Í kompaníi við óvininn?

Ég var að lesa þessa frásögn á Eyjunni.

Matthías birtir dagbækur sínar á síðunni sinni og segir frá allskyns ljótum hlutum um vinstri menn.

Samkvæmt dagbók á Svavar Gestsson að hafa sagt honum frá eyðslusemi Ólafs.

Fyrirgefið en er Moggaritsjórinn sem þá var líklegur trúnaðarmaður eins af oddvitum vinstri manna?

Kannski, en mér þykir það ólíklegt.  Samt finnst mér skrýtið ef maðurinn er að uppdikta sína eigin dagbók.

Mér finnst ósmekklegt að vera að tala um kostnað við meðferð fyrri konu Ólafs Ragnars, hver borgaði og svona. Konan var fársjúk og lést síðan af sjúkdómi sínum.  Mér þætti jafn leiðinlegt að lesa um það hver sem í hlut ætti.

En af því að Matti hefur haldið svona nákvæma dagbók yfir samskipti sín við pólitíska andstæðinga, hver er þá að halda dagbók yfir miður fallega hegðun íhaldsins í gegnum tíðina?

Sá Matthías enga ástæðu til að skrásetja laumusamtöl sín við forystumenn Sjálfstæðisflokksins?

Eða gerði hann það en sér ekki tilganginn með að birta það á síðunni sinni?

Einhvern veginn held ég að þessar birtingar á þessum tímapunkti séu ekki tilviljun.

En eitt veit ég eftir lestur dagbókanna, að Moggaritstjórarnir hafa verið nálægt því að eiga Ísland á þessum tíma. 

En samt er ég svolítið hrifin af Matthíasi.  Hvernig er annað hægt?  Maðurinn skrifaði hina frábæru samtalsbók við Þórberg Þórðarson, "Í kompaníi við allífið". 

Svo er hann skáld maðurinn, ég er svo ógeðslega svag fyrir skáldum, einkum ljóðskáldum.

Svo er engum alls varnað.

 

Athugasemdir

[Gísli Baldvinsson (IP-tala skráð) 18.8.2008 kl. 12:54]

M er gott skáld . . . segir það ekki allt sem segja þarf?

[Jenný Anna Baldursdóttir, 18.8.2008 kl. 12:59]

Gísli: Góður.

[Sigrún Jónsdóttir, 18.8.2008 kl. 13:26]

"Spuninn" er kominn á fullt hjá meisturum íhaldsins.

[Einar (IP-tala skráð) 18.8.2008 kl. 14:00]

"spuninn"?  bíddu, er maðurinn ekki bara að segja frá því sem gerðist?  Ekki voru kommúnistar mikið að tala um "spuna" þegar menn fóru að skoða gömul skjöl um Nató og símhleranir.

Mér finnst stóralvarlegt mál ef sitjandi forseti hefur gerst sekur um glæfralegt sukk með almannafé, en það var svo sem fyrirséð að fólk eins og Sigrún myndi hlaupa til í hendingskasti og emjandi og skrækjandi fara að kenna Sjálfstæðisflokknum um þetta allt.  Sumir eru nefnilega duglegir við að finna öðrum allt til foráttu en mega aldrei sjá skugga kastað á glansmynd þá sem þeir hafa af foringja sínum. 

[Jenný Anna Baldursdóttir, 18.8.2008 kl. 14:09]

Einar: Ég á engan foringja, ég tilbið enga og hef ekki gert.

Hvað meinarðu með "fólk eins og Sigrún"?.

Ég er hins vegar upptekin af þeirri hugsun varðandi birtingu á þessum dagbókarfærslum Matthíasar, ef við gefum okkur að þarna sé sannleikurinn á ferð, var það ekki sagt í trúnaði og vissi fólk sem talaði við hann að samtölin yrðu birt opinberlega?

Mér finnst þetta bara eitthvað til að velta fyrir sér, því það eru engar smá ávirðingar sem þarna eru bornar á fólk.

Og svo er spurninginn, hefur forsetinn farið illa með almannafé?

Ég veit ekki til þess.  Ég veit ekkert um reikninga forsetaembættisins.

[Einar (IP-tala skráð) 18.8.2008 kl. 14:16]

Enda beindi ég þessu ekkert sérstaklega að þér, heldur meira að Sigrúnu og Búkollubaular.

Mér finnst ekkert ósmekklegt að tala um læknismeðferð eiginkonu hans, á embættismaður að geta seilst í vasa almennings án leyfis eða umboðs og það látið óátalið bara af því að það er svo mikið stílbrot að vekja athygli á því?  Ekki svo að skilja að ég sé að saka einn eða neinn um eitt eða neitt, en vissulega á að rannsaka þetta mál ofan í kjölinn.  Það sem Jón Baldvin segir í dag (og þekkist þessar sögur) sýnir týpíska kratanálgun á málið; koma því yfir á annan og axla enga ábyrgð.

Skiptir einhverju máli hvort hlutirnir voru sagðir í trúnaði?  Ég veit ekki betur en að vinstrimenn hafi löngum verið duglegir að vitna í "trúnaðar"samtöl t.d. í Baugsmálinu og annað slíkt og ekki séð neitt athugavert við slíkt.

"Fólk eins og Sigrún" er fólk sem dúkkar alltaf upp þegar skurðgoðin eru gagnrýnd, oftar en ekki á vinstrivængnum.  Fólk sem þreytist aldrei á að fullyrða að það eigi sér engin skurðgoð, en má samt aldrei heyra hallað á foringja sumra flokka.  Sama fólkið og þreytist seint á því að fullyrða að allir Sjálfstæðismenn sjái ekki sólina fyrir Davíð Oddssyni.  

Minnist bara á þetta, og tók svona til orða, vegna þess að það er óskaplega gaman að sjá "svona" fólk gripið í bólinu á þennan hátt.  Um leið og fram koma fullyrðingar um ójafna fortíð sumra sem voru forðum (og eru ef til vill enn) Kim-Jong-Il-ískir leiðtogar vinstrimanna, þá er strax, á nýju heims- og ólympíumeti, stokkið á þá ályktun að um hreinan og kláran spuna hægrimanna sé að ræða. 

[einar (IP-tala skráð) 18.8.2008 kl. 14:34]

http://www.visir.is/article/20080818/FRETTIR01/128422034

Þá vitum við það, ekkert óeðlilegt í þessu máli, annað en að reikningurinn var sendur á vitlausan stað.   

[Ásdís Sigurðardóttir, 18.8.2008 kl. 15:18]

Mér finnst kommentið hjá Gísal það besta. 

[Jenný Anna Baldursdóttir, 18.8.2008 kl. 16:04]

Einar: Það er eins og hægri mönnum finnst að sumir eiginleikar séu bara til vinstri.  Aðallega slæmir eiginleikar.  Er þetta ekki bara til í öllum?  Held það.

Já og auðvitað fékk konan þá meðferð sem allir aðrir hefðu fengið.  Held amk. að árið 1998 hafi Sjálfstæðisflokkurinn ekki verið farinn að ástunda einkavæðingarþreifingar í heilbirgðiskerfinu.

[Lilja Guðrún Þorvaldsdóttir, 18.8.2008 kl. 16:43]

Er þetta ekki dapurlegt árið 2008 að enn skuli þurfa "persónulegt níð" jafnt á "látna sem lifandi" Íslendinga til að beina athyglinni frá ljótum gjörðum og illu athæfi fyrrum Forsætis og utanríkisráðherra landsins okkar. -

Svona haga þeir sér,  þegar þeir sem getið er hér fyrir ofan og þeirra "bakland" -  verða málefnalega rökþrota,  þá fara þeir alltaf í sama sandkassaleikinn. -

Jafnvel þó þeir viti,  að það, að svívirða minningu Frú Guðrúnar Katrínar Þorbergsdóttur, - Er það sama og svívirða þjóðina alla. -  Og þá virðingu sem þjóðin ber fyrir minningu hennar. 

Blessuð sé minning Guðrúnar Katrínar Þorbergsdóttur.

[Jenný Anna Baldursdóttir, 18.8.2008 kl. 17:01]

Lilja Guðrún: Takk fyrir þetta.