Umferð og skapsmunir

Hvað er það sem kallar á verstu hliðar margra ökumanna, úti í umferðinni?

Nú keyri ég ekki sjálf (já, já, þið þakkið mér seinna bara) en ég er stöðugt að furða mig á hvernig umferðin getur kallað fram verstu hliðar fólks.

Ég á vinkonur, systur og dætur og "sumar" þeirra hafa orðið fyrir hamskiptum þar sem ég sit við hlið þeirra, í bíl.  Hinar ljúfustu konur, bæði til orðs og æðis, hafa breyst í hegðun og orðum, þannig að myndin "The Exorcist" er eins og barnamynd í samanburði við hinar mögnuðu karakterbreytingar sem verða á þessum vinkonum mínum.  Ég nefni engin nöfn.

Þegar á áfangastað er komið, hafa þessar konur orðið aftur að sömu ljúfu manneskjunum og þær láta eins og ekkert hafi í skorist.

Í fréttinni eru nefnd nokkur dæmi um umferðarhamskiptin ógurlegu, en allmörg mál hafa komið á borð lögreglu að undanförnu.

Það er ráð við þessu, börnin góð.

Hljóla eða taka strætó.

Þá verður allt í lukkunnar velstandi og engar alvarlegar persónuleikabreytingar á ökumönnum munu eiga sér stað.

Áfram veginn...

Úje

Skapstyggir ökumenn grípa til ýmissa ráða

Athugasemdir

[B Ewing, 9.11.2007 kl. 16:32]

Alveg ótrúlegt að heyra svona. Maður stendur meira að segja sjálfan sig að því að reiðast öðrum ökumönnum öðru hvoru en reynir þess þá frekar að vanda sig sjálfur enn betur við aksturinn.

Ég hef reynt strætóleiðina og er hún því miður bara pirrandi og leiðinleg tímasóun fyrir mig.  Það er orðið svo margt að hjá Strætó bs. að það er orðið bagalegt að reyna að nota vagnana þó ekki væri nema einu sinni í mánuði...

[Jenný Anna Baldursdóttir, 9.11.2007 kl. 16:36]

Ég veit Ewing að það er meira en að segja það að nota strætó, þeir eru ekki beint notendavænir með sínar strjálu ferðir.  En við höldum áfram að vona og nú legg ég traust mitt á nýja meirihlutann í borginni um að hann lagi tímatöflurnar.

[Hildigunnur Rúnarsdóttir, 9.11.2007 kl. 16:43]

ég nota alveg stundum strætó, og það er ekki eins slæmt og af er látið.  Batnaði talsvert við síðustu uppstokkun, eins og það var orðið skelfilegt þar á undan.

[Fanney Björg Karlsdóttir, 9.11.2007 kl. 17:22]

ég segi nú bara eins og einhver gáfumanneskjan kenndi mér..... " þegar fíflunum fer að fjölga í kringum þig... þá er komin tími til að kíkja í eigin barm"....sel það ekki dyrara en ég keypti..... en það virkar....ég lofa

[kiza, 9.11.2007 kl. 17:33]

Sjálf á ég hvorki bíl né einusinni bílpróf, en hef orðið vitni að þessum mögnuðu skapgerðarbreytingum oftar en einu sinni.  Mér er sérlega minnisstætt þau skipti þegar föður mínum blöskraði aksturslag annara og gargaði á þá "MANNTERTA!" (sem mér og bróður mínum fannst stjarnfræðilega fyndið orð...)  skildi samt aldrei almennilega hvers vegna hann öskraði þetta, þar sem litla 5 ára ég gat sjálf séð að viðkomandi heyrði ekkert í þeim...neitt frekar en fréttamenn eða fótboltamenn í sjónvarpinu.

Ég labba til og frá úr vinnunni á hverjum morgni og ég verð að segja að ég er SKÍTHRÆDD þegar ég er að fara yfir göturnar, sérstaklega þar sem allir virðast vera að flýta sér svona ógurlega, og AÐALLEGA þar sem beygjuljós og gönguljós fara í gang á sama tíma á stórum gatnamótum.  Það er ekki erfitt að sjá hver verður oftast undir á þeim ljósum.

það hefur tekið mig allt upp í 10mínútur að komast yfir eina tvíbreiða götu, þar sem ég ætla sko ekki að taka sjensinn á að þurfi að skafa mig upp með kíttisspaða á einhverjum þriðjudagsmorgninum... 

[Kristín Katla Árnadóttir, 9.11.2007 kl. 17:45]

Fólk er orði kolvitlaus í umferðinni.

[Þórdís Guðmundsdóttir, 9.11.2007 kl. 17:49]

Það er svona fólk sem fælir kveifina mig frá því að brúka bílprófið mitt.  Ég nota strætó, hann gengur prýðilega til að færa mig beint frá A (heima) til B (vinnan) og til baka aftur á góðum degi, án skiptinga og þrátt fyrir að ég búi í úthverfi.  Tala nú ekki um ef menn standa við stóru orðin og fara að gefa frítt í strætó.

Þess utan, takk fyrir skemmtileg skrif.  Fyrsta opinbera kvittið mitt á síðunni þinni.

[Ásthildur Cesil Þórðardóttir, 9.11.2007 kl. 20:26]

Já ég hef tekið eftir þessu, tekið þátt í þessu og ....

[alva (IP-tala skráð) 9.11.2007 kl. 21:30]

Ég "tók mig saman í andlitinu" þegar dóttir mín var að segja öðru fólki að ég hafi sagt undir stýri: " Hlussastu úr sporunum, gamla karlbeygla!!"  Nú anda ég tíu sinnum inn og tíu sinnum út áður en haldið er af stað....og engar svívirðingar lengur beint inn í eyrun á börnunum...

[Hallgerður Pétursdóttir (IP-tala skráð) 9.11.2007 kl. 21:38]

23 var summan núna.

Kannast svo vel við þetta held að partur af því sé að það geta ekki farið fram nein skoðannaskifti.Elsta dóttir mín gaf mér tæki með þeim eiginleikum að geta skotið á það fólk sem svínar á mér,fjórir möguleikar eftir alvöru brotsins.Vel að merkja tæki drifið áfram af vesölu batteríi.Það er svolítið að taka af sárasta ergelsið.

[Jenný Anna Baldursdóttir, 9.11.2007 kl. 21:41]

Hallgerður: Ég las þetta fyrst sem svo að þú værir með byssu til að skjóta kvikindin á færi.  Hahahaha, anyways, bráðnauðsynlegt tæki þetta.  Djö.. sem þú ert klár að leggja saman og finna summur kona.

Takk annars öll fyrir innlegg.

[Sunna Dóra Möller, 9.11.2007 kl. 22:03]

Ég verð alveg kreisí í umferðinni....! Núna reyni ég að taka æðruleysið á þetta á leiðinni heim úr Neskirkju á daginn (45 mín ferð. innan RVK) og hlusta á Reykjavík síðdegis á Bylgjunni.....það er bara svei mér að ná að draga hugann frá umferðateppunni og hinum fíflunum í umferðinni !

Lifi æðruleysið