Hústaka á Hól

Hústökumennirnir á Hólnum sitja sem fastast.

Ennþá...

Annar ætlar að yfirgefa kastalann í júní, hinn kannski aldrei nokkurn tímann, að því er virðist.

En nú er það svo að þetta er ekki í þeirra höndum þó þeir haldi það, ásamt Flokknum sem ól annan og hefur sennilega tekið hinn í fóstur á seinni tímum.

Á morgun kemur nýr dagur (já ég veit það, forspárri en fjandinn sjálfur).

Þá verður nýr þingfundur og á morgun ætla ég að fylgjast með hvort frammíköllin og gelgjustælarnir í prófkjörskandídötum íhaldsins fara þverrandi.

Af því að það er fylgst með grannt með þeim sko, út um víðan völl skilst mér.

En að allt öðru.

Á morgun verður veður, já ég er að segja ykkur satt börnin mín södd og sæl.

Ekki þetta ískalda frostveður sem gerir hárið á manni rafmagnað, svíður í lungun og sprengir á manni varirnar, svo ég tali nú ekki um sprungnar neglur og kalsár á fótum.

Nei það verður rok og rigning.

Er það ekki dásamlegt?

I´m singin in the rain.  Lalalalalalala.

Vill að Eiríkur hætti strax

Athugasemdir

[Sigrún Jónsdóttir, 12.2.2009 kl. 00:06]

Mér finnst rigningin góð

Vonandi hafa þingmennirnir hlustað á Ragnheiði Ólafs, þegar hún las þeim pistilinn í dag

[Steingrímur Helgason, 12.2.2009 kl. 00:06]

"Það verður hæ, hó, hopp & hí & hamagangur á Hóli..."

[Auður Proppé, 12.2.2009 kl. 07:38]

LOKSINS rok og rigning, hélt ég ætti aldrei eftir að segja þetta   Ég held að Hólinn hafi svona SAFE ROOM eins og í bíómyndunum, þar sem Davíð getur búið forever og enginn kemst inn í.