Orðið er aðgerðarleysiskostnaður!

Jájá, kjaraviðræður í fokki út af vaxtalækkuninni sem var beint upp úr kokkabók ASG.

Ég skil það en nenni ekki að velta mér upp úr því.

En Sjálfstæðismenn eru yndislega fyrirsjáanlegir þegar þeir taka sig saman.

Fyrir kosningar opnuðu þeir ekki munninn í þinginu öðruvísi en að tala um "minnihlutastjórnina".

Alveg hárrétt hjá þeim, stjórnin var í minnihluta með "stuðningi" Framsóknar, sem er svona álíka spennandi ímynda ég mér og að fara í sambúð með Indiana Jones og nevrótískum Woddy Allen á slæmum degi.

En öllu má ofgera.

Ég þekki sko fólk með þennan kæk, að endurtaka allt sem fellur í kramið.  Segir sama brandarann aftur og aftur að því fólk hló hjartanlega í fyrsta til þrítugasta sinn.

Núna sé ég þá fyrir mér á samráðsfundi þingmennina.

Þeir hafa setið í Valhöll og hugsað sig bláa í framan í leit að nýyrði sem væri mergjað og sláandi: Nýyrði sem myndi smella beint á heilabörk þjóðarinnar og brenna sig þar fast, eins og hin nýyrðin sem þeir hafa samið í gegnum árin, með misgóðum árangri reyndar.

Nú fundu þeir eitt svona líka helvíti gott.

Bjarni Ben notaði það í Kastljósinu í gær jafn oft og hann kom upp til að anda.

Orðið er:

AÐGERÐARLEYSISKOSTNAÐUR!

Helvítis bömmer að þeir skuli ekki hafa smíðað það fyrir fyrrverandi formann flokksins sem var svo verkkvíðinn að það gerir framkvæmdasemi íbúa kirkjugarðanna skömm til.

Það aðgerðarleysi hefur kostað okkur bigg fucking time.

Nú notar Tryggvi Þór þetta í viðtali við DV.

Ég skal snæða alla mína trefla, vettlinga, sjöl og annan til þess bæran ullarfatnað ef þetta orð á ekki eftir að hljóma um þingsali, í sjónvarpi og alls staðar þar sem þingmenn Sjálfstæðisflokksins fá að segja nokkur orð.

AÐGERÐARLEYSISKOSTANAÐUR ER ORÐIÐ.

Það er meitlað í friggings stein.

„Óttast hrikalegar uppsagnir framundan“

Rólegir á kæruleysinu

Vá, þeir lækkuðu vexti um 1%!

Rólegir á frjálslyndinu, það er alveg óþarfi að missa sig í tómt kæruleysi og bruðla með vaxtalækkanir!

Án gamans, þá staðfestir þessi smánarlækkun stýrivaxta fyrir mér það sem mig sterklega grunaði, en það er sú bitra staðreynd að hér ræður Alþjóða andskotans gjaldeyrissjóðurinn öllum málum.

Urrrrrrrrrrrrrrrrrr

Ég vil út úr þessu disfúnksjónella sambandi milli okkar og þeirra.

Af hverju vorum við yfirleitt að kjósa?

Hefðum getað sleppt því.

Þeir ráða þessu hvort sem er.

Vextir lækkaðir í 12%

Ávallt kl. 18,00

Elsku dúllurnar mínar, þið vitið að mitt spennandi einkalíf skráist jafnóðum á þetta blogg, ykkur til yndis og unaðar.

Eða þannig.

Í gær skrapp ég í búsáhaldabúð til að endurnýja hjá mér byltingaráhöld (djók), hvar ég fjárfesti í litlu kreppukolagrilli sem er ekki í frásögur færandi nema vegna þess sem ég upplifði í röðinni að kassanum.

Á undan mér voru tveir menn að spjalla og ég komst ekki hjá því að heyra.  Það var fróðlegt.

Þetta var sagt:

"Ég kúka ávallt um leið og ég vakna.  Eðlilegar hægðir eru þegar kúkurinn er um ca. 25 cm á lengd, svona þykkur (hann sýndi þykkt með tveimur fingrum), millibrúnn og þéttur í sér og nánast lyktarlaus.  Það er merki um að meltingin sé góð, mataræðið rétt og allt í sómanum".

Viðmælandinn sem reynir að fá aðrar og skemmtilegri upplýsingar spyr glaðbeittur hvort það eigi að fara að grilla.

"Já, við grillum ávallt kl. 18,00 heima hjá mér.  Alls ekki seinna og helst ekki fyrr.  Það er til þess að meltingin sé ekki á óverdræf langt fram á kvöld.  Maginn verður að hvíla sig yfir nóttina til að geta síðan skilað sínu á réttum tíma að morgni."

Viðmælandinn spyr hvort það hafi verið farið í sumarbústaðinn í ár.

"Já, ég held það nú minn kæri vin, við förum allt árið.  Áður en við leggjum í hann versla ég alltaf til ferðarinnar í sóandsómarkaði því þar gengur að kaupa svo ágætis hörfræ.  Hörfræ eru nauðsynleg til að halda hægðunum og meltingunni í rólegri en jafnri vinnslu".

Þegar hér var komið sögu rölti ég í hægðum mínum, í rólegheitunum meina ég, yfir á næsta kassa.

Ætli maðurinn sé meltingarlæknir?

Eða dítoxfrömuður?

Veit það ekki en það varð ekkert úr að ég grillaði í gærkvöldi vegna lystarleysis.

Svo var klukkan langt gengin í sjö.

Maður borðar ávallt kl. 18,00.

Sjitt.

"Right back at you"

Hvaða andskotans heilkenni hrjáir marga stjórnmálamenn?

Þeir þræta fram í rauðan dauðann ef þeir eru teknir í bólinu á óheiðarleikanum.

Þegar þeir síðan standa frammi fyrir því að málið er upplýst þá biðjast þeir afsökunar, en ekki fyrr.

Alveg: Nei, nei, nei, ókei, sorrí.

Darling var að biðjast afsökunar á að hafa þegið kostnaðargreiðslur vegna íbúðar í London, en fyrst harðneitaði hann að svo væri.

Kæri Darling: Þú ert lygamörður og svínabest.

Það er Ísland sem heldur því fram.

"Deny it you M-F"!

"Right back at you".

 

Darling biðst afsökunar

Er það nema von að Ísland sé á rassgatinu

Siðlausar og ruddalega uppáþrengjandi auglýsingar virðast ein leið til að selja vöru í kreppunni.

Í viðtengdri frétt segir frá auglýsingu sem er dulbúin eins og bréfkorn frá nágrönnunum en er í raun auglýsing frá Garðlist.

Reyndar tók ég eftir því í góðærinu, þegar auglýsingar voru gerðar nánast eins og leikrit í nokkrum þáttum, að staðalímyndarugl og yfirborðsþekking á fólki blómastraði sem aldrei fyrr.

Ég var eiginlega búin að gefa mér að þeir sem gerðu auglýsingar væru hálfvitar margir hverjir.

Enn er ég ögn á þeirri skoðun vegna þess að ennþá halda auglýsingar sem byggja á hallærislegum mýtum um kynin áfram að birtast á skjánum.

Mér finnst að fólk sem gerir svona auglýsingar geti ekki hafa kynnt sér þjóðfélagsgerð og breyttan hugsunarhátt síðan nítjánhundruðsjötíuogeitthvað, það virðist lifa í öðrum heimi en allir hinir.

Ég get tekið sem dæmi tvær auglýsingar sem ofsækja mann á þeim sjónvarpsstöðvum sem ég horfi á.

Viðhaldsauglýsingin, þar sem tengt er saman ungri konu og því sem hún er að sýsla við.

Boðskapur; maðurinn er að hugsa um "viðhaldið".  Áhorfandinn fær að velta því fyrir sér hvort hann eigi við stúlkuna (viðhaldið) eða viðhaldið á húsinu eða bæði.

Algjör hugarleikfimi og djúpur fokkings boðskapur.

Hin síðari sem kemur mér á endanum til að fremja eitthvað voðalegt er auglýsingin á Heineken bjórnum þar sem hin yfirborðskennda og kaupsjúka kona sýnir jafnsjúkum vinkonum sínum fullt fataherbergi og þær veina og garga henni til samlætis með flottheitin í systurlegri raðfullnægingu yfir himnaríki á jörð.  Alveg: Hver þarf kynlíf þegar fataherbergi er í boði?

Í næsta herbergi fara fram raðtaugaáföll karlmannanna í boðinu yfir heilu bjórherbergi.

Svona auglýsingar hafa gagnstæð áhrif á mig og þá sem ég hef talað við um málefnið.

Hefur engum dottið í hug að höfða til heilans í fólki þegar það vill selja eitthvað?

Vá, er það nema von að Ísland sé á rassgatinu.

Það kaupir varla kjaftur vöru sem auglýst er með þessum hætti.

Þetta er beinlínis móðgandi.

Hvern langar að verlsa við fyrirtæki sem gera ráð fyrir að fólk sé fífl?

Aular.

 

Braut lög með auglýsingu

Idjóta Capital og Hálfvita Group

Ari tekur við Landsvaka.

Hörður kemur til Sjóvá, Þór tekur hins vegar pokann sinn þar.

Tryggvi fer til Saga Capital.

Marteinn frændi fer til læknis.

Einar með bílinn í skoðun.

Só?

Ég er engu nær, þekki ekki þessa menn sem fá um sig "fréttir" í blöðin í hvert skipti þegar þeir stökkva út eða inn.

Bíð alveg eftir: Guðríður ræstitæknir hættir hjá Idjóta Capital og hefur störf á mánudaginn hjá Hálfvita Group.

Meira kjaftæðið.

Eina sem ég veit fyrir víst að Gunnar í Kópavogi og Gunnar á Selfossi eru í djúpum skít.

Af mér er það að frétta að ég er í sólbaði, eða væri ef sólin skini og ég nennti.

Og hana nú.

 

Ari tekur við Landsvaka

Búnar að fá nóg

Ég er á því að það séu stórustu mistök frá bankahruni (og er þá af mörgu að taka) að taka IMF inn í jöfnuna.

Saga þeirra er stór-varasöm og þeir hafa skilið eftir sig sviðna jörð þar sem þeir hafa komið.

Ég er fúl út í Steingrím J. sem var dedd á móti því að við tækjum lán frá þeim að láta þetta yfir okkur ganga en heldur sér nú til hlés og virðist hafa sæst við IMF og veru þeirra hér.

Ögmundur hefur talað um að það líti út fyrir að IMF andi ofan í hálsmálið á Seðlabankastjóra.

Ég held að það sé pent orðað hjá Ögmundi, ég held að sjóðurinn hafi læst vígtönnunum í hnakkann á Seðlabankanum.

Heiða vinkona mín hefur fengið nóg, hún hvetur til aðgerða.

Sjáið hér.

Svo skulum við líta á skelfilegar afleiðingar IMF innblöndunar í Argentínu.

Í desember 2001 varð efnahagshrun í landinu vegna 150 milljarða dollara skuldar við Alþjóðagjaldeyrissjóðin.

Og þjóðfélagið hrundi.  Fólk fékk nóg.  Búsáhaldabyltingin í Argentínu hófst.

Ég hvet alla til að gefa sér tíma til að skoða myndbandið.

Mér er svo sannarlega hætt að standa á sama.

Sendinefnd AGS í heimsókn

Aumingja Framsókn

Flestir eigendur Jöklabréfa eru erlendir hefur fjármálaráðherra upplýst.

Undir flokkum "annað" eru 19,8 milljarðar.

Þetta myndi ég vilja fá sundurliðað.  Í mínum augum eru þetta stórir peningar.

En...

Ég hef verið að fylgjast með þinginu af og til í dag.

Ég veit ekki hvort ég á að hlæja eða gráta yfir nýjum tuðmeisturum þingsins.

Karlkyns Frammarar eru svo fúlir, svo svekktir og svo bitrir að það er nánast ekki fyndið.

Útúrsnúrningar og ómálefnalegur málflutningur þeirra er þeim ekki til sóma.

Er það missir þingflokksherbergisins sem veldur þessum ótrúlega neikvæðu geðbrigðum.

Var dagsskipanin í litla þingflokksherberginu eftirfarandi: Verum leiðinlegir, smámunasamir og tuðum fyrir allan peninginn (og jafnvel lengur, vó)?

Þeir virðast hafa það eina markmið að vera á móti.

Flestir aðrir virðast vilja standa málefnalega að málum.

Já ég sagði flestir en ekki allir.

Aumingja Framsókn.

 

Íslendingar ekki aðaleigendur jöklabréfa

Þreytt á AGS

Ég veit ekki með ykkur en ég er orðin ansi þreytt á valdhafanum bak við tjöldin, þ.e. Alþjóðagjaldeyrissjóðnum.

Hann virðist hafa síðasta orðið um peningamálastefnuna í landinu.

Þingmenn VG gagnrýndu það harkalega þegar ríkisstjórn Samfylkingar og Sjálfstæðisflokks sóttu um aðstoð frá þessum illa þokkaða sjóð.

Það lá við að þeir væru hengdir í hæsta tré fyrir að sjá ekki ljósið.

Nánast hver einasti erlendur sérfræðingur sem hefur tjáð sig um AGS eftir hrunið hefur á honum illan bifur.

Þetta er nú meiri verkunin.

Ég hef á tilfinningunni að sjálfstæði Íslands sé aðeins í orði núorðið.

Alþjóðagjaldeyrissjóðurinn ræður.

Honum er að minnsta kosti alltaf hlýtt.

Seðlabankinn í klemmu

Lýðræðislega leiðin

Ég er algjörlega búin að fá mig fullsadda af hinu króníska vandamáli sem umræða um ESB virðist leiða okkur í.

Ég hef sagt það áður og ég segi það enn, ég veit ekkert hvort ég er með eða á móti inngöngu.

Enda hvernig á það að vera hægt?

Þetta eru allt spekúlasjónir og ekkert annað.

Nú vil ég að við sækjum um aðild svo það verði annað en innantóm umræða um kosti og galla sem stendur í vegi fyrir öðrum og mikilvægari málum.

VG hefur lýst því yfir að þeir vilji að þjóðin fái að ráða þessu.

Leyfum okkur þá að fá eitthvað bitastætt svp við getum gert upp hug okkar.

Getum stuðst við staðreyndir í stað endalausra yfirlýsinga um hvað er slæmt og hvað er gott.

En getur verið að Sjálfstæðisflokkurinn hoppi í skotgrafirnar og tali málið frá afgreiðslu eins og þeir gerðu við stjórnarskrárbreytingamálið, illu heilli?

EDB er orðið eins og æxli í þjóðarsálinni.

Eina leiðin til að fá skikk á málið er að sækja um, fá umræðuna og taka síðan afstöðu í þjóðaratkvæðagreiðslu.

Það er lýðræðisleg leið.

Förum hana.

„Kanna hvort einhverjir fletir séu til samstöðu"