Og litla gula hænan sagði ekki ég...

Skelfing verð ég hallærislega mikill almúgi þegar ég les fréttirnar af því að Randver Þorláksson, verði ekki með í Spaugstofunni í vetur.  Ég er sum sé að drepast úr forvitni sem hinn nafnlausi sjónvarpsáhorfandi.  Mig langar í alvörunni að vita hvað það er sem stendur ekki í fréttunum af þessu máli. 

Það vísar hver á annan hérna.  Randver segir ekkert, Örn vísar á Þórhall og Þórhallur á Randver.  Kommon, hver er ástæðan fyrir því að Randver, sem mér finnst einn af þeim betri í Spaugstofunni, er látinn fjúka?  Og fyrirgefið, má ekki setja upp leikverk, leikþátt, gamanþátt, fjölskylduþátt eða bíómynd án þess að Hilmir Snær skreyti þá með nærveru sinni?´

Mér finnst Hilmir Snær magnaður leikari en þeir eru bara svo margir góðir sem við eigum og suma sjáum við allt of sjaldan. 

Ég tek fram að þetta er svo sem ekkert hitamál hjá mér, enda enginn sérstakur Spaugstofufan síðustu árin, en ég horfi samt þegar ég hef ekki eitthvað annað spennandi að gera.  Mér finnst stelpnahúmor skemmtilegri, enda hefur maður fengið óverdós af karlahúmor í gegnum árin.  En Randver er flottur.  Hvað er í gangi?

Þegar maður segir A þá er það náttúrulögmál að á eftir fylgi B.. og

Komasho

Randver hættir í Spaugstofunni

Er þetta lélegur brandari?

Síðast þegar ég vissi var 16 ára fangelsi lífstíðardómur á Íslandi.  Hvernig getur maður sem dæmdur var fyrir manndráp að ásettu ráði fyrir níu árum, verið á áfangaheimili Verndar, eins og flottur maður?

Annar tvíburinn sem dæmdur var fyrir að drepa mann á hrottalegan hátt í Heiðmörk 1997, lét sig hverfa af áfangaheimilinu á sunnudag  og er hans nú leitað.

Halló, er ekki í lagi?  

Ég ætla rétt að vona að maðurinn sé ekki hættulegur umhverfinu.

Nú frussa ég af hneykslun.

 

 

Strokufangi fundinn

Halló, trúboðar óskast í miðbæinn um helgar!

 Í viðtali á sjónvarpsstöðinni Ómega, þar sem Geir Jón Þórisson, yfirlögregluþjónn, sat í fullum lögregluskrúða, þá er vænlegra til árangurs að róa miðbæinn með trúboðum fremur en lögreglumönnum.

Er það nema von að trú almennings á lögregluna sé á undanhaldi þegar einn af yfirmönnum hennar treystir fremur "stríðsmönnum" Guðs til að stilla til friðar en sínum eigin undirmönnum.

Geir Jón viðurkennir að vísu að hann hefði ekki átt að mæta í einkennisbúningi til viðtalsins. 

Svona til glöggvunar þá segir Geir Jón m.a. í viðtalinu.

"Það er verið að tala um að það þurfi að fjölga mikið í lögreglunni í miðborginni og annað til að taka á óeirðaseggjum, en það væri miklu betra að vinna það frá hinum endanum, að láta þá kynnast Drottni og breyta um líf og lífshætti og verða góðir og gegnir þegnar.  Það er líklega það eina sem myndi leysa þetta, að auka trúboð í miðbænum".. og áfram í sama dúr.

Það má auðvitað segja að það gæti verið sniðugt að trúboða fólk þar til af því rynni og hundskaðist heim.. úr leiðindum.

Kannski löggan prufi aðferðarfræði yfirlögregluþjónsins... í Jesú nafni.

Ég er með tillögu að trúboðum..

Hósíanna!

Í FIÐURMJÚKUM "MÖRMUM" MÍNUM

..sungu skátvibbarnir mínir,  þegar þeir voru litlir.  En þeir voru algjör krútt.  Mér datt þetta í hug þegar ég las þessa frétt þar sem ISG segist hafa "tekið" eftir því að Ísland væri ekki lengur á lista yfir hinar staðföstu þjóðir (þvílíkt nafn á stríðandi þjóðum).

Ég vil að utanríkisráðherrar þessa lands taki mig í fangið í pólitískum skilningi.  Segi við mig: Jenný Anna við gerum ekki neitt sem stofnar landinu þínu, þjóðinni og afkomendum þínum í hættu.  Við efnum ekki til ófriðar og við virðum rétt annarra þjóða til að ráða ráðum sínum.

Hm.. ég hvíli þessa dagana ekki í fiðurmjúkum "mörmum" utanríkisráðuneytisins.  Er til of mikils ætlast að ráðherrann (sem ég lít upp til og virði mikið), viti hvort við erum á þessum bölvaða lista eða ekki? Taki ekki bara eftir því einn daginn að við séum horfin af honum?  Eigum við að bíða eftir að vera sett eða tekin af honum, ef og þegar Bandaríkjamönnum dettur það í hug? 

Hvað varð um okkar eigin ákvarðanarétt?

Farið það í hoppandi, hvað ég er öryggislaus.

Súmí.

Ísland ekki lengur á lista yfir staðfastar þjóðir

TÖKUM FEGURÐARSAMKEPPNISLEYFIÐ AF LAUFDALNUM OG HENDUM ÞVÍ ÚT Í HAFSAUGA..

 

..þar sem tímaskekkjur eins og keppni í fegurð eiga heima, með réttu. 

Hann getur svo dílað við missirinn "innanhúss" eins og hann ætlar að gera í sambandi við ofbeldið sem MR-krakkarnir urðu fyrir í s.l. viku, af hendi dyravarða Broadway.

Starfslraftar Elínar Gestsdóttur nýtist örugglega betur á nýjum vettvangi.

Hvað er það með veitingamenn.... sem hm.. gerir þá frábrugðna

Og hana nú.

Elínu Gestsdóttur sagt upp störfum

ÞÖGGUN SKRIFAR JÓNÍNA BEN..

..og ég er eitt spurningamerki í framan.  JB skrifar um vinsældarlista Moggabloggs og bendir á að konur séu í fimm efstu sætum þessa lista (að margra mati mjög vafasama lista).  Svo skellir hún orðinu þöggun í fyrirsögnina. 

Ég spyr Jónínu, af því hún leyfir ekki kommment á síðunni sinni, hver er þöggunin?

Er ekki þöggun óviðeigandi orð hér?

Ég vil vita ef ég er fórnarlamb þöggunar.

Það er svo annað og alvarlegra mál að ég þagna ekki allan Guðslangan daginn.

Ójá

 

MORGUNSKELFING

Líf mitt er þrungið ægispennu og mikilli dramatík.  Það er aldrei nokkur friður.  Indíana Djóns hvað? 

Ég vaknaði hér í hægðum mínum (oj), í rólegheitum sum sé, og eftir morgunverk þá settist ég hér við að lesa Moggann.  Eitthvað undarlegt hljóð barst mér til eyrna, svona klikk, klikk, ósköp mjúkt og þægilegt bara og til að byrja með var ég alveg róleg yfir þessu.

Það rann síðan upp fyrir mér að þetta hljóð er ekki heimilisfast hér.  Á sem sagt ekkert með að heyrast.  Hvað var?  Ég hentist á fætur (okokok, stóð virðulega á fætur) og hóf leit að hljóði.  Ég óð um allt, ég fann ekkert.  Hugs, hugs, nú voru góð ráð dýr.  Það er með hljóð eins og verki, hvorutveggja er afleiðing af einhverju sem er að eiga sér stað.  Loksins varð mér rambað á útidyrahurðina.  Haldið þið ekki að borgarhliðið hafi verið opið og það beint inn í kastalann?

Ég skil vel að ykkur sé brugðið kæru gestir.  Hver hefði átt að skrifa ódauðlega pistla fyrir ykkur ef ég hefði fundist myrt í rúminu?  Eða eitthvað þaðan af verra (já það er hægt að lenda í verri hlutum en að drepast).

Málið er; hver á að taka sökina?  Ég eða húsband? Æi, ég er svo glöð yfir að hafa sloppið lifandi og ætla ekkert að vera að segja honum frá því að ég hafi farið út í sjoppu seint í gærkvöldi.  Hann gæti séð ástæðu til að ætla að ég hafi gleymt að skella á eftir mér. 

Ég slapp fyrir horn úr hurðalausu helvíti.

GMG

 

HVER ER AÐ FOKKA Í SÍÐUNNI MINNI..

..og annarra hér á blogginu?   Það stendur ekki steinn yfir steini, ég er margbúin að fara inn í stjórnborð og raða hlutunum eins og ég vil hafa þá, en allt kemur fyrir ekki.  Tónlistarspilarinn er meira að segja dottinn út

Laga plís.

Ég þoli ekki svona truflanir á mínu naglfasta lífi, það setur mig í UPPNÁM!

Ég er nú hrædd um það.

INNILOKARINN ÓGURLEGI

 

Þessi frétt minnnir mig á að ég hef lokast inni:

..í þvottavélum (hrmpff)

..í bílum

..í lyftum

..í eigin heimi

..í eigin húsi

..í meðferð ()

..á geðdeild (hm)

..í skápum

og í skotti á bíl

Ég hef enn ekki lokast inni á klósetti...

en ég fer í það næst.

Honníkomklóser!!

Úje

 

Komst ekki út af salerninu

DYRAVARÐAMARTRÖÐIN

Dyraverðir eru reglulega í fréttum vegna ofbeldis eða gruns um það.  Hvaða fólk er það sem finnur sig í þessu starfi?  Mér er sagt af ýmsum sem til þekkja, að oftar en ekki eru þetta steratröll og þegar verst lætur, áhugamenn um ofbeldi.   Tek fram að ég er ekki að alhæfa um alla "starfsgreinina" en ég hef heyrt og lesið um of mörg tilvik þar sem ofbeldi er framið, til að þetta geti verið tilviljun.

Nú lentu krakkarnir í MR í þessu á skemmtistaðnum Broadway s.l. fimmtudagskvöld.  Nemendurnir telja sig hafa verið beitta "óhóflegu" (hvenær er ofbeldi í hófi?) harðræði á dyravörðunum þar.

Arnar Laufdal Ólafsson framkvæmdastjóri staðarins ætlar í málið og segir það verða kannað og brugðist við því innanhúss ef þörf krefur.  Halló, býr þetta fólk í sjálfstæðu ríki innan ríkisins?  Rosalegur hroki er þetta.  Minnir á mafíuna, allt leyst heima bara.  Höfuð munu fjúka og allt það.

Ef ég ætti ungling í MR myndi ég fara fram á að skólinn kannaði þetta mál ofan í kjölinn.  Það hlýtur að eiga að vera nokkuð öruggt að skemmtanir á vegum skólans séu ekki beinlínis hættulegar og að ofbeldisfrömuðir séu ekki fengnir sem verktakar.

Æmsjokkdandfjúríus.

Úje

 

Hart tekið á MR-ingum