Lúxusvandamál óskast!

Mig vantar svo sárlega lúxusvandamál til að velta mér upp úr, en ég sakna þess tíma þegar ég hafði þau í kippum til að auðga með líf mitt.

Eittvað í líkingu við eftirfarandi:

Á ég að fá mér rauðar eða bronsaðar strípur, klippa eða særa á mér hárið?

Hvernig kjól á ég að fá mér fyrir þennan eða hinn atburðinn?  (Reyndar ekki margir atburðir á minni dagskrá en samt).

Á ég að kaupa lamb eða svín í kvöldmatinn?

Leigja spólu?

Setja í vél núna eða á morgun?

Núna eru aðrir tímar, mikilvægi mitt, eða skortur á mikilvægi er mér djöfullega ljóst.

Hjálparleysi mitt í kreppunni er mér hins vegar morgunljóst.

Það gargar á mig þegar ég opna augun, það er það síðasta sem ég hugsa um þegar ég leggst til svefns.

Einkum hef ég áhyggjur af börnunum mínum og barnabörnum.

Ein býr þegar í öðru landi með eitt barnabarnið mitt.

Kannski flytur önnur í haust með tvö til viðbótar.

Svo er það sú þriðja með þann elsta; fer hún kannski líka?

Svo er fólk hissa á maður sé reiður.  Að fólk flykkist út á göturnar og láti heyra í sér.

Ég skal segja ykkur eitt; Ég er fjandinn hafi það agndofa á því að 95% þjóðarinnar séu ekki á götum úti því það erum við öll sem erum að borga brúsann!

Ég horfi á Alþingi og mér er gjörsamlega óskiljanlegt það siðleysi sem ég verð vitni að þegar ég horfi á fólkið sem svaf á verðinum, eða gerði glæpamönnunum auðvelt fyrir að ræna okkur nánast öllu sem við eigum, rífa kjaft úr ræðustól.

Eitt skal ég segja ykkur landsmenn góðir, að ef þið kjósið yfir ykkur þau stjórnvöld sem ábyrgðina eiga, sem hafa komið okkur í þrot og neita að gangast við því, þá eruð þið samsek.  Hvorki meira né minna.

Þið sendið með því skýr skilaboð til komandi kynslóða.

Við létum taka ykkur í rassgatið, gjörið þið svo vel!

Skerða lífeyri um allt að 10%

Athugasemdir

[Ásthildur Cesil Þórðardóttir, 10.2.2009 kl. 10:26]

Gjörsamlega algjörlega sammála.  

[Stefán (IP-tala skráð) 10.2.2009 kl. 10:32]

Ef að Sjálfstæðisflokkurinn nær 20 % fylgi í vor, þá segir það okkur að 1 af hverjum 5 íslendingum eru annað hvort virkilega illa gefnir eða virkilega illa innrættir, nema hvort tveggja sé. Svona dæmigerðir Sjálfstæðismenn í dag eru Birgir Ármannsson og Sigurður Kári. Er nokkuð hallærislegra til sem gengur á 2 fótum ??

[Jenný Anna Baldursdóttir, 10.2.2009 kl. 10:35]

Stefán: Algjörlega sammála.  Ég vona að það megi skrifa það á lélega dómgreind, ekki þjónkun og undirlægjuhátt.

[Heiða B. Heiðars, 10.2.2009 kl. 10:41]

Amen!

[Sigrún Jónsdóttir, 10.2.2009 kl. 10:51]

Sammála hverju orði.

[Hlédís, 10.2.2009 kl. 12:22]

Sammála, Jenný! Vil sjá fleiri af eldri kynslóðum berjast fyrir framtíð allra barnanna okkar.

Verð(bólgu)tryggingin verður að víkja. Fjárglæframenn þjóðfélagsins í bönkum og annars staðar,  græða einir á henni - meðan hún kemur æ fleira fólki, einkum yngri kynslóða,  beinlínis á vergang.