Bræðurnir Músarhjarta

 

Bræðurinr Músarhjarta þeir Ólafur og Guðmundur Klemenzsynir hafa víst sagt upp störfum hjá Seðlabanka og Landsspítala.

Gott hjá þeim.

En þeir sendu að vísu grímuklædda menn með uppsagnarbréfið.

Ágætt hjá þeim líka.

Ólafur mun einnig hafa sagt sig úr ESB nefnd Sjálfstæðisfokks og úr stjórn Neytendasamtakanna.

Svona er Reykjavík dagsins.

Það eru hlutir að gerast.

Afhenda uppsagnabréfs

Tryggvi - éttu innmat - og áríðandi skilaboð

Eftir að allt hrundi til grunna í haust og við fórum á höfuðið og stöndum þar enn, líður mér eins og mér sé haldið ofan í vatni.  Einstaka sinnum fæ ég að koma upp og anda og er rétt að byrja að fylla lungun af lofti þegar ég er keyrð á bólakaf aftur.

Það er gott að græðgis- og spillingarverkin séu að koma upp á yfirborðið - auðvitað - en hvern hefði órað fyrir hversu mikill andskotans óþverri þreifst (og þrífst enn) á bak við hin glæstu Pótemkintjöld gróðærisfurstanna?

Ekki mér og var ég þó aldrei með glýju í augum yfir "el þotots del jeppos und þyrlupallos and gleymum helvítis heiminn í einum bitavæðingunni". 

Í kvöld urðu mér á þau leiðu mistök að detta út yfir Stöðvar 2 fréttunum og vakna við að hafa sofið af mér fréttatímann MINN á RÚV og Kastljósið.

Það er nú ekki mikill skaði skeður svo sem þar sem ég horfi á hvorutveggja á netinu en gat verið að einn friggings fréttatími gæti liðið án þess að upp kæmist um enn eina lygina, siðleysið og klíkuskapinn í bankamálunum?  Nei, nei, nei.

Er það nema von að almenningur treysti engu lengur?

Er skrýtið að við treystum ekki stjórnvöldum sem ítrekað hafa lofað nýjum tímum, nýju fólki og nýjum vinnubrögðum?  Hvar er siðbótin?  Svara.

Það eru sömu jakkaföt í bönkunum og þeir ljúga sig bláa í framan.  Jakkarnir hafa í besta falli skipt um penna og bindi og víxlað skrifborðum.  Aular.

Hvar er bankamálaráðherrann?  Mun hann segja af sér vegna stórkostlegs klúðurs og handabakavinnu í eftirleik hrunsins?  Nei.

Mun bankastjóri Landsbankans vera látinn fara og allir hinir úr innsta hring gamla bankans?  Nei.

Mun Árni Matt segja af sér vegna brots á stjórnsýslulögum þegar hann réð Þorstein Davíðsson minna hæfan er þrjá aðra umsækjendur?  Neibb.

Mun einhver segja af sér vegna stærsta klúðurs Íslandssögunnar sem mun færa okkur aftur um áratug og skerða lífskjör okkar allra? Nei, nei, nei.

Mun einhver axla alvöru ábyrgð?

Ég ætla ekki einu sinni að svara þessu.

Tryggvi - éttu innmat og þið sem látið þetta viðgangast....

Stundum er best að þegja.

Jájá.

ÁRÍÐANDI SKILABOÐ FRÁ LÁRU HÖNNU

FRÉTTIN

Tryggvi hafði bein afskipti

Kreppusaga af kærleiks þar sem úllendúllendoff spilar stóra rullu

Kreppan hefur teygt krumlur sínar hér inn á kærleiks á fleiri en einn máta.

Í dag gerðust þau stórtíðindi að símanum mínum var lokað.

Það hefur ekki gerst í ár og daga. 

Eftir að hafa úllendúllað reikningana á menningarheimili voru hér á Teigunum lenti símareikningurinn vitlausu megin við úllenið.

Ég var hins vegar með þann einbeitta ásetning að borga á mánudaginn en svona gleymdi að láta fyrirtækið vita.

Þannig að ég gat ekki hringt.  Sem er slæmt. 

Ég hringdi samt úr gemsanum í fyrirtækið.  Sem er dýrt.

Bar mig aumlega, baðst afsökunar, hélt hálftímaræðu um bágindalegt ástand heimilisfjármálanna.

Hún hlustaði og var betri en nokkur sálfræðingur sem kostar hvítuna úr augum vorum. 

Ég bauðst til að taka uppvaskið í mötuneytinu og jafnvel fara út með ruslið.

Það varð þó ekki úr í þetta skiptið.

Hún opnaði samstundis og ég hefði getað sparað mér fyrirlesturinn.

En ég mun borga síma og aðrar útistandandi eftir úllenið í rauðabýtið á mánudaginn.

Og þegar ég les þetta hefði ég alveg getað gert þetta mun dramatískara en ég hef gert hér.

En ég geri það ekki.

Ég á nefnilega ekki vitund bágt...

nema ef vera skyldi fyrir að vera búandi á Nýslandi.

Og fá ekki að kjósa...

En ég elska ykkur öll..

eða nánast.

Okei, farin.

..eins og iðnaðarmaður á sterum

Ég skil vel þá skoðun Jóns Bjarnasonar þingsmanns VG á að heilbrigðisráðherra eigi að segja af sér en það er mun líklegra að Jón Ásgeir kaupi sér íbúð í verkó.

Óskhyggja kæri Jón.

Ég hef reyndar aldrei séð neina glóru í að láta frjálshyggjumann í þetta embætti.

En mergurinn málsins er þessi;

Guðlaugur Þór er að sinna hugðarefni sínu kæru Íslendingar.

Sem er auðvitað að þjösnast á heilbrigðisþjónustunni, minnka aðkomu ríkisins að henni og færa stóra hluta hennar til einkaaðila.

Nú er kjörið tækifæri fyrir Guðlaug Þór að láta til skarar skríða.  Það er komin kreppa, príma kjörlendi fyrir niðurskurð þar sem síst skyldi.

Spara, spara, spara og skera niður.  Það hvín í niðurskurðaröxinni.  Hviss og bang.

Það má þó segja þessum ástmanni frjálshyggjunnar til hróss að hann er að vinna vinnuna sína, blóðugur upp að öxlum að vísu en iðinn sem iðnaðarmaður á sterum.

Sem er meira en hægt er að segja um stóran hluta ríkisstjórnar.

Hefur einhver séð Björgvin G nýlega?  Mér datt það svona í hug af því að hann er ráðherra bankamála og hér hafa bankar farið á hausinn og allt er í upplausn í þjóðfélaginu.

Ó, kannski hann hafi gleymt því, nú eða einhver ekki látið hann vita.

Eða þeir hinir sem hvorki sjást né heyrast á þessum örlagadögum.

Enn í jólafríi?

Maður spyr sig.

Og þið kæru kjósendur Sjálfstæðisflokksins sem örkuðuð röggsamlega inn í kjörklefann í hitteðfyrra og settuð X við D.

Þið ættuð að hafa verið meðvituð um að íhaldið hefur aldrei lagt sig fram um að standa vörð um heilbrigðis- og félagsmálageirann.

Þið getið vart verið í alvörunni hissa og sár - ha?

Maður á ekki að segja svona en af því ég er komin með upp í kok af öllum sofandahætti landsmanna minna, til dæmis þeim sem sitja og býsnast og hneyklast yfir klæðaburði mótmælenda þá segi ég við ykkur.;

I frigging told you so!

 

Ráðherra segi af sér

Landsbankinn og skipuritið

Því miður þá lítur allt út fyrir að sú eina Elín sem hysjar sér úr Landsbankanum sé sú táknræna sem mótmælendur báru út í gær.

Flestir hafa haft á tilfinningunni að breytingar á stjórn gömlu bankanna hafi verið meira til málamynda en til breyttra áherslna með nýju fólki.

Ég nappaði þessu skipuriti "Nýja" Landsbankans, sem er í okkar eigu gott fólk, af eimreiðinni og þar má ljóslega sjá að stór hluti gamla gengisins er enn við stjórnvölinn.

Klikkið á skipuritið til að stækka.  (Nokkrum sinnum til að ná því í fulla stærð).

Eftir að hafa kíkt á þetta lauslega hugsaði ég með mér að það væri verið að blekkja okkur öll, enn eina ferðina.

Gegnsæi hvað?

Nýir tímar hvað?

Elín borin út úr bankanum

Dapurt Sigmundur Ernir - Og framsóknarbrölt

Ég veit ekki hvað þessi kreppa hefur gert mér eiginlega, nú fyrir utan hið fjárhagslega tjón sem allir Íslendingar, fæddir og ófæddir sitja uppi með.

Flest mín gömlu viðhorf eru fokin lönd og leið.

Ég er t.d. algjörlega búin að missa trú á íslensku flokkakerfi.

Mér finnst bægslagangurinn í Framsókn hlægilegur.  Alltaf sami grautur í sömu skál þar sem megin uppistaðan í grautnum er valdabrölt eiginhagsmunaseggja.

Framsókn er ekkert verri en aðrir svo sem, þeir eru reyndar að þessu núna og þá tekur maður sérstaklega eftir þeim og mikið gengur á, svo margir vilja komast að, hlýtur að vera eftir þó nokkru að slægjast. 

Þjóðarheill hvað?

Svo er borgarafundur í Iðnó annað kvöld. 

Ég hvet alla til að mæta.

Það á að ræða mótmælaaðferðir.

Jájá, alveg bráðnauðsynlegt eða hvað?

Ég persónulega styð öll mótmæli þar sem ekki er beitt ofbeldi.

Enginn á mótmælahreyfinguna, hún er sjálfsprottin úr grasrótinni.

Þar eiga allir jafnan hlut að máli.

Ég dáist að anarkistum fyrir þeirra framlag og ég hef ekki séð þá beita ofbeldi, þangað til; áfram krakkar.

Í öllum hópum má finna fólk sem ekki hagar sér.

Sjáið t.d. hann Óla Klemm og bróður hans.  Þeir voru þeir einu sem voru með ofbeldi af öllum starfsmönnum Seðlabanka og Landsspítala við Borgina.  Ha!

En ég er svolítið hrædd um að það eigi að fara að rífast um hvernig á að mótmæla, að ein mótmælaaðferð sé æskilegri en önnur.

Ég vara við því.  Það er auðvitað ekki hægt að gera stjórnvöldum meiri greiða en að draga athyglina frá skelfilegu ástandi í þjóðfélaginu með því að láta mótmælendur rífast um aðferðir.

En ég verð að minnast á hann Sigmund Erni sem bloggar einmitt um smekk sinn á mótmælendum.

Hörður Torfa er hetja.

Hinir andlitslausu ekki.

(Ég skil ekki þessi læti yfir því að fólk hylji andlit sitt.  Lögreglan hefur viðurkennt að eiga myndir frá öllum mótmælum, þó ekki væri nema þess vegna þá á þetta fullkomlega rétt á sér og svo ég tali nú ekki um að það sé undirstrikað að það eigi ekki að persónugera mótmælin frekar en hrunið).

Svo las SE fréttina í gærkvöldi þar sem talað var við Geir Haarde sem óaði og æjaði yfir lýðnum sem varnaði honum inngöngu í kasúldna Kryddsíldina.

Dapurt Sigmundur Ernir.

Bloggfærsla Sigmundar Ernis

Viðtalið við Geir Haarde

Hiti á fundi framsóknarmanna

Hreppaflutningar

Ég var ákveðin í að hrista deyfðina af mér og okkur hér á kærleiks og reyna að vera skemmtileg.

Er farin að hafa áhyggjur af því hversu allt fer beint í hjartað á mér á þessum síðustu og verstu og reiðin er hvítglóandi.

Ekki segja mér að reiði sé óholl.  Ég kæri mig ekki um það.  Það er andlega lamað fólk sem ekki finnur til reiði þessa dagana.

Mér tókst ekki, eins og sjá má, að hrista af mér reiðina og depurðina.  Enda yfir litlu að gleðjast.

Svo sá ég frétt af nauðaflutningunum á gamla fólkinu fyrir norðan.

Það er verið að taka það frá heimilum sínum (dvalarstað) og nauðungarflytja það á Kristneshæli þar sem það þarf að deila herbergi með öðrum.

Fyrir mörgum árum sá ég breska sjónvarpsmynd sem sýndi hvernig hjón þurftu að skiljast að þegar kom að því að fara á elliheimili.  Það var ekki í boði að búa saman.

Mér fannst það eins og í skáldsögu og hugsaði með mér að svona yrði það aldrei hér.  Jeræt.

Langamma mín hún Helga Óladóttir var látin til vandalausra ásamt öllum systkinum sínum þegar pabbi hennar dó úr lungnabólgu og hún var notuð sem þræll og á henni níðst allan hennar uppvöxt.

En það var fyrir svo löngu síðan.

Svo sé ég gamla fólkið tekið nauðugt og húrrað niður þar sem það kostar minna að GEYMA það.

Af því Gulli heilbrigðis er að spara.

Ég á ekki næganlega sterk orð til að lýsa tilfinningum mínum vegna þessa gjörnings.

Hreppaflutningur á öldruðum Íslendingum ætti ekki að vera inni í myndinni.

Ekki vera efst á listanum.

En þeir eru ekki hugrakkir í ríkisstjórninni og ekki við miklu að búast.

Þeir byrja á sjúklingum, börnum og gömlu fólki.

Fólki sem ekki er í aðstöðu til að bera hönd fyrir höfuð sér.

Ég skil ekki hvernig ráðherra þessa málaflokks getur horft í spegil.

Ég skil ekki hvernig ráðamenn á þessu landi geta sofnað á kvöldin.

En það er svo sem í lagi, ég þarf ekki að skilja það enda ekki í pólitík og svo sannarlega ekki á leiðinni í hana heldur.

Fréttin

Hálf hljómsveit í heimsókn og Össur; éttann sjálfur

 

Ég tók á það ráð í gærkvöldi að fara út að ganga til að ná úr mér reiðinni og hryggðinni vegna atburðanna á Gasa.

Það tókst upp að því marki að ég náði smá ró í hugann. 

Svo kom hálf hljómsveit í heimsókn á kærleiks.

Það var gaman og hér var töluvert hlegið yfir kaffibollum.

Nú blasir við verkefni dagsins, vikunnar, mánaðarins og ársins og áfram til eilífðar.

Sem er að stoppa í fjármálagat kærleiksheimilisins en möskvarnir á öryggisnetinu hafa stækkað óeðlilega mikið síðan í október og lítið má út af bera til að við húsband húrrum í gegnum hripleka öryggisvörnina og beint í gímaldið fyrir neðan.

En varðandi leiðarann í Mogganum í morgun, varnarræðuna vegna lokunar á bloggmöguleika við fréttir af hegðun kærleiksbræðranna Ólafs og Guðmundar Klemenzsona.

Þeir segja orðbragðið hafa verið of gróft og það hafi skort á tilhlýðilega virðingu og tillitssemi.

Hugs, hugs.  Ég er sek.  Ég skrifaði eitthvað á þá leið að ég vildi ekki vera sjúklingur á bekk með svæfingalækninn Guðmund sem verkstjóra á mínu meðvitundarleysi.  Að mig langaði að lifa lengur.

Ég held að ég hafi líka kallað þá bræður brúnstakka og ofbeldismenn.

Ég er enn sama sinnis.  Það er varla ærumeiðandi fyrir svæfingalækninn að fólk vilji ekki hafa hann við höfuðgaflinn þegar það er veikt, er það?

Ekki beinlínis traustvekjandi mynd af lækni sem birtist með fréttini fannst mér.

Hafa þessir bræður ekki sjálfir séð sér um að skrifa þessa viðbót í ferilskrána sína?

Ég held nú það.

Svo er vitnað í Össur sem skrifaði forpokaðan árásarpistil á blogg- og netsamfélagið.

Mikið skelfing skil ég Össur og alla hina í ríkisstjórninni vel - það er hundfúlt að hafa þennan háværa skríl segjandi skoðun sína alls staðar og virðingarleysi hans við stjórnvöld er í sögulegu lágmarki og tjáningin er hávær.

Oft á kjarngóðri íslensku, oft langt yfir markið.

Málið er að sú aðstaða sem íslenskur almenningur er kominn í er tilefni til upphrópana - og hver tjáir sig með sínu nefi.

Það er nottla ógissla pirrandi eins og sumir segja.

Ég sendi Össuri, félögum hans í ríkisstjórn, eftirlitsstofnunum ríkisins,  útrásar- og sjálftökuliðinu og öllum hinum höfundum kreppunnar, illskeyttar áramótakveðjur og með þeirri einu ósk að þeir pilli sig frá völdum og gefi landsmönnum tækifæri til að segja skoðun sína í kosningum.

En hálfa hljómsveitin bjargaði móralnum á kærleiks þannig að það er ekki allt sorglegt í heiminum.

Best að drífa sig í að fremja huglæga kviðristu á sjálfri mér vegna ömurlegs ástands heimilisbókhaldsins á nýju ári.

Horfur og framhald er mér hulið vegna þess að stjórnvöld eru í feluleik.

Vér bíðum spennt.

Umræðuhættir á netinu

Hæfir skel kjafti

Bloggheimar loga vegna myndbandsins af brúnstökkunum hans Davíðs.

Klemenssynirnir báðir og annar vinnur í Svörtu loftum sem hagfræðingur við hirðina.

Það má segja að þar hæfi skel kjafti.

Svo segir Ólafur Klemensson að sér hafi verið ógnað, að hann hafi verið að verja sig.

Þá er ljóst að Ólafur Klemensson er ekki bara ofbeldismaður og mjög ógnandi sem slíkur heldur er hann líka bölvaður lygari.

Það er hlaupin harka í spræka íhaldsmenn.

Baldur Hermannsson sem bloggar núna á Mogganum vill sjá hvítliða í baráttunni gegn mótmælendum.

Varðandi hinn Klemenssoninn Ólaf svæfingarlækni þá vil ég færa það til bókar, verandi kommúnistadrullusokkur samkvæmt skilgreiningu allra últra hægri manna á fólki sem ekki er hundrað prósent flokkshollt íhaldinu, að hvað sem fyrir mig kemur þá vil ég ALDREI liggja aumur sjúklingur á bakinu með þennan mann með mitt vökustig í sínum höndum.

Mig langar nefnilega að lifa lengur.

Svo bíð ég eftir að þessir opinberu starfsmenn sem eru í vinnu hjá skrílnum fái uppsagnarbréf á mánudaginn.

Ég gef mér nefnilega að þeir hafi brotið sínar starfsreglur sem hljóma einhvern veginn á þá leið að opinberir starfsmenn skuli ávallt sýna af sér prúðmennsku ásamt hellingi af öðrum framkomufyrirkomulögum sem mér sýnast í fljótu bragði ekki vera til staðar hérna.

En eitthvað er ég vondauf.

Skíthælar eru vel séðir í sumum stofnunum hins opinbera.

Mótmælendum ógnað á gamlársdag

Af fíflum í Kópavogi og annarsstaðar

Þegar karlinn sem kenndur er við Kópavog og finnst afskaplega gott að búa þar lét út úr sér í fréttum í vikunni að námsmennirnir í útlöndum sem beðið hafa eftir neyðarláni frá Lánasjóðnum síðan í október væri óþolinmótt "ungt" fólk þyrmdi yfir mig.

Í gærkvöldi horfði ég svo á Kastljós og sá Katrínu Jakobsdóttur og formann menntamálanefndar Sigurð Kára Kristjánsson sitja fyrir svörum vegna þess að af 119 umsóknum um neyðarlán hafi 7 fengið fyrirgreiðslu.  Þessar 7 fyrirgreiðslur voru afgreiddar daginn fyrir Þorláksmessu og verða greiddar út í janúar.

Neyðarlán minn afturendi.

Þau sátu þarna, Katrín og SK, ráðvillt á svip vegna þess að fyrirmælum þeirra hafði ekki verið sinnt af óhæfum embættismönnum kerfisins og það rann upp fyrir mér að það er sama hvar borið er niður - ekkert virkar.

Þarna gefur menntamálanefndin stjórn Lánasjóðsins tilmæli um afgreiðslu neyðarlána og hún er búin að vera að dunda sér við að fara endalaust fram á fleiri gögn á meðan fólk á ekki fyrir mat og húsaleigu.

Í mínum bókum er neyð eitthvað sem er aðkallandi og það strax. 

Ég fékk sömu tilfinninguna og þegar Geir var að svara því í október á hverjum degi nánast, að gjaldeyrisviðskipti væru alveg að komast í lag.

Við vitum hvernig það fór.

Það á að reka formann stjórnar Lánasjóðsins og hann getur bara fengið sér ást í Kópavogi eða eitthvað.

Hann hefur gjörsamlega hundsað tilmæli menntamálanefndar Alþingis.

Skilur þetta fólk ekki að meðal námsmanna er fullt af fólki með börn á framfæri? 

Og að námsmenn eru að missa húsnæði vegna vanskila og þeir eiga ekki fyrir brýnustu nauðsynjum?

Katrín og SK töluðu um að það yrði að boða til fundar í nefndinni strax eftir áramót.

Ég segi; gerið það strax.  Nógu stórt er klúðrið nú þegar.

Einhver verður að taka ábyrgðina og koma málinu í lag.

Þetta eru ekki einhverjar friggings tölur á blaði - það er lifandi fólk á bak við hverja umsókn.

Er enginn hæfur á neinu stigi í þessu kolbilaða samfélagi?

Arg

 

Menntamálanefnd fer yfir reglur um neyðarlán