Pirringsblogg!

Það gat nú verið, helvítis, djöfulsins, andskotans skortur á virðingu fyrir prívatlífi manns.  Hér fer ég með bílinn í skoðun, lendi á algjörum hálfvitum,  sem skoða fjandans ökutækið og ætla að ræna mig aleigunni fyrir nokkra mínútna vinnu og það er komið í blöðin, þó það hafi fokið í mig við djöfuls karlana þarna í skoðunarstöðinni. 

Sko, ef þeir hefðu ekki ætlað að okra svona djöfulli, andskoti og helvítis mikið á mér þá hefði ég auðvitað ekki brotið djölfulsins rúðufjandann þarna hjá þeim.  Og svo hringdu mannfjandarnir á lögguhelvítin.

Það er ekki nokkur virðing borin fyrir minni fjandans persónu.

Hehe, smá hugleiðing um orðaforða þess, sem sér sér ekki fært að leysa málin á eðlilegan máta.

Ég keyri ekki og hef aldrei í bifreiðaskoðun komið nema á annarra manna bíl.

Ég er eins og hin fíflin sem eru stöðugt að blogga í tilraunaskyni.  Segi svona.

Góðan daginn og er ekki bölvaðekkisens lífið í góðum gír bara?

Æmsóhappí!

Úje

Reiddist rukkun fyrir endurskoðun

Athugasemdir

[Sunna Dóra Möller, 18.9.2007 kl. 08:49]

.......sjitt ég hélt þú værir að meina þetta í alvörunni! Góðan daginn annars og jú lífið er bara í ágætis gír ...alla vega enn sem komið er...........

[Hildigunnur Rúnarsdóttir, 18.9.2007 kl. 08:52]

hahahahahahahah :D :D :D

[Huld S. Ringsted, 18.9.2007 kl. 08:56]

Ég var farin að halda að maðurinn minn væri farinn að skrifa á bloggið þitt!!

[Jenný Anna Baldursdóttir, 18.9.2007 kl. 08:59]

Hahaha, ég átti í verulegum vandræðum með að ýta á "vista" þegar ég var búin að skrifa þetta.  Er svo vel upp alin.  Muha

[Heimir Lárusson Fjeldsted, 18.9.2007 kl. 09:34]

Habblaha.

[Kristín Katla Árnadóttir, 18.9.2007 kl. 09:37]

hahahaha

[Bjarndís Helena Mitchell, 18.9.2007 kl. 10:54]

Góðan daginn sömuleiðis.

[Brynja Hjaltadóttir, 18.9.2007 kl. 23:25]

Ég fór með bílinn í skoðun í fyrra...það vantaði tvær perur í afturljósin, sem höfðu verið í lagi kvöldið áður. Ég fór á næsta verkstæði og lét skipta um perurnar, var komin aftur hálftíma seinna en neinei...varð að borga 1500 kall fyrir endurskoðun. Mig langaði nú alveg að brjóta eitthvað þá. Þjófar og ræningjar...ekkert annað.

Endurskoðun innan sólarhrings ætti að vera ókeypis. Eins og heimsókn til læknis. Og hana nú...

[Jenný Anna Baldursdóttir, 19.9.2007 kl. 00:03]

Sammála Brynja, algjört okur og glæpamennska.

[dvergur, 19.9.2007 kl. 01:58]

Þeir hljóta hafa átt þetta skilið hjá Frumherja. Ég neita að trúa öðru.

[Rétt er rétt (IP-tala skráð) 19.9.2007 kl. 13:58]

Endurskoðun er frí ef þú kemur samdægurs en kostar 1200 ef þú kemur eftir það.

Hún hefur aldrei kostað 1500 kr hjá Frumherja svo sagan gengur ekki alveg upp