MAGGA PÁLA "FOR PRESIDENT"

Eða eitthvað stórkostlegt.  Ég var að horfa fyrst núna á Kastljóssþáttinn með kerlu og þar sá ég að MP hefur eflst ef eitthvað er, hún er svo frjó í hugsun þessi kona, með svo magnaða útgeislun að það er með ólíkindum.

Ég man þegar hún var að fara af stað með Hjallastefnuna.  Hún mætti hreint ótrúlegu skítkasti.  Hún var sökuð um karlahatur, það var gefið í skyn að ekki væri óhætt að láta hana vera með börn.  Rósa Ingólfsdóttir skrifaði grein um Margréti Pálu sem bar fyrirsögnina "Ó þú hýri Hafnarfjörður" sem Magga Pála reyndar hló sig máttlausa að.  Þeir sem þekkja til þessarar flottu konu vita að henni ERU allir vegir færir.  Hún hefur flutt fjöll í menntamálum.

Magga Pála telur það nauðsynlegt að hafa val.  Það kom fram í Kastljóssþættinum.  Börn eiga líka að hafa val.  Ein besta saga sem ég hef heyrt var frá foreldri lítillar telpu sem var á Hjalla.  Þannig var að hægt var að velja um ákveðin svæði á morgnanna.  Svæðaheitin eru mér gleymd nema eitt en það var útivistarsvæði.  Þessi litla telpa kom á leikskólann seint einn morguninn og krakkarnir voru öll búin að velja sér svæði.  Margrét Pála, ávallt trú sínum skoðunum, vildi láta barnið fá að velja svo hún sagði við þá stuttu: "Hvort villtu nú útivistarsvæði eða útivistarsvæði?"  sú litla hugsaði sig lengi um, dálítið þungbúin á svip því við vitum öll hversu erfitt það getur verið að velja en svaraði svo ákveðin: "É vil útivistarþvæði". OMG ég engist einn ganginn enní krúttkasti.

Magga Pála þú ert flottust

Athugasemdir

[Hrönn Sigurðardóttir, 21.5.2007 kl. 21:02]

Já, ég er í grundvallaratriðum alveg sammála Möggu Pálu og Hjallastefnunni. Set samt spurningamerki við kynjaskiptinguna hjá henni því hún er bara með konur - eða er það ekki? Allavega síðast þegar ég vissi voru konur umsjónarmenn með strákadeildinni. Ég hefði viljað fara alla leið og láta karlmenn hafa umsjón með strákunum og konur með stelpunum.

Búin að spá mikið í þessa stefnu og eins og ég sagði í upphafi er sammála henni í grundvallaratriðum OG er sammála þér um að Magga Pála er flottur brautryðjandi

[Jenný Anna Baldursdóttir, 21.5.2007 kl. 21:20]

Hjallastefnan er flott svo getur fólk haft misjafnar skoðanir á útfærslu.  Ég hef samt aldrei í öll þessi ár heyrt annað en að foreldrar séu yfir sig ánægðir.

[Ester Júlía, 21.5.2007 kl. 22:17]

Þetta er kona sem er fylgin sínum skoðunum.  Stórkostlegt viðtalið við hana.  Ég set hana nánast í guðatölu   Knús

[Jenný Anna Baldursdóttir, 21.5.2007 kl. 22:22]

Já hún á ekki marga sína líka hún MP.

[Jóna Á. Gísladóttir, 21.5.2007 kl. 22:53]

Ætti að innleiða Hjallastefnuna í skólana.

[Ásthildur Cesil Þórðardóttir, 21.5.2007 kl. 23:03]

Mér finnst hún frábær, ég held að hún hafi á einhverju tímabili verið forstöðumaður fyrir Eyrarskjóli á Ísafirði.  En Margrét Pála er.............................. hún bara er.  Sumir eru þannig.