HM.. ÉG ER AÐ VELTA FYRIR MÉR...

 

....hversu þungan dóm viðkomandi maður hefði fengið, hefði múllinn verið blár eða grænn.

Hugs...

Dæmdur í fangelsi fyrir að stela bleikum múl

EKKI VÍSBENDINGAR UM FÓLKSSMYGL..

..þar sem Norræna er notuð.  Einhvernveginn fannst mér að þetta hlyti að vera stormur í vatnsglasi.  Það er heldur ekki eins og við Íslendingar séum rosa líbó og fólk geti "laumast" hér inn í stórum stíl.  Miðað við útlendingapólitík nágrannalandana þá verður seint um okkur sagt að við séum slök á stefnunni.

Nú getur fólk slakað á, við erum ekki svo rosalega vinsæl.

Ekki vísbendingar um að Norræna sé notuð til að að smygla fólki

GLEYMDIST AÐ SENDA FUNDARBOÐ

Nú les ég um það í Mogganum bara, að Heksekonferansen í Vardö sé í startholunum.  Þetta er í annað skiptið á 342 árum sem gleymist að senda mér fundarboð.  Rosalega er ég ill.  Ég sem var að viðra rúmfötin úti á svölum, gerandi froskasmyrsl fyrir vinkonu mína sem langar að giftast og leitar ákaft að prinsi í álögum og í miðjum önnum sé ég þetta.

Rúmfötin eru skilin eftir úti á svölum, blaktandi í sumargolunni, froskafyrirkomulaginu frestað og ég er búin að bera tekkolíu á farartækið og flogin á vit systra minna.  Verð þó með fartölvuna og blogga á leiðinni.

Muhahahahahahaha..

Galdrafárið rætt í Noregi

EIN ENN UM UPPLÝST VIÐHORF..

 

..sumra bloggara til meðbræðra sinna.  Hér fyrir neðan ljóðið dásamlega um konur og innræti þeirra og núna þetta sem ég fann í kommentakerfinu hjá www.katlaa.blog.isen hún var að blogga um að hér leyndust glæpamenn frá Balkanlöndunum til að komast frá réttvísinni heima hjá sér.  Skiljanleg færslan hennar en kommentið frá honum Guðmundi snéri svo skemmtilega við í mér maganum.

 

"Lögreglan er úrræðalaus. Hér á landi er haugur af útlendingum sem er ekki á skrá einu sinni og hefur búið í skipum og tjöldum og í bílum víða um landið. Ég man eftir einu tilviki, þar sem Afríkumaður var sóttur í strætisvagn af því að hann og félagi hans borguðu sinn hvort upprúllaðan helming af strætómiða og neituðu að greiða meira - þegar lögreglan kom (og kom þeim á óvart) kom í ljós að þarna voru ólöglegir innflytjendur.

Lögreglan nennir ekki að sinna þessum málum - spyr t.d. aldrei starfsfólk á veitingahúsum um skilríki og kennitölu, þótt vitað sé að 70% starfsfólks á pöbbum eru ólöglegir starfsmenn án kennitölu - þetta vita held ég allir - nema lögreglan og útlendingaeftirlitið."

 

Mér varð illa við, ég segi það satt vegna AFRÍKUMANNANNA MEÐ STRÆTÓMIÐANA.  Ég vissi ekki að svona þungavirktarglæpamenn væru hér á ferð.  Er það nema von að maðurinn sjái ástæðu til að nefna þetta sérstaklega.  Haugurinn af útlendingum fer sífellt stækkandi, greinilega, voða vandamál.  Og hvað er að löggunni?  Hvernig dettur þeim í hug að hanga inni á veitingahúsum, étandi og drekkandi kaffi og spyrja starfsfólkið ekki einu sinni um skilríki þegar það ber í þá góðgætið.  Aumingjar. 

Ég er á bloggvaktinni.  Ég er heimahangandi húsmóðir nú um stundir og ég hef nægan tíma.  Held áfram að gefa ykkur, inn með skeið, allan þann vísdóm sem má finna á blogginu, af og til.

Síjúgæs!

ER ÞAÐ NEMA VON..

.. að konur njóti ekki fullra réttinda á við karlmenn í þessu þjóðfélagi, þegar hægt er að lesa eitthvað þessu líkt í bloggheimum árið 2007. 

Sérhver kona,
 jafnvel sú besta,
er að nokkru leyti fiðrildi og að nokkru leyti hýena.

Að því leyti fiðrildi,
að hún vill njóta allra blóma á lífsleiðinni,
en hýena,
þegar hún rífur í sundur manninn,
þegar hann getur ekki fullnægt kenjum hennar.

Höfundurinn heitir Þorkell og það skiptir svo sem ekki máli.  Mér datt bara í hug að deila þessu miðalda viðhorfi hans til kvenna með ykkur.

Kannist þið við það krakkar að konum sé líkt við dýr?   

Hýenur eru hræætur. 

Svo krúttlegt eitthvað.

"STÓLINN"

Hárgreiðslustóllinn hennar Ríkeyjar Pétursdóttur í Kópavogi hefur fengið á sig mynd sögupersónu í mínum huga eftir að hafa fylgst með honum í fréttum.  Stólinn verður fyrir eilífum hörmungum, aftur og aftur.  Honum er úthýst, hann er fyrir, hann er til óþurftar í Kópavogi og hann er mun hættulegri bæjarímyndinni en Goldfinger.

Stólinn og Ríkey vilja klippa fólk heima hjá Ríkeyju.  Í ÍBÚÐARHVERFI og nágrannarnir leggjast gegn því.  Ætli það fylgi mörg félagsleg vandamál svona stól?  Ætli það sé hætta á að fasteignaverðið í kringum hann hrapi á methraða?   Það gæti verið.  Ég þarf að fara að kvarta yfir konunni í næsta húsi við mig en hún er með leyfi fyrir fjórum barnavögnum á sínu heimili, hún er dagmamma sko og ég þarf að fara að kíkja á það mál.  Ég held að mér finnist óþægileg svona atvinnustarfsemi í heimahúsi.  Hm.

"Bæjarstjórn Kópavogs hefur tekið ákvörðun um að leggjast gegn því að umhverfisráðherra veiti Ríkeyju Pétursdóttur, hárgreiðslumeistara í Kópavogi, undanþágu frá skilyrðum um starfsleyfi. Tillaga þess efnis var samþykkt með sex atkvæðum meirihlutans gegn fimm atkvæðum minnihlutans."

Vandlifað eða þannig....

Umsókn um hárgreiðslustól hafnað

BRAGI SIGRAÐI Á FISKMARKAÐSMÓTINU

Í dag sigraði Bragi á Fiskmarkaðsmótinu en þar er keppt í langstökki á milli þorsk- og ýsukara.  Bragi var skreflengstur allra og vann hann með miklum yfirburðum.

 Við tökum þennan aftur.  Þetta var taflmót og Bragi sigraði en mótið var haldið í Fiskmarkaðnum innan um þorsk- og ýsukörin.

Lokatilraun. Bragi Þorfinnsson sigraði Ingvar Þór Jóhannesson í lokaumferð Fiskmarkaðsmótsins í kvöld.  Þetta er hárrétt eftir haft og það þýðir ekki að kæra mig fyrir óviðeigandi tengingu við frétt góðir hálsar.

En er ekki skemmtileg tilhugsun að það hefði getað verið keppt í teygjustökki, eða langstökki á milli kara?  Mér hefði fundist það rosalega krúttlegt.  Sko krúttlegt að lesa um en ekki að lykta af.

Takk fyrir mig og ég lofa því Mogginn minn að fíflast ekki svona gróflega aftur.

OK?

Bragi sigraði á Fiskmarkaðsmótinu

Í JÚLÍMÁNUÐI VERÐUR ALLT VITLAUST

...á fjölmiðlinum mínum.  Þrátt fyrir að vera í nánu samstarfi við Moggann sem er lýðræðiselskandi fjölmiðll (og ég er það auðvitað líka) ætla ég að "forbjóða" nokkra frasa í kommentakerfinu mínu.  Æi ég umorða þetta, ég ætla að vinsamlegast að fara fram á við ykkur að eftir 15. júlí þá notist þið ekki við eftirfarandi frasa:

1. No komment(því það er þá alveg eins hægt að segja ég er ósammála eða mér er skítsama um þessa færslu þína kjéddling eða því sleppa alveg að kvitta). www.jonaa.blog.is er með undanþágu þegar við ræðum afrek Samfylkingar í ríkisstjórn, þar sem hún kaus ekki rétt og skammast sín ennþá smá fyrir að hafa ekki farið að leiðbeiningum mínum ().   Þorrí Jóna mín.

2. Tík nema þegar talað er um hunda- og hundarækt sem er mjög algengt hérna bloggsíðunni enda ég löngu farin í hundana.  Þetta gildir ekki um www.asthildurcesil.blog.isþví hún verður stundum smá pirr út í asnalegar kjéddlur.

4. Orðalagið "talað undir rós" og þetta er án undantekninga, nema þegar fólk setur hattinn sem er frammi í forstofu á hausinn á sér áður en það kommenterar.  Þessi hérna sko:

Þessi tilmæli bið ég ykkur kurteisilega að virða kæru vinir.  Ég er, eins og áður hefur komið fram mjög lýðræðiselskandi manneskja, þannig að ég hringi ekki á lögguna eða eitthvað, þótt einhver missi sig stundum.  Fram að 15. júlí er hinsvegar leyfilegt að kommentera, nókommentera, og tala um tíkur til hægri og vinstri svo framarlega sem það er gert undir rós.

Urrrrr

Þetta flokkast klárlega undir mannrækt.  Eruði ekki sammála því??

KONUR ERU KONUM...........

...góðar OG HANANÚ.  Þessi fullyrðing er amk. sannari en hin sem oftast heyrist.  Frá og með deginum í dag er bannað með lögum þessa fjölmiðils að nota "konum eru konum verstar" í kommentakerfinu hér  og hananú.  Ég nenni ekki að taka saman þau skipti sem þessi leiði frasi hefur verið notaður í mínu kommentakerfi og reyndar út um allt blogg. Ótrúlega lífseig þessi firra. Stundum reyndar notað án hugsunar enda frasinn orðinn eins og stórisannleikur í daglegu tali fólks.

Þessi fullyrðing er ekki byggð á nokkrum raunveruleika.  Það er ekkert sem segir að konum séu konur verstar.  Það eru hins vegar ansi margar konur sem geta vitnað um það gagnstæða. 

Niðurstaða:  Konum eru konum oftar en ekki góðar (ég minni á systra- og vinkonunet heimsins).  Þær eru stundum andstyggilegar hvor við aðra,  alveg eins og gengur og gerist í lífinu.  Mín reynsla er sú að oftar hef ég notið stuðnings og vináttu kvenna en hins.

Svo standið ykkur nú krakkar mínir.  Út með meiðandi frasa um konur (og karla líka já,já, já).

P.s. Mér kæmi ekki á óvart þótt einverjir nördar af hm.. sumu kyni sæju sig knúna til að setja einmitt téðan frasa í kommentakerfið.  Hm

FRAMHALD FRÁ FRUMBURÐI

 

Barst eftirfarandi skeyti frá frumburði, rétt áðan og það hélt skemmtilegar fréttir frá Róm.  Niðurlag ímeilsins var eftirfarandi:

"Ekki gleyma ad taeknivaeddi frumburdurinn les tolvupost I friinu og skodar
blogg.
Helga Björk Laxdal hdl."

Af hverju ætli stelpunni finnist nauðsynlegt að segja mér það?

Bítsmí eða ætti ég að segja Súmí?

Muhahahahahaha