EIN ENN UM UPPLÝST VIÐHORF..

 

..sumra bloggara til meðbræðra sinna.  Hér fyrir neðan ljóðið dásamlega um konur og innræti þeirra og núna þetta sem ég fann í kommentakerfinu hjá www.katlaa.blog.isen hún var að blogga um að hér leyndust glæpamenn frá Balkanlöndunum til að komast frá réttvísinni heima hjá sér.  Skiljanleg færslan hennar en kommentið frá honum Guðmundi snéri svo skemmtilega við í mér maganum.

 

"Lögreglan er úrræðalaus. Hér á landi er haugur af útlendingum sem er ekki á skrá einu sinni og hefur búið í skipum og tjöldum og í bílum víða um landið. Ég man eftir einu tilviki, þar sem Afríkumaður var sóttur í strætisvagn af því að hann og félagi hans borguðu sinn hvort upprúllaðan helming af strætómiða og neituðu að greiða meira - þegar lögreglan kom (og kom þeim á óvart) kom í ljós að þarna voru ólöglegir innflytjendur.

Lögreglan nennir ekki að sinna þessum málum - spyr t.d. aldrei starfsfólk á veitingahúsum um skilríki og kennitölu, þótt vitað sé að 70% starfsfólks á pöbbum eru ólöglegir starfsmenn án kennitölu - þetta vita held ég allir - nema lögreglan og útlendingaeftirlitið."

 

Mér varð illa við, ég segi það satt vegna AFRÍKUMANNANNA MEÐ STRÆTÓMIÐANA.  Ég vissi ekki að svona þungavirktarglæpamenn væru hér á ferð.  Er það nema von að maðurinn sjái ástæðu til að nefna þetta sérstaklega.  Haugurinn af útlendingum fer sífellt stækkandi, greinilega, voða vandamál.  Og hvað er að löggunni?  Hvernig dettur þeim í hug að hanga inni á veitingahúsum, étandi og drekkandi kaffi og spyrja starfsfólkið ekki einu sinni um skilríki þegar það ber í þá góðgætið.  Aumingjar. 

Ég er á bloggvaktinni.  Ég er heimahangandi húsmóðir nú um stundir og ég hef nægan tíma.  Held áfram að gefa ykkur, inn með skeið, allan þann vísdóm sem má finna á blogginu, af og til.

Síjúgæs!

Athugasemdir

[Ásdís Sigurðardóttir, 28.6.2007 kl. 13:02]

Hæ snilla. Er búin að vera að lesa bloggin fyrir neðan. Ljóta vísan hjá þessum kalli, hann hefur lent á She Devil. Gott að hafa þig á vaktinni ég er að fara í dekur eftir hörmungardaginn í gær, svaf meira og minna frá 5 í gær til 12 í dag.  Sá þú varst í blaðinu með bloggið um Jóhönnu, góð. Tek undir með þér með það að skrítið að fannste enginn kvenmaður hæfur til starfans.

[Jenný Anna Baldursdóttir, 28.6.2007 kl. 13:12]

Nú var ég í blaðinu?  Hm.. það vissi ég ekki.  Ég er búin að vera að hugsa til þín elskan og veit að þú varst í erfiðum rannsóknum í gær.  Eins og ég segi og hef sagt: 'Eg er í þínu liði.  Smjúts.

[Jóna Á. Gísladóttir, 28.6.2007 kl. 13:28]

kom þetta ekki bara eitthvað vitlaust út úr honum guðmundi

[Svava frá Strandbergi , 28.6.2007 kl. 13:48]

Gangi þér vel á vaktinni.

[Ragnhildur Sverrisdóttir, 28.6.2007 kl. 13:54]

Og ég sem hélt að amfetamínklíkan frá Kaunas í Litháen væri það hættulegasta sem við þyrftum að glíma við! Nei, Afríkumenn eru að grafa undan innviðum samfélagsins með því að setja Strætó á hausinn

[Laufey Ólafsdóttir, 28.6.2007 kl. 14:05]

Ég lagði komment hjá KK. Hvaðan kemur sumt fólk? (Þá er ég ekki að tala um útlendinga) Forvitnaðist aðallega inn því ég hélt það væri hinn óskráði Guðmundur minn sem ég hef kallað öllum illum nöfnum en þessi er með mynd og alles. Kíki á vaktina hjá þér aftur í kvöld! smjúts!