AFLEIÐINGAR HERNÁMS ÍSRAELSRÍKIS

Amnesty International heur birt nýja skýrslu "Enduring occupation: Palestinians under siege in the West Bank" sem skýrir frá afleiðingum hernáms Ísraelsríkis á landi Palestínumanna sem hefur varað í 40 ár.  Auðvitað er gott mál að Amnesty skuli hafa unnið þessa skýrslu en þarna birtast svo sem ekki ný sannindi.  En best er að þau fái að heyrast sem oftast.  Í tilkynningu Amnesty segir að skýrslan skýri frá vesti ólöglegra landnemabyggða á landi Palestínumanna og hvernig þessar byggðir svipta palestínska borgara nauðsynlegum auðlindum.  M.a. kemur einnig fram í tilkynningu samtakanna eftirfarandi:

"Skýrslan greinir einnig frá fjölmörgum ráðstöfunum til að einangra búsetu Palestínumanna við mörg smá landssvæði og hindra aðgang þeirra að vinnu, heilsugæslu- og menntastofnunum. Til slíkra ráðstafana telst til að mynda 700 km löng girðing/veggur auk rúmlega 500 eftirlitsstöðva og vegatálma."

Mér verður svo oft hugsað til þess hversu sagan endurtekur sig meira og minna.  Þetta minnir mig töluvert á ýmsa hluti sem Gyðingar sjálfir bjuggu við þegar þeir voru ofsóttir af Hitlers-Þýskalandi.  Ghettó og annað ámóta geðslegt.  Hvernig stendur á að heimurinn lokar augunum fyrir því hvernig farið er með Palestínumenn?  Er það af því að það er Ísraelsríki sem stundar ofsóknirnar, landtökurnar, byggingu múra  svo eitthvað sé nefnt?  Er eitthvað glóbalt samviskubit í gangi gagnvart Gyðingum vegna þeirra hroðalegu ofsókna sem þeir urðu fyrir í seinni heimstyrjöldinni?  Það samviskubit er þá of seint á ferð og á alls ekki við lengur.

Ný skýrsla um Palestínu frá Amnesti International

HVAÐA GUÐ ER MAÐURINN AÐ TALA UM?

Ég hef nokkur prinsipp á mínum bloggfjölmiðli.  Ef undan eru skildir Bítles- og Stónsmeðlimir þá blogga ég yfirleitt ekki um "selebs".  Mér finnst það svo leiðinlegt og yfirborðskennt, eins og tilveran hjá því sjálfu virðist oft vera.  Núna bara verð ég að tjá mig um þessa frétt.  Lindsey Lohan, er sum sé komin í meðferð út af alkóhóli og dópi (bæði læknadópi og svo kókaíni).  Karlinn vonar auðvitað að dóttirin nái bata og hann segir að Promises meðferðarstöðin í Malibú þar sem Britney Spears fór til að komast að því að hún væri EKKI alki, ynni aðallega eftir tólf spora kerfinu sem væri byggt á boðorðum Guðs.  Vó.. hugsaði ég eru tólf sporin byggð á boðorðum Guðs?  Aldrei veit maður nokkurn skapaðan hlut.

Það er reyndar ansi oft minnst á Guð í tólf spora kerfi AA-samtakanna en samkvæmt skilningi OKKAR á honum.  Þ.e. við horfumst í augu við að það er til máttur okkur æðri en sá máttur er að eigin vali þess sem tileinkar sér þetta stórkostlega kerfi.  Mig langaði bara að hnykkja á því vegna þess að þeir sem ekki trúa á hin venjulega Guð geta sett hvað og hvern sem er í það hlutverk.  Við þurfum ekki að vera hefðbundinnar trúar til að nýta okkur AA-samtökin.  Það er það sem er svo æðislegt og sporin hafa hjálpað mér mikið þessa mánuði sem ég hef verið á snúrunni.  Hér koma svo hin tólf reynsluspor.

1. Við viðurkenndum vanmátt okkar gagnvart áfengi og að við gætum ekki lengur stjórnað eigin lífi.
2. Við fórum að trúa að máttur okkur æðri gæti gert okkur andlega heilbrigð að nýju.
3. Við tókum þá ákvörðun að fela líf okkar og vilja umsjá Guðs,samkvæmt skilningi okkar á honum.
4. Við gerðum rækilega og óttalaust siðferðileg reikningsskil í lífi okkar.
5. Við játuðum misgjörðir okkar fyrir Guði,sjálfum okkur og annarri manneskju og nákvæmlega hvað í þeim fólst.
6. Við vorum þess albúin að láta Guð fjarlægja alla skapgerðarbrestina.
7. Við báðum Guð í auðmýkt að losa okkur við brestina.
8. Við skráðum misgjörðir okkar gagnvart náunganum og urðum fús til að bæta fyrir þær.
9. Við bættum fyrir brot okkar milliliðalaust svo framarlega sem það særði engan.
10. Við iðkuðum stöðuga sjálfsrannsókn og þegar út afbar viðurkenndum yfirsjónir okkar umsvifalaust.
11. Við leituðumst við með bæn og hugleiðslu að styrkja vitundarsamband okkar við Guð, samkvæmt skilningi okkar á honum, og báðum um það eitt að vita vilja hans og hafa mátt til að framkvæma hann.
12. Við urðum fyrir andlegri vakningu er við stigum þessi spor og reyndum því að flytja öðrum alkóhólistum þennan boðskap og fylgja þessum meginreglum í lífi okkar og starfi.

 

Auðvitað óska ég svo stúlkunni Lindsey góðs bata og að hún finni sinn æðri mátt "samkvæmt skilningi sínum á honum".

 

Michael Lohan segir dóttur sína háða ýmsum lyfjum og fíkniefnum

EFTIRSPURN EFTIR ORÐINU - GOTT MÁL!

Tveir menn stálu biblíu og sálmabók úr Krísuvíkurkirkju og voru handteknir fyrir austan fjall skömmu síðar.  Það er alltaf verið að tala um að þorri fólks stundi ekki kirkju nema á jólunum, lesi ekki í hinni helgu bók og margir af oss séum trúarleg viðrini.  Er þessi þjófnaður þá góður eða slæmur?  Er það ekki bara gott að einhverja þyrstir svona í orðið?  Allavega komust ritin aftur til kirkjunnar og löggurnar sem skiluðu þeim fengu bænastund í fundarlaun.  Einhver hefði nú sagt: "Séra minn ég get eiginlega frekar notast við peninga".

Amen á eftir efninu.

Stálu biblíu og sálmabók úr kirkju

MAGGA PÁLA "FOR PRESIDENT"

Eða eitthvað stórkostlegt.  Ég var að horfa fyrst núna á Kastljóssþáttinn með kerlu og þar sá ég að MP hefur eflst ef eitthvað er, hún er svo frjó í hugsun þessi kona, með svo magnaða útgeislun að það er með ólíkindum.

Ég man þegar hún var að fara af stað með Hjallastefnuna.  Hún mætti hreint ótrúlegu skítkasti.  Hún var sökuð um karlahatur, það var gefið í skyn að ekki væri óhætt að láta hana vera með börn.  Rósa Ingólfsdóttir skrifaði grein um Margréti Pálu sem bar fyrirsögnina "Ó þú hýri Hafnarfjörður" sem Magga Pála reyndar hló sig máttlausa að.  Þeir sem þekkja til þessarar flottu konu vita að henni ERU allir vegir færir.  Hún hefur flutt fjöll í menntamálum.

Magga Pála telur það nauðsynlegt að hafa val.  Það kom fram í Kastljóssþættinum.  Börn eiga líka að hafa val.  Ein besta saga sem ég hef heyrt var frá foreldri lítillar telpu sem var á Hjalla.  Þannig var að hægt var að velja um ákveðin svæði á morgnanna.  Svæðaheitin eru mér gleymd nema eitt en það var útivistarsvæði.  Þessi litla telpa kom á leikskólann seint einn morguninn og krakkarnir voru öll búin að velja sér svæði.  Margrét Pála, ávallt trú sínum skoðunum, vildi láta barnið fá að velja svo hún sagði við þá stuttu: "Hvort villtu nú útivistarsvæði eða útivistarsvæði?"  sú litla hugsaði sig lengi um, dálítið þungbúin á svip því við vitum öll hversu erfitt það getur verið að velja en svaraði svo ákveðin: "É vil útivistarþvæði". OMG ég engist einn ganginn enní krúttkasti.

Magga Pála þú ert flottust

BONNY ER FUNDIN - LOKSINS!

Lögreglan í Glostrup í Danmörku nappaði konu á áttræðisaldri við að selja hass.  Þarna mun vera komin Bonny hin ógurlega að drýgja tekjurnar eftir að hafa sloppið frá lögreglunni hérna um árið.  Bonny beibí heldur sér vel þrátt fyrir háan aldur og lögreglan hefur ekki hugmynd um að þarna er þessi alræmda kona á ferðinni.

Nebb bölvuð vitleysa er þetta.  En þarna er sum sé eldri dama í fíkniefnabransanum að drýgja tekjurnar með hassölu.  Þetta sýnir nú bara fram á að það er hægt að vera glæpsamlega hneigður langt fram á grafarbakka.  Konunni var sleppt þar sem hún hafði ekki komið við sögu lögreglunnar áður.  Sagði ég ekki?  Er ekki stórhættulegt að hafa ellilífeyrinn svona lágan?  Það kallar á vandræði get ég sagt ykkur.

Góðan daginn annars.

76 ára kona seldi hass

BYRGIÐ - STUTT OG LAGGOTT

Eða það ætla ég rétt að vona en rannsókn á kærum fyrrum vistmanna Byrgissins er lokið hjá Sýsla á Selfossi. Kærurnar hafa verið sendar ríkissaksóknara. 

Það verður fróðlegt að fylgjast með því hvert þetta mál kemst allt saman.  Vonandi læra yfirvöld af þessu sorglega dæmi um Byrgið og þeirri "meðferð" sem þar átti sér stað að það er ekki vænlegt til árangurs að láta áhugasamtök sjá um áfengis- og fíkniefnameðferðir.  Nú hefur ekki heyrst frá Byrgisgvendi nokkuð lengi.  Hann er auðvitað ábyrgur ásamt þeim sem létu hann hafa peninga til starfseminnar, þrátt fyrir að viðvörunarbjöllur hafi hringt.  Þetta hefur verið fjárhagslegt himnaríki perranna....í boði Framsóknar.

Byrgisrannsókn lokið

SIÐMENNTUÐ AFSTAÐA

Siðmennt vill að trúfélög fái heimild til að gefa saman samkynhneigð pör.  Þeir hafa gefið út fréttatilkynningu þar sem þeir ítreka þá afstöðu sína.  Mér finnst þetta ofur flott hjá þeim en ég sé ekki alveg hverju þetta breytir varðandi hjónaband samkynhneigðra innan þjóðkirkjunnar.

Annars er það sama við hvern maður talar þessa dagana, allir eru æfir yfir niðurstöðu kirkjuþings. Það er sorglegt þegar kirkjan sem við fæðumst inn í er á skjön við vilja stórs hluta þjóðarinnar.

Það er ekki til neins að skrifa og tala meira um þennan ógjörning á s.l. kirkjuþingi.  Það eina sem við getum gert til að lýsa vanþóknun okkar á þessum mannréttindabrotum er að ganga úr kirkjunni og þeir sem vilja heyra til einhvers staðar geta auðvitað látið skrá sig í Siðmennt.  Eða Fríkirkjuna, eða Ásatrúarfélagið, eða Krossinn (segi sonna).

 

 

Trúfélög fái heimild til að gefa saman samkynhneigð pör

SNEMMA BEYGÐIST KRÓKURINN

Var í einsemd minni að glugga í bók í kvöld sem inniheldur sögur af gyðjum og konum.  Þar var ég að lesa um tunglgyðjurnar þar sem bent er á að tunglið hafi alveg sérstaka þýðingu í gyðjusögunum. Kvartilaskipti tunglsins líkjast bæði tíðahring konunnar og hinum þremur aldursskeiðum hennar (nýtt tungl táknar meyjuna, fullt tungl hina þroskuðu konu og minnkandi tungl er tákn hinnar vitru konu sem er þá ég ofkorse). 

Ég rakst á þessa gömlu þjóðsögu á sanskrít um sköpunina á konu og manni í áðurnefndri bók og þar fékkst tvennt á hreint.  Við vitum núna hvaðan "you can´t live with them, you can´t live without them" er sennilega komið og að það hefur loðað svolítið við karlmenn gengum tíðina að reyna að skila sinni heittelskuðu heim til föðurhúsanna eins og gallaðri vöru séu þær ekki almennilega til lags.

"Þegar skaparinn skapaði manninn skapaði hann um leið konuna úr bogalínum tunglsins, lipurð eðlunnar, léttleika laufanna, gráti skýjanna, grimmd tígursins, mjúkum yl eldsins, kulda snævarins og blaðri skrækskaðans.  Síðan gaf hann karlmanninum hana.  Á þriðja degi kom maðurinn til Drottins allsherjar og sagði: "Þessi kona sem þú gafst mér blaðrar í sífellu, hún lætur mig aldrei í friði, krefst mikillar athygli, tekur allan tíma minn, grætur út af engu og gerir aldrei neitt.  Taktu hana aftur".  Drottinn gerði það.  En skömmu síðar kom maðurinn aftur og sagði: "Hún var vön að dansa og syngja fyrir mig, hún sendi mér svo fallegt augaráð og hún naut þess að leika sér, hún þrýsti sér að mér þegar hún var hrædd, hlátur hennar var eins og tónlist og hún var svo falleg.  Láttu mig fá hana aftur".  Drottinn gerði það.  Á þriðja degi kom maðurinn aftur með konuna og bað Drottinn að eiga hana.  "Nei" sagði hann "þú getur ekki lifað með henni og ekki án hennar þú verður að ráða fram úr þessu sjálfur"."

Hm... gæti hafa gerst í gær "eller hur"?

Lofjúgæs

P.s. Smá hugleiðing eftir að ég las þjóðsöguna.  Sko þetta er upphaf mannsins.  Guð skapar manninn og svo konuna og gefur karlinum konuna síðan að gjöf.  Fékk konan ekkert?

FIMM VILLURÁFANDI SÁLIR EI MEIR

Eins og ég blogaði um fyrr í dag þá biðu mín fimm símtöl þegar ég staulaðist á fætur.  Ég hringdi samviskusamlega í hringjendur og allir þessir vinir mínir ætluðu að segja sig úr þjóðkirkjunni með sama.  Mér fannst það ekki leiðinlegt.  Síminn hefur ekki stoppað og öllum er heitt í hamsi og ég tek það fram að mín fjölskylda ásamt vinum eru ekki upp til hópa trúlausir efahyggjumenn.  Venjulegt fólk með snefil af víðsýni er bara nóg boðið.  Að segja sig úr þjóðkirkjunni er einfaldlega gjörningur sem við getum framið til að sýna að okkur hugnast ekki viðhorf kirkjunnar manna þessa dagana.

Nóg sagt.

HÚN GUÐ SAGÐI MÉR AÐ TJILLA

Ég svaf yfir mig.  Ekkert lítið bara til klukkan 1 í dag.  Ég vaknaði í fári.  Guðmíngóð ég er orðin of sein.  Guð sem er lesbísk, gagnkynhneigð, bisexuell, húmanisti, kærleiksrík og alltumvejandi orka og elskar konur og karla jafn mikið (líka Jón Val) hvíslaði í eyra mér huggunarorðum og sagði mér að hún hefði veitt mér þennan svefn því ég hafi þurft að hvíla mig á blogginu.  Hún sagði mér líka að ég ætti ekki að vera reið út í fólk sem ætti erfitt með að skilgreina kærleikann því það væri atvinnuvandamál mannkynsins og yrði þannig enn um hríð eða þar til við vöknuðum hvert og eitt til vitundar um að við værum öll frá sömu uppsprettuni, það er uppsprettu hinnar miklu orku skilyrðislauss kærleika.  Guð gef mér þolinmæði STRAX! Hm..ég dró sem sagt þá ályktun að ég þyrfti að bíða soldið lengi.

Ég missti af:

Læknisheimsókn á sykusýkis en blóðsykurinn er að falla ískyggilega oft og mikið og ég þarf sennilega að auka við insúlínið eða sprauta mig oftar á dag.

Mínum lífnauðsynlega bloggvinahring sem heldur mér gangandi.

Fréttunum í hádeginu

Þeim fimm sem höfðu hringt í mig í morgun

Minni hefðbundu bænastund þar sem ég bið fyrir stjórnarflokkunum (segi sonna)

Morgunmat, millisnarli, hádegismat og hinu millisnarlinu

AA-fundi

Yndislegri samverustund með ryksugunni og skúringartuskunni aðalsmerki hinnar frómu húsmóður

Ég misti af einhverju smotteríi til viðbótar en eins og sjá má af lista þá er ég ófrávíkjanlega merkileg persóna.  Vó hvað ég er heppin að ég þurfti ekki að þvo gluggana í dag (jeræt).

Ég er viss um að með mikilli elju tekst mér að vinna þetta allt upp..  Ég fékk í staðinn deit með Guði og það er ekki á hverjum degi.  Þegar komið var á hana fararsnið þarna í morgun þá spurði ég hvort Jónína Bjartmarz væri nokkuð að "plataokkur" hina krakkana þarna í tengdamóðurlögheimilisríkisborgaramálinu og Guð svaraði mér af sinni djúpu visku, dró augað í púng og sagði: MUHAHAHAHAHAHAHAHA!

Súmígæs