.

Svo er hver kjaftur á því að þessi ríkisstjórn sé glötuð, að undanskildum Illuga Gunnars en hann er einn af þessum fáu sem enn hangir í aðdáendaklúbbnum.

Ég mun svo sannarlega versla við Jón Gerald opni hann lágvöruverslun á Íslandi.  Mun ekki standa á mér, því lofa ég. (Svo fremi hann er sé ekki tengdur inn í eitthvað andskotans feðgaveldi).

En varðandi spörk frá þeim sem deila með mér þjóðerni og landi er bara eitt að segja.

Nú eru dagar reikningsskila.

Þetta er orðið helvíti gott.

Silfur dagsins niðurbútað hér hjá Láru Hönnu.

Brown sparkaði í Íslendinga

Jultomten

 

Tíminn gjörsamlega flýgur áfram og ég fæ ekkert við því gert.

Ég var að átta mig á því áðan þegar mér varð litið á jólateljarann að það eru 11 dagar til jóla, bráðum 10!

Ég fórnaði höndum ég á eftir að gera svo mikið, redda svo miklu og svo á ég eftir að vinna úr hellings hugmyndum sem ég er ekki einu sinni búin að fá ennþá.

Ég er of upptekin af kreppunni það er nokkuð ljóst og já ég ætla að vera það áfram með jólaívafi.

Ég get gert bæði í einu sko, bæði tuggið og hugsað svo það verður ekki erfitt verkefni.

Ég mun blogga mig hása á milli þess sem ég dúlla mér í jólafyrirkomulagi.

Systkinin Hrafn Óli og Jenný Una Eriks- og Sörubörn eru hjá okkur í pössun.  Ég held að það sé jólagleði í gangi hjá FÍH.

Núna sofa englarnir mínir bæði svo sárasaklaus og undurfalleg hvort í sínu rúmi.

Jenný Una kom með jólasokkinn sinn með sér og festi hann kyrfilega á rúmið sitt.

Amma; þú mátt ekki hafa hátt þá hræðir þú jólasveininn.

Amman: Ég lofa, ég læðist eins og mús.  En hvað heitir jólasveininn sem kemur í kvöld?

Hið hálfsænska barn er ekki alveg með íslensku sveinana á hreinu: Hann heitir bara jólasveinn amma, sko JULTOMTEN heter han.

Amman gerði sér grein fyrir að það var kominn tími á smá kennslustund.

Eins gott að ég á kverið um jólasveinana.

Það verður verkefni morgundagsins.

Verið þið óhlýðin.  Sko borgaralega óhlýðin og um leið afskaplega jólaleg.

Falalalalalala

Jeræt - drímon!

Ég er að ég held hætt að trúa á að einhverjar þær breytingar verði gerðar á ríkisstjórninni sem skipta máli.

Þá meina ég að fólk fari að treysta þeim sem sitja í henni.

ISG segir að líklega verði kosið áður en kjörtímabilið er á enda.

Að ríkisstjórnin verði að svara kalli um breytingar.

Mér finnst bara verið að vekja væntingar eins og gert hefur verið reglulega frá því að þjóðarskútan sökk með braki og bramli.

Svo vildi ISG ekki skýra nánar hvaða breytingar hún átti við?

En hvað er að gerast með Björgvin?

Ég meina helvíti hefur kennarinn hans haft það náðugt þegar hann fór yfir prófin hans í denn.

Ég veit ekki, ég veit ekki, ég veit ekki, alla leið bara.

Nú það er best að setja sig í stellingar og bíða fallega eftir að kallinu eftir breytingum verði svarað.

Jeræt Jenný Anna, drímon.

Ég rakst á þetta á bloggvafri, getur þetta mögulega verið rétt?

Ríkisstjórnin verður að svara kalli um breytingar

Halló - jólin gera manni hluti

Þar sem það er kreppa og ég velti hverri krónu fyrir mér áður en ég kveð hana með kossi þá var ég að pæla í hvernig ég gæti nánaskast um jólin til að senda ekki krónur heimilisins á frítt flot út úr buddu og ofaní bæ og beint í glæpavasa sumra stóreignamanna sem höndla með ýmislegt.

Ég er jólanörd og hef alltaf verið og desember er minn uppáhaldsmánuður ójá.

Hvernig var þetta annars þegar við vorum að alast upp, spurði ég minn heittelskaða þar sem við sátum og reyndum að gúffa í okkur grjónagrautnum bæði kanil og rúsínulausum.

Hann sagði:  Það var súpa, rjúpur og frómas á aðfangadagskvöld.

Ég: Já og hvað var keypt af meðlæti á þessum tímum?

Hann mundi það ekki enda karlmaður og þeir ekkert með rosalegan áhuga á viðhengismeti á hátíðarborðinu, margir hverjir.

Ég fór því að pæla í því sjálf hvað keypt var inn þegar ég var barn.

Hangikjöt, jólasteik, grænar baunir, rauðkál, asíur, rauðrófur, blandaðir ávextir, ís, súkkulaði, brjóstsykur og konfekt, kókflöskur, malt og appelsín. Smákökur og randalínur bakaðar. 

Upp talið.  Eða hvað?

Á maður ekki að fara í þennan gírinn bara?

En eins og lyktin var góð af eplunum sem geymd voru í geymslunni þá eru þau ekkert sérstök á bragðið þegar komið var fram á annan jóladag, í minningunni.  Voru þau ekki dáldið útlifuð, marin og skemmd?  Mig minnir það.

Æi,  en stundum er afturhvarf til fortíðar það eina rétta í stöðunni.  Þrátt fyrir mínusa þá hlýja þessi hugarferðalög mér um hjartaræturnar.

Og já á meðan ég man þá kom jólalestin frá Kókinu út á mér tárunum þegar ég bjó á Laugaveginum og gat glápt á hana út um gluggann með viðkomandi börnum fjölskyldunnar.

Ég þessi kommi inn að hjarta grét af væmni yfir helvítis auðvaldslestinni frá Kók.

Halló - jólin gera manni hluti.

Jólalestin kemur með jólalögin í 12. sinn

Á kafi með niðurskurðarhnífinn þar sem síst skyldi

Ég vaknaði í morgun með dynjandi höfuðverk og bálill í þokkabót.

Ég fór nefnilega seint að sofa, var að lesa fram á miðja nótt.

Hausverkurinn er horfinn en illskan kraumar ennþá í mér enda ekki nema von.

Þegar maður les svona fréttir eins og þá að fólk eigi ekki fyrir mat og það sé enga hjálp að fá fyrir það fólk sem ekki er innan viðmiðunarreglna félagslega kerfisins er beinlínis óeðlilegt að finna ekki fyrir reiði, þ.e. sé maður ekki fastur í eigin afturenda.

Í fréttinni kemur fram að fólk er hætt að kaupa skólamáltíðir fyrir börnin sín.  Kreppan kemur verst við barnafólkið.

Þessi andskotans duglausa ríkisstjórn gæti með einu pennastriki gert skólamáltíðir ókeypis og hluta af þjónustu grunnskólanna.

En auðvitað gerist ekkert slíkt, þeir eru uppteknir og á kafi með helvítis niðurskurðarhnífinn í bótakerfinu og svo er verið að hækka skatta á venjulegt fólk.

Hins vegar er afskaplega flókið að setja hátekjuskatt á þá sem mesta hafa peningana.  Yfir því þarf að liggja lengi og vel.  "Hvar á að setja mörkin?" spurði Kristján Þór Júlíusson ráðvilltur í andlitinu í Kastljósi í gær.

Það þurfti enga andskotans yfirlegu yfir mörkunum sem sett voru á hinn almenna launamann á lágu laununum og bótaþegana.

Þetta er svo gegnsætt, svo siðlaust allt saman, svo grimmilegt fyrir barnafjölskyldur í þessu landi að það er löngu komið út fyrir allan þjófabálk.

Ég er ekki eina manneskjan sem neitar að sætta sig við að saklaus börn verði þolendur óráðsíunnar og óstjórnarinnar í landinu.  Þar setjum við vel flest mörkin og sú staðreynd á eftir að skólfla almenningi út á götuna og í mótmælagírinn.

Þar segjum við stopp og það með öllum ráðum.

Ætlar þetta lið ekki að meðtaka það að það kærir sig nánast ekki kjaftur um að láta það bjarga sér?

Að almenningur liggur á bæn og biður um að einhver bjargi okkur frá handónýtum stjórnvöldum?

ARG

Fólk á ekki fyrir mat