Hinn vafasama gullmola dagsins hlýtur.....

 

Hvernig gerðist þetta?

Að Páll útvarpsstjóri fari fram með hótunum í garð G.Péturs Matthíassonar, vegna myndstúfsins sem hann á í fórum sér og ber geðprýði og auðmýkt forsætisráðherra þjóðarinnar fagurt vitni?

Gæti verið að hringt hafi verið frá skrifstofu forsætisráðuneytisins og Páli sett fyrir verkefni dagsins?

Að sauma að GPM?

Ég held það.

Þannig gerast hlutirnir á gamla og ónýta Íslandi.  Þessu Íslandi sem engum viti bornum manni langar til að halda í lengur.  Nema ef vera skyldi þeim öfáu mönnum sem hafa hag af.

Þjónkun embættismanna er gömul og greinilega ný saga.

Á nýja Íslandi sem verður gegnsætt, laust við foringjadýrkun og undirlægjuhátt verður skellihlegið að svona tilburðum valdsins eða réttara sagt það mun enginn reyna svona taktík einfaldlega vegna breytts hugafars á landinu.

Ég er þakklát fyrir að hafa fengið að sjá þetta myndband.

Ég vildi gjarnan sjá fleiri ef til eru.

Svo gef ég Páli Magnússyni hinn vafasama gullmola dagsins fyrir þjónkun og undirlægjuhátt.

Sem er töluvert afrek hjá Páli á þessum dögum þar sem framboðið af geðluðrum er í sögulegu hámarki. 

Svo legg ég gjarnan í púkkið fyrir lögfræðikostnaði ef einhver verður hjá G. Pétri Matthíassyni.

Ég heldi nú það eins og kerlingin sagði forðum um leið og hún sló sér á lær.

Krafa um að viðtali við Geir verði skilað

Djö... sem við erum flott

Auðvitað fer það ekki fram hjá nokkrum manni sem hefur augu og eyru í fullri funksjón að stór hluti þjóðarinnar vill fá að endurnýja umboð stjórnmálamanna til að fara með mál fólksins.

Málið er að það virðist ekki skipta nokkru máli.  Ríkisstjórnin hefur ákveðið að "bjarga" okkur frá sjálfum okkur hvort sem okkur líkar það betur eða ver.

Í gróðærinu fór ég oft hjá mér yfir að vera Íslendingur. 

Ég fór hjá mér þegar nýinnfuttu bílabreiðurnar voru sýndar í sjónvarpinu.  Þær teygðu úr sér við Sundahöfnina svo langt sem augað eygði.

Ég fór líka hjá mér þegar það kom í fréttum að Íslendingar hentu nýjum hlutum í gáma til að kaupa nýja.  Rándýrir hlutir fóru í ruslið, dansinn í kringum gullkálfinn var í algleymingi.

Ég fór oft hjá mér þegar ég heyrði og las um sjálfhælni Íslendinga sem töluðu fyrir okkar hönd á erlendri grundu.  Þegar þeir höfðu dregið þá ályktun að við værum best í heimi, klárust og með einhverja vitneskju um fjármál sem enginn annar í heiminum hefði.

Jabb, það var stundum erfitt að vera Íslendingur á þessum tíma.  Gróðærið var í algleymingi þó það hafi sem betur fer aldrei náð tökum á undirritaðri nema þegar hún missti sig í fatabúðum en það hefur sögu um að gerast á öllum tímum.  Í upp- og niðursveiflum.  Ég biðs hér með afsökunar á því.  Ér er nú hrædd um það ójá.

Stoltið yfir að vera Íslendingur lýsti því nær algjörlega með fjarveru sinni á þessum tíma.  Reyndar hef ég aldrei verið sú sem grætur yfir þjóðsögnum, nema auðvitað þegar hann er rappaður og þá úr hlátri.

En á undanförnum vikum hefur áhugaleysi nú eða aumingjahrollur yfir þjóðerni mínu horfið smátt og smátt.

Nú er ég svo stolt af því að vera Íslendingur að ég tárast með reglulegu millibili.

Stoltið náði hámarki sínu í gærkvöldi á borgarafundinum.  Það svall í brjósti mér svo ég verði smá væmin.

Íslendingar eru seinþreyttir til vandræða.  Þeir stökkva ekki á næsta mótmælaskilti fyrir hvaða lítilræði sem er, en núna hafa þeir hrist af sér slenið, sleppa því sem þeir eru að gera og steðja á borgarafundi og mótmæli.

Það þarf kannski kreppu til að fólk sýni úr hverju það er gert.  Á góðæristímum er meiri ástæða til að lúlla af sér óréttlæti. 

Íslendingar eru amk. búnir að fá nóg og þeir sýna það með aðgerðum.  Þeir mæta.

Í dag er ég stolt af þjóðerni mínu.  Fyrst núna finnst mér að við eigum inni fyrir því.

Ég er hreinlega ástfangin af okkur almenningi.

Djö... sem við erum flott.

Tæp 70% vilja flýta kosningum

Bráðlega fyllum við Egilshöll (þrátt fyrir að við séum ekki þjóðin sko)

Fundurinn í kvöld var ótrúlega öflugur

Þvílíkur fjöldi af fólki samankomin og stemmingin var áþreifanleg.

Allir fummælendur voru kraftmiklir og góðir en Margrét Pétursdóttir verkakona, kom sá og sigraði.

Hvar hefur þessi frábæra kona falið sig fram að þessu?

Það er ógleymanlegt að upplifa samkenndina sem ríkti á fundinum í kvöld og það gerir það að verkum að ég trúi að almenningur geti flutt fjöll ef honum dettur það í hug.

Samtakamátturinn er nefnilega öflugt tæki.  Við Íslendingar erum að komast að því þessa dagana.

Ráðherrarnir voru ráðherrar, ekkert nýtt þar að fá en þeir mættu flestir og fá plús í kladdann fyrir það.

Mér fannst þó að ISG hefði mátt skilja hrokann eftir heima því hann skein klárlega í gegn á tímabili.

Hún talaði um að það væri ekki endilega þjóðarvilji sem endurspeglaðist í troðfullu Háskólabíói.

Reyndar hef ég engan heyrt sem heldur því fram að fundargestir á borgarafundum eða mótmælum á Austurvelli séu að gera tilkall til neins annars en að á þá sé hlustað, að hætt verði að ljúga að þjóðinni, svo bljúgar óskir okkar séu nefndar.

Hvað um það, meirihluti almennings í þessu landi vill kosningar á nýju ári og framhjá því verður ekki horft.

Og við hættum ekki fyrr en þeirri ósk verður framfylgt.

Sorrí, en þannig er nú það þið sem eruð í miðjum friggings björgunarleiðangri.

Bráðlega fyllum við Egilshöll.

Þetta í kvöld var aðeins æfing.

B.t.w. Geir var ferlega hissa á hvað margir voru á fundinum. 

Geir vakna, átta sig og hrista af sér slen.

Djísús.

Bankaleyndina burt

Í sleik á opinberum vettvangi

Hvað er í gangi, hugsaði ég þegar ég sá þessa frétt sem er mest lesna fréttin í Mogganum í dag.

Hafandi ofurtrú á samlöndum mínum sem hafa varpað öllum hégóma fyrir róða í kreppunni taldi ég víst að nú hefði hvorki meira né minna sést til einhverra í ríkisstjórninni í sleik á opinberum vettvangi og þess vegna væri viðtengd frétt lesin upp til agna.

Hélt að hrjáðar sálir í ofannefndum hópi hefðu dottið ærlega í það og lent í heví hankí pankí á einhverjum bar.

Ónei, ekkert tilfinningarugl í íslenskum ráðamönnum, hvað hafði gerst?

Einhver nóboddí úti í heimi hafði verið að kyssa og knúsa annan nóboddí inni á samkomustað í Ameríku.

Halló, halda sig við efnið hérna.

Þessar hugleiðingar mínar um atlot á almannafæri eru í rauninni bara kjaftæði og fíflaskapur.

Mér gæti ekki staðið meira á sama.

Ég minni ykkur á að klukkan 14,40 verður bein útsending frá Leikhúsi fáránleikans við Austurvöll og í kvöld er skyldumæting fyrir allar hugsandi manneskjur í Háskólabíó á borgarafund klukkan átta.

Og hættið svo að pæla í hver er að hreinsa kokið á hverjum.

Lalalala

Súmí.

Sáust kyssast og knúsast

Ég er alki og nikótínfíkill

 

Ég er alki, ég get dílað við það.  Ég vinn í að vera edrú og ég höndla það prýðilega.  Mér hefur sjaldan liðið betur ef ég á að vera skammarlega hreinskilin. 

Ég er nikótínfíkill og ég get ekki dílað við það.  Ég vinn ekki í að hætta en það má segja mér til nokkurra málsbóta að ég hef minnkað það um meira en helming eftir að ég flutti hér niður í Teigahverfi og fer út til að reykja.

Ég er ekki hrifin af úlpum, hef meira að segja skrifað um það heitar færslur en þær voru skrifaðar fyrir kreppu.  Á þeim tíma sem maður gat leyft sér að vera með lúxusvandamál með dassi af attitjúdi.

Og enn er ég að ganga í gegnum úlpuhaturstímabil.  Hvað get ég sagt, veðráttan gerir mér hluti.

Ég verð nefnilega að klæðast einni forljótri og þræl hlýrri við mína nikótíniðkun úti í garranum.

Í úlpu missir kona kvenleikan og í mínu tilfelli gerast fleiri og stórkostlegri útlitsbreytingar á mér en mér er unnt að þola til langframa.

Sjáið fyrir ykkur kúlu.  Sjáið svo fyrir ykkur konu.

Já, rétt skilið ég verð kúlukona.

Þess vegna hef ég tekið ákvörðun.

Ég verð búin að drepa í fyrir jól.

Það er ekki hægt að vera hipp og kúl í vatteraðri úlpu með skinnkant á hettu.

Bara alls ekki.

Það er heldur ekki hægt að beina fingri ásakandi að t.d. eiginmanni og skamma hann fyrir umgengni eða eitthvað.

Því viðkomandi eiginmaður hristist bara af hlátri og segir; ekki reyna að vera ábúðarfull í þessum klæðnaði.  Það missir algjörlega marks.

Mark my words, ég verð hætt að reykja fyrir jól.

Cry me a river

..og ég klökkna oft á dag

Það er svo hressandi að horfa á Silfur Egils þessar vikurnar.

Það blæs mér von í brjóst að heyra frá öllu þessu "óþekkta" fólki sem hann hefur boðið í þáttinn undanfarið því þar kveður við nýjan tón.

Þarna kemur fólk sem er ekki hrætt við að tjá skoðun sína og það gagnrýnir hikstalaust.  Fólk sem ekki er múlbundið í pólitískum flokkum.

Fólk sem hefur lagt heilmikla vinnu í að rannsaka mál og leita svara við þeim fjölmörgu spurningum sem brenna á almenningi í þessu landi og stjórnvöld skirrast við að svara.

Það er af sem áður var.

Svei mér þá að það liggur við að ég klökkni oft á dag núorðið.  Sennilega vegna þess að áfallið og óvissan gerir mig meyra.

En eftir þennan þátt Egils þá hugsaði ég með mér að það væri svo sannarlega von um breytta og betri tíma með allt þetta frábæra fólk í grasrótinni.  Fólk sem ég er viss um að gæti haft áhrif til hins betra við að byggja upp nýtt Ísland.

Þegar búið er að sparka gömlu gildunum og talsmönnum þeirra svona nánast út í hafsauga.

Mikið rosalega er það hressandi að heyra frá nýju fólki.

Takk fyrir góðan þátt og nú veit ég að við megum engan tíma missa.

Það er svo margt ljótt í gangi bak við tjöldin.

Kosningar takk.

SILFRIÐ

Stjórnmálakreppa ríkir

Guði sé lof fyrir heila í lofttæmdum umbúðum!

Mér fannst ekki leiðinlegt að sjá þessa nýju skoðanakönnun til að fá það staðfest sem ég þegar vissi að ríkisstjórnin er að verða með óvinsælli ríkisstjórnum sögunnar.

Og það fjarar undan, meira og meira.  7 af hverjum 10 styðja hana ekki.

Svo segir Bjarni Ben eitthvað á þessa leið í fréttinni. 

"Við erum á leiðinni með aðgerðarpakka fyrir heimilin og þá mun viðhorfið breytast".

Guði sé lof fyrir heila í lofttæmdum umbúðum!

Ég er alltaf að sjá það betur og betur að margt af þessu fólki í meirihlutanum er með lok og læs á púlsinn í þjóðfélaginu. 

Það þarf svo mikið meira en einn aðgerðarpakka hér, oggulaunalækkun ráðamanna þar til að snúa viðhorfi fólks til ráðamanna.  Ef það er þá ekki orðið of seint svona "alltogether".

Ég minni á að enginn hefur sagt af sér, enginn hefur verið látinn taka pokann sinn og verið rekinn frá borði og ekki kjaftur hefur stigið fram meinsstaðar og tekið ábyrgð.

Eftir situr bálreiður og sár almenningur með skuldir sem sífellt bætist í.  Nú síðast frá Þýskalandi.

Löndin í kringum okkur og víða reyndar skilja ekki hvers lags barbarí er við líði hérna.

Hér er það "buisness as usual " og sömu skemmdarvargarnir sitja við völd og dingla augnhárunum.

Aðgerðarpakki fyrir heimilin minn afturendi.

Vaknið í guðanna bænum.

31,6% stuðningur við stjórnina

Ég ætla ekki að drepa þig - ég ætla að bana þér

 

Flott hjá stelpunum að klæða Jón í bleikt.  Fer honum.

Annars er þetta jólafærsla.  Það er ekki hægt að slugsa svona með jólaæsinginn sem ég á að kveikja hjá lesendum þessarar síðu í boði jólasveinsins.  Ég er ekki að standa mig.

Ég gerðist djörf í framkvæmdunum í dag.  Þvoði glugga og henti upp seríum og ég gerði það sjálf og alein. 

Það er stórmerkilegt í sjálfu sér fyrir mig svona persónulega vegna þess að ég er með fóbíu fyrir öllu sem þarf að mekanisera með einhverjum hætti.

Ég er vön að láta hinn aðila heimilissins í svona djobb.

Þarna þurfti ég að negla 2 litla krúttlega nagla og það tókst.

Hamar notaður og allt, engin slys á fólki og engar rúður brotnar.

Arg... ég get ekki jólast.

Ég er svo reið og áhyggjufull.

Og löggan, halló, kallar viðbjóðslegan piparúðann - VARNARÚÐA!

Get a live, hvern er hún að reyna að blekkja?

Þetta er eins og að segja t.d. ég ætla ekki að drepa þig ég ætla að bana þér.

Sami hlutur og jafn vont.

Helvítis aulaháttur.

Ég ætla að hugleiða smá.

Cry me a river

Neyðarstjórn kvenna klæddi Jón

Mér finnst

Ég vaknaði í morgun og mér fannst alveg heilmikið.

Og finnst enn.

Ef það er hægt að tala um móðgunarstuðul þá er minn orðin svo útbólginn og yfirkeyrður að hann er um það bil að springa.

Ég hreinlega þjáist af því hversu móðguð ég er.

Burtséð frá reiðinni, óttanum og vonleysinu sem grípur mig reglulega þá er móðgunin sú tilfinning sem ekki yfirgefur mig nokkra stund.

Ég get nefnt dæmi.

Mér finnst það móðgandi að einhver bölvaður hernaðarmógúll eða PR-maður skuli ráðleggja forsætisráðherra og hans (hyski) hvernig tækla eigi íslenskan almenning.

Eins og hann sé í stríði við fólkið.

Mér finnst það fokkings móðgandi.

Og ég sem hélt að blaðamannafundir, tími þeirra og atburðir væru happenings, ekki forplanaður viðbjóður með handriti.

Ég er þó nokkuð viss um að "fíflið og dóninn" fékk ekki þessa nafngift eftir ráðleggingum Sven Ingvars eller vad han nu heter.

En það sem er að móðga mig til tunglsins og til baka aftur akkúrat núna í augnablikinu eru þessir fyrirsjáanlegu föstudagsblaðamannafundir ríkisstjórnarinnar.

Þar sem ISG og GHH brosa allan tímann og hafa örugglega fengið um það stíf fyrirmæli.

Og af því hvorugt þeirra er búið að átta sig á því að almenningur er vaknaður af værum blundi og vill breytingar, af því ekkert verður aftur eins og það var, þá henda þau smá dúsu á borðið og eru að reikna með því að allir alveg:

Vá hvað þetta eru góðar fréttir, smá breytingar á eftirlaunakjörum æðstu manna, auðvitað hættum við að mótmæla og vera með bögg við þetta hjartagóða fólk.

Halló, það mun ekki gerast.  Mér er til efs að það sé nokkurt mál svona eitt og sér sem dugi til að þagga niður í fólki.

Fyrir nú utan að þessar breytingar eru ekki stórkostlegar eða afgerandi.

Já, ég er móðguð, móðgari, móðguðust.

Ég er móðguðust í heimi og ég er greinilega ekki ein um það, Samfylkingarmenn margir eru alveg að tryllast.

Nú er það alvaran sem gildir.

Stjórnarsáttmáli heyrir sögunni til

Sláturhúsið hraðar hendur

Vó maður, löggan vinnur með hraða ljóssins á þessum síðustu og verstu.

Haldið þið að þeir hafi ekki gómað Bónusflaggarann þar sem hann var í heimsókn í Alþingishúsinu með skólanum?

Ójú, einhver bar kennsl á flaggarann og áður en hann gat sagt: "Helvíti laglegir litirnir á þessu betrekki hérna á klósetti Alþingis", var búið að handtaka hann og færa í böndum beint í betrunarhúsið.

Þetta er svo kölluð hraðrefsimeðferð sem lögreglan notar gegn stórglæpamönnum á ófriðartímum.

Sláturhúsið hraðar hendur í aksjón.  Jájá.

"Ástæðan fyrir því að flaggarinn var handtekinn er hinsvegar ekki vegna þess að hann flaggaði fánanum, heldur átti hann eftir að afplána dóm sem hann hlaut árið 2006. Þá var hann dæmdur fyrir að klifra upp í krana á Kárahnjúkum í mótmælaskyni vegna virkjunarframkvæmda. Þá var honum gert að greiða tvö hundruð þúsund krónur. Í stað þess að borga sektina ákvað mótmælandinn að afplána fjórtán daga refsingu.

Hinsvegar var maðurinn handtekinn fyrirvaralaust, sem samrýmist ekki lögum um afplánun, en þar segir að tilkynna verði, með minnsta kosti þriggja vikna fyrirvara, hvar og hvenær viðkomandi eigi að afplána refsingu sína. Samkvæmt móður mótmælandans, þá fékk hann ekki slíka viðvörun. Sjálf taldi hún ástæðuna einfaldlega vera að koma eigi í veg fyrir að hann komist á skipulögð mótmæli."

Ég er svo fegin því að lögreglan er áttuð á stað og stund og lætur til sín taka þegar hættulegir glæpamenn eru annars vegar.  Kommon hann ógnaði íslensku þjóðinni með því að hanga í krana í Kárahnjúkum.  Maðurinn er greinilega stórhættulegur og það verður að setja hann á svo kallað klifurskilorð.

Drengurinn verður að hafa fasta jörð undir fótum þar til í febrúar n.k.

Er það nema von að minni tími gefist í önnur og minni mál eins og að eltast við fjárglæframenn og ofbeldisseggi?

Kannski verða mótmælendur á Austurvelli teknir niður allir sem einn og settir í fangelsi bara. 

Það getur beinlínis verið bannað að vera með hávaða við þinghúsið.

Þar inni er fólk að reyna að hugsa og tala og muna - aðallega muna.

Frusssss

Jæja glæpamaðurinn er kominn á bak við lás og slá.

Ætli hann verði ekki settur í klefa með hinum stórglæpamönnunum, þessum sem stal hangikjötslærinu og svo hinum alræmda lifrapylsuþjófi?

Jess.