Er ekki komið nóg?

 

Greiðslustöðvun Kaupþings framlengd.

Gott fyrir skilanefndarmennina, eru þeir ekki með tuttuguogfimmþúsund á tímann fyrir hvert viðvik?

Ég sé fyrir mér gapastokk í hillingum á Austurvelli.

Eða myndi sjá ef ég hefði trú á ofbeldi.

En ég var að lesa þetta inni á dv.is

Tveir skilanefndarmenn fóru til Bangalor á Indlandi fyrr í mánuðinum til að meta eignir.

"Samkvæmt tölvupóstunum lagði sá starfsmaður skilanefndar Kaupþings sem skipulagði ferðina mikla áherslu á að skilanefndarmenn dveldu við góðan kost. „Mælir þú með hóteli fyrir okkur í Bangalor. Ég vil helst eitthvað í allra besta flokki ef þér er sama. Hversu mikinn tíma þurfum við þarna fyrir fundina og ef við viljum koma við á báðum svæðunum? Ég yrði þakklátur fyrir að dagskráin yrði í háum gæðaflokki. Hvorugur okkar hefur verið þarna þannig að við verðum að leggja traust okkar á þína dómgreind,“

Þetta er fólkið sem á að gæta hagsmuna bankanna sem íslenska þjóðin fékk í fangið eftir að auðmennirnir voru búnir að blóðmjólka þá.

Finnst einhverjum þetta í lagi?

Út með þetta fólk.

Svo er til háborinnar skammar ef þessi verkefnataxti er réttur.

Við þurfum að borga brúsann fyrir gróðærissukkið við almenningur.

En er virkilega ekki komið nóg af siðleysi og græðgi á okkar kostnað?

Mér sýnist partíið enn vera í fullum gangi.

Greiðslustöðvun Kaupþings framlengd

Óskar; borga og kveðja

Það var merkilegt að horfa á Óskar Bergsson í Kastljósinu í gær.

Hann var svo rosalega 2007.

Honum var fyrirmunað að sjá að það væri eitthvað athugavert við að láta reykvískan almenning borga fyrir vín og meððí fyrir flokksbræður hans úr öðrum sveitarfélögum.

Þóra Arnórsdóttir reyndi hvað hún gat að fá hann til að skilja hvers vegna fólki gæti mögulega fundist eitthvað að þessu bruðli í kreppunni og Óskar náði ekki málinu.

Hann var hins vegar æstur í að fá að halda kosningaræðu um sjálfan sig og íhaldið í borginni, hversu sparsöm þau væru, búið að lækka laun og allt.

Siðlausum stjórnmálamönnum er ekki hægt að leiða neitt fyrir sjónir.

Framsóknarmennska af gamla skólanum, sem finnst örugglega í öllum flokkum ef grannt er skoðað, er eða á að vera liðin tíð.

En þarna í borginni má sjá hvað gerist þegar lítill flokkur með lágmarks fylgi kemst til valda, þökk sé íhaldinu og hegðar sér svo eins og olíufursti með fjármuni almennings.

Ég bið fólk að hafa þennan möguleika í huga þegar það gengur til kosninga í vor.

Ég vil ekki sjá lamaðan og fylgislausan flokk leiddan til áhrifa í landsmálunum.

Óskar, segðu af þér og borgaðu nótuna.

Hér má verða vitni að siðlausum Óskari Bergssyni.

Af hárlausum píkum og nauðsynlegum handsnyrtingum

 

Gróðærisskógurinn er minnismerki um Ísland sem var og kemur vonandi ekki aftur.

En halló Moggi, "algjört alkul"?  Jafn gáfulegt og að segja "smá" ólæknandi sjúkdómar og "minniháttar" óléttur?

 En 4.000 bifreiðar standa óseldar við Sundahöfn. Ein birtingarmynd kreppunnar, gjörið svo vel.

En að öðru og alvarlegra máli.

Á visi.is er sjokkerandi frétt.

Fólk er farið að spara við sig handsnyrtingar og brúnkumeðferðir.

Nú er það komið á hreint!  Hér er ekki búandi, fjandinn hafi það.

Heiðar snyrtir (vá hann er líka ógeðslega gróðæris 2007) segir að þetta með handsnyrtinguna sé örugglega tímabundið.  Manni líður svo miklu betur eftir svoleiðis.

Fíflið ég var einmitt að velta fyrir mér þunglyndinu í fingrum mér.  Það var paníkk í löngutöng beggja fingra, það hlaut að vera; nada handsnyrting ég veit ekki hvað lengi, hendur mínar líða fyrir kreppuna.

Það er auðvitað lágmarkskrafa til okkar kvenna í byltingunni að höndin sem heldur um fjandans sleifina sé almennilega snyrt.  Ha??

Svo er líka einhver samdráttur í vaxinu.

Stelpur; ætlið þið að vaða í gegnum búsáhaldabyltinguna með hár á píkunni!

Kafloðnar á löppunum?

Vitið þið ekki að aðlaðandi er konan ánægð?

Hárlaus kona er hvers manns hugljúfi.

Æi, stundum þá langar mig að henda mér í vegg, garga mig hása (já kallinn minn), og hoppa í næsta hver.

Nei annars, fer í  handsnyrtingu og læt plokka af mér hvert stingandi strá.

It´s gonna make my day.

Alkul í bílasölu

Vafasamur boðskapur

Með allri virðingu fyrir þeim mæta manni Vilhjálmi Bjarnasyni, þá vil ég koma einu á framfæri.

Ég hef engum peningum hent út um gluggann.

Ég hef ekki tekið þátt í gróðærinu og búið til þetta ástand sem hefur sett þjóðina á höfuðið.

Ég og annað venjulegt fólk erum algjörlega blásaklaus af þessum stórglæp sem jaðrar við landráð.

Undirtitill boðskaps Vilhjálms er:

„Hvernig gat íslensk þjóð leiðst út í skuldir sem eru hærri en tölum tekur?“

Þessi spurning má eiga rétt á sér en hvað mig varðar þá heitir þetta að beina athyglinni annað en þar sem hún á að vera.

Að stjórnvöldum..

og græðgifurstunum.

Allt annað er rugl.

Aldrei of blönk til að hugsa

Bræðrabandalög hægri - vinstri

Loksins jákvæð frétt!

Talsmaður Landsbankans segir það út í hött að Bretar fara að rannsaka fall bankanna.

Halló, hvers vegna?

Mikið skelfing vona ég að af þessu verði.

Ég er orðin úrkula vonar um að Íslendingar geti staðið í þessu sjálfir.

Þeir eru allir í helvítis bræðrabandalögum hægri - vinstri.

Jájá, annars róleg bara.

Íhuga rannsókn á bankahruni

Smá Óli - meiri framsóknarmennska

Ég heyrði upptöku af samtali þýska blaðamannsins við ÓRG á RÚV í gær.

Óli sagði ekki að Íslendingar ætluðu ekki að borga.

Alls ekki.

Hvað um það, hann er tjáningarglaður forsetinn.

Kannski ætti hann að leyfa Dorrit að sjá um PR-ið.

En að öðru og alvarlegra máli.

Ég held að Seðlabankafrumvarpið komist ekki í gegn fyrir kosningar.

Ég held að Framsóknarflokkurinn ætli sér að bregða fæti fyrir frumvarpið.

Þrátt fyrir meikóver í aldri og nýju fólki virðist allt vera við það sama hjá bændaflokknum.

Framsókn er á bullandi mikilvægisfylleríi, stjórnin lifir eða deyr með þeirra vilja.

Þeir eru innstungan í öndunarvélinni.

Nú setja þeir fyrir sig menntunarkröfur sem gera á til nýja Seðlabankastjórans.

Það er of þröngt skilgreint að hann skuli vera með meistarapróf í hagfræði.

Japl, jamm og fuður.

Látum okkur sjá...

Það má bæta við prófi á mjólkurvélar,

nú eða viðskiptafræði..

eða þá lögfræði..

þá erum við kominn hringinn.

Og afdankaðir Framsóknarmenn geta fengið djobbið.

Ég mun fylgjast vel með.

Látið ekki blekkjast af nýjum umbúðum gott fólk - ef það er það eina sem hefur breyst og gamli valdaflokkurinn hangir hinum megin við hornið og sætir færis.

Þ.e ef sú er rauninn.  En við skulum láta þau njóta vafans örlítið lengur.

Skapstóri forsetinn

Kreppuplús

 

Ég er að reyna að finna jákvæða hluti við kreppuna, það er alltaf verið að segja okkur að vera ekki svartsýn, það er svo vont fyrir andlega og líkamlega heilsu. 

Það er ýmislegt að gleðjast yfir, ójá.  Hér kemur örlítið.

Nú eru fíflaviðtölin ekki lengur í blöðunum.

Þegar teknar voru stöður á s.k. íslenskum stjörnum.

Vikulegir þættir í blöðum þar sem spurt var að heimskulegum hlutum eins og ; hvað ertu með í matinn í kvöld?

Ég bloggaði stundum um þetta.  Allir voru með eitthvað ótrúlega flott í matinn sem voru spurðir.  (Eða þóttust vera það, enginn mátti vera plebbalegur með eðlilega lifnaðarhætti).

Aldrei fiskur og kartöflur.  Alltaf hittist svo á að viðkomandi var með sexréttað frá fjarlægum menningarheimum.  Þó á mánudegi væri.  Svo gróðæris.

Og jólagjafaauglýsingarnar.

Demantasími fyrir frúna.  Algjört möst fyrir nýríka fólkið.  Demantsskreyttur gemsi með sjálfvirkum nefklórara, eggjasuðutæki og einkaþjálfara.  Allt í símanum.  Nauðsynlegt í hverja tösku.

Fólk fór ekki til Þingvalla í sunnudagsbíltúra, það fór í glataðasta lagi til Köben um helgar, þessir plebbalegu, hinir skruppu til Kína í kaffi.

Starfsmenn Sorpu höfðu ekki undan að reyna að koma í lóg nýjum sófasettum, heimilistækjum og öðrum nauðsynjum sem fólk henti á haugana þegar það skipti út úr "litlu" sætu húsunum sínum upp á skitna 800 fermetra eða svo.

Fjandinn hafi það, ég man að það komu blaðamenn til að fjalla um "ruslið" sem Íslendingar nenntu ekki að nota og þar með talið fínu bílana sem enginn nennti að eiga og enginn vildi kaupa og fóru því á haugana.

Þetta er horfið.  Mikið skelfing er það ánægjulegt. 

Nú er fólk bara með hakk í matinn. Enginn á leið að að leigja pýramídana í Egyptalandi undir barnaafmælin.

Fólk er að lenda.

Svo óska ég Gallerí Fold til hamingju með velheppnað uppboð.

Dýrasta verkið sem seldist var upp á 4,4 milljónir.

Það hefði verið skiptimynt í gróðærinu, ekki til að nefna einu sinni.

Látum þetta aldrei gerast aftur.

Lærum af þessu krakkar.  Plís.

Annars góð.

Svavar á 4,4 milljónir

Lúxusvandamál óskast!

Mig vantar svo sárlega lúxusvandamál til að velta mér upp úr, en ég sakna þess tíma þegar ég hafði þau í kippum til að auðga með líf mitt.

Eittvað í líkingu við eftirfarandi:

Á ég að fá mér rauðar eða bronsaðar strípur, klippa eða særa á mér hárið?

Hvernig kjól á ég að fá mér fyrir þennan eða hinn atburðinn?  (Reyndar ekki margir atburðir á minni dagskrá en samt).

Á ég að kaupa lamb eða svín í kvöldmatinn?

Leigja spólu?

Setja í vél núna eða á morgun?

Núna eru aðrir tímar, mikilvægi mitt, eða skortur á mikilvægi er mér djöfullega ljóst.

Hjálparleysi mitt í kreppunni er mér hins vegar morgunljóst.

Það gargar á mig þegar ég opna augun, það er það síðasta sem ég hugsa um þegar ég leggst til svefns.

Einkum hef ég áhyggjur af börnunum mínum og barnabörnum.

Ein býr þegar í öðru landi með eitt barnabarnið mitt.

Kannski flytur önnur í haust með tvö til viðbótar.

Svo er það sú þriðja með þann elsta; fer hún kannski líka?

Svo er fólk hissa á maður sé reiður.  Að fólk flykkist út á göturnar og láti heyra í sér.

Ég skal segja ykkur eitt; Ég er fjandinn hafi það agndofa á því að 95% þjóðarinnar séu ekki á götum úti því það erum við öll sem erum að borga brúsann!

Ég horfi á Alþingi og mér er gjörsamlega óskiljanlegt það siðleysi sem ég verð vitni að þegar ég horfi á fólkið sem svaf á verðinum, eða gerði glæpamönnunum auðvelt fyrir að ræna okkur nánast öllu sem við eigum, rífa kjaft úr ræðustól.

Eitt skal ég segja ykkur landsmenn góðir, að ef þið kjósið yfir ykkur þau stjórnvöld sem ábyrgðina eiga, sem hafa komið okkur í þrot og neita að gangast við því, þá eruð þið samsek.  Hvorki meira né minna.

Þið sendið með því skýr skilaboð til komandi kynslóða.

Við létum taka ykkur í rassgatið, gjörið þið svo vel!

Skerða lífeyri um allt að 10%

Viljið þið endurtaka???

"Jón Ásgeir Jóhannesson stjórnarformaður Baugs í Bretlandi og Gunnar Sigurðsson, forstjóri Baugs, munu áfram sitja í stjórnum bresku verslunarkeðjanna House of Fraser, Iceland,  Aurum og Hamleys þótt skilanefnd Landsbankans hafi gengið að veðum bankans í þessum fyrirtækjum."

Mig langar í alvöru að spyrja; er það skilanefnd ríkisbankans Landsbanka sem gekk frá þessari ráðningu?

3,4 milljónir á mánuði, afnot af einkabíl og þyrlu, fyrir að vinna fyrir hið opinbera og sýsla með eigur almennings í landinu sem er á hausnum vegna sama manns ásamt nokkrum öðrum félögum hans í græðgisbransanum?

Má ekki fara að athuga þessa stórfurðulegu skilanefnd Landsbankans?

Já og af hverju er Ásmundur Stefánsson, formaður sömu skilanefndar að verða bankastjóri bankans?

Brúa bil segja þeir?

Hvað er því til fyrirstöðu að auglýsa stöðuna strax?

Ég er í alvörunni farin að halda að þessi skilanefnd sé að verða svipað ríki í ríkinu og Seðlabankinn.

Að skilanefndin hafi vitneskju um hluti sem ekki mega fréttast - að minnsta kosti ekki strax.

En ég held ég sé farin að skilja skilanefndina.  Hún hefur það greinilega að markmiði að skila ekki krónu og vinnur að því hörðum höndum.

Hvort ætli almenningur hafi misskilið hlutverk nefndarinnar eða hún sitt?

Þetta er hætt að vera fyndið.

Ég er algjörlega búin að tapa húmornum.

Jón Ásgeir og Gunnar áfram í stjórnum

Slítum stjórnmálasambandi

Enn erum við að bjóða útlendingum upp á skemmtiatriði.

Nú í boði Seðlabankastjóra sem hunsuðu bréf forsætisráðherra þar til í dag að tveir þeirra lufsuðust til að svara.

Eiríkur og Ingimundur sendu forsætisráðherra, yfirmanni sínum bréf í dag.

Heimildir herma að amk. annar bankastjóranna hafi sagt í bréfinu að hann ætlaði sér að mæta á mánudaginn.

Hvað sem óskum forsætisráðherra íslensku þjóðarinnar líður.

Konungurinn á Seðlabankahóli svarar engu, hefur amk. ekki gert enn..

Hans hátign Davíð Oddson mun sennilega hvorki svara né fara.

Það er bara eitt að gera gagnvart þessu ríki á hólnum sem virðist vera til algjörlega á eigin forsendum.

Við slítum stjórnmálasambandi við Seðlabankann.

Einfalt mál.

Eiríkur og Ingimundur hafa svarað