Fyrirfram aðvöruð - fyrirfram vopnuð

Ég er alltaf að missa af allskonar.

Fleyg orð verða til, fólk finnur upp hluti, deyr og fæðist og ég hef ekki hugmynd um það.

Svona líður mér líka gagnvart bókum.

Það eru trilljón meistaraverk skrifuð um allan heim og ég kem aldrei til með að kynnast þeim.

Ég gæti grátið, þetta er einn af mínum stóru hörmum.

Mannskepnan er of takmörkuð segi ég og skrifa.

Við kunnum ekki að ferðast í afturábak í tíma, tölum bara örfá tungumál, þetta er glatað.

En eitt af því sem ég vissi ekki um en hefur nú borist mér til augna er að Agnes Bragadóttir og Björg Eva Erlendsdóttir hafa ástundað kappræður í Íslandi í bítið.

(Ég vissi ekki einu sinni að Ísland í bítið væri til enn - enda hlusta ég ekki á Bylgjuna).

Svo gekk Agnes fram af Björgu Evu og í gær mætti sú síðarnefnda ekki til að takast á við kerlinguna Agnesi.

Ég skil hana Björgu Evu svo vel.

Hvaða manneskja sem er áttuð á stað og stund fer með opin augun í gin ljónsins?

Agnes er strigakjaftur og eyrnamengandi svo ekki sé meira sagt.

Hún er líka fínn blaðamaður en það er varla að ég þori að lesa hana - er skíthrædd við konuna.

Ég get sagt ykkur að á góðum degi myndi ég gefa frá mér ríkisborgararéttinn fremur en að eiga orðastað við aðdáenda Davíðs númeró únó.

Fyrirfram aðvöruð - fyrirfram vopnuð offkors.

Súmí.

Takk innilega Þórdís Elva

 

Þórdís Elva Þorvaldsdóttir er flott kona.

Þegar hún las um dóminn fyrir Hótel Sögu nauðgunina 2007, sem snéri þjóðfélaginu á haus, lét hún ekki nægja að hneykslast í eldhúsinu heima hjá sér heldur einhenti hún sér í að skrifa bók um ofbeldi.

Bókin heitir "Á mannamáli" og fjallar um kynbundið ofbeldi sem er okkar stærsta samfélagsmein.

Bókin tekur á viðhorfunum, orðræðunni, brotaþolunum, gerendunum og dómunum.

Hún leitast við að svara spurningunni um hvers vegna 7 af hverjum 10 kærum vegna kynferðisbrota eru felldar niður.

Bara sú staðreynd er ógnvænleg.

Bók í líkingu við þessa hefur einfaldlega ekki verið til á Íslandi.

Það segir heilmikið um þá afneitun og það viðhorf sem er gagnvart kynbundnu ofbeldi.

Hversu oft hefur maður ekki fórnað höndum vegna vægra dóma í ofbeldismálum?

Þá skiptir litlu hvort í hlut eiga börn eða fullorðnir.

Dómarnir eru einfaldlega á tilboði, smá skamm, skamm og vertu svo til friðs.

Í bókinni er líka fjallað um nauðganir á karlmönnum sem eru ekki fáar en um þær heyrist sjaldan nokkuð.

Ég fagna þessari bók og hún var sannarlega tímabær.

Bókin er skyldueign fyrir alla sem láta sig samtímann varða.

Hér er líka komið frábært kennslugagn fyrir framhaldsskóla svo ég taki dæmi.

Það er alltaf sama fólkið sem er að kynna fyrir okkur skelfilegar staðreyndir ofbeldis og því miður ansi oft fyrir daufum eyrum.

Fólk er hætt að hlusta.

Sannleikurinn er óþægilegur, það er betra að snúa sér undan.

Nú kemur þessi flotta kona með frábærlega skrifaða bók á mannamáli sem allir geta nýtt sér til fræðslu.

Takk innilega Þórdís Elva.

Förum ekki nánar út í það

 

Ég held að ég sé búin með Spaugstofukvótann og húmor minn hafi endanlega horfið til svartari heima.

Kolsvartra ef ég á að vera alveg heiðarleg.

Kreppan gerir manni hluti.

Horfði samt eins og vanalega af mikilli skyldurækni frá byrjun til enda.

Stökk ekki bros.

Utan einu sinni en þá ætlaði ég að kafna úr hlátri.

En við förum ekkert nánar út í það.

Fólk er viðkvæmt í bloggheimum.

D-day

 

Davíð mættur.

Nú skríð ég til kojs og dreg eitthvað gamalt yfir mig.

Ussss

Ekki hafa hátt, mar er skíthræddur.  Jeminneini.

Jeræt.

Nýir ritstjórar til starfa

Meltanlegt?

Ég ætla að melta þessa frétt, þ.e. ef hún er meltanleg.

Davíð kemur alltaf aftur, aftur og aftur.

Hans tími kom og enn sér ekki fyrir endann á málinu.

Búmmerang hvað?

Davíð og Haraldur ritstjórar

Hættið að mála með rauðri málningu og það strax!

 

Ég er alvarlega pirruð á þessu málningarmáli.

Viljið þið hætta að sletta rauðri málningu á hús útrásarvíkinga og annarra hrundólga!

Þetta er orðið óþolandi og til háborinnar skammar.

En vissuð þið að horgræni liturinn er að koma sterkur inn í húsamálningartískunni krakkar?

En það er þessu máli algjörlega óviðkomandi.

En í guðanna bænum hættið að valda eignaspjöllum með rauðri málningu og skammist ykkar bara.

Farin í morgunbænir.

Rauðri málningu slett á hús Hreiðars Más

Þetta er mín síða og ég pirrast ef mér svo sýnist!

 

Í dag hef ég verið bissí, bissí, upptekin og högst opptaget.

Ég hef sýslað margt, hugsað mikið og áorkað ýmsu.

Nema að lesa Netmoggann vegna téðra anna.

Þangað til núna og blasir ekki við mér þessi skelfilega frétt!

Marlyn Manson er með svínaflensu.

Látum vera að einhverjir nóboddís stráfalli vegna títtnefndrar flensu en að Marlyn skuli fá hana og jafnvel einhverjir fleiri valinkunnir menn - ómæfriggings god!

Þessu var ég nærri því búin að missa af vegna þess að ég var í öðrum hlutum og að því er mér fannst merkilegri en að liggja á netinu.

Klárlega mun ég gæta mín í framtíðinni.

En ég skil ekki eitt.  Af hverju fær fræga fólkið flensu?

Ég hélt að það væri aldrei veikt.

Það borðar nánast aldrei, drekkur bara kampavín og nartar í kransakökur í besta falli.

Pissar tæpast - hvernig stendur á þessu?

Svo mælist ég til þess við Moggann að hann vinni fréttirnar betur hér eftir.

Það stendur ekkert um hversu háan hita Marlyn er með.

Ekkert um hvort hann drekkur nóg af vatni og er búinn að kúka.

Já ég veit, þoli ekki svona "fréttir" sem mega svo gjörsamlega missa sig.

Ég get varla farið inn á visi.is vegna stöðugra heimskufrétta um "fræga" fólkið.

En í dag ætla ég að leyfa mér að að pirrast yfir þessu máli hérna og öðrum svipuðum.

Af hverju?

Jú af því þetta er mín síða og ég pirrast ef mér svo sýnist.

It´s my party and I cry if I want to - þið vitið.

Marilyn Manson er með svínaflensu

Ég heiti Tortóla og borða slátur

 

Öll þjóðin veit að Davíð Oddsson fer í stólinn sem búið er að rýma fyrir hans eðla afturenda.

En Mogginn veit það ekki og segir að ekki sé búið að ráða nýjan ritstjóra.

Hvern eru þeir að blekkja?

Einhver sjálfssefjun í gangi?

Kannski talar Mogginn bara við Eyjuna og segir nó komment við sjálfan sig.

Ekki búið að ráða ritstjóra..

Já, já, og ég elska hval og innmat, er í Sjálfstæðiskvennafélaginu Hvöt og heiti Tortóla Idiota Gonsales

Ekki búið að ráða nýjan ritstjóra

..og það varð líf

Þegar Popppunkturinn hans Gunna var á Skjá 1 þá misstum við hér á kærleiks ekki úr þátt.

Síðasta sísonið þar var 2005.

Það má því nærri geta að hér var fagnað ógurlega þegar sami þáttur hófst á RÚV.

Vér horfðum á alla þættina hér við hirðina.

Reyndar eru tónlistarmenn, amk. sá sem hér býr eins og gangandi trivial pursuit (með áherslu á trivial) og svarar 90% allra spurninga hér í stofunni.

Hvað um það.

Vér urðum fyrir vonbrigðum.

Það vantaði eitthvað, neistann held ég eða það sem ég kalla "glimten i ögat", mér fannst eins og öllum leiddist í fína settinu hjá doktornum.

Meira segja Herr Dotor sjálfur virkaði sybbinn.

Auðvitað voru undantekningar, Áhöfnin á Halastjörnunni, krúttlegu skallakallarnir hlógu út í eitt og gátu engu svarað, tæpast hvað þeir hétu og virkuðu svo maríneraðir eitthvað.  En þeir voru algjörar dúllur.

Jeff Who? hleyptu stuði í þetta líka, þeir voru einhvern veginn lifandi sem var ágætis tilbreyting í þessum annars lofttæmda andrúmslofti þáttanna.

Ég velti mikið fyrir mér hvað vantaði og ég gat ekki sett fingurinn á það.

Þangað til í gærkvöldi - því þá kviknaði líf!

Þátturinn var sendur út í beinni, með áhorfendum og nú bar svo við að það var stórskemmtilegt að horfa.

Felix og Gunni voru meira en framhliðin ein, komu til baka svo að segja.  Dúllurnar.

Týpískt - síðasti þátturinn.

Halló - ég gæti grátið.  Elska þessa þætti.

Dr. Gunni og Felix krúttfrömuður, ekki græta gamla konu.

Hafið þáttinn í beinni næst.

Annars, annars...

horfi ég ekki rassgat.

Og hana nú.

Meiri hálfvitarnir þessir ljótu hálfvitar að stela bikarnum af Jeff Who? sem eru okkar menn í höfuðborginni offkors.

Ljótu hálfvitarnir PoppPunktsmeistarar

Af Jóni krúttfrömuði og sýningartímamálinu ógurlega

Jón Böðvarsson er merkilegur maður.  Ég ætla að lesa viðtalsbókina sem kemur út fljótlega.

En.....

Ég horfði á umfjöllun í Íslandi í dag, sem er í sjálfu sér stórmerkilegur andskoti því það hef ég ekki gert síðan þeir sykurhúðuðu þann þátt og máluðu bleiksanseraðan, en ég gat ekki misst af stórmerkilegri "umfjöllun" þeirra (kvarti) yfir að RÚV ætli að sýna einhvern þátt á sama tíma og þeir sýna Fangavaktina. Búfokkinghú.

Hafið heyrt um heimatilbúnar fréttir? 

Ekki?  Núna er tækifærið til að kynnast slíkum iðnaði.

Sko, ég veit að það er rosalega inn að kvarta yfir afnotagjöldum, auglýsingamismunun og öðrum dólgslátum RÚV á markaði en ég er því bara alls ekki sammála að öllu leyti.

Reyndar er ég illa pirruð út í sjónvarpsdagskrá ríkissjónvarpsins á s.l. sumri og ég hef starfsmenn innkaupadeildar grunaða um að hafa verið á launum hjá annarri stjónvarpsstöð eða þá að þeir hafi unnið að því leynt og ljóst að reka fólk til að teygja sig í verkfæratöskuna og ná sér þar í slaghamra í því augnamiði að auka söluna á flatskjáum.

(Hér kem ég upp til að anda).

Illa gert að bjóða upp á þann hroðbjóð sem var þar að finna um helgar í sumar.

Allir eru ekki í tjöldum úti í guðsgrænu rassgati munið það næst.

EN og það er stórt EN - ég vil ríkissjónvarp og það sem meira er ég þakka mínum sæla fyrir það.

Raunveruleikaþáttafaraldurinn á hinum sjónvarpsstöðunum er andlegt sjónvarpsofbeldi af verstu gerð.

Reyndar er lágkúran frí á Skjá 1 en á Stöð 2 á maður að borga fyrir ósómann.

En að kjarna málsins, ég er komin með upp í kok af þessu skólasjónvarpsfólki á Stöð 2 þar sem stjórarnir væla eins og kenjakrakkar ef allt er ekki eftir þeirra höfði.

Veit þetta fólk ekki hversu óþolandi svona fórnarlambsvæðing á eigin sjálfi getur orðið fyrir þolendurna (áhorfendurna)?

Svo ætlast þeir í alvörunni til að RÚV breyti sinni dagskrá að þeirra hentugleikum.

Get over it - heimurinn er töff, ætlið þið aldrei að fullorðnast?

Hættið þessu andskotans væli.

Svo má Katrín alveg vippa RÚV af auglýsingamarkaði, það er sanngirnismál og ekki orð um það meir.

Og að lokum:

Kæri menntamálaráðherra:  Í guðanna bænum ekki koma í viðtal hjá Íslandi í dag og gefa þar loðin svör um hvort þú munir beita þér í sýningartímamálinu ógurlega.

Þú átt ekki að blanda þér í rekstur ríkisstofnunar með þessum hætti.

Þér kemur það ekki við.

Og það átt þú að segja.

Skamm.

Hér er svo kvartklippið.

Ha?  Finnst ykkur ég pirruð?

Nei, nei, bara góð sko.

„Flest gengið mér í hag“