Vindvélaheilkennið aftur

Eru vindvélarnar í Júróvisjón að koma sterkar inn í ár?

Mér fannst vel flestir keppendur (ekki okkar samt) standa í ofsaroki á sviðinu núna eins og ég bloggaði um í morgun.

En enginn, ég ítreka enginn, hefur verið meira svag fyrir vindvélum en Svíarnir.

Ég hef ekki tíma til að ná í mörg dæmi, er bissí sko, en skelli hér inn einu.

Samt eru Svíar alls ekki svona Títanik-standa-í-stafni-og-grenja-manneskjur, en það virðist einhver væmni heltaka þessar elskur þegar blásið er til Júróvisjón.

Guð var með hina sænsku Carolu í huga þegar hann hannaði vindvélina en hin trúaða Carola hefur barist öðrum fremur við manngerða veðurguði á Júrósviðum í gegnum tíðina.  Svo rammt hefur kveðið að þessu að hún flutti óð til stormsins árið 1991 sem heitir bókstaflega; "í miðju stormsins" sem er hundleiðinlegt melódía, en þá bar svo við að vindmaskínan var lítið notuð.  Hins vegar fékk klæðaburður Carólu og dansspor marga Júrónöttara til að teygja sig í sjálfsmorðskittið.

Ég þoli ekki leikmunaveðurfar.

Svo ógeðslega væmið og yfirborðskennt.

Hér er Carola í 14 vindstigum og stendur sig eins og hetja.

Það má sjá að konan hefur þokkalega trú á manngerðu roki.

Annars var ég að leita að rokvídeóinu með Eyfa þegar hann barðist hetjulega við að halda hárinu föstu við hið guði gerða statíf sem tókst að einhverju leyti en ekki öllu. (Forkeppnin áttatíuogeitthvað.  Hverjum er ekki sama?)

Því næst þegar ég sá hann (löngu seinna reyndar) var hann orðinn mörgum hárum fátækari.

Vídóið með rokinu fannst því miður ekki.

En hér hins vegar  paródía á Nínu hans Eyfa sem einhverjir Júrónöttarar í Noregi gerðu og er tær snilld.

Úje.

Later.

 

Eurovision-keppandi skelkaður

Athugasemdir

[Óskar Þorkelsson, 15.5.2009 kl. 22:00]

Carola er æðisleg :)

síðasta tóndæmið var bara snilld :D aumingja Eyvi

[Hildur Helga Sigurðardóttir, 15.5.2009 kl. 22:07]

Það gustar af gustinum í ár !

[hilmar jónsson, 15.5.2009 kl. 22:08]

Norway - Nína =12 points..

[Jens Guð, 16.5.2009 kl. 00:27]

  Mikið er ég glaður yfir að evróvisjón hafi framhjá mér farið. 

[Jónína Dúadóttir, 16.5.2009 kl. 06:53]

Ég er greinilega að missa af miklu

[Ía Jóhannsdóttir, 16.5.2009 kl. 09:24]

Leikmunaveðurfar hehehe.... ég man nefnilega eftir þrumugerðavélinni  hjá Ríkisútvarpinu heheheh 

[Jenný Anna Baldursdóttir, 16.5.2009 kl. 10:41]

Tökum eftir því í kvöld þegar vindvélarmennirnir eru farnir í pásu og láta búlgarana á tækin.

Það verður hvasst.  Mæómæ.