Vafasamt og siðlaust alla leið

Stundum er haft á orði að Sjálfstæðismenn séu öðrum fremur leiðitamir, húsbóndahollir og að þeir tali sem einn maður.

Þannig var það að minnsta kosti á meðan Davíð var formaður og alveg fram að síðustu kosningum með einstaka upphlaupi óþekktaranganna í flokknum.

Sorglegt þegar flokksmenn liggja á sannfæringu sinni og samræma skoðanir sínar að skipunum að ofan.

Enn sorglegra er að Sjálfstæðisflokkurinn í Kópavogi lýsir yfir víðtækum stuðningi við Gunnar Birgisson, áður en niðurstaða rannsóknar er fyrirliggjandi. 

Ganga þeir með dulda þrá til að tortíma sér eða er sú þörf algjörlega meðvituð og utanáliggjandi?

Það er þá ekki í fyrsta sinn sem þeir falla á sverð.

Ég held að það hefði verið gáfulegra og vænlegra til árangurs að bíða skýrslu frá endurskoðanda áður en traustsyfirlýsing er gefin út.

Kannski er pólitíkin hjá meirihlutanum í Kópavogi eins drullupottur.

Ommm - omm - omm.

Hvernig er hægt að treysta svona flokk?

Ég segi að það sé spilling eða siðleysi að dóttir bæjarstjórans hafi fengið 500 þúsund krónur á mánuði að meðaltali s.l. 9 ár.

Ég segi að það sé spilling að borga fólki háar upphæðir fyrir verk og ganga ekki einu sinni eftir að þau séu fullunnin.

Þessi plastmappa sem sýndi var í fréttunum og er eins og skólaverkefni smábarna getur ekki kostað háar fjárhæðir.  Halló.

Ég tel að það sé í hæsta máta vafasamt að leita ekki tilboða og ráða venslamenn til starfa.

Siðleysi alla leið sýnist mér að minnsta kosti.

Er allur flokkurinn á því að þetta sé viðunnandi verklag?

Það hlýtur að vera, hann lýsir yfir víðtækum stuðningi við formanninn.

Og hann þarf ekki einu sinni að bíða eftir niðurstöðu rannsóknar.

Já hver andskotinn.

En nú stendur það upp á Framsókn að slíta samstarfinu.

Annars kemst ekki hnífurinn á milli þeirra og íhaldsins.

DV um málið

Athugasemdir

[Finnur Bárðarson, 21.5.2009 kl. 20:35]

Víðtæk samstaða um áframhaldandi spillingu, þannig er nú siðferðið þar á bæ.

[Brjánn Guðjónsson, 21.5.2009 kl. 20:53]

spillingin er unaðsleg og hlyindin við kjötkatlana líka.

[Einar Indriðason, 21.5.2009 kl. 20:59]

Þú komst með svarið sjálf.  Um leið og þú sagðir "sjálfstæðisflokkurinn", þá þurftirðu ekkert að fara lengra.

Ég er á þeirri skoðun þessa dagana, að það mætti alveg að ósekju siga meindýraeyði á alla flokksbundna D-ara......

[Helga Magnúsdóttir, 21.5.2009 kl. 21:44]

Svo er menntamálaráðherra að láta athuga viðskipti LÍN við fyrirtæki dótturinnar á meðan Gunnar var þar stjórnarformaður. Þræðir spillingarinnar liggja víða og örugglega á enn margt eftir að líta dagsins ljós.

[Lilja Guðrún Þorvaldsdóttir, 21.5.2009 kl. 22:56]

Þetta lyktar allt eins og spilling, þó Gunnar I. Birgisson segi að þetta sé bara skítapólitíkin í Samfylkingunni að reyna að koma á sig og dótturina óorði.  Þá er þetta allt með ólíkindum. 

[Hanna (IP-tala skráð) 22.5.2009 kl. 01:27]

Sæl Jenný!

Framsóknarflokkurinn í Kópavogi sér heldur ekkert rangt við gjörðir Gunnars "og félaga" (ef þeir félagarnir hafa e-h haft um það að segja) -  skv. fréttum. Eru búnir að vera  í samstarfi í 3 ár, þ.e.a.s. Framsókn + "Gunnar+ félagar "!

[Ía Jóhannsdóttir, 22.5.2009 kl. 07:09]

Innilega til hamingju með stúdentinn!  Vá hvað mér finnst langt síðan ég grét yfir mínum stúdentum en samt svo ótrúlega stutt.  Vona að dagurinn hafi verið ykkur öllum ánægjulegur.

[Ía Jóhannsdóttir, 22.5.2009 kl. 07:11]

Þessi kveðja skrifast auðvitað á færsluna hér á undan.

[Ingibjörg Hinriksdóttir, 24.5.2009 kl. 00:04]

Hanna, Framsókn er búin að vera í hækjur (eða skækjur eins og frambjóðandi til formanns Framsóknar orðaði það svo smekklega)  Gunnars og co frá árinu 1990.

Jenný, það má vera að pólitíkin í Kópavogi sé eins og drullupottur, af því að þar vill bæjarstjórinn vera. Ég skrifaði 5 pistla um reynslu mína af pólitíkinni í Kópavogi á bloggið mitt í febrúar. Þarf greinilega að fara að bæta nokkrum pistlum við eftir síðasta útspil.