Þreytt á AGS

Ég veit ekki með ykkur en ég er orðin ansi þreytt á valdhafanum bak við tjöldin, þ.e. Alþjóðagjaldeyrissjóðnum.

Hann virðist hafa síðasta orðið um peningamálastefnuna í landinu.

Þingmenn VG gagnrýndu það harkalega þegar ríkisstjórn Samfylkingar og Sjálfstæðisflokks sóttu um aðstoð frá þessum illa þokkaða sjóð.

Það lá við að þeir væru hengdir í hæsta tré fyrir að sjá ekki ljósið.

Nánast hver einasti erlendur sérfræðingur sem hefur tjáð sig um AGS eftir hrunið hefur á honum illan bifur.

Þetta er nú meiri verkunin.

Ég hef á tilfinningunni að sjálfstæði Íslands sé aðeins í orði núorðið.

Alþjóðagjaldeyrissjóðurinn ræður.

Honum er að minnsta kosti alltaf hlýtt.

Seðlabankinn í klemmu

Athugasemdir

[Ragnheiður , 14.5.2009 kl. 14:03]

ég sagði þetta : við ráðum ekki neinu hér lengur.

Við erum ekki sjálfstæð fyrr en við erum laus við þennan sjóð og hvað er með evrópudæmið ? Taki þeir við okkur þvert á alla skilmála þeirra sem áður hafa gilt þá hangir eitthvað verulega feitt á spýtunni.

[Historiker, 14.5.2009 kl. 14:32]

Meinarðu ekki frekar að sjálfstæðið sé aðeins "í orði"?

[Jenný Anna Baldursdóttir, 14.5.2009 kl. 15:55]

Historiker: Takk.  Það sem maður getur verið utan við sig.

Ragga: Jabb.

[Ásdís Sigurðardóttir, 14.5.2009 kl. 16:12]

Ég er líka hundleið á þessum gaurum, held bara að við ættum að skila láninu og ráða okkur sjálf.

[Finnur Bárðarson, 14.5.2009 kl. 16:39]

Sko þjóðin er í gjörgæslu og í öndunarvél og þar að auki með óráði. Á sjúklingurinn sjálfur að annast gjörgæsluna ?

[Lilja Guðrún Þorvaldsdóttir, 14.5.2009 kl. 16:46]

Er ekki Seðlabankinn búin að vera í klemmu lengi, allavega í alvarlegri klemmu frá janúar 2008, þegar skýrslan barst, sem Seðlabankinn hundsaði.  Það má því spyrja: UM hvað samdi þáverandi ríkisstjórn við ASG? 

Þegar svar berst, fáum við líka að vita hve hratt er hægt að losa um tök klemmunar á Seðlabankanum.

[Hrönn Sigurðardóttir, 14.5.2009 kl. 19:29]

Ég held það væri réttast að negla frímerki á rassinn á þeim og senda þá til Órafjarristan..........

[Sigurður Viktor Úlfarsson, 14.5.2009 kl. 19:56]

Við rústuðum pleisinu í partýinu í gær.  Við erum í efnahagslegu straffi.  Það er bara þannig. 

Við getum auðvitað flutt út frá pabba og mömmu en allir vinir okkar segjast ekki munu hleypa okkur inn án leyfis frá mömmu og pabba.  Það er því ljóst að vistin verður líklega enn kaldari úti en hér inni.  Við verðum því líklega að bíða af okkur storminn og reyna að haga okkur eins og fólk næst þegar gleðin nær tökum á okkur aftur.

[Brjánn Guðjónsson, 14.5.2009 kl. 20:02]

já þeim í AGS er ansi hlýtt

[Ásthildur Cesil Þórðardóttir, 15.5.2009 kl. 08:52]

Getum við ekki skilað peningunum og rekið þá burtu?  Þetta er óþolandi ástand.