Ofsóknir og hatur einn ganginn enn

Iss, hvað er að tímaritinu Time?

Með ofsóknir á hendur Davíð Oddssyni.

Hata hann örugglega, eru að bregða fyrir hann fæti.

Davíð hefur ekkert með fjármálakreppuna að gera.

Hann hefur marg sagt það maðurinn.

Þarf að klippa þetta út í pappa fyrir fólk?

Davíð Oddsson á vafasömum lista

Heimurinn er fullur af símum!

 

Það var góð umræða og oftast málefnaleg við utandagskrárumræðu á Alþingi í dag um efnahagsmál.

Meira um það seinna.

En ástæða þess að ég er að blogga um þessar utandagskrárumræður eru upplýsingar sem komu frá Jóni Magnússyni, hörðum stjórnarandstæðingi svo ég leyfi því að fljóta með, um það sem kom fram í viðtali við Geir á BBC í morgun.

Ég er ekki búin að sjá viðtalið en Jón segir að þar komi fram að Geir hafi ekki talað við Gordon Brown vegna setningu hryðjuverkalagana á Ísland.

Að hann hafi reyndar ekki talað við hann svona yfir höfuð eftir hrun, að mér skilst!

Ég er svo gáttuð.  Ég vissi að þeir voru slakir og framkvæmdafælnir í ríkisstjórninni sem frá fór en kommon - þeir hefðu allt eins getað farið í stríð við okkur!

Og enginn lyftir tóli!

Það brennur á þjóðinni að vita hvað varð til þess að Bretar fóru fram gagnvart okkur með þessum hætti.

Hann lyfti ekki símanum maðurinn, endurtek ég eins og biluð plata.  Mér finnst þetta svo stórklikkuð staðreynd.

Þetta er grafalvarlegt mál - vítavert dómgreindarleysi af fyrrverandi forsætisráðherra.

Nei, ég skil þetta ekki.

Gæti einhver til þess bær krafið manninn svara, hvers vegna hann lét þetta yfir okkur ganga án þess að lyfta símanum og ganga eftir svörum frá karlfíflinu Brown?

Við eigum rétt á því Íslendingar að fá um þetta upplýsingar.

Geir, phones, phones, the world is full of phones!

Jóhanna hringi í Gordon Brown

Þarf að hrista þessa menn?

Ég var að furða mig á því í morgun þegar ég fylgdist með þingfundi, hvernig stæði á því að sumir Sjálfstæðismenn skuli ekki enn hafa áttað sig á alvarleika þess sem við eigum við að etja, Íslendingar.

Að þeir skuli enn ganga um í sínum vatteraða fílabeinsturni og haga sér eins og þeir séu á málfundaæfingu og komi í pontu milli þess sem þeir snyrta á sér andskotans neglurnar?

Þetta sló mig sérstaklega þegar fyrrverandi heilbrigðisráðherra beindi spurningu til utanríkisráðherra um hvaða Evrópukúrs hafi verið tekinn í nýrri ríkisstjórn.

Rétt eins og skoðanir stjórnar í Evrópumálum (fyrir utan það sem stendur í stjórnarsáttmála) sé það sem íslenskt samfélag stendur og fellur með.

Eins og áttatíu daga ríkisstjórn sé að dúlla sér í Evrópumálunum af því allt annað er í svo fínum farvegi.

Eins og hér ríki bara nokkuð gott ástand í öllum málum og þingmenn hafi ekkert betra að gera en að reyna vera fyndnir í ræðustól.

Annars hafa þeir sérstakt lag á því Sjálfstæðismenn þessa dagana að koma manni á óvart.

Hvar voru þeir þegar allt hrundi?

Hafa þeir ekki heyrt hvað er í gangi í þjóðfélaginu?

Þarf að hrista þessa menn?

Tvö hænufet og tvíhöfða þurs

Smá sætt

 

Ef ekki væri fyrir fullkomnar () dætur mínar og barnabörn væri ég komin í kreppukör.

(Eins gott að hafa stelpurnar góðar, hver veit nema ég þurfi á þeim að halda fljótlega, jájá).

Jenný Una Eriksdóttir var hér í gistingu í nótt að ósk meðlima kærleiks.

Í morgun:

Amma, dóttir þín (mamma hennar) var stundum óþekkt baddn!

Amman: Ha, var mamma þín óþekk þegar hún var lítil?  Hver sagði það?

Jenný Una: Ég veita.  Ég manða alveg.  Dóttir þín var oft að stríða systrunum sínum!

Og..

Amma þegar ég er há ykkur þá má ég fá fullt af ís.

Amman: Nei Jenný mín og það er enginn ís á virkum dögum.  Mamma þín segir það.

Jenný Una: Dóttir þín ræðir engu hér!

Svona orðaskipti bjarga deginum mínum, jafnvel þó horfur hafi verið svona og svona.

Líka þótt svefninn hafi verið af skornum sammti en þessi unga stúlka lætur sér ekki nægja sitt eigið rúm sem hún á hér á kærleiks til að hvíla í á nóttunni, heldur kemur hún með sæng, kodda, dúkkur og bangsa í þremur ferðum og yfirtekur rúm þeirra sem fyrir liggja.

Og breiðir úr sér.

Mér væri sama þó þau kæmu öll fjögur "baddnaböddnin" og legðust í rúmið mitt.

Er nokkurt fallegra að horfa á en sofandi ungviði?

Í gærkvöldi sá Jenný Una afa hans Olivers í sjónvarpinu um það leyti sem hún var að fara inn að sofa.

Ég get ekki farið að sofa amma, ég verður að horfa á sjónvartið.  Ég ætla að horfa á Afa-Tóta!

Og þegar ég féll ekki fyrir þörf barns fyrir sjónvarpsgláp, tók hana í fangið og bar hana inn í rúm til bókalesturs, veinaði hún brostinni röddu: Afi Tóti, afi Tóti!

Hvaðan hefur barnið þessa dramatík?

Ekki frá ömmunni, sem alltaf er róleg og haarderuð.  Alltaf.

Kreppa?

Hvað er það?

P.s. Ekki svo voðalega gömul mynd af Jenný Unu og Oliver mínum sem býr í London.

N 1 í formannsslag

Samkvæmt Mogganum okkar allra er Bjarni Ben djúníór einn í formannslagnum.

Ennþá..

Er hægt að vera í slag við sjálfan sig?

Er það nokkurs konar glíma við ekkert?

Ég hefði haldið það.

Það er að minnsta kosti afskaplega rússneskt eins og margt annað í þeim eðla flokki sjálfstæðis.

Bölvað rugl.  Hann er réttborinn til embættisins eins og allir vita.

Búmm - pang - hviss  og púmm.

Enn einn í formannsslag

Hústaka á Hól

Hústökumennirnir á Hólnum sitja sem fastast.

Ennþá...

Annar ætlar að yfirgefa kastalann í júní, hinn kannski aldrei nokkurn tímann, að því er virðist.

En nú er það svo að þetta er ekki í þeirra höndum þó þeir haldi það, ásamt Flokknum sem ól annan og hefur sennilega tekið hinn í fóstur á seinni tímum.

Á morgun kemur nýr dagur (já ég veit það, forspárri en fjandinn sjálfur).

Þá verður nýr þingfundur og á morgun ætla ég að fylgjast með hvort frammíköllin og gelgjustælarnir í prófkjörskandídötum íhaldsins fara þverrandi.

Af því að það er fylgst með grannt með þeim sko, út um víðan völl skilst mér.

En að allt öðru.

Á morgun verður veður, já ég er að segja ykkur satt börnin mín södd og sæl.

Ekki þetta ískalda frostveður sem gerir hárið á manni rafmagnað, svíður í lungun og sprengir á manni varirnar, svo ég tali nú ekki um sprungnar neglur og kalsár á fótum.

Nei það verður rok og rigning.

Er það ekki dásamlegt?

I´m singin in the rain.  Lalalalalalala.

Vill að Eiríkur hætti strax

Fólkið í rykmekkinum

Nú spretta prófkjörskandídatarnir upp í Sjálfstæðisflokknum.

Samt hef ég takmarkaða trú á nýjum fronti flokksins.

Hann er svo jakkafataður út í gegn.

En ég fagna hverjum nýliða í stjórnmálinn, hvar í flokki sem þeir standa.

Þar sem ég í iðjuleysi mínu og meðfæddum skepnuskap stytti mér stundir við að fylgjast með þinginu þá verður mér margt til fróðleiks og skemmtunar og skelfingar reyndar líka, en hér verður ekki farið nánar út í þá sálma.

Hvað eftir annað þessa dagana koma menn (konur) í ræðupúlt þingsins, huldir torkennilegum mekki sem erfitt er að greina þá í gegnum en þegar skýrist í kringum þá vandast málið enn frekar.

Ég hef ekki séð þetta fólk fyrr og tel ég mig fylgjast ágætlega með.

Ég alveg við sjálfa mig: Vá hvað það er mikið af varamönnum inni fyrir íhaldið þessa dagana!

En það er ekki svo - langt því frá.

Mökkurinn mun vera rykmökkur af langri bekkjarsetu á þingstólum án mikillar útlimagleði og kroppslægra framkvæmdakippa.

Ástæðan fyrir að rokið er í ræðustól af elju og baráttuhug er ekki svo mikið málstaðarins vegna sýnist mér, heldur mun það vera prófkjörsbaráttan í Sjálfstæðisflokknum sem nú hefur færst inn á löggjafarsamkunduna.

Enda fullt af fólki eins og mér sem hefur tekið heilagt loforð af sjálfu sér um að láta ekkert fram hjá sér fara ef mögulegt er.

Glápir á þingið eins og væri um ofsalega spennumynd að ræða.

Nú hefur maður verið aðvaraður - þá er eins gott að vera vopnaður.

Ég ætla ekki að verða tekin á sænginni á kjördag.  Það er nokkuð ljóst.

En þingmenn íhaldsins sem kvörtuðu stöðugt yfir málgleði stjórnarandstöðu og hafa gert s.l. 17 ár, eru nú á vaktinni.

Ekkert mál er svo smátt, svo ómerkilegt að þeir vilji ekki hafa um það orð.

Kosningar kalla fram hluti hjá fólki.

Alls konar hluti.

Súmítúðelásíbón!

Býður sig fram í prófkjöri Sjálfstæðisflokksins í NV-kjördæmi

Ekkert betra að finna?

Nú get ég ekki annað en skellihlegið, mitt í allri kreppunni og biðinni eftir að Framsókn fari að gera vinnu nýrrar ríkisstjórnar framkvæmdafæra og hætti að draga lappirnar.

En þetta er brjálæðislega fyndið - nú eða sorglegt ef fólk er ekki enn búið að átta sig á að við búum við afskaplega knappt lýðræði.

"Bannað að vera með læti á almannafæri" sendur í bleðli sem löggan dreifir til Búsáhaldabyltingarsinna fyrir utan Seðlabankann.

Halló, vinna á Alþingi var stöðvuð og stjórnin féll undir áslætti byltingarsinna við húsið dögum saman!

Engum datt þessi viska í hug á meðan það gekk yfir.

Hvaða snillingur dró þessa reglugerð upp?

Það er svo margt bannað ef út í það er farið.

Það er bannað samkvæmt gamalli reglugerð að vera úti á götu á nærbolnum.  Ha!

Hvernig ætlar löggan að sansa þetta ákvæði með hávaðann í miðbænum um helgar, t.d. þegar fer að vora og ekki stendur steinn yfir steini þar vegna fólks í alsherjar vímufögnuði sem kemur þar saman?

Við vitum líka að það er bannað að pissa á almannafæri, löggan tók rispu í því í fyrra og sektaði mígandi menn í miðbænum en svo var það búið.

Bannað að vera með læti á almanna færi!

Fannst virkilega ekkert betra en það?

Grátið mér stórfljót!

Sturlu bannað að þeyta lúðra

Smá Óli - meiri framsóknarmennska

Ég heyrði upptöku af samtali þýska blaðamannsins við ÓRG á RÚV í gær.

Óli sagði ekki að Íslendingar ætluðu ekki að borga.

Alls ekki.

Hvað um það, hann er tjáningarglaður forsetinn.

Kannski ætti hann að leyfa Dorrit að sjá um PR-ið.

En að öðru og alvarlegra máli.

Ég held að Seðlabankafrumvarpið komist ekki í gegn fyrir kosningar.

Ég held að Framsóknarflokkurinn ætli sér að bregða fæti fyrir frumvarpið.

Þrátt fyrir meikóver í aldri og nýju fólki virðist allt vera við það sama hjá bændaflokknum.

Framsókn er á bullandi mikilvægisfylleríi, stjórnin lifir eða deyr með þeirra vilja.

Þeir eru innstungan í öndunarvélinni.

Nú setja þeir fyrir sig menntunarkröfur sem gera á til nýja Seðlabankastjórans.

Það er of þröngt skilgreint að hann skuli vera með meistarapróf í hagfræði.

Japl, jamm og fuður.

Látum okkur sjá...

Það má bæta við prófi á mjólkurvélar,

nú eða viðskiptafræði..

eða þá lögfræði..

þá erum við kominn hringinn.

Og afdankaðir Framsóknarmenn geta fengið djobbið.

Ég mun fylgjast vel með.

Látið ekki blekkjast af nýjum umbúðum gott fólk - ef það er það eina sem hefur breyst og gamli valdaflokkurinn hangir hinum megin við hornið og sætir færis.

Þ.e ef sú er rauninn.  En við skulum láta þau njóta vafans örlítið lengur.

Skapstóri forsetinn

Kreppuplús

 

Ég er að reyna að finna jákvæða hluti við kreppuna, það er alltaf verið að segja okkur að vera ekki svartsýn, það er svo vont fyrir andlega og líkamlega heilsu. 

Það er ýmislegt að gleðjast yfir, ójá.  Hér kemur örlítið.

Nú eru fíflaviðtölin ekki lengur í blöðunum.

Þegar teknar voru stöður á s.k. íslenskum stjörnum.

Vikulegir þættir í blöðum þar sem spurt var að heimskulegum hlutum eins og ; hvað ertu með í matinn í kvöld?

Ég bloggaði stundum um þetta.  Allir voru með eitthvað ótrúlega flott í matinn sem voru spurðir.  (Eða þóttust vera það, enginn mátti vera plebbalegur með eðlilega lifnaðarhætti).

Aldrei fiskur og kartöflur.  Alltaf hittist svo á að viðkomandi var með sexréttað frá fjarlægum menningarheimum.  Þó á mánudegi væri.  Svo gróðæris.

Og jólagjafaauglýsingarnar.

Demantasími fyrir frúna.  Algjört möst fyrir nýríka fólkið.  Demantsskreyttur gemsi með sjálfvirkum nefklórara, eggjasuðutæki og einkaþjálfara.  Allt í símanum.  Nauðsynlegt í hverja tösku.

Fólk fór ekki til Þingvalla í sunnudagsbíltúra, það fór í glataðasta lagi til Köben um helgar, þessir plebbalegu, hinir skruppu til Kína í kaffi.

Starfsmenn Sorpu höfðu ekki undan að reyna að koma í lóg nýjum sófasettum, heimilistækjum og öðrum nauðsynjum sem fólk henti á haugana þegar það skipti út úr "litlu" sætu húsunum sínum upp á skitna 800 fermetra eða svo.

Fjandinn hafi það, ég man að það komu blaðamenn til að fjalla um "ruslið" sem Íslendingar nenntu ekki að nota og þar með talið fínu bílana sem enginn nennti að eiga og enginn vildi kaupa og fóru því á haugana.

Þetta er horfið.  Mikið skelfing er það ánægjulegt. 

Nú er fólk bara með hakk í matinn. Enginn á leið að að leigja pýramídana í Egyptalandi undir barnaafmælin.

Fólk er að lenda.

Svo óska ég Gallerí Fold til hamingju með velheppnað uppboð.

Dýrasta verkið sem seldist var upp á 4,4 milljónir.

Það hefði verið skiptimynt í gróðærinu, ekki til að nefna einu sinni.

Látum þetta aldrei gerast aftur.

Lærum af þessu krakkar.  Plís.

Annars góð.

Svavar á 4,4 milljónir