Forseti fólksins - eða fyrirtækjanna?

 

Rosalega finnst mér forvarnardagurinn sem forsetinn átti frumkvæði að, vera gott framtak.

Þá er það frá.

Ég hélt að ég dytti niður dauð, þegar ég var að horfa á myndbandið með forsetanum sem sýnt var í skólum landsins, ávarpið hans til æsku þjóðarinnar, í tilefni dagsins.  Sjáið og njótið.

Í upphafi máls segir hann okkur að lyfjafyrirtækið Actavis hafi stutt framtakið dyggilega.  Svo, til að það fari nú ekki fram hjá neinum, þá endurtekur hann sönginn í lok ávarpsins.

Mér finnst forsetaembættið og önnur þau störf sem teljast til æðri embætta í þessu landi,  alls ekkert heilög.  Ég ber enga óttablandna virðingu fyrir valdsmönnum og að sama skapi finnst mér sjálfsagt að gagnrýna þetta fólk og auðvitað á almenningur að veita aðhald.

Ég hef verið glöð með Ólaf, og ég er sérstaklega ánægð með konuna hans.  Hún er töffari hún Dorrit.

En nú finnst mér þetta vera að koma gott hjá Ólafi Ragnari.  Mér finnst það ekki forsetans að þylja upp prívat styrktaraðila út í bæ.  Það sem hann sagði í ávarpinu missti algjörlega marks eftir að hann auglýsti lyfjarisann.

Það er ekki lengur hægt að gera nokkurn skapaðan, hræranlegan, lifandi hlut orðið, í þessu þjóðfélagi, öðru vísi en að tengja það Bónus, Glitni, Kaupþingi og hvað þau nú heita öll þessi milljarðafyrirtæki.  Gott mál ef ríku fyrirtækin vilja styrkja þjóðþrifamál, en geta þau ekki auglýst framlag sitt sjálf?  Peningadýrkunin er orðin allsráðandi í útrásarfylleríinu. 

Hefur Actavis aldrei heyrt um að vinstri höndin eigi ekki að vita hvað sú hægri gerir?

Hefur Ólafur Ragnar eitthvað misskilið sitt hlutverk sem forseti þjóðarinnar?

Getur það verið, að fólk ofmeti mikilvægi sitt eftir mikla setu í einkaflugvélum auðmannanna?

Svei mér ef það er ekki kominn tími á að kjósa aftur.

Eins og mér finnst hann Óli flottur.

Dem, dem, dem!

Arg, hvað mér finnst erfitt að viðurkenna það...

..en Kiljan er að verða frábær þáttur.  Ég er nefnilega svo oft pirruð út í Egil Helgason, bloggið hans sem ég les auðvitað ekki, nei, nei,  bara finn á mér að það er pirrandi, smá hrokafullt og smásmugulegt í bland. 

En Kiljan er flottur þáttur, hlýtur að vera þar sem ég sit límd yfir honum.  Ég hef lúmskt gaman að pirraða parinu, Kolbrúnu og Páli, fyrir mér eru þau verðug áminning um mikilvægi ást og friðar í mannlegum samskiptum.

Bókaóskaistinn bara lengist og lengist.  Hér verður unnið daga og nætur með þessu áframhaldi og aðhald í fjármálum heimilisins mun verða aðkallandi vandamál í janúar.  Nei, nei, ég er að djóka.

Mig langar í Bíbbí,

 og bókina hans Einars Más (hún er um alka, og er milljón sinnum betri en Bítlaávarpið (segir Egill) sem Bördí Jennýarson liggur á löngum stundum uppi á bókaskáp og hann hefur kúkað á nokkrum sinnum).  Fuglinn er eins og ég, ber ekki virðingu fyrir selebum.

Ég er búin að fá Talað út eftir Jónínu Leósdóttur og hún er flott.  Blogga um hana seinna.

Sobbeggi er auðvitað möstríd og verður keypt á næstu dögum.

Ég er að gleyma einhverju?  Þær skila sér bækurnar "undan för undan" eins og Emil i Lunneberga sagði svo fallega.

Þess má geta að í Kiljunni í kvöld var ekki talað nema um einn isma - alkóhólisma.

Nú er ég farin að lesa blogg.

Nema hvað.

Later!

Úje

Samfarasögur af Sobbeggi afa

 

Langar mig að heyra nánar um kvennamál Þórbergs Þórðarsonar, einum af mínum uppáhalds rithöfundum?

Langar mig að komast að því að þessi yndislegi "naívisti" var ekki við eina fjölina felldur í ástarmálum og var að hilla stelpurnar á meðan hann var í föstu sambandi?

Já, já, auðvitað er ég til í það. Ég er mannleg og get endalaust lesið um Þórberg.

Ég bið hér með um þessa bók í jólagjöf, en hún heitir "Í fátæktarlandi: Þroskasaga Þórbergs Þórðarsonar" og er eftir Pétur Gunnarsson.

Nei annars ég kaupi hana sjálf.

Nenni ekki að bíða fram að jólum.

Annars segja sumir íslenskir bókmenntaveðurvitar að Þórbergur hafi ekki verið rithöfundur, hann hafi verið stílisti.  Sumir segja líka að rass sé afturendi þegar allt eins má kalla þennan líkamspart rassgat, og þangað má líka benda ákveðnum veðurvitum að pilla sig.

En það myndi ég aldrei gera, ég er svo kurteis.

Úje.

Þórbergur ekki við eina fjölina felldur

Hvenær á maður RÚV og hvenær á maður ekki RÚV?

Er þetta jólagjöfin frá RÚV sem við megum búast við einu sinni á ári héðan í frá?

Það er rétt um ár síðan afnotagjaldið hækkaði um 8% og nú hækkar það um önnur 4%.

Ég vildi ekki Oháeffa RÚV, sé ekkert að því að þjóðin eigi þennan fjölmiðil.  Finnst það meira segja að það eigi klárlega að vera þannig.

En hvenær á maður RÚV og hvenær á maður ekki RÚV?

Af hverju var verið að Oháeffa, þegar almenningur finnur ekki fyrir því í buddunni?

Ég verð nú að játa að mér finnast fréttir af launum útvarpsstjórans og bílakaupum hans, frekar í takt við það sem tíðkast hjá einkafyrirtækjum þrátt fyrir að almenningur haldi áfram að borga brúsann.

Hvað breyttist við rekstrarformsbreytinguna? 

Nei annars ekki svara, ég tékka á því sjálf.

En það er eins gott að borga gjaldið,  annars lendir maður í tómu tjóni.

Trúið mér ég hef reynslu í því.

Ójá

og Páll Magnússon heldur áfram að brumma um á sínum fjallabíl.

ARG

P.s. Svo er líka einstaklega skemmtilegt að fá svona fréttir í jólastússinu, algjörlega fyrirvaralaust.

Afnotagjald RÚV hækkar um 4% 1. desember

Vá, allir svo hissa, svo svakalega hissa

Nú velta sér allir upp úr myndunum úr flotta brúðkaupi (það sem af er)-aldarinnar, hverjir voru, með hverjum og í hverju, og á visi.is er búið að birta myndir fyrir okkur almúgann.  Ég ætla ekki að blogga um brúðkaupið, Anna Karen búin að lesa nægju sína og ég er hætt í dægurmálunum í bili, enda ekki mikið fyrir þau svona venjulega.

En vá, allir svo hissa, Ögmundur Jónasson var í veislunni hjá kapítalistunum.  Fólk er alveg gapandi bara. 

Ögmundur er sko tengdur Bónus-Hagkaupsfjölskyldunni gegnum konu sína.

Og gott fólk, það er kominn tími á að átta sig á einu.

Vinstri-grænir, eru almennt ekki með svart-hvítt sjónvarp,

..í tréklossum og hippamussum,

..og ég held að þeir borði ekki njóla í hvert mál,

og gott ef ekki hver einasti kjaftur í VG er kominn með talsíma.

Hendið klisjunum og slakið á fordómunum.

Svei mér ef það er ekki bara venjulegt fólk í þessum stjórnmálasamtökum.

Það skyldi þó aldrei vera?

Ég

í sauðalitunum

Úje

Eltondjonnarar þegar allt kemur til alls?

Þar sem ég hef tekið að mér að halda henni Önnu Karen við efnið, varðandi brúðkaup aldarinnar, þá verð ég að setja hér inn eftirfarandi:

1. Brúðarkjólinn var hvítur (með svörtu sýndist mér) og slörið var svart og þetta var ógeðslega  fagur búningur.  Brúðurin var dropp-dedd gjorgíus.  Þá er það frá.

2. Ég var að heyra frá manni úr hringiðunni að George Michael, Robbie Williams og Bono væru að syngja í veislunni.  GMG ef það er rétt þá verð ég að éta ofan í mig það sem ég sagði í færslu hér fyrir neðan, að hjónin nýkrýndu væru ekki þyrlupallar og eltondjonnarar í veisluhöldum.

Ef rétt reynist, og að sjálfur Bono hafi fengist til að mæta, þá eru þau kraftaverkamenn (jebb you said it, money talks) og eru ekkert minna en elvisar og rokerfellers í partýhaldi.

Og megi þau verða hamingjusöm til æviloka.

Ánægð Anna Karen?

P.s. Sá að forsetinn mætti með okkar fögru forsetafrú.  Nú skora ég á einhvern sem ætlar að gifta sig bráðlega að bjóða forsetanum í veisluna.  Kannski er hægt að fá kallinn í brúðkaupsveislur í framtíðinni.  Ekki leiðinlegt.

Ég var nú með the pres í Alþýðubandalaginu í denn, við vorum reyndar ekki í sama "armi" og þekktumst því ekki (djók), ég get reynt að vera milligöngumaður.

Það er svo helvíti útrásarlegt að fá númer eitt í brúðkaupið, skírnina, afmælið og sunnudagskaffið.

Ég á afmæli 20. janúar og verð með kaffi og meððí, ég hringi snöggvast og panta hjónin.

Svo heimilislegt.

Úje.

P.s. Þetta blogg er fíflafærsla um dægurmál.  Ekki hefur verið kostað neinu til við gerð hennar, né hefur Hagkaup komið að kostun hennar, enginn á að þurfa að móðgast og mér líður vel og er alls ekki í þörf fyrir sérfræðiaðstoð.  Þetta skal tekið fram að gefnu tilefni.

Er ekki allt í lagi hjá okkur krökkunum, ha?

Ekki sannfærandi, alls ekki sannfærandi..

 

..að Tom Cruise leiki Hugh Hefner í kvikmynd um ævi klámkonungsins. 

Cruise er jafn karlmannlegur og amaba.  Ekki snefil af maskúliniteti í þeim nýbaðaða og púðraða vísindakirkjutrúboða.

Hugh Hefner er hins vegar með dólgslegt útlit.  Hann er perri á náttslopp.  Svona karl sem myndi hræða úr manni líftóruna eftir að skyggna tekur á kvöldin, eða jafnvel um hábjartan daginn. Sem betur fer er ekki líklegt að ég eigi eftir að hitta hann, Guði sé lof.  Manni verður óglatt að sjá þennan háaldraða karl nuddandi sér utan í barnungar stúlkur.

Hvað varðar Hefner, þá er hann gangandi sönnun þess að þeir sem Guðirnir elska deyi ungir.

Djö.. sem ég er pirruð út í þessa kalla af ólíkum ástæðum.

Af hverju er ekki gerð mynd um líf og starf Móður Theresu, Goldu Meir, Doris Lessing eða Nelson Mandela?

Fólk sem hefur LIFAÐ lífinu upp á gott og vont.

Ég er farin að lesa AA-bókina.

Guð gefi mér æðruleysi..

Pírípú

Úje

P.s. Að gefnu tilefni þá er þetta blogg og ekki meitlað í stein sem stefnuyfirlýsing ritsjórnar.

Tom Cruise fer í sloppinn hans Hefners

Brassi undir tréð fyrir strákana.

Ég hlýt að vera orðin gömul, þ.e. eldri en ég er og hallærislega þenkjandi í þokkabót.

Ég fæ ekki skilið hvernig stelpur fíla að liggja inni á snyrtistofum, í móðurætt og láta tæta af sér hárin á viðkvæmum stöðum.  Úr því að smástelputrendið er orðið svona mikið möst, af hverju ekki að sjá um snyrtinguna prívat, inni á baði.

So far so good.

Nú er Brassi fyrir stráka orðið að tískufyrirbrigði.

Gæti orðið jólagjöfin í ár.

Það verður örtröð á læknavaktinni yfir jólin.

GMG hvað það hlýtur að vera sárt að láta reyta af sér punginn.

Og nú er ég komin algjörlega yfir mín eigin mörk um hvað mér finnst smekklegt að blogga um, en ég gat bara ekki staðist mátið.

Bjútíispein!

Obviously.

Úje.

Að gera eitthvað úr engu

Orðið á götunni.

Og nú bíð ég eftir að tilboðin hrynji inn.

Ójá, ég er von kúl mama.

Úje.

P.s. Sjá tilefnið hér

Umferð og skapsmunir

Hvað er það sem kallar á verstu hliðar margra ökumanna, úti í umferðinni?

Nú keyri ég ekki sjálf (já, já, þið þakkið mér seinna bara) en ég er stöðugt að furða mig á hvernig umferðin getur kallað fram verstu hliðar fólks.

Ég á vinkonur, systur og dætur og "sumar" þeirra hafa orðið fyrir hamskiptum þar sem ég sit við hlið þeirra, í bíl.  Hinar ljúfustu konur, bæði til orðs og æðis, hafa breyst í hegðun og orðum, þannig að myndin "The Exorcist" er eins og barnamynd í samanburði við hinar mögnuðu karakterbreytingar sem verða á þessum vinkonum mínum.  Ég nefni engin nöfn.

Þegar á áfangastað er komið, hafa þessar konur orðið aftur að sömu ljúfu manneskjunum og þær láta eins og ekkert hafi í skorist.

Í fréttinni eru nefnd nokkur dæmi um umferðarhamskiptin ógurlegu, en allmörg mál hafa komið á borð lögreglu að undanförnu.

Það er ráð við þessu, börnin góð.

Hljóla eða taka strætó.

Þá verður allt í lukkunnar velstandi og engar alvarlegar persónuleikabreytingar á ökumönnum munu eiga sér stað.

Áfram veginn...

Úje

Skapstyggir ökumenn grípa til ýmissa ráða