Í villtu klobbaswingi.

 

Ég veit að áhugi á Júró er í hámarki og allir að pissa á sig úr spenningi.

Grillin verða tekin fram og fólk brennir dýraleifar eins og enginn sé þriðjudagurinn.

Til hamingju Ísland og ekki drekka ykkur rænulaus og missa af úrslitunum.

En þýska lagið hef ég séð.  Það er swing, nokkuð laglegt bara.

En Þjóðverjar eru auðvitað á því eins og margir (með réttu), að lagið sé ekki aðal issjúið.

Lúkkið, fötin, og dansararnir (aulahrollur) geta haft úrslitaáhrif.

Vitið þið að miðað við vægast sagt martraðakennda tónlistarsmíð í þessari "keppni" þá skil ég vel að sumir skuli grípa til örþrifaráða.

(Já Jóhanna er flottust og Norsarinn líka).

Þýska júrónefndin (eða eitthvað) hefur fengið burlesque drottninguna Ditu von Teese til að sveifla píkunni í takt við lagið.

Það er pottþétt leið til að fá fólk (lesist menn) til að hætta að hlusta og byrja að horfa.

Dita er fræg fyrir að sýna hálfan klobba hér, hluta úr brjósti þar, rasskinn og rasskinn á stangli.

Munið þið eftir laglínunni úr frábæru lagi úr revíunni Búbónis?

"Og næfurþunnum náttkjólum hún klæðist - svo næstum sést þar allt í gegn"?

Þarna settu þeir bræður Jón Múli og Jónas Árnasynir ómeðvitað af stað skemmtilegan kynfærafeluleik.

Það sást næstum því en ekki alveg.  Úje.

Ég legg til að í næsta Júró verði lögin öll á playbacki, söngvararnir líka og svo geta þeir mæmað úti í horni bara og við fáum inn atvinnuklobbadísir og sveina til að kitla atkvæðagreiðslufingurnar.

Þá fyrst stendur Júró undir nafni.

Enda hata ég Júróvisjón og ætla að horfa í kvöld.

Þetta er himnaríki þeirra sem elska að fá þykkan, gerðarlegan og langdreginn aulahroll.

Fullnæging hvað?

Hér er svo þýska lagið sem mér finnst bara ágætt en án Ditu perrarnir ykkar.  Hún á heima í Ameríku og getur ekki verið að dingla sér til Þýskalands í einhverja undankeppni.  Brjálað að gera í nektinni sko.

Nektardansmær í Evróvisjón

Athugasemdir

[Ben.Ax. (Benedikt Jóhannes Axelsson), 16.5.2009 kl. 11:25]

Norðmenn eiga gott hús.

[Gagarýnir (IP-tala skráð) 16.5.2009 kl. 13:47]

Lagið er ekki eftir þá bræður, heldur Ragnar og Jónas, bara svo því sé til skila haldið.

http://frontpage.simnet.is/jommi/_Textar/hagavagninn.htm

[Ía Jóhannsdóttir, 16.5.2009 kl. 18:00]

Sem sagt Baby Doll í Dúr og Moll.  Góða skemmtun í kvöld.

Dísuss hvað ég hlakka til að lesa fréttirnar á morgun um hvað við hefðum svooooooooooooooooo átt að vinna keppnina.

Þessi meðfædda bjartsýni landans getur stundum farið yfir öll mörk.

[S. Lúther Gestsson, 16.5.2009 kl. 23:11]

Við höfum reynt þetta standpínu trix líka. Sendum myndarlegasta homma sem við fundum á Íslandi og kynþokkafyllstu ljóskurnar (fyrir tíma sílikons).

Vacumpökkuðum öllum skrílnum í svart latex og létum þau liggja ofan á hvort öðru og skaka sér í 3 og 1/2 mínútu. Stelpurnar voru viku að plokka latexið í burtu.

Muniði hvernig getnaðarlimurinn á Palla kom út á sviði vacumpakkaður?

Jenný á kannski lýsingarorð yfir það,  ekki ég allavega.

Árangurinn minnir mig neðsta sætið.

[Hilmar Gunnlaugsson, 16.5.2009 kl. 23:39]

Söngvakeppnin er leyfð öllum aldurshópum og gjörningur sem þessi á síður heima þar. Athæfið er því í senn ósmekklegt og siðlaust.