Hví plástur?

Ég sá mann í fréttunum áðan sem ég veit engin deili á en hann eða hluti af honum vakti óskipta athygli mína.

Hann var með plástur yfir eyrað, sko yfir hlustina og út á kinn.

Algjörlega glataður staður til að setja plástur á, ekkert undir.

Ég hugsaði; af hverju er maðurinn með plástur þarna?

Er hann að koma í veg fyrir að kuðungurinn rúlli út?

Er þetta hlið sem á að varna flugum inngöngu í eyra?

Þetta er enn óráðin gáta.

Og nú get ég örugglega ekki sofnað í kvöld.

Það kemst ekkert annað að í hausnum á mér.

Fjandinn sjálfur.

Athugasemdir

[Hrönn Sigurðardóttir, 19.5.2009 kl. 20:58]

Kemur í stað húfu! Hann er ábyggilega eyrnabarn............

[Þorkell Sigurjónsson, 19.5.2009 kl. 20:59]

Ágæta Jenný.  Ég er nokkuð öruggur á, að hann var nýbúinn að raka sig og rakvélin skóf aðeins neðan af eyrnasneplinum. Sel þetta ekki dýrara en ég keypti það. Kveðja.

[Lilja Guðrún Þorvaldsdóttir, 19.5.2009 kl. 21:01]

Skil þig mjög vel, hugsaði nákvæmlega þetta sama, og missti af öllu sem maðurinn sagði.  - Það var eitthvað svo absúrd að sjá mannin með plásturinn svona ólögulega settan á, á þessum stað, hann gat ekki einusinni hafa skorið sig við rakstur á þessum stað á andlitinu.

- Og afhverju í ósköpunum lét spyrillinn,  eða þeir í myndstjórninni, ekki þessa tvo viðmælendur skipta um sæti,  þá hefði fókusinn verið á málefninu sem þeir voru að tala fyrir, en ekki allur á þessum fáránlega plástri.

[Brjánn Guðjónsson, 19.5.2009 kl. 21:23]

innra eyrað var á leið út. þetta kallast eyrna-gyllinæð.

[Guðrún Una Jónsdóttir, 19.5.2009 kl. 21:42]

Hlauparar plástra á sér nefið og telja sér trú um að þeir nái betri tökum á önduninni. Kannski Norðmaðurinn hafi haldið að hann heyrði betur ef hann plástraði á sér eyrað....... Honum leist allavega ekki á að við gengjum í Evrópusambandið......Heia Norge !

[Hrönn Sigurðardóttir, 19.5.2009 kl. 21:48]

...ég hélt að hlauparar plástruðu á sér brjóstin....

Hef ég misskilið eitthvað?