Samviskuspurning!

Ég vil að barnaníðingar, nauðgarar og aðrir ofbeldismenn, séu teknir úr umferð og þannig búið um hnútana að þeim sé gert eins erfitt fyrir að stunda viðbjóðslega iðju sína eins og hægt er.  

 Ég sá ekki Kompásþáttinn og get því ekki tjáð mig um hann, en ég veit fyrir víst að þar var lögmaður nokkur, nefndur með nafni og einhverstaðar heyrði ég að það hafi verið lögð fyrir hann beita.

Hvað um það.  Ég er að velta fyrir mér eftirfarandi:

1. Er rétt að nafngreina menn, áður en þeir hafa hlotið dóm?

2. Er siðferðilega rétt að leggja snöru fyrir grunaða barnaníðinga og nauðgara?

3. Hvar eiga mörkin að liggja?

Ég er einfaldlega að velta þessu fyrir mér vegna þess að þessar aðferðir hafa ekki tíðkast áður á Íslandi.  Ég man líka eftir manninum fyrir vestan, sem fyrirfór sér vegna greinar í DV.  Rannsókn á því máli var rétt að hefjast.

Hvað finnst ykkur?  Þetta er að þvælast fyrir mér, ég er einfaldlega ekki viss um hvað mér finnst.

Komasho í kommentakerfinu.

Hallokar dauðans!

Ég veit fátt hallærislegra en her.  Þeir eru allir með sama markinu brenndir.  Þeir eru að springa úr gamaldags karllægu viðhorfi og auðvitað er viðhorf þeirra til kvenna á miðaldastigi.  Hermenn myrða fólk en ólíkt öðrum morðingjum þá komast þeir upp með það refsingalaust.  Þeim er meira að segja hampað fyrir ódæðin sem þeir fremja.

Danska varnarmálaráðuneytið hefur lýst því yfir að ekkert hafi verið athugavert að birta mynd af þremur kvenkyns hermönnum þar sem þær sitja á hækjum úti náttúrunni og pissa.  Konurnar hafi gefið samþykki sitt fyrir myndatökunni.  Mér þætti fróðlegt að vita hvers vegna þær hafa samþykkt birtinguna.

Hörð gagnrýni hefur komið fram á myndbirtinguna í Danmörku og hefur því m .a. verið haldið fram að birting myndarinnar sé tákn karlrembuviðhorfs og kynjamismunar innan danska hersins

Nú bíð ég eftir að danski herinn gefi út myndabók með karlkynshermönnum sínum að kúka, að þvo á sér "vininn" og fleira í þeim dúr.  Það hlýtur að vera hægt að fá strákana í myndatöku, svona í nafni jafnréttis, eða hvað?

Ætli það sé stór markaður fyrir myndir af pissandi og kúkandi hermönnum í Danmörku?

Niður með her, þó´ann sé ber.

Úje

Ráðuneyti ver myndbirtingu af berrössuðum kvenhermönnum

Ég er svo fegin...

 

..að ég heiti ekki Maximus.  Mér myndi finnast ég búin að öllu, upp í topp og hefðu engu við neitt að bæta.

..að ég er ekki mamma Britneyjar Spears, því þá liði mér eins og mér hefði mistekist uppeldið hrapalega.

..að ég er ekki fluga á vegg hjá Geira á Goldfinger, því þá væri ég í pjúra útrýmingarhættu.

..að ég er ekki íbúi Þvagleggsumdæmisins.

..að ég tók ekki Lúkasinn á fréttirnar af ótímabærum dauða Lúkasar.

..að ég er ekki Sjálfstæðis- eða Framsóknarkona.

..að ég  hneigist ekki til ofbeldis, því annars væri réttarkerfið í vondum málum.

..að ég trúi á sjáfa mig fyrst og fremst í bland með almættinu.

..að ég trúi því að flestar manneskjur séu í eðli sínu góðar.

..að Dúa vinkona mín fitnar og fitnar og getur þar af leiðandi ekki stolið svörtu kjólunum mínum.  

 

Æmsóexætidædjöstkanthæditt!

Úje! 

Ef, ef, ef, ef...

..karlinn minn ætti fyrrverandi viðhald (gegnir aðeins öðru máli ef það væri núverandi) og hún myndi flytja til Reykjavíkur frá einhverri holu utan að landi, myndi ég hugsa; ok, þetta er frjálst  land, hún getur svo sem búið hérna í bænum, þessi herfa, en OMG hvað hún skal halda sér á mottunni. 

Ef fyrrverandi viðhald (gegnir enn öðru máli með núverandi viðhald) myndi flytja í götuna mína, þá myndi ég banka upp á og segja "this street ain´t big enough for both of us".  Alveg dedd ákveðin á því.

Ef ég hinsvegar væri meðvituð um viðhöld, fyrrverandi og núverandi, sem mér væri verulega uppsigað við, væri ég auðvitað búin að fleygja karlinum út fyrir löngu, búin að vingast við viðhaldið og hefði hreint ekkert út á hana að setja.

En þetta er alltsaman svona ef dæmi.

Ég er biluð, ég veit það.

Cry me a river!

Úje

Ástkonan elti Beckham til Bandaríkjanna

Ekki stór munur á kúk eða skít!

Ég hef verið að fylgjast með OJ-málinu á CNN og Fox.  Ég hef fylgst með sérstaklega á Fox, vegna þess að það er með ólíkindum hvernig þeir fara fram í þessu máli (sem og öðrum reyndar), en þeir eru svakalega heitir út í OJ og eru auðvitað ekki einir um það.  Þeir fullyrða að hann sé sekur um morðin á fyrrverandi konu sinni og vini hennar.  Ég held að það sé ekki fjarri lagi, en þeir eru "on a mission from God" og láta einskis ófreistað til að koma OJ eins illa og þeir geta.

OJ er búinn að vera í stöðugum útistöðum við löginn frá því hann slapp við dóm 1994.  Ég held að það sé nokkuð ljóst, að hann er sannanlega ofbeldismaður og óþverri og gott ef ekki morðingi líka.  Nú vona Bandaríkjamenn að hann fái að sitja inni vegna vopnaða ránsins sem þeir ætla að negla hann á núna.  Maðurinn er samviskulaust kvikindi, það er alveg ljóst.

Svo er það Goldman fólkið, sem fær ágóða af ósmekklegustu bók heimsins, þessa dagana, "If I did it" eftir OJ.  Peningar eru góðra gjalda verðir en Jesús minn, hvað fólk má vera vandaðra að virðingu sinni.  Núna kefjast þau minjagripanna sem OJ var að "ná" í með þeim afleiðingum að hann situr nú í fangelsi. 

Ef einhverjir peningar eru til ráðstöfunar, af hverju í ósköpunum renna þau ekki til barna OJ? Móðurlaus og með þennan föður, ættu þau að fá þessa peninga og eiga þá í raun með réttu.

Meira hvað fólk getur lagst lágt.

Goldman-fjölskyldan krefst minjagripa Simpsons

Black and beautiful!

 

Ég hef átt marga þeirra í gegnum tíðina.  Ég hef elskað þá næstum jafn mikið og börnin mín, dúllað við þá, klæðst þeim með stolti og safnað þeim meðvitað eins og ég hefði átt að safna peningum, en það hefur ekki tekist enn.  Ég get svarið það að ef ég hefði ekki gefið frá mér þessar elskur í gegnum tíðina, eins og bjáni, þá er ég viss um að ég gæti notað hvern einasta einn, í dag.  Þeir eru nefnilega allir nánast eins, bara spurning um efni eða smá breytingar á sniði, eftir því sem tískan hverju sinni gefur tilefni til.

Sá litli svarti hefur aldrei verið í eintölu hjá mér.  Ég á fleiri en einn og fleiri en tvo.  Miðað við að ég er nánast fullkomin og ætti með réttu löngu vera farin að svífa um alheiminn í nirvana, þá hefur þessi eini löstur (jeræt) haldið mér á jörðinni.

Nú um stundir eru  sex litlir svartir í umferð.  Sá nýjasti bara mánaðargamall.  Ég er svarta konan.  Er eins og lakkrísmoli til fara, svei mér þá.

Ég hef bloggað um "alla svörtu kjólana mína" (orð míns heittelskaða þegar ég þykist ekki eiga neitt til að fara í) nokkrum sinnum, þannig að af því má sjá að þeir eru mér hugleiknir.  Annars er erfitt að vera fatasjúkur og ætla að láta taka sig alvarlega í leiðinni.  Það er eitthvað svo yfirborðskennt.  En lífið er ekki fullkomið.

En hvað um það.  Harrods í London er með sýningu til heiðurs litla svarta kjólnum og ég er óvirkur alki með fatavandamál og kemst ekki á sýninguna. Tuff shit!

En ég er samt voða glöð.

Stelpur eigum við að kíkja í búðir um helgina?

Úje 

Litli svarti kjóllinn heiðraður í Harrods

LAUFEY OG JÓHANNA

Laufey Ólafsdóttir (www.lauola.blog.is), formaður Félags einstæðra foreldra og Jóhanna Sigurðardóttir, félagsmálaráðherra, eiga aðdáun mína alla, þessa dagana.  Laufey fyrir að leggja nótt við dag til að ná eyrum stjórnvalda, vegna óásættanlegrar stöðu í húsnæðismálum einstæðra foreldra og Jóhanna fyrir að bregðast skjótt við, eins og hennar er von og vísa og svara kallinu.

Það er gjörsamlega óþolandi að í ríka þjóðfélaginu sem allir eru að monta sig af, skuli einstæðir foreldrar þurfa að sofa í bílum með börnin sín, ganga á milli ættingja til að fá gistingu eða að þurfa að kúldrast í alltof litlu neyðarhúsnæði, Félags einstæðra foreldra.  Nú er lausnin í sjónmáli.

Ég dáist að þeim stöllum og vildi óska þess að það væru fleiri sem gengu rakleiðis til verks og hættu að tala í ljóðum, innantómum loforðum og búllsjitti.

Ég held að ég vilji hana Laufeyju á þing.  Þarna fer ung kona með réttlætiskennd og úthald í slaginn sem þarf alls ekki að vera neinn vindmylluslagur.

Hattinn af fyrir flottum konum.

Úr fréttum Rúv í gær varðandi málið.

http://dagskra.ruv.is/streaming/sjonvarpid/?file=4338429/0

Pirringsblogg!

Það gat nú verið, helvítis, djöfulsins, andskotans skortur á virðingu fyrir prívatlífi manns.  Hér fer ég með bílinn í skoðun, lendi á algjörum hálfvitum,  sem skoða fjandans ökutækið og ætla að ræna mig aleigunni fyrir nokkra mínútna vinnu og það er komið í blöðin, þó það hafi fokið í mig við djöfuls karlana þarna í skoðunarstöðinni. 

Sko, ef þeir hefðu ekki ætlað að okra svona djöfulli, andskoti og helvítis mikið á mér þá hefði ég auðvitað ekki brotið djölfulsins rúðufjandann þarna hjá þeim.  Og svo hringdu mannfjandarnir á lögguhelvítin.

Það er ekki nokkur virðing borin fyrir minni fjandans persónu.

Hehe, smá hugleiðing um orðaforða þess, sem sér sér ekki fært að leysa málin á eðlilegan máta.

Ég keyri ekki og hef aldrei í bifreiðaskoðun komið nema á annarra manna bíl.

Ég er eins og hin fíflin sem eru stöðugt að blogga í tilraunaskyni.  Segi svona.

Góðan daginn og er ekki bölvaðekkisens lífið í góðum gír bara?

Æmsóhappí!

Úje

Reiddist rukkun fyrir endurskoðun

Biluð spákona, bloggvinaþrif, undarlegheit og alkar.

 

Ég var í rannsóknum í morgun og þá bíður maður á biðstofu.  Ég er voða glöð með að ég les aldrei glanstímarit nema á biðstofum, þannig að biðin verður ljúf.  Ég las völvuspána í Ísafold fyrir yfirstandandi ár og komst að því að völvan sú er ekki starfinu vaxin og ætti að skipta um djobb.  Fór Margrét Sverrisdóttir fram fyrir Samfylkinguna í vor? Eða dró Árni Johnsen sig af lista Sjálfstæðisflokks? Tók Frjálslyndi flokkurinn inn ógissla mikið fylgi frá Sjálfstæðisflokknum og það út á innflytjendamál?  Æ dónt þeink só.  Reka konuna.

Ég tók heldur betur til í bloggvinalistanum mínum í dag ().  Tók Ajax rúðuvökva á skjáinn og pússaði fésið á hverjum einasta bloggvina minna, þar til þeir glönsuðu allir.  Hí á ykkur sem hélduð að ég væri að henda út mínum eðal vinum í bloggheimum.  

Dagurinn hefur verið undarlegur eins og allir mínir dagar.  Ég bókstaflega á ekki til orð yfir skringileika þessa dags.  Ég týndi eiturgulu gúmmíhönskunum mínum, Bördí og veskinu mínu, en fann aftur fuglinn og veskið.  Hefur einhver rekist á gúmmíhanskana?  Þetta er aldurinn, eftir að ég varð miðaldra, man ég ekkert stundinni lengur.  Var ég búin að spyrja ykkur (djók)?

Sáuð þið vitalið við hann Einar Ágúst í Kastljósinu í kvöld?  Mikið rosalega fannst mér hann flottur að koma fram með sína baráttu við alkahólismann og öllu sem því fylgir.  Flott fyrirmynd strákurinn.  Það þarf ábyggilega töluvert hugrekki til að koma fram fyrir alþjóð og tala af hreinskilni og heiðarleika um þennan hroðalega sjúkdóm.  Látið mig þekkja viðkomandi sjúkdóm. Já, já.

Annars er ég góð, bara. 

Úje 

 

Þegar skrattinn hittir ömmu sína!

 

Ég er svo illgjörn að ég get ekki annað en brosað að fólkinu sem daðraði hvort við annað á netinu og komust að því - of seint - að þau voru að dufla hvort við annað.  Er hægt að fá betri lexíu í að haga sér?

Þegar ég var í námi í Svíþjóð, átti ein skólasystir mín í ástarsambandi við giftan mann.  Við supum hveljur yfir sögunum sem hún sagði okkur, spenningurinn í lífi hennar var skelfilegur og ég fékk í magann þegar hún á mánudögum setti okkur vinkonurnar inn í atburði helgarinnar.  Ekki misskilja mig, mér fannst spennan vond en sumum fannst hún góð, eins og gengur.

Svo kom vor.  Vinkonan fór á kaffihús með elskhuganum.  Þau stóðu á torgi Gustavs Adolf niðri í Gautaborg og hann kyssti hana bless.  Þetta var fyrsti vordagurinn, sólin skein og fuglarnir sungu og ladídadída, allur sá væmnispakki (fyllið í eftir þörfum).  Hún fór heim, hann eflaust líka.

Í GT daginn eftir var þessi yndislega vormynd á forsíðu blaðsins.  Þau að kyssast á torginu og fyrirsögnin var: "Ástin og vorið blómstra í Gautaborg". 

Kona elskhugans var ekki voða glöð með myndina af eiginmanninum og þau skildu.  Vinkonan snarkólnaði þegar maðurinn var allt í einu á lausu.  Hún snéri sér að næsta gifta manni.

Hún er enn að en hún forðast ljósmyndara eins og heitan eldinn.

Jag ringer på fredag!

Jajamensan!

Daður á netinu endar með skilnaði