Sprengjulist

Sé ég listrænan gjörning út úr verkinu "þetta er ekki sprengja" eftir Þórarinn Inga Jónsson?  Nei ég geri það ekki og finnst þessi uppákoma frekar sjálfhverfur gjörningur, skreyttur með dassi af athyglisþörf.

En það sem er list fyrir einum er hégómi fyrir öðrum.  Ekki ætla ég að dæma um listrænt gildi þessa gjörnings.

Nú er listfrömuðurinn hæddur út um alla netheima.  Ekkert til sparað í andstyggilegheitum.

Ég skil það upp að vissu marki.

Það verður allt brjálað ef einhver hugsar um sprengju, hvað þá hlutgerir hana og kemur henni fyrir á opinberum stað.  Varla er hægt að ætlast til að fólk teygi fram álkuna til að lesa textann sem fylgir gripnum.  Svona; hm, bíðið þið krakkar mínir, pabbi ætlar að lesa hvað stendur á þessari rörsprengju, það er ekki víst að þetta sé alvöru sprengja, gæti verið listaverk og svo BÚMM. 

Halló, allur hinn vestræni heimur er á jaðri taugaáfalls eftir 11. september, með réttu eða röngu.

Þess vegna að ég held að Þórarinn hljóti að hafa reiknað með svona viðbrögðum.

Ef ekki þá er hann hreint ótrúlega bláeygður maðurinn.

Fólk má samt alveg halda sér innan velsæmismarka í sinni Þórðargleði, alveg óþarfi að hrauna yfir manninn.

Er annars í jólastuði, að kafna úr framkvæmdagleði.

Falalalala

 

Hæðst að Þórarni

Ábendingar óskast

Áfram held ég með bókaóskalistann minn en það eru bækur sem ég ætla að kaupa, fá lánaðar eða láta gefa mér í jólagjöf.

Bókhaldið verður að vera á hreinu.

Vigdís Gríms

Einar Már

Sigurður Pálsson

Gerður Kristný (báðar bækur, líka barna)

Jónína Leós (Tjékk, komin í hús)

Ingibjörg Haralds

Pétur Gunnars (Bókin um Þórberg)

Pétur Blöndal (ekki alþingismaður)

Hrafn Jökulsson

og fleiri.  Ábendingar um nýjar bækur þegnar. 

Ekki væri verra að fá að heyra álit þeirra sem þegar eru búnir að lesa þessar á listanum.

Segi það enn og aftur; ég myndi myrða fyrir að vera í aðstöðu til að lesa allar útgefnar bækur, en lífið getur verið bölvuð tík.

Falalalala

Hjarðeðlisskattur

 

Ég er vond manneskja.  Með alla mína eiginmenn í gegnum tíðina, hef ég aukið gróðurhúsaáhrif, eytt fleiri þúsund kílóvattstundum til ónýtis, tekið upp heljarinnar pláss í heiminum og verið til óþurftar ó óteljandi sviðum.

Allt vegna þess að ég hef verið svo skilnaðarglöð.

Það á að leggja hjarðeðlisskatt á þá sem hafa stundað hjónaskilnaði með reglulegu millibili, án þess að skenkja því þanka að þeir eru að fokka upp jörðinni, já beinlínis að RÍFA gat á lofthjúpinn með ábyrgðarlausu framferði sínu og hvetja til aukinnar neyslu í formi íbúðarkaupa og þ.h.

Loksins hafa augu mín upp lokist.

Það á að banna skilnaði eða leggja hjarðeðlisskatt á hvern einasta skilnað.

Ég er farin að skilja kaþólsku kirkjuna.

Þeir vinna ötult starf í þágu mannkyns og jarðarinnar í heild.

Hvað er það við sumar rannsóknir sem fá mig til að hugsa; öll ljós kveikt og enginn heima?

Falalalalala

Óumhverfisvænir skilnaðir

Bróðir minn í þjáningunni

Það sem pirrar mig illa og mikið, þegar ég horfi á viðtalsþætti, er þegar spyrillinn spyr viðmælandann spurninga og maður sér á honum að hann hefur zero áhuga á svarinu.  Svipur spyrilsins er óræður, augun reika á bak við viðfangið og maður sér að hann er að pæla í einhverju af eftirfarandi: "Ætli það sé hár í nefinu á mér?  Eru þeir að skjóta á prófílinn á mér, ég er svo flottur í prófíl.   Hvað ætli Svanh.. ég meina konan sé með í matinn, hún var búin að lofa mér súpukjöti, arg hvað ég er glorhungraður."  Eða eitthvað á þessa leið.  Það er nefnilega ekki öllum gefið að kunna að hlusta. 

Ég hef lent í þessu, í lífinu almennt, og nei ég er ekkert leiðinlegri en gengur og gerist, og ég verð alltaf jafn pirruð.  Þegar fólk spyr mann einhvers og gæti ekki staðið meira á sama um hverju maður svarar.

Þess vegna skil ég Björgvin Halldórsson sem fíflaðist í Loga Bergmann s.l. föstudagskvöld i í beinni og sagðist fylgjast með sjónvarpsþættinum "Dancing with the Stars". Krúttlegt or what?  Logi tók ekki einu sinni eftir þessu undarlega svari.  Sú staðreynd Logi brást ekki við segir mér að hann var ekki að hlusta og auðvitað hefur Bjöggi fundið það. 

Djö.. sem mér finnst þetta gott hjá karlinum.  Hreinlega elska svona húmor.

Í dag og alla næstu daga verður Björgvin Halldórsson ofurkrútt þessarar síðu.

Falalala 

Bó plataði Loga í beinni

Jólatörnoff

 

Jólasveinar heimsins eru að undirbúa sig fyrir jólahátíðina í Berlín. 

Sá sem býður, hlýtur að vera þýski jólasveininn.

Ég er með fordóma gagnvart þýskunni, ég veit að það er skömm að því, þetta á þýsku hafa verið skrifaðar margar bókmenntaperlur. 

Mér finnst þýskan bara svo köntótt, laus við að vera sýmmetrísk og svo er engin melódía í henni. 

Allavega, þá viðurkenni ég hér með fordóma mína og í leiðinni þá játa ég að það er tæpast til meira jólatörnoff í mínum huga en jólasveinn sem talar þýsku.

En til að stemmingsjafna, þá viðurkenni ég að fallegasta jólalag í heimi samið á þessum tungubrjót.

Heims um ból hvað?

Úje og falalalala

Ég er farin í þýskunám til að losa mig við fordómana.

Jólasveinar undirbúa sig í Berlín

Bömmer og búhú

Var að horfa á Spaugstofuna á netinu, ég nánast dó úr leiðindum.

Síðast líka.

Kommon, það hefði mátt sparka fleirum.

Kannski er ég búin að missa minn íslenska húmor og er orðin innflytjandi í greininni.

Hmrmpf

Úje.

Laugardagar á Laugavegi fyrir jól..

 

..eru örugglega æðislegir fyrir alla nema íbúana við götuna.

Þessu held ég blákalt fram, sem fyrrverandi íbúi og ég veit hvað ég er að tala um.

Ég elskaði fyrstu laugardagana í Desember, fyrstu árin mín á Laugaveginum.

Svo elskaði ég fyrsta laugardaginn í Desember og ekki svo meir.

Svo voru laugardagar í Desember orðnir að antiklæmaxi, ég sverða.

Þegar þú heyrir sama jólalagið, sömu kórana, sömu atriðin, aftur og aftur sama daginn amk tvisvar í viku og oftar þegar á leið, þá ertu farin að halda fyrir eyrun.  Og ég sem er svo mikið jólabarn.

Þessir jólasveinar sem hafa sloppið af fjöllum langt fyrir tímann og eru að gefa nammi á Laugaveginum núna, eiga að fara aftur heim til Grýlu mömmusín og bíða þar til 11.desember.  Vita þeir ekki að þeir fokka upp skógjöfum út um allan bæ með þessu háttarlagi?

Annars er ég æst í að fara Laugaveginn fljótlega, en það er af því að ég er búin að vera búsett ofan við snjólínu í nokkur ár.

Jólíjólíjólí.

Falalalalalalala

Jólasveinar gáfu sælgæti á Laugavegi

Rólegur á græðginni Páll

 

Með því leiðinlegra sem ég veit, varðandi imbagláp, eru auglýsingar í miðju sjónvarpsefni.  Ég krullast upp og stemmingin, spennan, áhuginn eða aðrar tilfinningar, detta niður fyrir frostmark og ég nota undantekningalaust þöggunarhnappinn á bölvaðar auglýsingarnar. 

Eitt af því besta við RÚV hefur verið skortur á auglýsingahléum, þó það sé hægt og hægt að breytast.

Nú ætlar oháeffarinn á flotta bílnum að fá 3 millur að lágmarki fyrir mínútu hlé sem á að gera á Áramótaskaupinu, vinsælasta sjónvarpsefni allra tíma á Íslandi.

Andskotinn og helvítis bara, ég kæri mig ekki nokkurn skapaðan hlut um að láta trufla mitt gamlaárskvöld með auglýsingum.  Gamlaárskvöld er heilög hátíð á mínu heimili.

Er ekki hægt að halda græðginni í einhverju lágmarki á yfir þessa þrjá hátíðardaga eða svo?

En af því ég hef ekkert að segja um hvernig þeir ráða ráðum sínum í Efstaleiti þá er best að gefast alla leiðina upp og nú vil ég að þetta verði gert almennilega. 

Ég sé þ.a.l. ekkert því til fyrirstöðu að Páll selji líka auglýsingar í aftansönginn á aðfangadagskvöld.  Dómkirkjuprestur getur þá fengið sér kaffi eða skroppið á klósett meðan við hlustum á auglýsingar í boði Bónus eða Glitnis yfir rjúpunum á aðfangadagskvöld.

Ég bíð spennt eftir jólunum.  Auglýsingajólunum hans Palla.

Og enn og aftur fjárinn firnastór.

Eitthvað fyrir Íslendinga?

Þetta er fíflafærsla.

Ég vissi ekki að Taílendingar væru þjóðsöngsnöttarar.  Ekki að ég hafi yfirhöfuð vitað nokkuð um afstöðu þeirra til þjóðsöngva yfirhöfuð, enda alls ekki nógu vel upplýst um þetta land sem ég myndi heimsækja ef ekki væri vegna þess að það eru æði mörg lönd á óskalistanum nú þegar, og ekki víst að mér endist aldur til að tæma hann. Svo er auðvitað ákveðin skordýrahræðsla að skemma fyrir mér ferðalöngun í augnablikinu.

"Taílenskir þingmenn eru ekki sérlega hrifnir af breytingum, sem  hershöfðingjar vilja gera á fánalögum landsins. Samkvæmt lagafrumvarpinu eiga ökumenn m.a. að stöðva bíla sína tvisvar á dag til að votta fánanum og þjóðsöngnum virðingu sína."

Ég fór nefnilega að hugsa um hvernig þetta yrði í umferðinni hérna hjá okkur, og hversu brjálæðislega fyndið það yrði að horfa á Íslendinga í stressinu. stöðva rennireiðirnar og hlusta andaktugir á meðan Guðsvorslandið hljómaði í eyrum okkar allra.

Annars á ég ekki að tjá mig um þjóðsöngva.  Ég er heiðin og forstokkuð í sambandi við flest sem lýtur að þjóðernishefðum.  Það þýðir ekkert að skamma mig fyrir það, ég er fædd svona. 

Mér fannst frábært þegar Spaugstofan tók þjóðsönginn í vor og breytti textanum.  Ég get alveg hugsað mér að láta rappann, bítlann og skrykkjann.  Nánast ekkert á að vera hafið yfir húmor. Ekki Óli, ekki kirkjan og þá alls ekki þjóðsöngurinn.

Jæja, verð að drífa mig, er að fara í messu

Guð geymi.

Úje

Stöðvað til að hlusta á þjóðsönginn

Kimminn og fleira

Kim Larsen klikkar ekki, ég veit það þó ég hafi ekki farið að sjá hann í gær.  Ég nennti því ekki, var í öðru meira akút, þ.e. að setja upp jólagardínur.

Við eigum a.m.k. tvenn sameiginlegt við Kim Larsen, en við höfum bæði búið á Sofiegården á Christianshavn.  Ójá.  Hann, meðan það var hálfgert hreysi fyrir útigangsmenn og töffara, ég þegar það var orðinn flottur stúdentagarður fyrir nerði.

Við eigum líka Dalles Varehus, sameiginlegt, ég og Kimminn.  Ég hef verslað þar margoft.  Hann hefur sungið um það.

Ég var að lesa í fréttablaðinu, um könnun sem gerð var í Bretlandi, um hvaða látinn einstakling fólk vildi helst sjá snúa aftur og viti menn, Bretarnir settu Díönu í fyrsta sæti (frumlegir) en Jesú í sjötta.  Ef ég fengi að óska mér, myndi ég setja Jesú í fyrsta og segja honum að fara og tala við Jón Val og útskýra fyrir honum inntak kristindómsins.

En ég myndi setja John Lennon til vara.

Ég er knock out. 

Úje og farin að leggja mig.

Kim Larsen hélt uppi fjöri